X سُعداء بتواجدكم بيننا ونتمنى لكم قضاء وقت ممتع ، نأمل منكم زيارة صفحة شروط الإستخدام ، تفضلوا مشكورين بالتسجيل*** اضغط هنا *** لإثراء الجميع بخبراتكم السياحية
Loading...



عدد المعجبين37الاعجاب
إضافة رد
 
LinkBack أدوات الموضوع انواع عرض الموضوع
قديم 23-05-2023, 12:20 PM   #1
ATL

مسافر متميز

الصورة الرمزية ATL
 
تاريخ التسجيل :  Mar 2015
رقم العضوية : 2301
الدولة : المملكة العربية السعودية
الجنس : ذكر
المشاركات : 123



Smile المالديف مايو 2023


السلام عليكم ورحمة الله وبركاته


الصراحة المنتديات الي مثل العرب المسافرون المفروض تبقى لأن الصراحة الفايدة فيها والوصول للخبرات والمعلومات أسهل من التويتر والسناب وغيره.. مع أني قبل رحلتي جيت أبحث عن معلومات تكون حديثه عن المالديف ومنتجعاته لكني ماحصلت فقلت لازم إذا رجعت أسوي موضوع لتجربتي يمكن يجي واحد زي حالتي ويستفيد لو معلومه بسيطه...

في البداية أنا والمدام كنا محتارين وين نسافر وكل مره نغير الوجهه
كانت الخطة أمريكا ثم قلنا يبي لها إجازة طويلة وميزانية لأن ودنا ناخذ الصغار معنا..
حولنا على تايلند بما إنها الهبة ورخيصة... لكن وقتها قلنا نبي سفرة استرخاء وروقان ماودنا نخطط وكل يوم نروح كم مكان وتنقلات

فحولنا على أوروبا أو المالديف والمدام ودها في هولندا وباريس


قلنا أوروبا آخر مره رحنا لها راح وقتنا في التنقل بالسيارة ويبي لها جدول وتحديد أماكن وخاصة أن وقت السفرة المتوقع بيكون عيد الفطر يعني كان باقي 3 شهور أو شهرين

فقلنا ماتصلح ودنا باسترخاء
المالديف بس غالية وماتصلح للصغار ... طيب هولندا دولة هادية ولها طبيعتها الخاصة غير أوروبا سوسرا والنمسا ...إلخ !! طيب

طبعاً كل مره نوجه على وجهة وأجلس أسوي عنها بحث والسكن وأناظر فديوهات عنها عشان أعرف وين نسكن والتنقلات الخ

إلى أن بقي شهر على العيد قررنا المالديف طبعاً أنا كنت حاط في بالي أن المالديف قليل الي يروحون لها وأن الحجوزات متوفرة
كان خيار السكن واضح يامنتجع أننتارا كيهاف أو فورسيزون لاندا
فبديت البحث تواصلت مع مكتب سياحي اسمه الفا في المالديف وشيكت على موقع المنتجعين وبوكينج واكسبيديا ومكتب الرشود وموقع رونق وهنا المالديف الشاهد إني كنت أبحث عن أرخص عرض ومبرد حتى ماحجزت الطيران

الصدمة أني حصلت أن المنتجعات شبه محجوزه بالكامل للفلل المائية هذا الي خلاني أتوتر شوي وأجرب تواريخ ثانيه.. المشكلة الثانية أن موسم الأمطار والعواصف في المالديف يبداء من شهر مايو فكل مادخلنا في مايو أكثر كل ماكانت نسبة الأمطار والعواصف المتوقعة أكبر

المشكلة الثانية كانت الأطفال وين نحطهم ..
ودنا ناخذهم معنا لكن ودنا نروق وفي نفس الوقت ماودنا نضايق الي بنخليهم عندهم..

في النهاية الحمد لله جلسوا عند جدانهم الله يخليهم
ونرجع للحجوزات قررنا نحجز في أننتارا لأن السعر فرق كبير عن الفورسيزون أكثر من 10 آلاف ريال سعودي

وكان حجزنا رابع العيد يوافق 3 مايو وحتى 7 مايو
ثلاث ليالي في فيلا فوق المويه مع مسبح خاص وليلة في فلة شاطئية فرق السعر لليلة بس 150 دولار
فكانت الفكرة تغيير جو وتجربة الفلل الشاطئية

طبعاً بعد ماحجزت المنتجع بديت أبحث عن الطيران والي استغربته أن الأسعار من قبل الرحلة بشهرين إلى قبل الرحلة بيومين نفس السعر الفرق ما يذكر

لكن المقاعد كانت تخلص في بعض الرحلات لكن مثلا القطرية والاتحاد والاماراتية نفس السعر
بالنسبة للسعوديين الي يدور عن رحلات دايركت للمالديف ماله ألا الخطوط السعودية ولا طيران ناس

لكن رحلاتهم مجدولة لأيام معينة في الأسبوع يعني مافيه رحلات كل يوم يعني مثلا بس يوم الأحد والأربعاء والسبت الاثنين والثلاثاء والخميس والجمعة مافيه بعكس الخطوط الثانية يومياً رحلات

وأرخص طيران يودي للمالديف كان فلاي دبي لكن وقت بحثي عن الرحلات صارت سالفة الطيارة حقت فلا دبي في فيتنام الي شبت في الجو
وغير كذا كنت أفكر في رحلة العودة هذا طيران إقتصادي أكيد بيكون مليان عمالة في رحلة العودة للسعودية فما راح تكون مريحة للمدام في العودة

المهم ثم بعدها كانت الخطوط السيلانية سيريلانكا .. لكن نفس مشكلة فلاي دبي في رحلة العودة
فكنت بين الاماراتية أو القطرية
الاماراتة أغلب رحلاتها المخفضة تكون مشغلة عن طريق فلاي دبي إما كاملة أو جزئية فكنسلتها
الاتحاد والقطرية هم أفضل خيارين لي لكن مشكلة الترانزيت الطويل يبي لهم يحلونها

الاتحاد كان فيه رحلة رخيصة جداً لكن الترانزيت فوق 20 ساعة ... هي حلوة للي ماعنده ارتباط ينزل يتمشى في أبوظبي لكن كنا محدودين في الوقت..

المهم حجزنا القطرية الوصول للمالديف المفترض 7:50 ص
ونصيحة للي بيروح للمالديف يحجز رحلات صباحية عشان يستفيد من يوم الوصول كامل

يوم الرحلة


أنا والمعزبة جايين المطار بدري ومروقين وجايبين معنا ترمسنا نتقهوى في المطار على مايجي موعد الاقلاع
وجلسنا عند البوابة وجلسنا نتسامر ونتبادل أطراف الحديث ... وكل شوي أسمع النداء رحلة كذا وبالي مو معه الصوت يبي له تركيز والناس الي حولي جالسين وعيني على البوابة كل شوي عشان إذا فتحوا نروح..

فجاءة جاني إلهام اسمع وش يقول النداء الأخير لرحلة القطرية... قلت ياولد رح اسال الي عند البوابة الرحلة في وقتها ولا تأجلت قالي الموظف القطرية غيروا البوابة النداء الاخير

وأركض للمدام ضفي ضفي عفشك الرجاجيل راحوا وخلونا.. واسبقها عشان أسال موظفي المطار وين نقلوا البوابه حقتنا عطاني الرقم قلت ترى المدام بتلحقني أن جت علموها أنا بروح للبوابة عشان أعطيهم خبر
وخذ لك ركض تجي بدري ومروق ومكيف مع القهوة وبعيد عن ازعاج الصغار فجأة كله يروح عشان الرحلة لا تقفل والله وأحصلهم توهم مجتمعين .. الله يهديهم لعبوا في أعصابنا لونا جالسين ومروقين وجلسنا نمشي على خفيف وصلنا لأن خذنا وقت ننتظر مسافر وصل متأخر للباص الي ينقلنا للطيارة.
وهذا كان الموقف الأول.


على كل حال كانت الطيارة جديدة الكراسي مريحة ومقاسها حلو. لكن للأسف الإقلاع تأخر شوي والترانزيت كان 55 د فكان وصولنا لقطر قبل موقع إلإقلاع للرحلة الثانية ب 33د طبعاً أو ماتنزل وأنت متأخر ماتدري وين تروح مطار كبير وعند التفتيش الناس تسحب رجولها عندها وقت وأنا ابي ألحق جينا عند التفتيش أول مانزلنا قالوا معكم سوائل قلنا لا ناسين ترمس قهوة خوينا الأ ووينكب داخل الشنطة وحاس الدنيا فقالوا وقفوا على جنب بنشوف وش حاطين فيها. قلت أجل أنا بروح اشوف وضع الرحلة والبوابة والمدام تجلس معهم
أدور أحد أسالة زحمة مسافرين حصلت موظفة المطار قلت لها رحلتنا وينها شيكة بالجهاز قالت قفلت الرحلة
قلت أفااا وش العلم
هذا الموقف الثاني
في الرياض بغت تروح علينا الرحلة وعقب ذيك الخرشة والركض تروح علينا الرحلةفقالت الموظفة البوابة قفلت رحوا خدمة المسافرين

رحت بشوف وش العلم ثم ذكرت المعزبة بتضيع في هالحوسة ولا تدرين ويني فيه خلني أدق عليها عسى جوالها شغال ... وأشوى ردت علي وجت معي نشوف وش الدبرة ألا يوم وصلنا المكتب إلا سرى عندهم كلهم بيعدلون حجوزاتهم ... وأنا على أعصابي أول مره تصير لي ياخوفي الرحلة الثانية الي بعد بساعة تكون فل ويقولون مافيه الإ رحلة متأخرة معناتها بوصل للمالديف الليل ويروح علي يوم

وطولنا في الانتظار إلى أن وصلنا عند موظفة افريقية بشوشة مع هاللخمة والحوسة خلتك تروق
وطلعت بنت حلال ضبطتنا ولعلها خيرة هالتأخير عطتنا مقاعد وسيعة ومريحة
وكانت الرحلة بعد ساعة تقريبا قلنا ناكل لنا شيء

الغريب في المطار في كنتاكي وبرجر كينج كوجبات سريعة فيه مطاعم ثانيه ؟؟
المهم خذنا لنا برجر كينج على السريع

أحس إني طولت في تفاصيل التفاصيل فجالس أحاول أختصر الكلام...

نصائح بخصوص حجز الطيران للي يبي يوفر
لين جيت تبحث عن الحجوزات ادخل المواقع الي تعطيك جميع الرحلات والخطوط وإذا أعجبتك رحلة روح شيك عليها في موقع الخطوط نفسها إن كان نفس السعر فهو أفضل لك وأضمن لك
السعر الي يطلع لك في البحث هذا أقل سعر يعني لازم تتأكد قابل للألغاء أو لا .. مع العفش الي يشحن أو بس الي تشيله معك في الطيارة فيه اختيار مقاعد أو لا ..إلخ
نفس الخطوط يكون عندهم رحلتين بنفس السعر أو فرق بسيط يكون السبب في مدة الترانزيت وقت الوصول للوجهه أو وقت الاقلاع في العودة يعني بتوصل النهار بدري أو الليل متأخر مثلا المالديف غلط تحجز عودة الصباح بدري الساعة 6 الصباح أو متأخر الساعة 6 المساء لان احسب حسابك متى بتصحى ويبي لك تنقل من المنتجع إلى المطار وغير أنك ماراح تستفيد من هذا اليوم ونفس الشيئ أذا الرحلة متأخرة المنتجع بيطلعك بدري فبتجلس في المطار أو المدينة والمدينة ماينصحون فيها مافيها شيء خساره على الفاضي
سعر التذكرة لنفس الخطوط يعتمد أيضاً على نوع الطيارة يفضل في الرحلات الطويلة تبحث عن الطيراات الضخمة أو الحديثة عشان تكون فيها كل الخدمات تكون مريحة وفيها كل الخدمات. مره رحت مع الخطوط السعودية على رحلة مخفضة إلى إيطاليا لكن الطيارة للأسف كانت مثل طيارات الطيران الاقتصادي مافيه شاشة وضيقة
إذا حجزت سياحية أقل سعر الي يكون فيه تحديد المقاعد بفلوس .. قبل الرحلة ب 24 ساعة يفتح لك اونلاين تسجيل دخول وتختار مقعد مجاني لكن ياتلحق يا ماتلحق لأن كثيرين يعتمدون هذي الحركة
عدد من خطوط الطيران ومنها القطرية يكون للسياحية 3 تقسيمات للمقاعد مقعاد عادي ويكون آخر الطيراه - مقاعد أوسع شوي الي تكون عند مداخل الطوارئ - مقاعد حجمها أوسع وفيه مسند للأرجل وللي جرب درجة الأفق من زمان بيعرف كيف هذي المقاعد مريحة وممتازة وكل مقعد وله تسعيره


نرجع نستكمل الرحلة..
ركبنا الرحلة من قطر إلى ماليه مدة الرحلة تقريباً 4 ساعات
وصلنا تقريبا الساعة 10 و 45د كان المفترض وصولنا يكون 7و45 د لكن الحمد لله.
الصدمة أنك تكون جاي من مطارات ضخمة ومتطورة وتنصدم بمطار بدائي وفيه كثافة
طبعاً نسيت قبل وصولك للمالديف لازم تدخل موقع إلكتروني تسجل بياناتك قبل الرحلة ب 48 ساعة

بعد ما استلمنا الشنط مافيه تفتيش على طول تطلع تحصل مناديب المنتجعات ينتظرونك عند البوابة لأن رحلتنا تأخرت فما حصلت لوحة منتجع اننتارا لكن فيه واحد أبن حلال كان ماسك لوحة موقع (هنا المالديف) وسألني أي منتجع تبي قلت أننتارا فنادا المندوب شايل لوحة منتجع نياما .... بعدها عرفت أنهم لنفس الشركة فطلع اسمي وخذنا لمكتب الطياران المائي وحجز لنا تذاكر الرحلة وفيه ناس يطلعون من المطار ويوروحون للقوارب عشان توصلهم للمنتجعات

بعد الحجز ولأن تأخرت رحلتنا في الرياض وفي قطر فنقلونا للاونج يبعد عن المطار 5 د نريح قبل موعد رحلة الطيارة المائية طبعاً هذا اللاونج يخدم منتجعات معينة لأن كان فيه لاونجات ثانية غير هذا
المكان في عمارة من عدد من الأدوار تطل على مهبط الطائرات المائية وفيه عصاير ومشروبات غازيه وسناكات دونات وفطاير وقهوه

بعدها خذونا للطيارة الي صراحة ماترتقي بمستوى المنتجعات طياره صغيره تشيل يمكن 12 شخص ضيقه المكيف مايشتغل ألا أذا طارت في الجو الكراسي جلد العفش يحطونه في آخر الطيارة في الذهاب كنا أربع عوائل الرحلة المفروض مدتها 35 د للمنتجع من المطار
هذي من المعلومات الي كنت أبحث عنها كم مدة الرحلة من المطار للمنتجع طبعاً تختلف من منتجع إلى منتجع وفيه منتجعات ماتوصل لها إلا بقوارب سريعة وطبعاً حط في بالك الأجواء المتقلبة فاحسب حسابك لين جيت تحجز الطيران هالامور

ولكن لأن فيه عائلتين بيوصلونهم منتجع ثاني على الدرب فوقفنا ترانزيت نزلناهم في منتجعهم وكملنا طريقنا

ووصلنا المنتجع نزلونا من الطيارة وركبونا قارب عشان يوصلنا للمنتجع ولا دقيقتين بس يقربنا من الطيارة للمنتجع لأن الطيارة ماتقدر تدخل

عند الاستقبال اتوقع جميع المنتجعات تسويها يستقبلونك الموظفين ومدير المنتجع .. وثم كل زائر يكون له موظف يخدمه خاص هالخدمة ما أدري هل هي في كل المنتجعات أو لا
على كل حال خذنا الموظف بسيارة القولف لف فينا في المنتجع عشان يعطينا نظرة كامله عنه ثم وصلنا للفيلا المنشودة

من وصولنا للمنتجع وملامحنا تحكي .. موب مستوعبين أننا في المالديف
لأني كنت أعتبرها من الأحلام الي ودي احققها في حياتي

قام الموظف وعطانا مزايا الغرفة والمنتجع فكان حجزنا مع وجبتي فطور وغداء والمنتجع فيه أتوقع أربع مطاعم
فكان مسوي جدول للمطاعم الي بنتغداء فيه أيام إقامتنا الفطور كان في مطعم واحد بوفيه مفتوح

هنا خلوني أتكلم عن النصائح الي وصلتني قبل أروح للمالديف بخصوص الأكل
الأغلب كان يقول خذ معك سناكات كيك شبسات لوزين اندومي عشان الأكل غالي عندهم
لازم تاخذ معك شنطة حقت تموين وفيه واحد كان مسافر قبل 4 شهور قالي يارجال مايحتاج خذ شي خفيف
شبسات وتشوكلت مكسرات لكني مشيت مع الأغلبيه ورحت للسوبر ماركت ليلة السفرة وجلست أضف

المصيبة نص التشوكلت نسيته في الثلاجة ماذكرته ألا يوم وصلنا قالت المدام بس هذا الي جبته معك
لكن أبشركم رجعنا من السفرة وباقي ماخلص التموين
طيب ليش؟؟

الفطور زي ماقلت لكم كان بوفيه مفتوح والخيارات مناسبة (طبعا من منتجع لمنتجع تختلف المطاعم وعددها وخياراتها)
البوفيه فيه قسم للكورنفلكس وركن مخبوزات كيك وكورسان وركن أجبان وركن لحوم وركن للبان كيك ووافل
وأي نوع بيض يسوونه لك وفيه فول جرة وركن فواكة وزبادي
يومياً نفس البوفية ونفس الخيارات ... والمشروبات ضمن الحسبة أي نوع عصير أو شاي أو قهوه حتى تشبع
من الساعة 7:30 إلى 11 أو 11:30
فكنا نفطر غالباً الساعة 8 أو 9 ص وحاول تشبع وفيه يوم واحد كان من ضمن العرض فطور داخل الغرفة فوق الماء
يجيبون لك صينية فيها نوعين عصير وطبقين بيض من اختيارك ومعجنات كوروسان ومربى وعسل ومشروب ترحيبي بدون كحول

بعدها الغداء يبداء من الساعة 6:30 العصر يعني في وقت رحلتنا كان تقريبا على الغروب
فيه يومين يمكن حسينا بالجوع بس كان عندنا تموين صبرنا نفسنا إلى وقت الغداء

طبعاً ماكنا نسهر أطول يوم جلسنا فيه نمنا الساعة 12 الليل

نرجع للموظف والجدول الي سواه لنا أختار لنا كل يوم نتغداء في مطعم عشان نجرب جميع المطاعم الي في المنتجع وأخر يوم نقرر أي مطعم نقدر نرجع ناكل منه مره ثانيه أو نجرب نتعشاء في مطعم تجت الموية لكن هذا يحتاج حجز خاص وما يدخل ضمن الحجز

على كل حال نظام الغداء عندهم حلو ومناسب لكل زائر يختار من المنيو طبق مقبلات وطبق رئيسي وطبق حلا
فالشخصين بيكون عندهم طبقين مقبلات وطبيقين رئيسية وطبقين حلا
المشروبات في الغداء ماتدخل ضمن الحجز فمثلا الكولا سعرها تقريبا 30 ريال سعودي
يوم من الأيام واحد من المطاعم يكون نظامه بوفيه والبوفيه له أيام محدده لو بعيد الزيارة لنفس المنتجع بسأل عن أيام البوفية لأن كانت الخيارات فيه مناسبة وتجرب من كل شيء شوي
الموظفين في الفندق يتكلمون انجليزي لكن فيه منيو عربي إذا طلبت منهم يعطونك

بعدها أبتدا مشوار الاستمتاع بالفيلا لكن الصدمة الثالثة بعد ما اكتشفت إني ماجبت شاحن المدام
وتعرفون البنات لازم جوال وتغطيات وسناب شات وقلب المود مع أول يوم
وأطلع أطر شاحن من الموظفين كل مكان تروح تحصل عنده شاحن لكن مايقدر يطلعه من الموقع الي فيه يعني تبي تشحن حط جوال ورح

والله وأجلس عند البار واحط الجوال يشحن وجلست يمكن ساعتين سولفت معه شوي وقلبت النت في جوالي وقالوا لي فيه شاحن واير لس في كل فيلا لكن للاسف الايفون نفسية يشحن شوي ويفصل أو ما يكمل شحن المهم لعل الموظف رحمن وقال بدبر لك شاحن بس رجعه موب تسحب علي .. وقتها كانه مبشرني بولد
واجيك ركض راجع للمدام ماله داعي تخرب السفرة من أول يوم توناباقي لنا ثلاث أيام
والحمد لله مشت أمورنا.

نرجع للفيلا المائية وهي من أهم الأمور الي خلتني اكتب هذا الموضوع لأن مالقيت أحد عطاني جواب واضح
طبعاً أغلب منتجعات المالديف كان موب كلها فيها فلل مائية لكن فيه أنواع

أول شيء فيه منتجعات تتميز فللها المائية أنها تطل على منظر الغروب أو الشروق ويفرق سعر الغروب عن الشروق الغروب أغلا
ثاني شيء فيه فلل مائية مع مسبح وفيه بدون مسبح
وفيه فلل فوق المويه تكون داخله شوي في البحر لكن مستوى العمق يمكن 1.5
وفيه فلل يسمونا لاجون أو زي كذا بحيث تكون تقريباً قريبه من الشاطئ وفوق المويه
وفيه فلل فيها جلسه معلقه زي المرجيحه وأحجامها تختلف من منتجع لمنتجع وفيه جلسه شبك معلق
وطبعاً حجم الفلل يختلف بين منتجع ومنتجع وحجم المسبح

نجي للنقطة الأهم للي مثلي يهمه موضوع الخصوصية من ناحية السطر ولا كلها فيها خصوصية وكلن في حالة وأي إزعاج من الفلل المجاورة تقدر تشتكية للمنتجع

من خلال بحثي في المنتجعات لاحظت فيه منتجعات الخصوصية فيها من ناحية الستر قليله
فكان اختياري لاننتارا يمدحون فيه الخصوصية طبعاً بحاول اعكس لكم مدى الخصوصية

وأنت تسبح في مسبحك الخاص محد يشوفك وحتى لو تتروش في الشاور الي عليه شباك على البحر وفيه ستاره لو تبي تقفلها
لكن لو جلست تتشمس على الشبك أو جالس على المرجيحه فالي نازل يسبح في البحر من جيرانك فأنت مكشوف كامل ونفس الموضوع إذا نزلت تسبح في البحر قدام فلتك أو حتى جنب فلتك فأنت مكشوف من الفلل المجاورة أو للي يسبح في الفلة الي جنبك وفس الشيء للي يمشي في الممرات الخارجية للفلة بمعنى لو أحد رايح للفلة رقم 10 بيمر الفلل من 1 إلى 9 وهو يمشي إذا بيناظر من جهة هذي الفلل وأنت كنت تسبح في المنطقة الي بين الفلتين فبتكون مكشوف له كامل لأنه يناظرك من مكان مرتفع

هو صح مافيه أحد حولك أنا كان ساكن جنبي عائلتين أجنبية وحدة أثنين كبار في السنة ماشفتهم إلا يوم واحد جالسين يتشمسون ويوم نزلو يسوون سنوكر
والعائلة الثانية معهم طفل ماشفتهم بس سمعت صوت الطفل يبكي

لكن لو الي جنبي عربي أو خليجي أتوقع بيكون شوي إحراج لأن كلنا جايين ندور عن مكان خاص عشان الحريم ياخذون راجتهم في السباحة

وأخر ليلة لنا نقلنا لفيلا شاطئية مع أن الكل كان يقول ترى ماتصلح كلها حشرات لكن من باب التجربة عن الخاطر .
الصراحة الفيلا حلوة وتعطيك احساس ثاني كانك طلعت من فندق لفندق ثاني لكن ماتصلح للحريم على وجه الخصوص فيها ظواطير (بعرص أو برص) بكثرة وخاصة في منطقة دورة المياة مصممينها تكون خلف غرفة النوم خارجية بدون باب فيه باب يفصل بين غرفة النوم والمنطقة الخارجية الي فيها دورة المياة ومغاسل وشاور وجاكوزي وشلال منطقة جميلة لكن عانينا معهم كل شوي لازم قبل ماتطلع أو تدخل تقفل الباب وتتأكد مافيه ضيوف سابقينك للمكان ولا متوزين ورى الكرسي أو السقف طبعاً غير السحالي الثانية الي فجأة تحصلها فوق شجرة أو جالسة تتأمل فيك من بعيد

وطبعاً لكل فيلا فيه سيكل (دراجة هوائية) للتنقل أو إذا أنت مافيك حيل تقدر تكلم الموظف الخاص عن طريق الواتساب يجي ينقلك للمكان الي تبي الموظف هذا يعطيك رقمة تتواصل معه أي وقت وتطلب منه أي خدمة يوفرها لك أو أي حجز

من ضمن مزايا المنتجع كان السنوكر مجاني يعطونك زعانف ونظارة وجكيت النجاة نط في أي مكان واستمتع وفي بالنسبة لي يكفي عن الغوص الرسمي لكني تمنيت أني جبت السنوكر من أول يوم في المنتجع عشان أتعلم عليه واستمتع لأن ما استمتعت فيه إلا بعد ما جربت الغوص الرسمي وكان تقريباً نفس الفكرة لكن أنواع السمك تختلف كل ماتغوص أكثر كل ماتطلع لك اسماك اشكال ثانية


الخلاصة:
- يبي لي زيارة ثانية للمالديف
- كثير قالوا الوقت بطيئ في المالديف وكثير عليها 3 أيام لكن الي شفته إن الوقت يروح بسرعة ولا شبعت منها
- السناكات لاتكثر
-ابحث عن المنتجعات القريبة من المطار ويكون فيها خيارات متعددة من المطاعم وفيها أنشطة متنوعة
ألعاب مائية غوص سنوكر قوارب (دباب البحر 30د ب 1200 ريال سعودي) الفعاليات غالية جداً
- المشروبات غالية .. قارورة موية ايفيان كبيرة سعرها 66 ريال سعودي طبعاً فتحناها بالغلط مع أنهم يوفرون لك الموية في الفيلا
- الفيلا الشاطئية ماتصلح للنساء خاصة في هذا المنتجع لكن ما أدري عن المنتجعات الثانية
-المالديف ماتصلح للعرسان الجدد الي ما خذوا على بعض كثير لأن موب مستمتعين بشكل كامل زي الي يمونون على بعض وفاهمين بعض
- المالديف تصلح للأطفال وبيستمتعون أكثر منك المنتجع هذا فيه نادي للأطفال يفتح من الساعة 9 أو 10 الصباح إلى الساعة 6 المغرب فيه نطيطة وفيه العاب رمل وتلوين وتلفزيون ومراجيح وتسلق وغير كذا يعطون لكل طفل سيكل وبيشوف كائنات سحالي طيور أسماك
- خل وصولك للمالديف بدري جداً وبالنسبة لتسجيل الخروج من المنتجع حط في بالك بتطلع من الفيلا الساعة 2 الظهر
- آخر رحلة للطيران المائي في هذا المنتجع الساعة 3 العصر والمنتجع بيوفر لك لاونج لانتظار رحلتك يعني إذا حجز عودتك الساعة 7 الليل لاتشيل هم بتطلع من المنتجع الساعة 3 العصر وبتجلس في اللاونج تروق إلى وقت الرحلة ثم يوصلونك للمطار
- خذ معك واقي شمس لأن الشمس حارة وبتحرق جلدك
- فيه موقف غريب صار للكن من باب التنويه المدام معها ايفون 14 لكن من ثاني يوم كل ماجت تشحن يطلع لها تنبيه الجهاز فيه سوائل ما يقدر يشحن البطارية أو يشحن شوي ثم يفصل يوم وديناه للصيانه بعد مارجعنا قال ممكن بسبب الرطوبة تجمعة موية أو الشاحن كان فيه رطوبة وشبكته في الجوال فسبب خلل لراس الشحن الداخلي وإصلاح هذا العطل بقيمة جوال جديد يا راعين الايفونات انتبهوا تشحنون جوالكم وفيه رطوبة أو توكم سابحين مع أن الجهاز ضد الموية
- الطقس متقلب فيه أيام كانت غيوم بدون مطر وأيام جتنا سحابه الصباح مطر شديد مع هواء بارد ويوم غيوم وآخر الليل مطر شديد ورياح قوية ويوم مشمس طبعاً إذا الجو غيوم وأمطار حط في بالك كل شيء بيتأجل حتى وصولك وخروجك من المنتجع.
- حجزك لفطور وعشاء كافي
- إذا رحلتك ترانزيت احسب حساب التأخيرات الي ممكن تحصل فلا يقل عن ساعة ولا يزيد عن 3 ساعات إلا إذا أنت حاط في بالك بتزور المدينة الي بتوقف فيها.


أعتذر على الإطالة وعدم وضع صور لأنها ميب متوفره معي على هذا الجهاز
وأعذروني حاولت اختصر الرحلة بالي أقدر عليه وعلى عجاله.
لكن أي احد بيستفسر عن شيء إن شاء الله بفيده

شكراً لكم

 

توقيع : ATL

اللهم لا تجعل في قلوبنا غلاً للذين آمنوا
نقره لعرض الصورة في صفحة مستقلة
ATL غير متواجد حالياً   رد مع اقتباس
قديم 23-05-2023, 03:58 PM   #2

مراقبة العرب المسافرون

الصورة الرمزية q8ya metnaqla
 
تاريخ التسجيل :  Dec 2014
رقم العضوية : 73
الدولة : وطن النهار
الجنس : انثى
المشاركات : 16,541



أوسـمـة: q8ya metnaqla

كل الاوسمة:2 (more»)
افتراضي


الله يعطيك العافيه
معلومات مفيدة ودقيقة عن المالديف
ومواقف سفر للذكرى ..
اتفق معاك بنقطة المعاريس .. واتفق معاك بأن يبيلها اكثر من 3 ايام

 

توقيع : q8ya metnaqla


كويتية متنقله في أعالي جبال الأنديز، قاطعه فيها الإكـــــوادور من الشمــال للجنـــوب

https://www.arabtrvl.com/vb/t49320.html

كنزٌ دفين اكتشافُ ارضٍ ضائعةٍ كنا نعرف بوجودها ولكن لم نستطع الوصول إليها(كولومبيــا)

https://www.arabtrvl.com/vb/t48941.html

مراسلتكم من الاتحاد السوفيتي سابقا (روسيــا 2019 )

https://www.arabtrvl.com/vb/t45053.html


في قصص الشعوب طرائف لاتنتهي وعالم حلو بهي يسكن في القلوب في قصص الشعوب (المكسيـــــك)

https://www.arabtrvl.com/vb/t41667.html

الى الزيتونة وعقبه بن نافع وابن خلدون بلد العلم والثقافة والتاريخ( تــونس الخضـــرا )

https://www.arabtrvl.com/vb/t39247.html

سـكــة سفــر فيهـا مشـاويـر العمــر ( امـريكــا ديسمبــر 2017 )

https://www.arabtrvl.com/vb/t31951.html

كل انسان يصبح شاعرا اذا لامس قلبه الحب : من بلاد الفلاسفه (اليونان)

https://www.arabtrvl.com/vb/t7554.html

q8ya metnaqla متواجد حالياً   رد مع اقتباس
قديم 24-05-2023, 04:58 PM   #3

مجلس الإدارة

الصورة الرمزية توبليرون
 
تاريخ التسجيل :  Dec 2014
رقم العضوية : 26
الدولة : حبي الكويت
الجنس : انثى
المشاركات : 25,619



أوسـمـة: توبليرون

كل الاوسمة:3 (more»)
افتراضي


يعطيك العافيه على ذكر التجربه وذكر النصايح ان شاءالله الجدد على المالديف يستفيدون منها

 

توقيع : توبليرون


باريس
https://www.arabtrvl.com/vb/t49390.html

بريطانيا
https://www.arabtrvl.com/vb/t51445.html

تركيا
https://www.arabtrvl.com/vb/t52107.html

مشاركاتكم تسعدني
لا أكتب الا في العرب المسافرون
اختكم : أم حسين
نقره لعرض الصورة في صفحة مستقلةنقره لعرض الصورة في صفحة مستقلةنقره لعرض الصورة في صفحة مستقلة

توبليرون غير متواجد حالياً   رد مع اقتباس
قديم 31-05-2023, 01:15 AM   #4

مسافر جديد

الصورة الرمزية Bahrain1997
 
تاريخ التسجيل :  Sep 2016
رقم العضوية : 12514
الدولة : الــبـــحـــريــــن
الجنس : ذكر
المشاركات : 36



افتراضي


الله يعطيك العافية
سرد جميل لرحلتك الى المالديف .. ومعلوماتك قيّمة
في السفر من الرائع أن لا تعقّد الأمور وتحاول ان تجد حلاً للمشاكل التي تصادفك

 

Bahrain1997 غير متواجد حالياً   رد مع اقتباس
قديم 31-05-2023, 06:42 AM   #5

مجلس الإدارة

الصورة الرمزية آخـــرفـــرصـــة
 
تاريخ التسجيل :  Dec 2014
رقم العضوية : 16
الدولة : فضاء العرب المسافرون
الجنس : ذكر
المشاركات : 30,595



افتراضي


ما شاء الله عليك
سرد رائع وتفاصيل مهمة لمن يزور المالديف

أشوف أسعارها مبالغ فيها رغم جمالها
سواء سكن أو فعاليات

وأتوقع أنها ما تناسب الجميع
الشخص الحركي مكان زي هذا قاتل له
لكنه ينفع للشخص الرايق طويل البال اللي بيسوي ريست للذاكرة

نقطة مهمة ذكرتها مشكورًا أنه ما ينفع للمعاريس
وأنا اتفق معك تمامًا لأنهم ما أخذوا على بعض للآن

نشكرك على هذا التقرير الممتع
كثير راح يستفيد منه

 

توقيع : آخـــرفـــرصـــة

نقره لعرض الصورة في صفحة مستقلة

لا أكتب الا في شبكة و منتديات العرب المسافرون

آخـــرفـــرصـــة غير متواجد حالياً   رد مع اقتباس
قديم 04-06-2023, 09:26 AM   #6

مسافر متميز

 
 
تاريخ التسجيل :  Nov 2021
رقم العضوية : 45727
الدولة : السعودية
الجنس : ذكر
المشاركات : 394



افتراضي


يعطيك العافيه على ذكر التجربه وذكر النصايح ان شاءالله الجدد على المالديف يستفيدون منها

 

Fahad2021 غير متواجد حالياً   رد مع اقتباس
قديم 01-07-2023, 06:14 PM   #7

مراقبة العرب المسافرون

الصورة الرمزية الايمان
 
تاريخ التسجيل :  Dec 2014
رقم العضوية : 331
الدولة : الكويت
الجنس : انثى
المشاركات : 12,637



أوسـمـة: الايمان

كل الاوسمة:1 (more»)
افتراضي


شكرا على نقل تجربتك للمالديف
رحت لها وسبحان الله ماحبيتها طلعت من القروب اللي يحسون بطول الوقت فيها

 

الايمان غير متواجد حالياً   رد مع اقتباس
قديم 08-07-2023, 07:48 AM   #8

مسافر متميز

 
 
تاريخ التسجيل :  Oct 2017
رقم العضوية : 16530
الدولة : سوريا
الجنس : ذكر
المشاركات : 218



افتراضي


صحيح موضوع بدون صور بس بصراحة اسلوبك خلانا نعيش معك التجربة

انا من عشاق دول اسيا , بحس فيها منتجعات متل المالديف بالاضافة للنشاطات والرحلات الخاصة بكل مدينة

 

Rafeeheraki غير متواجد حالياً   رد مع اقتباس
قديم 19-07-2023, 02:47 AM   #9

مسافر متألق

الصورة الرمزية عبدالرحمن الصلال
 
تاريخ التسجيل :  Jul 2017
رقم العضوية : 15937
الدولة : السعودية
الجنس : ذكر
المشاركات : 672



افتراضي


ياليت دعمتنا بصور وفصلت اكثر

على العموم شكرا كثيرا

 

Rolls-Royceمعجبون بهذا.

توقيع : عبدالرحمن الصلال

لمشاهدة مواضيعي أضغط " هنا "

عبدالرحمن الصلال غير متواجد حالياً   رد مع اقتباس
قديم 06-09-2023, 07:37 PM   #10

مسافر جديد

 
 
تاريخ التسجيل :  Aug 2023
رقم العضوية : 49558
الجنس : ذكر
المشاركات : 4



افتراضي



السلام عليكم ورحمة الله وبركاته


الصراحة المنتديات الي مثل العرب المسافرون المفروض تبقى لأن الصراحة الفايدة فيها والوصول للخبرات والمعلومات أسهل من التويتر والسناب وغيره.. مع أني قبل رحلتي جيت أبحث عن معلومات تكون حديثه عن المالديف ومنتجعاته لكني ماحصلت فقلت لازم إذا رجعت أسوي موضوع لتجربتي يمكن يجي واحد زي حالتي ويستفيد لو معلومه بسيطه...

في البداية أنا والمدام كنا محتارين وين نسافر وكل مره نغير الوجهه
كانت الخطة أمريكا ثم قلنا يبي لها إجازة طويلة وميزانية لأن ودنا ناخذ الصغار معنا..
حولنا على تايلند بما إنها الهبة ورخيصة... لكن وقتها قلنا نبي سفرة استرخاء وروقان ماودنا نخطط وكل يوم نروح كم مكان وتنقلات

فحولنا على أوروبا أو المالديف والمدام ودها في هولندا وباريس


قلنا أوروبا آخر مره رحنا لها راح وقتنا في التنقل بالسيارة ويبي لها جدول وتحديد أماكن وخاصة أن وقت السفرة المتوقع بيكون عيد الفطر يعني كان باقي 3 شهور أو شهرين

فقلنا ماتصلح ودنا باسترخاء
المالديف بس غالية وماتصلح للصغار ... طيب هولندا دولة هادية ولها طبيعتها الخاصة غير أوروبا سوسرا والنمسا ...إلخ !! طيب

طبعاً كل مره نوجه على وجهة وأجلس أسوي عنها بحث والسكن وأناظر فديوهات عنها عشان أعرف وين نسكن والتنقلات الخ

إلى أن بقي شهر على العيد قررنا المالديف طبعاً أنا كنت حاط في بالي أن المالديف قليل الي يروحون لها وأن الحجوزات متوفرة
كان خيار السكن واضح يامنتجع أننتارا كيهاف أو فورسيزون لاندا
فبديت البحث تواصلت مع مكتب سياحي اسمه الفا في المالديف وشيكت على موقع المنتجعين وبوكينج واكسبيديا ومكتب الرشود وموقع رونق وهنا المالديف الشاهد إني كنت أبحث عن أرخص عرض ومبرد حتى ماحجزت الطيران

الصدمة أني حصلت أن المنتجعات شبه محجوزه بالكامل للفلل المائية هذا الي خلاني أتوتر شوي وأجرب تواريخ ثانيه.. المشكلة الثانية أن موسم الأمطار والعواصف في المالديف يبداء من شهر مايو فكل مادخلنا في مايو أكثر كل ماكانت نسبة الأمطار والعواصف المتوقعة أكبر

المشكلة الثانية كانت الأطفال وين نحطهم ..
ودنا ناخذهم معنا لكن ودنا نروق وفي نفس الوقت ماودنا نضايق الي بنخليهم عندهم..

في النهاية الحمد لله جلسوا عند جدانهم الله يخليهم
ونرجع للحجوزات قررنا نحجز في أننتارا لأن السعر فرق كبير عن الفورسيزون أكثر من 10 آلاف ريال سعودي

وكان حجزنا رابع العيد يوافق 3 مايو وحتى 7 مايو
ثلاث ليالي في فيلا فوق المويه مع مسبح خاص وليلة في فلة شاطئية فرق السعر لليلة بس 150 دولار
فكانت الفكرة تغيير جو وتجربة الفلل الشاطئية

طبعاً بعد ماحجزت المنتجع بديت أبحث عن الطيران والي استغربته أن الأسعار من قبل الرحلة بشهرين إلى قبل الرحلة بيومين نفس السعر الفرق ما يذكر

لكن المقاعد كانت تخلص في بعض الرحلات لكن مثلا القطرية والاتحاد والاماراتية نفس السعر
بالنسبة للسعوديين الي يدور عن رحلات دايركت للمالديف ماله ألا الخطوط السعودية ولا طيران ناس

لكن رحلاتهم مجدولة لأيام معينة في الأسبوع يعني مافيه رحلات كل يوم يعني مثلا بس يوم الأحد والأربعاء والسبت الاثنين والثلاثاء والخميس والجمعة مافيه بعكس الخطوط الثانية يومياً رحلات

وأرخص طيران يودي للمالديف كان فلاي دبي لكن وقت بحثي عن الرحلات صارت سالفة الطيارة حقت فلا دبي في فيتنام الي شبت في الجو
وغير كذا كنت أفكر في رحلة العودة هذا طيران إقتصادي أكيد بيكون مليان عمالة في رحلة العودة للسعودية فما راح تكون مريحة للمدام في العودة

المهم ثم بعدها كانت الخطوط السيلانية سيريلانكا .. لكن نفس مشكلة فلاي دبي في رحلة العودة
فكنت بين الاماراتية أو القطرية
الاماراتة أغلب رحلاتها المخفضة تكون مشغلة عن طريق فلاي دبي إما كاملة أو جزئية فكنسلتها
الاتحاد والقطرية هم أفضل خيارين لي لكن مشكلة الترانزيت الطويل يبي لهم يحلونها

الاتحاد كان فيه رحلة رخيصة جداً لكن الترانزيت فوق 20 ساعة ... هي حلوة للي ماعنده ارتباط ينزل يتمشى في أبوظبي لكن كنا محدودين في الوقت..

المهم حجزنا القطرية الوصول للمالديف المفترض 7:50 ص
ونصيحة للي بيروح للمالديف يحجز رحلات صباحية عشان يستفيد من يوم الوصول كامل

يوم الرحلة


أنا والمعزبة جايين المطار بدري ومروقين وجايبين معنا ترمسنا نتقهوى في المطار على مايجي موعد الاقلاع
وجلسنا عند البوابة وجلسنا نتسامر ونتبادل أطراف الحديث ... وكل شوي أسمع النداء رحلة كذا وبالي مو معه الصوت يبي له تركيز والناس الي حولي جالسين وعيني على البوابة كل شوي عشان إذا فتحوا نروح..

فجاءة جاني إلهام اسمع وش يقول النداء الأخير لرحلة القطرية... قلت ياولد رح اسال الي عند البوابة الرحلة في وقتها ولا تأجلت قالي الموظف القطرية غيروا البوابة النداء الاخير

وأركض للمدام ضفي ضفي عفشك الرجاجيل راحوا وخلونا.. واسبقها عشان أسال موظفي المطار وين نقلوا البوابه حقتنا عطاني الرقم قلت ترى المدام بتلحقني أن جت علموها أنا بروح للبوابة عشان أعطيهم خبر
وخذ لك ركض تجي بدري ومروق ومكيف مع القهوة وبعيد عن ازعاج الصغار فجأة كله يروح عشان الرحلة لا تقفل والله وأحصلهم توهم مجتمعين .. الله يهديهم لعبوا في أعصابنا لونا جالسين ومروقين وجلسنا نمشي على خفيف وصلنا لأن خذنا وقت ننتظر مسافر وصل متأخر للباص الي ينقلنا للطيارة.
وهذا كان الموقف الأول.


على كل حال كانت الطيارة جديدة الكراسي مريحة ومقاسها حلو. لكن للأسف الإقلاع تأخر شوي والترانزيت كان 55 د فكان وصولنا لقطر قبل موقع إلإقلاع للرحلة الثانية ب 33د طبعاً أو ماتنزل وأنت متأخر ماتدري وين تروح مطار كبير وعند التفتيش الناس تسحب رجولها عندها وقت وأنا ابي ألحق جينا عند التفتيش أول مانزلنا قالوا معكم سوائل قلنا لا ناسين ترمس قهوة خوينا الأ ووينكب داخل الشنطة وحاس الدنيا فقالوا وقفوا على جنب بنشوف وش حاطين فيها. قلت أجل أنا بروح اشوف وضع الرحلة والبوابة والمدام تجلس معهم
أدور أحد أسالة زحمة مسافرين حصلت موظفة المطار قلت لها رحلتنا وينها شيكة بالجهاز قالت قفلت الرحلة
قلت أفااا وش العلم
هذا الموقف الثاني
في الرياض بغت تروح علينا الرحلة وعقب ذيك الخرشة والركض تروح علينا الرحلةفقالت الموظفة البوابة قفلت رحوا خدمة المسافرين

رحت بشوف وش العلم ثم ذكرت المعزبة بتضيع في هالحوسة ولا تدرين ويني فيه خلني أدق عليها عسى جوالها شغال ... وأشوى ردت علي وجت معي نشوف وش الدبرة ألا يوم وصلنا المكتب إلا سرى عندهم كلهم بيعدلون حجوزاتهم ... وأنا على أعصابي أول مره تصير لي ياخوفي الرحلة الثانية الي بعد بساعة تكون فل ويقولون مافيه الإ رحلة متأخرة معناتها بوصل للمالديف الليل ويروح علي يوم

وطولنا في الانتظار إلى أن وصلنا عند موظفة افريقية بشوشة مع هاللخمة والحوسة خلتك تروق
وطلعت بنت حلال ضبطتنا ولعلها خيرة هالتأخير عطتنا مقاعد وسيعة ومريحة
وكانت الرحلة بعد ساعة تقريبا قلنا ناكل لنا شيء

الغريب في المطار في كنتاكي وبرجر كينج كوجبات سريعة فيه مطاعم ثانيه ؟؟
المهم خذنا لنا برجر كينج على السريع

أحس إني طولت في تفاصيل التفاصيل فجالس أحاول أختصر الكلام...

نصائح بخصوص حجز الطيران للي يبي يوفر
لين جيت تبحث عن الحجوزات ادخل المواقع الي تعطيك جميع الرحلات والخطوط وإذا أعجبتك رحلة روح شيك عليها في موقع الخطوط نفسها إن كان نفس السعر فهو أفضل لك وأضمن لك
السعر الي يطلع لك في البحث هذا أقل سعر يعني لازم تتأكد قابل للألغاء أو لا .. مع العفش الي يشحن أو بس الي تشيله معك في الطيارة فيه اختيار مقاعد أو لا ..إلخ
نفس الخطوط يكون عندهم رحلتين بنفس السعر أو فرق بسيط يكون السبب في مدة الترانزيت وقت الوصول للوجهه أو وقت الاقلاع في العودة يعني بتوصل النهار بدري أو الليل متأخر مثلا المالديف غلط تحجز عودة الصباح بدري الساعة 6 الصباح أو متأخر الساعة 6 المساء لان احسب حسابك متى بتصحى ويبي لك تنقل من المنتجع إلى المطار وغير أنك ماراح تستفيد من هذا اليوم ونفس الشيئ أذا الرحلة متأخرة المنتجع بيطلعك بدري فبتجلس في المطار أو المدينة والمدينة ماينصحون فيها مافيها شيء خساره على الفاضي
سعر التذكرة لنفس الخطوط يعتمد أيضاً على نوع الطيارة يفضل في الرحلات الطويلة تبحث عن الطيراات الضخمة أو الحديثة عشان تكون فيها كل الخدمات تكون مريحة وفيها كل الخدمات. مره رحت مع الخطوط السعودية على رحلة مخفضة إلى إيطاليا لكن الطيارة للأسف كانت مثل طيارات الطيران الاقتصادي مافيه شاشة وضيقة
إذا حجزت سياحية أقل سعر الي يكون فيه تحديد المقاعد بفلوس .. قبل الرحلة ب 24 ساعة يفتح لك اونلاين تسجيل دخول وتختار مقعد مجاني لكن ياتلحق يا ماتلحق لأن كثيرين يعتمدون هذي الحركة
عدد من خطوط الطيران ومنها القطرية يكون للسياحية 3 تقسيمات للمقاعد مقعاد عادي ويكون آخر الطيراه - مقاعد أوسع شوي الي تكون عند مداخل الطوارئ - مقاعد حجمها أوسع وفيه مسند للأرجل وللي جرب درجة الأفق من زمان بيعرف كيف هذي المقاعد مريحة وممتازة وكل مقعد وله تسعيره


نرجع نستكمل الرحلة..
ركبنا الرحلة من قطر إلى ماليه مدة الرحلة تقريباً 4 ساعات
وصلنا تقريبا الساعة 10 و 45د كان المفترض وصولنا يكون 7و45 د لكن الحمد لله.
الصدمة أنك تكون جاي من مطارات ضخمة ومتطورة وتنصدم بمطار بدائي وفيه كثافة
طبعاً نسيت قبل وصولك للمالديف لازم تدخل موقع إلكتروني تسجل بياناتك قبل الرحلة ب 48 ساعة

بعد ما استلمنا الشنط مافيه تفتيش على طول تطلع تحصل مناديب المنتجعات ينتظرونك عند البوابة لأن رحلتنا تأخرت فما حصلت لوحة منتجع اننتارا لكن فيه واحد أبن حلال كان ماسك لوحة موقع (هنا المالديف) وسألني أي منتجع تبي قلت أننتارا فنادا المندوب شايل لوحة منتجع نياما .... بعدها عرفت أنهم لنفس الشركة فطلع اسمي وخذنا لمكتب الطياران المائي وحجز لنا تذاكر الرحلة وفيه ناس يطلعون من المطار ويوروحون للقوارب عشان توصلهم للمنتجعات

بعد الحجز ولأن تأخرت رحلتنا في الرياض وفي قطر فنقلونا للاونج يبعد عن المطار 5 د نريح قبل موعد رحلة الطيارة المائية طبعاً هذا اللاونج يخدم منتجعات معينة لأن كان فيه لاونجات ثانية غير هذا
المكان في عمارة من عدد من الأدوار تطل على مهبط الطائرات المائية وفيه عصاير ومشروبات غازيه وسناكات دونات وفطاير وقهوه

بعدها خذونا للطيارة الي صراحة ماترتقي بمستوى المنتجعات طياره صغيره تشيل يمكن 12 شخص ضيقه المكيف مايشتغل ألا أذا طارت في الجو الكراسي جلد العفش يحطونه في آخر الطيارة في الذهاب كنا أربع عوائل الرحلة المفروض مدتها 35 د للمنتجع من المطار
هذي من المعلومات الي كنت أبحث عنها كم مدة الرحلة من المطار للمنتجع طبعاً تختلف من منتجع إلى منتجع وفيه منتجعات ماتوصل لها إلا بقوارب سريعة وطبعاً حط في بالك الأجواء المتقلبة فاحسب حسابك لين جيت تحجز الطيران هالامور

ولكن لأن فيه عائلتين بيوصلونهم منتجع ثاني على الدرب فوقفنا ترانزيت نزلناهم في منتجعهم وكملنا طريقنا

ووصلنا المنتجع نزلونا من الطيارة وركبونا قارب عشان يوصلنا للمنتجع ولا دقيقتين بس يقربنا من الطيارة للمنتجع لأن الطيارة ماتقدر تدخل

عند الاستقبال اتوقع جميع المنتجعات تسويها يستقبلونك الموظفين ومدير المنتجع .. وثم كل زائر يكون له موظف يخدمه خاص هالخدمة ما أدري هل هي في كل المنتجعات أو لا
على كل حال خذنا الموظف بسيارة القولف لف فينا في المنتجع عشان يعطينا نظرة كامله عنه ثم وصلنا للفيلا المنشودة

من وصولنا للمنتجع وملامحنا تحكي .. موب مستوعبين أننا في المالديف
لأني كنت أعتبرها من الأحلام الي ودي احققها في حياتي

قام الموظف وعطانا مزايا الغرفة والمنتجع فكان حجزنا مع وجبتي فطور وغداء والمنتجع فيه أتوقع أربع مطاعم
فكان مسوي جدول للمطاعم الي بنتغداء فيه أيام إقامتنا الفطور كان في مطعم واحد بوفيه مفتوح

هنا خلوني أتكلم عن النصائح الي وصلتني قبل أروح للمالديف بخصوص الأكل
الأغلب كان يقول خذ معك سناكات كيك شبسات لوزين اندومي عشان الأكل غالي عندهم
لازم تاخذ معك شنطة حقت تموين وفيه واحد كان مسافر قبل 4 شهور قالي يارجال مايحتاج خذ شي خفيف
شبسات وتشوكلت مكسرات لكني مشيت مع الأغلبيه ورحت للسوبر ماركت ليلة السفرة وجلست أضف

المصيبة نص التشوكلت نسيته في الثلاجة ماذكرته ألا يوم وصلنا قالت المدام بس هذا الي جبته معك
لكن أبشركم رجعنا من السفرة وباقي ماخلص التموين
طيب ليش؟؟

الفطور زي ماقلت لكم كان بوفيه مفتوح والخيارات مناسبة (طبعا من منتجع لمنتجع تختلف المطاعم وعددها وخياراتها)
البوفيه فيه قسم للكورنفلكس وركن مخبوزات كيك وكورسان وركن أجبان وركن لحوم وركن للبان كيك ووافل
وأي نوع بيض يسوونه لك وفيه فول جرة وركن فواكة وزبادي
يومياً نفس البوفية ونفس الخيارات ... والمشروبات ضمن الحسبة أي نوع عصير أو شاي أو قهوه حتى تشبع
من الساعة 7:30 إلى 11 أو 11:30
فكنا نفطر غالباً الساعة 8 أو 9 ص وحاول تشبع وفيه يوم واحد كان من ضمن العرض فطور داخل الغرفة فوق الماء
يجيبون لك صينية فيها نوعين عصير وطبقين بيض من اختيارك ومعجنات كوروسان ومربى وعسل ومشروب ترحيبي بدون كحول

بعدها الغداء يبداء من الساعة 6:30 العصر يعني في وقت رحلتنا كان تقريبا على الغروب
فيه يومين يمكن حسينا بالجوع بس كان عندنا تموين صبرنا نفسنا إلى وقت الغداء

طبعاً ماكنا نسهر أطول يوم جلسنا فيه نمنا الساعة 12 الليل

نرجع للموظف والجدول الي سواه لنا أختار لنا كل يوم نتغداء في مطعم عشان نجرب جميع المطاعم الي في المنتجع وأخر يوم نقرر أي مطعم نقدر نرجع ناكل منه مره ثانيه أو نجرب نتعشاء في مطعم تجت الموية لكن هذا يحتاج حجز خاص وما يدخل ضمن الحجز

على كل حال نظام الغداء عندهم حلو ومناسب لكل زائر يختار من المنيو طبق مقبلات وطبق رئيسي وطبق حلا
فالشخصين بيكون عندهم طبقين مقبلات وطبيقين رئيسية وطبقين حلا
المشروبات في الغداء ماتدخل ضمن الحجز فمثلا الكولا سعرها تقريبا 30 ريال سعودي
يوم من الأيام واحد من المطاعم يكون نظامه بوفيه والبوفيه له أيام محدده لو بعيد الزيارة لنفس المنتجع بسأل عن أيام البوفية لأن كانت الخيارات فيه مناسبة وتجرب من كل شيء شوي
الموظفين في الفندق يتكلمون انجليزي لكن فيه منيو عربي إذا طلبت منهم يعطونك

بعدها أبتدا مشوار الاستمتاع بالفيلا لكن الصدمة الثالثة بعد ما اكتشفت إني ماجبت شاحن المدام
وتعرفون البنات لازم جوال وتغطيات وسناب شات وقلب المود مع أول يوم
وأطلع أطر شاحن من الموظفين كل مكان تروح تحصل عنده شاحن لكن مايقدر يطلعه من الموقع الي فيه يعني تبي تشحن حط جوال ورح

والله وأجلس عند البار واحط الجوال يشحن وجلست يمكن ساعتين سولفت معه شوي وقلبت النت في جوالي وقالوا لي فيه شاحن واير لس في كل فيلا لكن للاسف الايفون نفسية يشحن شوي ويفصل أو ما يكمل شحن المهم لعل الموظف رحمن وقال بدبر لك شاحن بس رجعه موب تسحب علي .. وقتها كانه مبشرني بولد
واجيك ركض راجع للمدام ماله داعي تخرب السفرة من أول يوم توناباقي لنا ثلاث أيام
والحمد لله مشت أمورنا.

نرجع للفيلا المائية وهي من أهم الأمور الي خلتني اكتب هذا الموضوع لأن مالقيت أحد عطاني جواب واضح
طبعاً أغلب منتجعات المالديف كان موب كلها فيها فلل مائية لكن فيه أنواع

أول شيء فيه منتجعات تتميز فللها المائية أنها تطل على منظر الغروب أو الشروق ويفرق سعر الغروب عن الشروق الغروب أغلا
ثاني شيء فيه فلل مائية مع مسبح وفيه بدون مسبح
وفيه فلل فوق المويه تكون داخله شوي في البحر لكن مستوى العمق يمكن 1.5
وفيه فلل يسمونا لاجون أو زي كذا بحيث تكون تقريباً قريبه من الشاطئ وفوق المويه
وفيه فلل فيها جلسه معلقه زي المرجيحه وأحجامها تختلف من منتجع لمنتجع وفيه جلسه شبك معلق
وطبعاً حجم الفلل يختلف بين منتجع ومنتجع وحجم المسبح

نجي للنقطة الأهم للي مثلي يهمه موضوع الخصوصية من ناحية السطر ولا كلها فيها خصوصية وكلن في حالة وأي إزعاج من الفلل المجاورة تقدر تشتكية للمنتجع

من خلال بحثي في المنتجعات لاحظت فيه منتجعات الخصوصية فيها من ناحية الستر قليله
فكان اختياري لاننتارا يمدحون فيه الخصوصية طبعاً بحاول اعكس لكم مدى الخصوصية

وأنت تسبح في مسبحك الخاص محد يشوفك وحتى لو تتروش في الشاور الي عليه شباك على البحر وفيه ستاره لو تبي تقفلها
لكن لو جلست تتشمس على الشبك أو جالس على المرجيحه فالي نازل يسبح في البحر من جيرانك فأنت مكشوف كامل ونفس الموضوع إذا نزلت تسبح في البحر قدام فلتك أو حتى جنب فلتك فأنت مكشوف من الفلل المجاورة أو للي يسبح في الفلة الي جنبك وفس الشيء للي يمشي في الممرات الخارجية للفلة بمعنى لو أحد رايح للفلة رقم 10 بيمر الفلل من 1 إلى 9 وهو يمشي إذا بيناظر من جهة هذي الفلل وأنت كنت تسبح في المنطقة الي بين الفلتين فبتكون مكشوف له كامل لأنه يناظرك من مكان مرتفع

هو صح مافيه أحد حولك أنا كان ساكن جنبي عائلتين أجنبية وحدة أثنين كبار في السنة ماشفتهم إلا يوم واحد جالسين يتشمسون ويوم نزلو يسوون سنوكر
والعائلة الثانية معهم طفل ماشفتهم بس سمعت صوت الطفل يبكي

لكن لو الي جنبي عربي أو خليجي أتوقع بيكون شوي إحراج لأن كلنا جايين ندور عن مكان خاص عشان الحريم ياخذون راجتهم في السباحة

وأخر ليلة لنا نقلنا لفيلا شاطئية مع أن الكل كان يقول ترى ماتصلح كلها حشرات لكن من باب التجربة عن الخاطر .
الصراحة الفيلا حلوة وتعطيك احساس ثاني كانك طلعت من فندق لفندق ثاني لكن ماتصلح للحريم على وجه الخصوص فيها ظواطير (بعرص أو برص) بكثرة وخاصة في منطقة دورة المياة مصممينها تكون خلف غرفة النوم خارجية بدون باب فيه باب يفصل بين غرفة النوم والمنطقة الخارجية الي فيها دورة المياة ومغاسل وشاور وجاكوزي وشلال منطقة جميلة لكن عانينا معهم كل شوي لازم قبل ماتطلع أو تدخل تقفل الباب وتتأكد مافيه ضيوف سابقينك للمكان ولا متوزين ورى الكرسي أو السقف طبعاً غير السحالي الثانية الي فجأة تحصلها فوق شجرة أو جالسة تتأمل فيك من بعيد

وطبعاً لكل فيلا فيه سيكل (دراجة هوائية) للتنقل أو إذا أنت مافيك حيل تقدر تكلم الموظف الخاص عن طريق الواتساب يجي ينقلك للمكان الي تبي الموظف هذا يعطيك رقمة تتواصل معه أي وقت وتطلب منه أي خدمة يوفرها لك أو أي حجز

من ضمن مزايا المنتجع كان السنوكر مجاني يعطونك زعانف ونظارة وجكيت النجاة نط في أي مكان واستمتع وفي بالنسبة لي يكفي عن الغوص الرسمي لكني تمنيت أني جبت السنوكر من أول يوم في المنتجع عشان أتعلم عليه واستمتع لأن ما استمتعت فيه إلا بعد ما جربت الغوص الرسمي وكان تقريباً نفس الفكرة لكن أنواع السمك تختلف كل ماتغوص أكثر كل ماتطلع لك اسماك اشكال ثانية


الخلاصة:
- يبي لي زيارة ثانية للمالديف
- كثير قالوا الوقت بطيئ في المالديف وكثير عليها 3 أيام لكن الي شفته إن الوقت يروح بسرعة ولا شبعت منها
- السناكات لاتكثر
-ابحث عن المنتجعات القريبة من المطار ويكون فيها خيارات متعددة من المطاعم وفيها أنشطة متنوعة
ألعاب مائية غوص سنوكر قوارب (دباب البحر 30د ب 1200 ريال سعودي) الفعاليات غالية جداً
- المشروبات غالية .. قارورة موية ايفيان كبيرة سعرها 66 ريال سعودي طبعاً فتحناها بالغلط مع أنهم يوفرون لك الموية في الفيلا
- الفيلا الشاطئية ماتصلح للنساء خاصة في هذا المنتجع لكن ما أدري عن المنتجعات الثانية
-المالديف ماتصلح للعرسان الجدد الي ما خذوا على بعض كثير لأن موب مستمتعين بشكل كامل زي الي يمونون على بعض وفاهمين بعض
- المالديف تصلح للأطفال وبيستمتعون أكثر منك المنتجع هذا فيه نادي للأطفال يفتح من الساعة 9 أو 10 الصباح إلى الساعة 6 المغرب فيه نطيطة وفيه العاب رمل وتلوين وتلفزيون ومراجيح وتسلق وغير كذا يعطون لكل طفل سيكل وبيشوف كائنات سحالي طيور أسماك
- خل وصولك للمالديف بدري جداً وبالنسبة لتسجيل الخروج من المنتجع حط في بالك بتطلع من الفيلا الساعة 2 الظهر
- آخر رحلة للطيران المائي في هذا المنتجع الساعة 3 العصر والمنتجع بيوفر لك لاونج لانتظار رحلتك يعني إذا حجز عودتك الساعة 7 الليل لاتشيل هم بتطلع من المنتجع الساعة 3 العصر وبتجلس في اللاونج تروق إلى وقت الرحلة ثم يوصلونك للمطار
- خذ معك واقي شمس لأن الشمس حارة وبتحرق جلدك
- فيه موقف غريب صار للكن من باب التنويه المدام معها ايفون 14 لكن من ثاني يوم كل ماجت تشحن يطلع لها تنبيه الجهاز فيه سوائل ما يقدر يشحن البطارية أو يشحن شوي ثم يفصل يوم وديناه للصيانه بعد مارجعنا قال ممكن بسبب الرطوبة تجمعة موية أو الشاحن كان فيه رطوبة وشبكته في الجوال فسبب خلل لراس الشحن الداخلي وإصلاح هذا العطل بقيمة جوال جديد يا راعين الايفونات انتبهوا تشحنون جوالكم وفيه رطوبة أو توكم سابحين مع أن الجهاز ضد الموية
- الطقس متقلب فيه أيام كانت غيوم بدون مطر وأيام جتنا سحابه الصباح مطر شديد مع هواء بارد ويوم غيوم وآخر الليل مطر شديد ورياح قوية ويوم مشمس طبعاً إذا الجو غيوم وأمطار حط في بالك كل شيء بيتأجل حتى وصولك وخروجك من المنتجع.
- حجزك لفطور وعشاء كافي
- إذا رحلتك ترانزيت احسب حساب التأخيرات الي ممكن تحصل فلا يقل عن ساعة ولا يزيد عن 3 ساعات إلا إذا أنت حاط في بالك بتزور المدينة الي بتوقف فيها.


أعتذر على الإطالة وعدم وضع صور لأنها ميب متوفره معي على هذا الجهاز
وأعذروني حاولت اختصر الرحلة بالي أقدر عليه وعلى عجاله.
لكن أي احد بيستفسر عن شيء إن شاء الله بفيده

شكراً لكم

شكرا لك على الموضوع الرائع

 

توبليرون و Rolls-Royce معجبون بهذا.

آخر مواضيع amgad39

amgad39 غير متواجد حالياً   رد مع اقتباس
إضافة رد

أدوات الموضوع
انواع عرض الموضوع

تعليمات المشاركة
لا تستطيع إضافة مواضيع جديدة
لا تستطيع الرد على المواضيع
لا تستطيع إرفاق ملفات
لا تستطيع تعديل مشاركاتك

BB code is متاحة
كود [IMG] متاحة
كود HTML معطلة
Trackbacks are متاحة
Pingbacks are متاحة
Refbacks are متاحة


المواضيع المتشابهه
الموضوع كاتب الموضوع المنتدى مشاركات آخر مشاركة
كتكاته في دبي 2023 كتكاته بوابة الامارات 19 10-05-2024 04:08 PM
فيزا الهند الالكترونية .... مايو 2023 وتفاصيل الرحله من البدايه أبولجيـن فهد بوابة الهند وسيرلانكا 66 13-09-2023 12:29 PM
جولاي 2023 Reham2013 بوابة سويسرا 7 18-05-2023 06:02 PM
اوربا في صيف 2023 Rema بوابة سويسرا 3 23-01-2023 01:41 PM
رحلة الى أوروبا 2023 Noorbash بوابة الدول الاخرى 4 16-08-2022 10:42 AM

الساعة الآن 03:06 PM
Powered by vBulletin® Copyright ©2000 - 2024, Jelsoft Enterprises Ltd.
Search Engine Friendly URLs by vBSEO