لندن ووندرمير منطقة البحيرات مع طفلين

ATL · 11-04-2025, 11:38 PM

السلام عليكم ورحمة الله وبركاته

أهلا بالأحباب الصامدين... الله يجزاه خير الي متكفل بهالمنتدى إلى اليوم
دائم عند كل سفرة لازم ناخذ لنا لفة على المنتدى وهو الخيار الأول في التقارير

على كل حال أبي فزعتكم وأن شاء الله بحصل ضالتي عندكم

النية مبدئياً بنشقر على لندن ووندرمير انا وزوجتي وطفلين واحد عمره 8 سنوات والثاني رضيع
المدة تقريبا 7 أيام ذهاب وعودة من لندن طبعا

السؤال التنقل من لندن الى وندرمير بيكون عن طرق السيارة أو القطار

أنا في عام 2012 يمكن رحت لها مع أخوي ورحنا بالقطار طبعاً خفيفين ولا أذكر كم كانت الأسعار بس
طبعاً من خلال بحثي طلع المشوار تقريبا 5 ساعات بالسيارة وبالقطار 3 ونص فيفرق كثير

لكن السيارة على كيفك اي وقت تمشي والحرية اكبر لكن مشكلة المواقف في وندرمير
والقطار له مواقيت وانت معك اطفال وشنط بيكون مرهق شوي توصل للمحطة وتسحب عربية الطفل واقل شئ 3 شنط
والسعر من خلال بحثي احس الاسعار مبالغ فيها على قطار طبعا الدرجة الاولى سعر فلكي طلع لي تقريبا 5 الاف بالغين وطفلين!!

السؤال الثاني وندرمير تحتاج سيارة؟؟ للتنقل فيها
انا يوم اروح اذكر اني ركبت باص وصلني من المحطة للسنتر لان كنا ساكنين على الفندق الي على البحيرة ناسي اسمه

وتمشينا في سنتر المدينة وركبنا قارب وركبنا باص كان لونه سماوي وقتها ووقفنا عند قريه قريبه ورجعنا فما احس اني استكشفتها زين

فياليت تفيدوني عن استفساراتي للي راح لها قريب
موضوع التنقل بين لندن ووندرمير بالسيارة والتنقل في وندرمير وايضا موضوع القطار والشنط

AL Tunaiji, آخـــرفـــرصـــة, الايمان و 1 آخرون معجبون بهذا.

آخـــرفـــرصـــة · 12-04-2025, 11:23 AM

وعليكم السلام
يا هلا ومرحبا

نعم الخيار بين قطار واستئجار سيارة
واذا لقيتوا ايجار بسعر مناسب فهو أفضل لكم
لأن وندرمير فيها عدة مناطق ممكن تزوروها بالسيارة

جرب الموقع اللي عندنا فوق تابع لبوكنق
وهو يعطيك مقارنة بين الأسعار
ممكن تأخذ منه أو من الشركة نفسها

https://www.rentalcars.com/?affiliateCode=arabtrvl

أنصحكم السكن في Glenridding
تبعد بالسيارة 25 دقيقة عن وندرمير
وتحديداً في فندق The INN ON THE LAKE
موقع خرافي على البحيرة وقدامه نهر وخلفه جبال خضراء
👇👇👇
INN ON THE LAKE

ملحق بالفندق العاب أطفال ومكن للجلسات والاسترخاء
العشاء بالفندق لابد حجز وهو مطعم ممتاز بالمناسبة
القرية عموماً تنفع للاسترخاء
وممكن منها تزور وندرمير يومياً لو حبيت

عصفورة, ATL, AL Tunaiji و 3 آخرون معجبون بهذا.

ATL · 18-04-2025, 10:14 PM

آهلا آخر فرصة
الله يعطيك العافية وماقصرت

بس أنا محتارين وين نروح وكل شوي نغير الوجهه وشكلنا بنغير الوجهه لاسبانيا او ايطاليا..
ومره ثانية شكرا والله يعطيك العافية

آخـــرفـــرصـــة, الايمان و توبليرون معجبون بهذا.

ATL · 27-04-2025, 06:53 PM

السلام عليكم،،

رجعنا لكم كانت الخطة لندن ثم غيرنا قلنا بنروح لاسبانيا بس ماحصل لنا موعد للشينغن فرجعنا للندن

المهم عندي كم استفسار يالتي تفيدوني

رحلتنا من 18 الى 27 مايو

بنوصل الظهر وبناخذ ليلة في لندن بعدها ليلتين وندرمير وباقي الايام لندن

الوصول لوندرمير عن طريق القطار كيف لازم حجز تذاكر القطار قبل الرحلة بوقت؟؟ ولا عادي تجي وتركب
اذا لازم حجز يالتي تعطوني رابط الحجز

النقطة الثانية التنقل في وندرمير كيف وضعه انا معي طفلين وواحد منهم رضيع
واصلا وندرمير فيها شي غير البحيره الكبيرة وتاجير القوارب والحديقه الي عند البحيرة ونستر المدينة الصغير؟؟

الموضوع الاخير الانترنت كيف وضعه هناك وش افضل خيار؟؟ قريت ان فيه شرائح الكترونية اوفر لكن المشكلة جهازي مايدعم الشرايح هذي فالحل الثاني تجوال او اطلع شريحه من لندن

ياليت احصل اجابات للاستفسارات..

الايمان, توبليرون, شيماء و 1 آخرون معجبون بهذا.

آخـــرفـــرصـــة · 27-04-2025, 07:18 PM

هذا رابط القطار

https://www.northernrailway.co.uk/jo...-to-windermere

كلها مزارات حول بعض
اذا سكنتوا على البحيرة أو بجوار كافيه costa
كل شيء مشي

ممكن تشتري شريحة من أي بقالة هنود في لندن

شوف هذا التقرير للغالي أبو مشاري

https://www.arabtrvl.com/vb/t30885.html

بالتوفيق

شيماء, توبليرون, ATL و 1 آخرون معجبون بهذا.

ATL · 03-05-2025, 12:56 PM

الله يجزاك خير ويبارك فيك..

طيب استفسار ثاني بخصوص الوصول لوندر مير من محطة القطار ومن الفندق المواصلات كيف
التكاسي متوفرة ولا اوبر وكم الاسعار تقريبا لان معنا شنط فصعب التنقل بالباص

وبالنسبة للقطار الحجز مسبق افضل ولا غالبا تحصل تذاكر يوم الرحله او قبلها؟؟

توبليرونمعجبون بهذا.

توبليرون · 06-05-2025, 01:51 PM

سفرة ممتعه اخوي
حجز تذاكر القطار مسبقا افضل بالسعر وارخص
وتلاقي في محطات القطارات قسم للخدمات والمساعده يساعدونك في حمل الشنط وانتو ويوصلونك لحد قاطرتك اللي حاجزها طبعا
ويحملون معاك الشنط للداخل
لا تاخذ فندق بعيد عن البحيرة لان في صعود ونزول يتعب
واكيد بتلاقي تكاسي عند باب محطةالقطار بس اتبع اشارة التاكسي بالمحطة ويطلعك لها او اذا اخذت سيارة الغولف يوصلك للتكاسي

الايمان · 06-05-2025, 04:58 PM

بالنسبة لايجار السيارة في بريطانيا لازم تكون تعرف تسوق باليمين
يعني بالمقلوب وهذا الشي مو سهل للي مو متعود لانه جميع الاتجاهات راح تكون بالعكس
الافضل انك تروح بالقطار وتسكن بالقرب من البحيره واذا حبيتوا تطلعون مكان بره تقدر تخلي الفندق يطلب لك سيارة

الايمان · 06-05-2025, 04:59 PM

بالنسبة لشرائح الاتصالات اشتر من بقالات الهنود شريحة شركة لايكا ممتازة وسعرها مناسب

المواضيع المتشابهه
الموضوع	كاتب الموضوع	المنتدى	مشاركات	آخر مشاركة
أرشدوني لقضاء يوم في منطقة البحيرات	أبو ليان1	بوابة بريطانيا	8	25-06-2017 08:46 AM
منطقة البحيرات	استبرق	بوابة بريطانيا	13	17-05-2016 03:08 AM
بريطانيا : مانشستر، منطقة البحيرات، ليفربول، سوانزي، ويلز، كاردف و لندن	منيرة	اوروبا	50	25-04-2016 12:19 PM
استفسار لعشاق منطقة البحيرات	sulaiman	اوروبا	2	18-06-2015 03:08 AM
منطقة البحيرات ،،؟	alon travel	اوروبا	11	21-05-2015 05:09 PM