أسعد الله صباحكم بكل خير
أخواني وأخواتي ما رأيكم بالعيد في لندن وماهي أفضل الأماكن والمطاعم والمقاهي لزيارتها مخططين بحول الله للسفر للندن بأبريل لمدة 10 أيام..

لندن تصلح بكل الاوقات
المطاعم والاماكن ما اقدر احدد لج اي مطعم زين والا مو زين لان باختلاف الاذواق وممكن تشوفين الاماكن بتقريري وغيرها الكثير
صعبه التحديد لان لندن كل شي فيها حلو

هلا أم أحمد

لندن مدينة كل المواسم
تحتاجون تركزون على المحلات الكافيهات والمطاعم
على شارع اكسفورد

كذلك لابد تجربون المحلات في هارودز
ومنها محل الشاي المعروف + المطاعم بالداخل دايم مزحومة
ممكن كافيه كونسيرتو مقابل هارودز

التسوق التركيز على هارودز + سيلفردج + بريمارك
أهم بضائع تركزون عليها : العطور الحصرية عند هارودز + سيلفردج
شنط هارودز اليدوية وهي رخيصة موجود عليها اسم هارودز
فيه ملابس داخلية حرارية تحت الملابس للبرد موجودة في بريمارك

معالم لابد تزوروها
هايدبارك + ميدان ترفلقار + شارع اكسفورد
هارودز + سيلفردج + قصر باكنقهام + بيق بن + كوفنت قاردن

رحلة سعيدة

بالنسبه لقسم الهدايا في هارودز ممكن يسكرونه

بس قسم الككاو والشاي والبسكويت بيكون موجود في القسم الارضي


ملابس الثيرمال عند بريماك والبجايم والدلاغات مميزه عنده ووايد شغلات حلوه

من الاماكن روحو
برج الجسر في ممر زجاجي تصعدون له بتذاكر
والمنطقة حلوه عموما

كارنبري ستريت حلوه محلاته وبالاخير تشوفون المحل ليبرتي الشهير وقريب منه هامليز اذا تبون للاطفال والعاب

ومجمع الويستفيلد وايد حلو محلات ومطاعم وسينما

قريب يمه سوق الشبربوش اللي فيه كل شي بس انا اخذ منهم خامات والشارع اللي عنده بعد وايد محلات خامات


مزرعة اللافندر اذا كانت مفتوحة لا تطوفونها حلوه

لا تخلون المسرحيات وايد حلوه مسرحياتهم تستمتعون بس
حجزوا مبجر

واذا تذكرت شي بكتب لج ان شاءالله

الله يعطيكم العافية جميعاً ما قصرتو شكراً ألف شكر
بإذن الله حراجع التقارير وحتبع إقتراحاتكم زنصايحكم

لندن كلها زينه واي وقت وعادي لو تمشون فالشارع ممتع
اتمنى رحلة سعيدة لكم والله يبارك في وقتكم وصحتكم عشان تقدرون تمشون وتستمتعون بالمدينة
وانصح بشدة تقارير البوابة ام حسين ماشاءالله تهبل تقاريرها استفدت منها كثير والله

حبيبتي ام احمد

تسلمين واي سؤال احنا موجودين