تحديثات سريعة

المرة هذي بخليها قصة
مريت فيها صباح اليوم بالمطار
هذا صورة البوردينق هو سبب المشكلة
وبالمناسبة موقع الخطوط التركية تم تعريبه







نروح لقصة البوردينق الله لا يعيده
أول ما دخلت المطار رحت اشوف الشاشة
وبنظرة سريعة للأسف ما لقيت رحلتي بالشاشة

رحت لموظفة البوردينق وريتها
قالت لا رحلتك من انطاليا لاسطنبول
شوف اتجاه الطيارة من انطاليا لاسطنبول
ياليت ترجعون للصورة فوق كلامها صحيح فعلاً

قلت معقول حجزت عكس خط السير
وش ذا النكبة … وحجز السيارة والفندق
لحظات مزعجة توَتّر الواحد .. وتنعمي بصيرته
وخصوصاً تطابق كلامها مع الشاشة ما لقيت الرحلة

رجعت للايميل لقيت حجزي سليم
فعلاً اليوم طيراني من اسطنبول لانطاليا
ودققت بالبوردينق الوقت باسطنبول قبل انطاليا

وقتها ارتحت وعرفت إني بالسليم
قلت خلني أفهم ليه كذا وسألت المسؤول
قال ( ايفيت ايفيت … ااارب لوكاشن بروبليم )
فهمت كلامه ( نعم نعم .. الموقع بالعربي معكوس )
المهم لا زال الموقع بالعربي يحتاج تعديلات تقنية إضافية

نلتقي في تحديثات قادمة

تحديث اليوتيوب


فيديو لأحداث اليوم
الثلاثاء 10 يناير 2023م
شوفوه هنا أو بقناتي باليوتيوب
لا تنسوا اضبطوا الجودة على 1080p

ويي عيل يبيلهم تعلم اللغة العربيه ههه مبين من التوقيت صح بس اتجاه الطائره غلط بالبوردينق
صوت الطياره فيه ونه مزعج بس المناظر خيال مع الخضار والغيوم
الاجواء روعه في انطاليا عليكم بالعافيه

موقف البوردنق مربك و يشكك الواحد في نفسه رغم أنه يكون متأكد
أنا بصراحة ما أحب أستخدم أي موقع بالعربي
لأن الغالبية تكون مترجمة و ليست معربة بالكامل

تحديثات جميلة و لقطات ابداعية
زين أنك متأكد من حجزك ولا صدقت كلامها
باين على الأجواء ممتعة الأيام هذي

رحلة سعيدة