نكمل :
بعد ماتقهوينا وريحنا وحطيت ايضا ملابس في الغسالة قلنا ننزل نشوف المنطقه حولنا
قلت لبنتي اذا تعبانه عادي نجلس سوا قالت لا عادي بطلع
طلعنا خطوات قليله وصرنا قدام الجسر يهبل مرة المكان ومحلات مرتبة مرة دخلنا كم محل ولقينا محل مرتب مرة قال اصبرو اسمعوا وش بقولكم
انا ترا استخدم نفس جلود البراندز ونفس المصانع بس موب مسموح احط اسمها وابيع ارخص
وصدق شنطه تهبل مرة جلد حلو وموب رخيص لكن طبعا ارخص من الماركات المعروفة. قلت تونا جابيين خل نفكر وبنتي اخذت الكرت ومرينا كم محل يشبهون لفكرته .
بعدين طلعنا على ساحه فيها مبنى قديم وفيه محل طلعوا العيال تقييمه عالي اسمه مستر بيتزا محل صغير كم طاوله قالت انتظروا وبناديكم لأنه مليان وفعلا صار يستحق الانتظار
لذيذ مرة وأنواع بيتزا جميله وقالت لنا بدون ما نسال عن الأنواع اللي تصلح لنا .
بعدها كملنا تمشي ومريت صيدليه انا والصغيرة وقلت لها انها طايحه واعطتني أكياس ثلج قالت سوي كمادات وبتخف رجعت انا واياها الشقة وكمدتها وصلينا وريحنا .
قلت تبين نرجع لهم او نجلس خلاص قالت لا خل نروح لهم ومالومها الأماكن مرة شيقة والطلعة حلوه .
ومع ان الجو بارد جدا لكن آيسكريم إيطاليا ما يقاوم رحنا واخذنا آيسكريم
ومرينا كارفور وشرينا أغراض واخذت زبادي وحليب واعجبني يوسف افندي اخذت كم حبه ورجعت للشقة والعيال جلسوا برا شوي ورجعوا .
جلسنا شوي واكلنا وعقبها نمنا يوم طويل وتنقلات ..