بسم الله الرحمن الرحيم
السلام عليكم ورحمه الله وبركاته

رجعت لكم بتقرير يديد و دولة يديده علي بعد رحلة كولومبيا و الاكوادور نتجة الى اقصى غرب اوروبا و تحديدا الى:

شبه الجـــزيـــرة الايبيـــريـــة ( اسبـــــانيــــا )..





اكثر من سنتين وانا افكر فيها و اضبط امورها وكل مره ما تضبط الرحلة .. هالمره قلت ترا بروح البرتغال في عطلة عيد الفطر واسبانيا منو يبي يروح ..؟؟

اختي قالت انا معاج وامي قالت انا بعد ..

هنــــــــا اسبـــــانيـــا





بديت بالاستعدادت اللازمة قبل السفر

الرحلة مستواها : متــوسط ( اللياقة البدنية )



اولا : الفــــــــــيزا



الفيزا شنغن .. انا مطلعتها من السفارة الهولندية سنة 2019 لمدة 5 سنوات .. و امي واختي طلعوها الصيف اللي طاف من السفارة الاسبانية لمدة 5 سنوات..

ثـانيـا : العمــــلات

عملة اسبانيا يورو euro





1 دينار كويتي = 3.02 يورو = 3.26 دولار

ثـالثـا : الطـيــــــــران



تم الحجز عن طريق الموقع الالكتروني للخطوط الجوية الكويتية في شهر يناير 2023



الموقع الالكتروني
https://www.kuwaitairways.com/ar

طيران دولي : كويت - مدريد - كويت بسعر 120 د.ك للشخص ..

هذا الحجز تم كله تقريبا في يناير 2023..

رابــعــــــا : الفنــــادق



حجزت 4 ليالي 5 ايام في ماربيا
فندق الاندا ماربيا
alanda marbella hotel

السعر الاجمالي 425 د.ك ل 3 اشخاص مع الريوق = 1244 يورو

خـامســا : الصحـــــــة و التطعيمـــــــات



قبل السفر بفترة كافية عليكم التأكد من الوجهة اللي رايحين لها اذا تحتاج الى اي تطعيمات ..

- لازم مراجعة عيادة المسافرين في دولتكم او الصحه الوقائية .
- تلقي التطعيمات اللازمة قبل شهر من السفر على الاقل ليتمكن الجسم من تكوين المناعة .
-اصحاب الامراض المزمنة مراجعة دكتورهم عشان يعرفون لو في تطعيمات تتعارض مع ادويتهم ..

التطعيمات العـالميــــة :

- الحمى الصفراء ( ينصح عند السفر لهذه البلدان : وسط وغرب افريقيا - وسط و جنوب امريكا )
- الحمى الشوكية ( ينصح عند السفر لهذه البلدان : جنوب الصحراء الكبرى الافريقية )
- الالتهاب الكبدي (أ) ( ينصح عند السفر لهذه البلدان : امريكا الجنوبية و بعض الاجزاء من افريقيا و اسيا و شرق اوروبا )
- الالتهاب الكبدي (ب) ( ينصح عند السفر لهذه البلدان : امريكا الجنوبية و بعض الاجزاء من افريقيا و اسيا و شرق اوروبا )
- التهاب الدماغ الياباني
- التهاب الدماغ المنقولة عبر القراد
- التيفود (ينصح عند السفر لهذه البلدان : بعض جنوب شرق اسيا - امريكا الجنوبية و الوسطى - وبعض افريقيا )
- داء الكلب
- الملاريا ( ينصح عند السفر لهذه البلدان : المناطق الواسعة بأفريقيا و غرب افريقيا جنوب شرق اسيا - شرق اوروبا - الباسفيك - وسط وجنوب امريكا - الشرق الاوسط - امريكا اللاتينية )

الخط الساخن لسكان الكويت

ألو صحة 151

و طبعا احتياط معاكم كمام ومعقم



بما ان زيارتنا الى اسبانيا يعني شمس وحر اخذوا معاكم كريم حماية عن الشمس



ســادســاً : الطقـــس



في وقتنا كان الجو حلو ومعتدل في نسبة حر في جنوب اسبانيا ماربيا و المناطق اللي حولها..

ســابعــاً : القـــــروب



مكون من : محدثتكم "كويتية متنقله" - حلوة اللبن امي الله يحفظها و اختي الغالية..

ثـامنــاً : الأمـــان



على الاماكن اللي زرناها ما حسينا في شي انخاف منه ..والحمدلله امورنا كانت زينه..

تـــاسعــــاً : التأمين



التأمين صار من الضروريات من عقب كورونا للسفر لاتهملونه قبل كورونا ما كنا نهتم له وايد لكن الحين لا يفضل يكون معاكم لاسمح الله لاي طارئ..

مع الاجزاء اليايه اتكلم عن المناطق و الفنادق و اسعارهم.