اليوم الثاني والاخير في فلورنسا رحنا الصباح مبكر للجهة الثانية من الجسر قصر وحديقة تاريخية
اخذنا تذاكر ودخلنا الحديقة القصر له دخول ثاني بس قلنا يالله يكفي الوقت الحدايق
الحدائق يالله الجنة بس شي رهيب مره مشكلتها للي مثلي الدرج الكثير بس بتشجيع العيال ويالله حسافه بتشوفين مناظر حلوه
الحمدلله وقينا للاخر تشوف مناظر بانوراميه للمدينه
وحنا نازلين بدت تمطر الا الصوت غريب موب مطر عادي صار ثلج وكبير غجاة امتلت ملابسنا ومااستعدينا ابد الحو ماكان يوحي
ونزلنا بشوي شوي لين لقينا مكان مظلل جلسنا شوي بين وقف المطر
ورجعنا شوي للشقه حطينا الملابس في المجفف وبدلنا وطلعنا ثانيه.
ورحنا ايضا لقوتشي قاردن دخلوا البنات كنه متحف لقوتشي وانا جلست وشع حفظ الطاقه انتظرهم في الساحة . يقولون موب مره يستاهل .

رحنا حول الغروب لقمة مايكل انجلو اخذنا تاكسي والحمدلله قرار جيد التاكيي مااقدر اطلع
القمه جميله جدا وفيها مكبر يالله لقينا معنا كوينز وحطيناها وشفنا فيه وقعدنا نتمشى فيها بعدين نزلنا
النزله كانت موب مره سهله بس جميله جدا وشلالات خلال الطريق
وكملنا بعدين مشي للجسر ولمنطقة السكن حقنا ، اخذنا فالطريق من محل مخبوزات مره لذيذه ودنا رجعنا له ثانيه بس مافيه وقت
بعدين تعشينا في مطعم جميل والله
ورجعنا نجمع اغراضنا بكرة الرحله لروما .
وبنتي تبي محل الجلديات ارسلت له تقدر تفتح بكره مبكر قال طيب لان مواعدين التاكسي عشره ونص بنروح محطة الباصات،
قمنا الصباح مبكر البنات راحوا المحل وانا جلست اجهز الشناط والاغراض ، ورحنا لمحطة التاكسي
فيه محل بعد قدام العمارة حقتنا حق فطور ومخبوزات اخذنا منه كروسان للطريق ،