الزين كله في لندن

توبليرون · 14-01-2023, 08:46 PM

اليوم التاسع عشر
الثلاثاء 30 / 8 / 2022

اصبحنا واصبح الملك لله
ها بس بروحي قعدت وبدلت مبجر واقعد دانه نووم
قلت لها بروح اتريق وتعالي وراي

وقلت بروح بريت اللي بآخر الشارع مقابل الهيلتون

ومشيت ومشيت واخيرا وصلت هههه
واخذت ريوقي وقعدت

ماشاءالله مزحوم من الموظفين

يشترون ويطلعون قليل اللي يقعدون زي حلاتي لا شغل ولا مشغلة

شفت هالحلوة واختها
وتأكدت انها اهي لأن معطتني ظهرها

الشيف سوسن صاحبة حساب ومطعم * سوسن مطبخي *
بالكويت عندنا

خلصت وقمت سلمت عليها وقلت لها حلاته الحين الشحتورة مالتج وضحكنا وسولفنا شوي

وطلعت للباص وقلت حق دانه انا سابقتج السوق بخلص شغل اليهال مال المدارس

اقدم عمارة للعرب بالاجور رود عليها سوالف بالمنتدى سابقا
وصعدت الباص للاكسفورد

نزلت عند مارك سبنسر واقعد يمكن ساعتين وفوق اتمشى واتشرى لليهال للمدرسة وللشتاء ومنال يت وراي وقامت تتمشى بعد وتتشرى
حاسبت وطلعت طبعا لا تشوفون الاجياس

وقلت حق منال خل اوديهم الفندق وارجع بريماك مادشيته عدل
قالت انا اخذهم واروح خليج خالتي وانا معاها مايصير تقول خالتي يصير

وراحت حبيبتي وارجعت عقب

(( في الباص تقول ريال كبير يقول لها ليش شاريه وايد جذيه بالكويت كلشي موجود ))

تقول انا ولا كلمة هههه مايدري ان هالاجياس مو بس لها

ودانه طبعا كانت يايه قلت لها انا بدش بريماك

ودشيت وتشري بعد
وابوحسين توه يفكر بالكوت

اشتري لي كوت بيج تلاقينه ورا ههههه

وانا اصور له

طلع هذا اللي يبيه واخذته له وانا اخذت رمادي من القسم النسائي

خذيت حق البنات هذيل مع الفرو منزلينهم جديد وخذيت لهم بيجامات صوغات لهم واخذت للعاملات جاكيتات واسكارفات شعر

واحلى وداع لبريماك بس خلصنا بضاعته هههههه

قلت له وقف انا احب بريماك بعد قعد يضحك وانا اصور

واحلى قعدة ونطره على ما يخلصون البنات

شكيتا واعلان على الباص

انطر البنات واتطمش على الرايح والياي وتشوفون خفة زحمة الخليجين

ترى مو حجاب وردي شعر لونه وردي

حسين رايح هني طبعا

سندويشة التونا اللي لازم ياكل منها كل يوم

وبعدين راح وهذا طريجه لمحطة القطار

حسين بيروح حق مباراة تبدي الساعه 10 بالليل
في مدينة ساوثامبتون

ومع مشجعين تشيلسي

نرجع حق حسين بعدين ..

طبعا احنا رجعنا الفندق وقطينا اغراضنا وصلينا وطلعنا انا ودانه ومنال تقريبا الساعه 3 بنروح نتغدى قالت دانه الباص يضيع تروحون بتكسي وحجزت ويانا التكسي ورحنا
وبعد تذكرة الباص انتهت لازم نعبيها وما يسوى وطبعا اذا صعدنا ممكن نستخدم كرت البنك عادي ياخذون ون باوند بكل مره

يتبع

المواضيع المتشابهه
الموضوع	كاتب الموضوع	المنتدى	مشاركات	آخر مشاركة
الصين تعدل نظام تأشيرة السعوديين لدخول الصين	alradadi	بوابة الصين وهونج كونج	4	04-12-2018 09:42 PM
افضل شركات الشحن في لندن	Hind sa	بوابة بريطانيا	3	22-11-2018 01:18 AM
خبراء لندن ( جدول لزيارة لندن )	محمد mk	بوابة بريطانيا	2	14-06-2018 07:28 AM
استفسار بسيط بخصوص المصروف اليومي في لندن .. الى خبراء لندن !!	omar1987	اوروبا	7	05-10-2015 09:28 PM