نكمل ...




رجعنا الفندق نقط الاغراض ونصلي

وصور من الطريج للفندق












صور للبيوت ورا فندقنا








وهذه الصاله الخارجيه للفندق قعدت انطر البنات بنروح نتغدى






مو مكاني بس قعدت المكان اللي يقدرون يشوفوني فيه




وطلعنا وهذه سيارتنا وصلنا مكانا اقرب نقطه او موقف في شارع تقسيم للمطعم اللي نبيه





نزلنا ونزل معانا السايق يدلينا مطعمنا اللي احنا مختارينه

يحلو الجو وهذا محل ما دخلنا لشارع الاستقلال





الاعلام معلقينها مثل ما قلت لكم كل يوم تزيد ليش لأن باجر عيد الجمهوريه





























الزحمة الحلوة

ووصلنا مطعمنا الحمدلله قريب وما تعبت من المشي



مطعم ميت موت







ضيافتهم عصير ليمون



وهذا يستعرض بتحضير الطبق اول ما شفناه




بالمدخل
















خليت دانه تطلب وانا صعدت فوق اخترت طاوله وقعدت المكان صغير فوق مزحوم





بالعربي يدروون ان كله تصير الهبات من الخليجين




هذا فرع وعندهم فرع جديد تم افتتاحه باول يوم رحنا مول وادي اسطنبول


الفاتورة قبل لا يوصل الطلب






وهذا الطلب اللذيذ









كان لذيذ جدا وذايب والكميه راهيه


افتحوه عندنا بالكويت وللحين ماجربته عندنا


طلعنا والى السيارة مكان ما قطنا
بس لازم نصور




بوحسين كان عند حافظ مصطفى يقول تعالو قلنا بعيد بنرجع الفندق









وهذا من طريجنا للسيارة للحين بشارع الاستقلال ايونس








والشارع للفندق والاعلام الحمراء











فيديو الغدا وبنوته صغيره تعزف

https://youtu.be/BdNob-aZjAA


يتبع

ونكمل اخر يومنا



ورجعنا بعد الراحة طلعنا بالليل
اولا وصلنا دانه ورفيجتها حق مطعم الحلو اللي عند برج غلطه








المغيب سبحان الله








ما قدرنا ندخل من الزحمة نزلناهم وقال لهم السايق سيدا تروحون هني تحصلونه وقلنا لهم عاد انتو تعالو لنا عقب في غلطه بورت ودلاهم السايق الطريج وعندهم غوغل ماب







واحنا رحنا غلطة بورت نتمشى ونتعشى








ورحنا محل الككاو اللي كان نفسه باعمار مول فرفر ماكانت معانا وتبي تشتري منه

تشرت وقعدنا نحلي ونتقهوى عنده













اخذنا شاي بدل القهوة













خلصنا ورحنا جهة البحر وشفنا




اكبر كروز ايطالي موجود هني والاعجب اني شفت الارضية اللي كنا نمشي عليها اول يوم
شفناها هني حاجز بين الكروزات والمطاعم

فكره وايد حلوه







اهني واضح


رحنا للاخر

وشفنا هالمطعم متروس ناس




والمحل عجيب طبعا دخلنا نشوف بس ما تسوقنا








هالماركة توه هابين فيها حلوه واسعارها حليوة















وعندهم كذا ماركة






وهذا بعد ماركات مميزه





رجعنا طلعنا التمشي حلوو وفي قعدات وكراسي للراحة





































































شوفو تيرمنال الكروز


خلاص تمشينا وصار وقت العشا ورحنا نجرب غونايدن والحمدلله انتظارنا دقيقتين ودخلنا











المطعم واسع وفيه قعدات خارجيه كلها فل واحنا قعدنا داخل




















المشروبات






اطباقنا انا طلبت لحم بعجين وابوحسين وفرفر اطلبوا كباب على الروب نفس اسكندر كباب ،












هذا قعد يقصص الفطيرة وطيح اول قطعه بالارض


مسكين ذكرني بعيال مسلسل اخوتي يشتغلون وهم صغار علشان يؤمنون لقمة عيشهم فما كلمناه حرام


فاتورتنا



هذه معروضاتهم عند المدخل








وتكرمون حماماتهم نظيفه











سبب روحتنا لمطعم غونايدن والظهر لحم بعد
لان فرفر وابوها ما راحو معانا الغدا متغدين عند الفندق




رجعنا نتمشى ونشوف دانه وينهم





















ووصلت دانه وصديقتها عقب ما طلعوا من مطعم الحلو رايحين على البحر قريب من غلطة بورت ماكلين محار بس يقولون مشوو وايد وتعبوا لان الشارع صاعد ونازل بس الحمدلله وصلو لنا













ما يخليني السايق اصور يمشي بسرعه هني علشان ما اصور



ووصلنا الفندق ونسيت اقول لكم التلفزيون فيه قنوات عربيه وهذه القنوات وارقامها مع الريموت موجوده




وصلنا السايق مراد

وكانت معانا رفيجة دانه بتشتري جنطة من يم فندقنا وعقب يوصلها السايق حق فندقهم



تقول له دانه انا اروح معاكم نوصلها وترجعني الفندق
قال لها هااااا دانه جم ساعه تدرين الزحمة الحين ههههه
قالت البنت ليش دانه تروحين معانا خلاص اهو يوصلني ويطلع من طريجه

كان بيروح انقره خلاص ويقول طريجه ياخذ اربع ساعات ودانه بتدخله بالزحمة مره ثانيه مسكين ضحكنا على دانه وسوالفها

وصديقة دانه يايين بنفس وقتنا بس على طيران الجزيره وردتهم بعد نفس يومنا

وقال الحين بروح انقره حق اهلي وباجر بييكم سايق ثاني مع باص علشان يودينا المطار وقال لا تعطونه غير 800 ليره

عطيته الراوتر وعطيناه اكراميه مع حساب اليوم وودعناه بعد ما شكرناه


فيديوات

https://www.arabtrvl.com/up/uploads/...674274915.jpeg




https://www.arabtrvl.com/up/uploads/...674274915.jpeg



وبعد هالطلعه نومة مبجر ورانا مطار

شارع الاستقلال ممتع جداً
مشي ومحلات ومطاعم وحلويات

غلاطة بورت يستحق الزيارة
واجهة حديثة وتصميمها مميز جداً

لفت انتباهي شيء في رحلتكم
وهي حالة الأمان في حركتكم كعائلة
بعض الأفراد يذهبوا لمكان وآخرين لمكان
وهذا يعكس مستوى الثقة في التعامل مع المجتمع
لم يسبق وأن شعرت بخوف على عائلتي من الأتراك
وقد تكون هذه رسالة لمن يسأل عن مستوى الأمان هناك

متابعين ومستمتعين

عليكم بالعافيه المطاعم اللذيذه
حلوو تقسيم بس لو زحمته تخف
كلهم جذي شباب صغار يساعدون عوايلهم يهبلون ..
غلاطه بورت وايد حلو المكان

شارع الاستقلال وغلطة بورت
المكانيين جميلين وروعة للمشي والتسوق طبعًا بدون زحمة
مطعم ميت موت سامع عنه وشاهدت له تغطيات
في السناب وأعتقد صاحبه عربي أردني
وله فروع في بعض الدول العربية
مطعم جونايدن جربناه في رحلتنا الأخيرة
مطعم جميل وجلساته رائقة وأكله ممتاز
عليكم بالعافية ما أكلتوا وتسوقتوا
عِشنا معكم تغطية رائعة وجولات جميلة
في هذه الرحلة

اليوم التاسع والأخير
السبت 29 / 10 / 2022




اليوم آخر يوم
تجهزت عقب ما سكرت جناطنا انا وابوحسين
بهالسفرة انا ماخذه جنطتين كبار وحده حطيت فيها جنطة الكابينه وكوتاتنا انا وبوحسين يعني يبتها فاضيه تقريبا
حق المشتروات بالرده
وابوحسين يبت له بعد جنطة كبيره وجنطه كابينه حطيتها بالجنطه الكبيره مع الملابس


والحمدلله لما حطيت الاغراض كفوو والوزن مضبوط طبعا طلعنا جناط الكابين صار عندي 3 جناط كبار و2 كابين

البنات شروا جنطه زيادة
بس بالمعدل المسموح


المهم نزلت وطلعنا انا وفرفر بنتريق ونرجع نلاقي دانه جاهزه ام النوم مسمينها يمكن تبينا ننساها بتركيا

وهذا من طريجنا للمطعم








الاعلام تزيد لأن اليوم 🇹🇷 يوم الجمهورية 🇹🇷




ومطعم مادو نجرب ريوقهم هني


















وطلبنا بورك الجبن وكباتشينو لي







قيمر وعسل وشاي حق فرفر







الحمدلله على النعمة

طلعنا ونصور المحلات هني اغلبها نفانيف حفلات وعرايس














هالممر حلوو


























يحطون العناوين للاون لاين على الفترينه للي يبي يطلب







توها فاتحة المحلات المحلات اغلبهم يحطون ماي واكل للقطاوة عند محلاتهم وبعضهم القطاوة داخل على كراسي المحلات عادي عندهم ما يطردونها



الصالون هذا مشهور بأحسن صبغة شعر
عن تجربة وبالكويت يابو الكوافيرة بصالون بالكويت توهم








فيديو

https://youtube.com/shorts/gW_sXo-IFRQ?feature=share




يتبع ..