السلام عليكم يااحلى منتدى طبعًا انا عضو جديد وحبيت افيدكم برحلتي الى لندن طبعا دخول لندن بتاشيره فحجزنا وكان لازم اضافه الفندق بالتاشيرة فانا اول مره اسافر لندن حجزت على فندق 5 نجوم جناح خاص مع الفطور وهذا كان عن طريق البوكنج وكان كل شي تمام اعتقد ليلتين مع الفطور 3900 كذا فاكدنا الحجز طبعا فيه فنادق تقول ادفع مسبقا وفيه فنادق غاليه تقولك ادفع عند الاقامه يوم وصلنا لندن الحمد لله اتجهنا للفندق وكان اقل من عادي ماتخيلته كذا تكلمت مع الاستقبال وقالوا اعطونا جوازاتكم ورقم الحجز فاعطيتهم الجوازات والرقم وتجلس نص ساعه اخر شي قالت ماوصلنا شي ليه ماادري كنا تعبانين مره فحاولت استفسر منهم وشلون وانتم مرسلين بالبريد قالت مافيه شي ابد تخيلوا فاظطريت احجز من جديد وياليت ماحجزت عندهم اعطوني ليلتين بدون فطور مقابل 4000 وسحبوا 100 جنيه استرليني مايقارب 500 ريال مكنت عارفه ان عندهم تامين التامين هذا قالوا انتبهو تلمسون شوكولاته والاشياء اللي حاطينه القهوه والماكينة واي خراب يصير نسحب التامين
اسم الفندق : tower suits by blue orchid
طبعا لا انصح فيه ابدا مافيه خدمات ولا شي ابد

ونكمل لكم اقامتنا في فندق Tower Suites by Blue Orchid
دخلت الغرفه مو مثل اللي بالصوره ابدا ولا هي شامل الافطار توقعته احسن من كذا
لم تكن النظافه على مستوى والغرف صغيره طبعا اللي حجزت الغرفه لم يكن اسلوبها راقي ابدا مع انها تعتبر من الصفوف الاماميه بالفندق
بعيد جدا عن شارع اكسفورد والخدمات مشي ساعه وربع وبالسياره 32 دقيقه ندمت يوم حجزت بالفندق فيه فنادق افضل وتعاملهم جدا جميل واسعارهم زينه وياليت اي احد يسافر لندن يتكلم لنا عن الفنادق اللي سكن فيها علشان نستفيد
عند الساعة 12 طلب مني مغادره الغرفه حالا وفي حال جلست اكثر من ساعه يتم احتساب كل ساعه 15 باوند
كملنا ليلتين وخرجنا عند الساعه 12 نزلنا للاستقبال نسالهم عن التامين قالت يتم تحويله لكم فقلت نبيه ضروري وشلون تحويل وخرابيط وحنا طالعين قالت هذي سياسه الفندق قلنا خير متى يتم تحويله قالت بعد 3 ايام كملنا اسبوع ولا وصل شي طبعا اتصلت عليهم وطلبت يحولون 100 جنيه لحسابي قالت اصبرو يومين فبين انهم يتلاعبون علينا تخيلوا حولوا 72 جنيه من 100 جنيه استرليني شي ماتوقعت ابد يصير معي كذا 😩😩

حياك الله في منتدانا منتدى جميع الارب المسافرون
الله يعوض عليكم حبيبتي
وشي صار لا يخرب عليج عطلتكم ووناستكم

المنتدى مليان تقارير وفيها الكل يحط الفندق اللي جربه
مثلا تقريري بتلاقين فيه خمس فنادق وكل شي بسعره وغيري من الاعضاء حاطين تجاربهم
تقاريرتا للاستفاده للجميع واكيد بنستفيد من تجربتج حبيبتي
وحياج مره ثانيه معانا

هلا والله اخت منى

المهم تستانسون ولا تخلون شي يخرب سفرتكم

الفندق تقييمه ممتاز

وموقعه على نهر التايمز

عند حجز اي فندق لازم قراءة التفاصيل من حجم الغرف والموقع واذا كان الافطار مشمول بالسعر ولا لأ وووو

عشان ما تنصدمين لما توصلين

والتأمين مطلوب بغالبية الفنادق وبالعاده ما يرجع بنفس وقت الخروج

وبالنسبه للخصم لازم تراسلونهم وتشوفون سبب الخصم

كل سفره بتتعلمين شي جديد

رحله سعيده

صباح الخير والجمال عليكم يااجمل منتدى حبيت ردودكم على موضوعي الاول احبكم ❤
راح اتكلم اليوم عن فندقي الثاني Orchard Hotel اخترت الفندق هذا على عجله وخذيت غرفه رباعيه سريرين منفردين وسرير مزدوج الغرفه مره مريحه وفرشهم موكيت وكانت مطله على الشارع تجنن اقمنا فيه 3 ليالي شامل الافطار ب340.20£
وكان الدفع مسبق حبيته مره وكان فطورهم بسيط وسعر الفندق مررره مناسب موقعه بمنطقه ويستمنستر بورو وقريب ايضا لمتحف مدام توسو 1 كم وقريب لمنتزه ريجنت بارك يبعد عنه تقريبا 2 كم 🇬🇧🇬🇧❤

السلام عليكم و رحمة الله و بركاته ..

أخت Mona555 سعداء بتواجدك معانا في المنتدى ..
بما أنك تنزلين تفاصيل رحلتكم إلى لندن يرجى متابعة الكتابة في موضوع واحد
لتعم الفائدة للجميع و يكون الموضوع متصل بدون تفريق الأحداث و التفاصيل
في عدة مشاركات و مواضيع مختلفة و ليسهل الوصول للموضوع بالكامل

بالتوفيق

التنسيق مهم لتسهيل القراءة

حلوو توفقتو بالفندق الثاني
وعليكم بالعافيه المتعة