اليوم الثامن عشر
الأثنين
29 / 8 / 2022






اليوم متواعدين نروح نتريق بره تجهزنا وطلعنا الجو بريدات






شارعنا هادي





على ما ينزلون العيال قلت اشيك على بطاقة الماستر كارد طلع فيها 311 دينار كويتي قلت بشوف جم باوند يطلع





زين نعمة


والريسبشن
















وهذا السايق توه جديد بالبرنامج مصري
يقول انا مدرب اولاد كرة قدم ومفتر على اندية دول الخليج يبي يشتغل بس ما قبلوه او العرض ما جاز له

المهم حسين قاعد جدام ما خلى صورة من تلفونه يراوينا ويراوي حسين
نقول له حرك يقول بس اروايكم ونمشي وكل اشارة يفتح يراوينا

اسمه محمد ويقول انا كنت بفريق انجليزي ادرب الناشئين بس طلعوني لاني ما كنت منتظم بالدوام





ووصلنا مطعمنا















نطرنا دورنا بالتمشي بنفس الشارع








وهني حسين يقول خلونا نتريق هني احسن
























والحمدلله صار دورنا ودخلنا




المنيو





الديكورات














فلات وايت لي والبنات نوعو




















وحسين عصير برتقال









وهذه طلباتنا في بيض بالجبن وفي باللبنه



وهذا اومليت



















































طلعنا على الشارع الرئيسي بنشوف محطة الباصات
وشفنا المحلات اللي مقابل تقاطع * ليبرتي * كنا قراب يعني
المهم دخلت محل توري بورش
اعجبتني السكارفات تهبل










صعدنا حسين تكسي مايبي باص










وصلنا مكانا نشوف بالجزء الياي ...

نكمل معاكم ..



وصلنا وجهتنا هذه ضروري اروح لها ولو مرة وحدة وحسين عدة مرات وما يرضى ماروح معاه

طبعا عرفتوه نادي تشيلسي وخاصة المحل مالهم










الفندق مالهم وشفنا هالبنات لابسين لبس الكرنفال
لان بهاليومين فيه كرنفال بلندن








حسين يتقدم الوفد








وهذا طوفتهم * جدارهم * التاريخي من اول تأسيس له
وطبعا معلقين عليها صور لاعبين لهم تاريخ وبطولات اخذوها مع الفريق ومعلومات عن اللاعب














































حلوو ان يظل اسمك وعملك في مكان انجزت فيه الكثير













ودخلنا المحل



كؤوسهم




الملابس لكل الاعمار والاجناس



































شريت حق حمادة البدلة كامله وكرة صغيرونه وقلت لهم يكتبون عليها قالو ربع ساعه تاخذ قلت مو مشكله




وقفت دانه بدالي ورحت انطر




كل شي بسعره موضح عند الكاشير






قعدت على الدرج تحت انطرهم يخلصون





طبعا في اشياء وايد وشغلات حلوه





وهذه حسين يقول يمه اخذها وتسوينها لي قلت له مابي هههه
عاد ماشراها




























خلصنا وطلعنا













للحين غيوم










































وننطر الباص الحين بالشارع








وخريطة الباص طبعا للي ما يعرف موجودة بأغلب محطات انتظار الباصات







يتبع

نكمل طلعاتنا



وصلنا هالشارع اكيد عرفتوه












طبعا هارودز ونودعه





بادين بتزيين احتفالاتهم مبجر



















































عندنا كرت هارودز تجمعون نقاط فيه
دانه كانت حاجزه صالون الاظافر فيه

وانا رحت اشتري من الهدايا وحطيت النقاط فيه مع منال بعد استخدمناه صورة عند كل وحدة فينا




بعد ما شريت ككاو مجهزينه حق الهدايا حلال كله اخذت منهم وشريت اغراض الجيس صار ثقيل
قلت للكاشيريه ما توصلون الفندق قالو لا ووحده قالت بفلوس ووحدة قالت ان نقدر نحطهم عند الكونسيرج وتاخذونهم متى ما خلصتوا

وافقت وحطينا اجياسنا عندهم وعطوني رقم
الكونسيرج مكتب بره بالخلف اول مره اعرف مكانه





وقمت اتمشى بين الادوار













شفت منال عند لوي فيتون والا تقول عطوني موعد بعد ساعه

والا ذاك اللي شفته مع البنات وقال اي شي تبين قولي لي

قلت له هاي طبعا بكمل لكم بالعربي
قلت له بناتي سافرو وهذه بنتي بعد تبي جنطة بس وايد الوقت اللي عطوها قال ايي اعرفج واستانس يحليله الياباني
شنو تبي اي جنطة نوع
طلعت له الصورة وراح سيدا يابها لها وقال لها اطبع احرف اذا تبين
قالت له خاف ياخذ وقت قال لها الحين خمس دقايق قالت له يلا

وماشاءالله بربع ساعه الا اهي خالصه


تقول حق حسين خالتي سوت لي واسطة








هني قعدات كافيه شيمي شو يطلون على الدرج بس الانتظار طوييل طابور واقفين الحريم والبنات








حسين ومنال اطلعوا عقب ماقعد حسين بالكافيهات بره









وبعدين تعبت من الفرة قلت حق دانه بروح اتغدى وتعالي وراي

رحت مطعم الشيف رامسي ما اكلت منه ذاك اليوم والحمدلله مافي زحمة تدخل وتقعد




وهذا المنيو



ووصل طلبي






الصمونة كبيرة طبعا انا نصها بس





كرات جبن والصوص لذيذ




يت دانه وطلبت نفسي








والفاتورة



والحمدلله طلعنا بعدها للكونسيرج ناخذ اغراضنا بعد ماشرت دانه ككاو حقها












من الطريج




















حسين متغدين بمسكوف











ولا احلى من الراحة بعد التعب والبراد





نزلنا ودانه يايبه لي برييد من البقالات



ورحنا الاكسفورد وبريماك وغيره تمشي وتسوق

هذه صور تمشية حسين










هذا اهو الكويتي مهما سافرنا الشوق يرجعنا لاحلى وطن



المهم انا والبنات رحنا السوق وانا بعد التعب شفت مال العصير قلت اخذ عصير على ذوق امون فراوله بالرقي








اخذت وصورت هالصورة انتبهو





ما مداني الا القلاص ارتفع فوق ولف لفة معتبرة يالله صدته ههههه مسكته وشوفو ماشربت بس طاح منه





هنديه واقفه اهي وعايلتها عطتني عين معتبره ولحد ما مسكت القلاص وهي مبحلقة فيني

لحقت البنات حق دزني ستور





















































في درج وفي اصنصير













وطلعنا الى صيدلية بوتس












لألم البنات ضروري تاخذون الوردي وكل مانروح ناخذ اثنين تعرفون ما يعطون وايد انا اخذت اربعه هالمره ماقال شي





خلصت طلعت انطر ولد اخوي وعايلته بيشوفوني باجر بيسافرون







عقب ما شفناهم وسولفنا معاهم كملنا تمشينا بالاكسفورد








رجعنا الفندق والعشا طلبنا كنتاكي ووصل بسرعه حار ولذييذ جداا ومتابعه مسلسلي





چنه الممثل ياكل الذرة ههه



تصوير حسين الليلي








وخلص يومنا ونومة هنية ونتابع باجر ايامنا الباقيه في لندن

حسين وتشيلسي قصة حب أبدية
بس تصويره رائع ما شاء الله
لقطة هارودز الليلية محترفة

حتى تصوير الأكل بالجزء هذا فيه احتراف
تصويرك ولا تصوير البنات اعترفي أحسن لك


هارودز ما ينمل منه
المطاعم والكافيهات اللي فيه روعة
حتى الأسعار معقولة
أكثر ما يعجبني قسم العطور
فيه عطور حصرية لهارودز

ما يستفاد منه :
القواري = الدراجات

ياسلام ايه اليوم الحلو دااا 😂😂
عجيب يومكم وايد حلو
حديقة الريجنت وايد احلى من الهايد بارك احبها .. ام حسين هذا حلو برتغالي اسمه دي ناتا
كافيه جو بيفتح بالكويت قولي حق حسين
كل شي حلو في هاليوم من انشطه ومطاعم عليكم بالعافيه