صيفيه في القارة الأفريقيه 2022

Kuwait _84 · 10-12-2022, 09:21 AM

ماشاء الله تبارك الرحمن الرحلة ممتعه وأكثر من رائعه لي فتره بخاطري جنوب أفريقيا بس الاغلب يقول ماتصلح للعيال عندي ست سنوات و١١ سنه وشلون ع السواق ع اليمين خصوصا انه بالخليج ع اليسار التقرير اكثر من رائع وبانتظار البقيه بس عندي استفسار بخصوص الاكل للحوم هل حلال ولا تسالون ولا شنو الوضع وجزاكم الله خير

Jeep, توبليرون و ماجد القطري معجبون بهذا.

أم نووووف · 10-12-2022, 09:57 AM

اقتباس : المشاركة الأصلية كتبت بواسطة Kuwait _84

ماشاء الله تبارك الرحمن الرحلة ممتعه وأكثر من رائعه لي فتره بخاطري جنوب أفريقيا بس الاغلب يقول ماتصلح للعيال عندي ست سنوات و١١ سنه وشلون ع السواق ع اليمين خصوصا انه بالخليج ع اليسار التقرير اكثر من رائع وبانتظار البقيه بس عندي استفسار بخصوص الاكل للحوم هل حلال ولا تسالون ولا شنو الوضع وجزاكم الله خير

غريبة!! اللي قالولكم ما تصلح للعيال هل سافروا جنوب افريقيا أصلا؟!!
الحمد لله، البلد تصلح للعيال والشباب والكبار.
نحن لما زرناها أول مرة كان أصغر عيالي عمره خمس سنوات،
ومرة ثانية لما ساروا ويانا أخو زوجي كانت بنتهم عمرها حوالي 3 سنوات،
وبفضل الله الكل استانس هناك.

السواقة عاليمين مب صعبة،
بس أول يوم يكون الواحد متخربط وبعدين تصير الأمور تمام.

الأكل الحلال متوفر في كثير من المطاعم،
وإذا سألتهم يقولون إذا حلال وإلا لا.
واللحم والدجاج الحلال متوفر في السوبرماركت،
عندهم لحم بقر، خروف، نعام،
للي يحب يستمتع بالطبخ بنفسه في البيت.

Jeep, توبليرون, q8ya metnaqla و 1 آخرون معجبون بهذا.

Kuwait _84 · 10-12-2022, 12:34 PM

يسلموووو يالغاليه ماقصرتي حبيبتي بإذن الله نخليها بالمخطط

Jeep و توبليرون معجبون بهذا.

Jeep · 10-12-2022, 03:52 PM

اقتباس : المشاركة الأصلية كتبت بواسطة Kuwait _84

ماشاء الله تبارك الرحمن الرحلة ممتعه وأكثر من رائعه لي فتره بخاطري جنوب أفريقيا بس الاغلب يقول ماتصلح للعيال عندي ست سنوات و١١ سنه وشلون ع السواق ع اليمين خصوصا انه بالخليج ع اليسار التقرير اكثر من رائع وبانتظار البقيه بس عندي استفسار بخصوص الاكل للحوم هل حلال ولا تسالون ولا شنو الوضع وجزاكم الله خير

اهلا فيك

كفت ووفت اختي ام نوف ومثل ماقالت الديرة امان وفيها نشاطات كثيرة

والشعب حنون وطيب كثير خصوصا مع الاطفال

السواقة سهله ولا حسينا بفرق كبير بس اول يومين مثل ما ذكروا

فيه مطاعم مكتوب عليها من الخارج حلال Halal ودايما تقدروا تسالوا

وكل منتجاتهم من السوبر مكتوب عليها نفس الشي

حياكي وتسعدني متابعتك

توبليرون و q8ya metnaqla معجبون بهذا.

Jeep · 10-12-2022, 05:12 PM

وصلنا السكن بحمد الله في نايزنا

وهذه المرة حجزت من Airbnb

Knysna Quays Accomodation

تقع في الوتر فرونت وعجبتني فلة دورين وثلاث غرف وتكفي ٦ اشخاص

كل المواقع اللي سكنا فيها مسورة وفيها كاميرات والدخول مشددين عليه

الحوش الامامي

من شاف المدير الفيلا بطل يروح اي مكان

ونص الفعاليات تكنسلت .. تضررنا كثير

بها ثلاث دورات مياه اكرمكم الله

الجو كان معتدل مائل للبرودة ولكن للاسف الكهرباء طفت اول مادخلنا

الجلسة الخارجية احلى شي

كان الوقت عصر وقلنا نروح نتغدا بالوتر فرونت - الواجه البحرية - قبل ما يقفلو

وهذه المناظر الجميلة

ورشة مطر على كيفكم

ووقع اختيارنا على مطعم اوشن باسكت

بتوصية الجميع... انه ممتاز ولازم نجربه

ولكن للاسف ماعندهم كهرباء وقال مايقدر يجيب اي طبق مقلي

طلباتنا مشوية او مطبوخة

المطعم ممتاز والاطباق صحية ولذيذه

مرينا على بقاله واخذنا مفرحات ورجعنا للفيلا

وهذا الدور الثاني غرف النوم

الحمامات اكرمكم الله فخامة

الفيلا كانت رائعة ومن اروع السكنات اللي سكنا بها

كلفتنا الفين وستمية ريال لخمس ليالي تقريبا

ولكن تبقى مشكله الكهرباء مالها حل

وايضا ماء الحنفيه لما نعبي البانيو اخضر

لا يصلح للشرب طبعا ولكن يمشي حاله للاستخدام

وبكذا مضت اجمل عشر ايام في جنوب افريقيا

وبقية الرحلة في القاردن روت ان شاء الله

توبليرون, q8ya metnaqla, ملاك و 1 آخرون معجبون بهذا.

المواضيع المتشابهه
الموضوع	كاتب الموضوع	المنتدى	مشاركات	آخر مشاركة
استفسار عن رحله صيفيه لكليفورنيا	Meme Bahrain	بوابة امريكا	9	29-03-2018 08:12 AM
استفسار لرحله صيفيه باذن الله	عشقي السفر	تركيا	30	01-03-2018 08:18 PM
رحلة القارب في منطقة انترلاكن ؟	jacksparrow	بوابة سويسرا	1	07-05-2017 09:46 AM
رحلة القارب في منطقة Lucerne ؟	jacksparrow	بوابة سويسرا	2	01-05-2017 10:05 PM
رحلة صيفيه الى اندونيسيا اتمنى المساعده	SomiahH	بوابة اندونيسيا	6	17-03-2016 10:51 PM