البوسنه التي رأيت ، هنا كل ماتحتاجه ..

بوعيد · 29-04-2023, 04:49 PM

اقتباس : المشاركة الأصلية كتبت بواسطة ابو عبدالله الكويتي

يامرحبا باخوي ابو عيد ..
اولا الله يستر عليك ويسهل عليك دربك
حاول تزيد مدة الاقامه هناك لانك دافع سعر كثير للتذاكر والمعروف وللاسف ان اسعار تذاكر البوسنه غاليه كثير ولذلك احب انك تمدد فترة الاقامه هناك ..

اذا كانت رخصة القياده معك مكتوب فيها اسمك بالانجليزي عادي تمشي امورك واذا بالعربي لازم تستخرج رخصه اجنبيه وللعلم القياده هناك جدا ممتعه واوفر لك ..

خط سير الرحله المشكله ان وقتك بسيط
لذلك اخذ اول 5 ايام في ربوع الطبيعه فلاسيتش ومن سكنك في فلاسيتش تقدر تزور يايتسا وبيهاتش للتمتع في بحيرة بليفا وكذلك شلالات شترباشكي بوك ومارتن برود في بيهاتش ..
على ان تعود باقي المده في سراييفو ومن سراييفو يكون باستطاعاتك زيارة موستار وكونيتس صد رد بنفس اليوم..

لاتحتاج قارمن ،، قوقل ماب يكفي ويوفي ..

الميزانيه هذا السؤال اللي ما اقدر اجاوب عليه ..
انت وحدك من يحدد نوع وشكل الصرف ، البلد مش غاليه وايضا ماهي بذاك الرخص..
يعني فيه مطاعم ب 100 ريال وفيه مطاعم ب300 ريال ويبقى سوق الخيار عندك انت ..

حسبه اوليه احسب حساب السياره باليوم 300 ريال تقريبا
والسكن بين 250 الى 300 تقريبا بالحسابه هذي ممكن تزيد وممكن تنقص
واحسب معها المطاعم وغيره ..
اعتقد انك بحاجة 850 الى 1000 لصرفك اليومي شامل كل شي سكن وسياره واكل
وانصحك انك توفر وان يكون لكم اقل شي وجبه واحده فالببت ..

وفقك الله اخوي ابو عيد

ماشاء الله تبارك الرحمن كفيت ووفيت يا ابو عبدالله الكويتي
بالنسبة للأيام والله حاولت ازيد عدد الأيام واللي اقدر عليه تقريباً حول 13 يوم كحد اقصى بحكم اجازتي
ان شاء الله ارتبها صح من ناحية الميزانية وخاصة اني رايح ابي استمتع بالاجواء والمناظر هناك.
بالنسبة للسكن الاغلب نصحني بما فيهم انت بالسكن في البيوت ارخص بالسعر وجودة ونظافة وبرضوا تعامل اهل البلد طيبين وامينين .. بـ اتعمق اكثر ان شاء الله في بعض الاماكن السياحية المشهورة هناك عشان ارسم خط سير واضح واعرف وين اروح ووين اجي من اول ما اطب البلد وخاصة اني ناوي في شهر 9 لابد اتحرك و اضبط اموري من بدري.
نقطة مهمة اعجبتني جداً منك الا وهي تقسيم المصروف بين المسافرين اعتقد انها مهمة جداً
استفسار بسيط ولو اني كثرت عليك ولكن منكم نستفيد وان شاء الله نفيد من بعدكم
- هل احتاج للفيزا هناك ام كاش او الاثنين سوا ..؟
انشهد انك ماقصرت ويعطيك العافية على الإفادة ابيض وجه لاهنت

آخـــرفـــرصـــة و توبليرون معجبون بهذا.

المواضيع المتشابهه
الموضوع	كاتب الموضوع	المنتدى	مشاركات	آخر مشاركة
اندونيسيا التي رأيت ( محدث باستمرار )	الطائرالجريح	بوابة اندونيسيا	273	06-12-2021 01:38 PM
االسنغال التي رأيت لمهـ رحال ـاجر	فريق التطوير	بوابة الدول الاخرى	24	22-12-2020 12:42 PM
اكسفورد التي رأيت	سفير جوجل	بوابة بريطانيا	35	13-09-2018 06:46 PM
تركيا التي رأيت	نانا ابو عابد	تركيا	345	13-04-2018 12:01 AM