من اصعب القرارات في الرحله هذي هو قرار وداع هفار اكثر من خمسه ايام اقول بكره امشي و اذا جاء بكره بطلت😭 ولاكن لكل شي نهايه لابد من الرحيل و الطلعه من هفار مالك الي طريقين بالقارب وحد على دوبرفينبك الي جيت معه و الثاني على سبلت العاصمه الاقتصاديه لكرواتيا و حجزت قارب صباح بدري على سبلت

القارب شبه فاضي مو نفس الي جينا فيه الناس كلها تجي هفار ماتطلع منها😭


وقت الرحله تقريبا ساعه و نص استغليت الوقت بالتفتيش بالخريطه و الشيطان يلعب بمخي( بحكم اني عشوائي&#128514 تحيني افكار شيطانيه من يمين و يسار الي ان وصلنا ميناء سبلت نزلت للميناء و انا ماعندي اي حجز سكن ولا عندي اي خطه براسي
-
الميناء مليان ناس تترزق الله و تدور لقمه عيش فيه مثل يشيل لك الشنط يعرض عليك سكن للايجار سواقين الصراحه الميناء مو صغير طبعا انا وصلت نشيط بحكم اني( عشوائي) على قوله صاحبنا قررت اني اغادر سبلت بس الي اين مادري اصبر شوي نتفاهم و اعرف وين رايح طبعا منتشر في الميناء المستودعات تحط فيها الشناط اليوم20 كونا

حطيت الشنطه عندهم ورجعت للمبني الرئيسي للميناء اسالهم وش عندهم رحلات قالو عندنا رحله مدتها8 ساعات الي مدينه انكونا في ايطاليا سعرها 100 يورو تتحرك بالليل و الفجر انت في انكونا طبعا يعطونك غرفه الي فهمته ولاكن بعد بحث مختصر اكتشفت انها ماتنفع اول شي طويله و شاقه الرحله ثانيا انكونا خايسه فكنسلت الفكره و رحت ابحث على خطه بديله خرجت من مبني الميناء لقيت قدامي موقف الباصات و دخلت

سالت اذا فيه باص يودي الي مدينه نوفاليا شمال كرواتيا طبعا مدينه نوفاليا اول مره اسمع عنها و انا في البوت الي جاي من سبلت الي هفار و شفتها بخريطه السناب و عجبتني قالي فيه باص يوديك الي مدينه زادار و تغير الباص في زادار تجلس فيها 20 دقيقه و بعدها تركب الي نوفاليا بحكم اني عشوئي قلت تم هات واحد تذكره😂 ماذكر بكم بس رخيص و باص فخم جدا مريح الرحله كلها على بعض اقل من 4 ساعات الباص يحرك بعد ساعه رحت اكلت الي موعد الباص و جيت بالوقت المناسب