صحيت بدري خوفا من زحمه المنفذ توجهت الي بودفا للتريح كم يوم و تسليم السياره من ثم التوجه الي دوبرفينيك (لان اتكلم عن بودفا تكلمت عنها قبل) وصلت لنفس المنفذ الي انلطعت فيه ذاك اليوم بس هل مره ماخذ مني 10 دقايق بس نفس الزحمه في الدخول( المشكله من البوسنين) لاحظو الزحمه في الدخول



بعدها ندخل على الجمهوريه الجميله الحديثه😍

و العوده من نفس الطريق الي جيت منه كوتور بعده بودفا اول شي سويته يوم وصلت بودفا رحت لمحطه الباصات اشتري تذكره دوبرفينيك السستم متخلف جدا عندهم اما تشتري تذكره اليوم او بكره بعد يومين مستحيل يعطيك تذكره يقول اليوم و بكره بس هذا النظام الشكوي لله رحت ارجع قرنبعانو اخذ مني45 يورو حق حكه بالصدام الخلفي انا ماخذها تامين شامل بس يوم قلت له عصب مدري ليه 😂 عطيته و مشيت

يوم السفر الي دوبرفينك كان مع شركه فلكس باص المشهوره في اوروبا باصاتهم مميزه خضراء التذكره 25 يورو و 5 يورو الشنطه باص مريح و المسافه اصلا قصيره كلها 93 كيلو نزلنا للحدود الحبل اللسود مع كرواتيا كله على بعض ماجاء 10 دقايق كانو بشوشين الطرفين ولاكن المركز الحدودي مافبه دورات مياه ولا بقاله نشتري ماء ولا شي



و من تدخل كرواتيا الشوارع تتغير تتوسع تتصلح القري الكرواتيه احلا

وصلت موقف الباصات و طلعت اتفاصل مع تكسي طلب مبلغ عالي😳 صدمني رفضت و رحت غيره اكثر من واحد طالبين نفس المبلغ اخر شي فهمت انه في شي اسمه كونا كرواتيا😂 هذا الي يسافر بدون بحث و بدون تخطيط مايعرف العمله😂 طلع عندهم عمله و انا كنت اتصور انهم عضو في اليورو 😂 اليورو الواحد يساوي 7.5 كونا كرواتيه محلات الصرافه تعطيك7.3 الصرافه صعبه في كرواتيا محلاتهم قليله و رسبشن الفندق مايصرف لك و اجهزه atm عمولتها عاليه جدا فيه نوعين atm فيه صفراء و بيضاء كلهم عالين ولاكن الصفراء اقل حتا الاوروبين الي حسابتهم من بنوك اوروبيه يشتكون منها اما نظام الشبكه برضو غريب غير متوفر بكل مكان اذا حصلته يقولك ماجيبه لك الي اذا كانت فاتورتك 300 كونا طبعا الريال السعودي2 كونا كرواتي يعني مو معقوله اشرب قهوه ب150 ريال طلبت من اكثر من محل اخذت منه اغراض مثل قهوه و مطعم و بقاله اني احاسب بالبطاقه300 كونا و يرجع لي الباقي كاش مخصوم منه الضريبه مثلا اشتريت قهوه 10 كونا احاسب 300 بالبطاقه مابيه يرحع لي 290 قلت ابي 250 يعني خذ ضريبتك دبل بس اعطيني سيوله كلهم رفصو باختصار( النظام البنكي الكرواتي فاشل ) جميع السياح الي قابلتهم يشتكون منه