رحلة عمل و سياحة الى جوهانسبرج ابريل 2015

amged · 29-04-2015, 02:51 PM

العرب المسافرون
بوابةالسفر إلي جنوب أفريقيا

اصدقائى الاعزاء احب اعرفكم ان الرحلة كانت بدافع البحث عن فرص تجارية و استثمارية فى جوهانسبرج لانى كنت دايما اسمع انها سوق واعد للاستثمار و العمل .
علشان كدة قلت اشد الرحال الى هناك و استكشف . المهم اخذت فيزا تجارية لمدة 3 شهور عن طريق صديق لى فى جنوب افريقيا يملك شركة الماظ و الفيزا اخذت 5 ايام عمل فى السفارة الى فى المعادى و كانت اوراقها ميسرة جداً و على فكرة اى فيزا للمصريين الى جنوب افريقيا مجانية. المهم حجزت على مصر للطيران و كان فية تخفيض على التذاكر فى هذا الوقت بمناسبة عيد الام وكانت التذكرة قيمتها 4450 جنية مصريا و هي فى الايام العلاادية 6500 جنية مصريا وحجزت يوم 10 بريل و العودة 21 ابريل . قولت 10 ايام حلويين قوى لحد الواحد ما يقرر يعمل اية فى البزنس هناك.
المهم رحت مطار القاهرة الدولى و الرحلة طلعت الساعة 11.30 مساءً و انت طيارة ايرباص كبيرة بس من النوع القديم بدون شاشات عرض امام كل كرسى و يمكن علشان عارفين ان الناس كلها سوف تنام فى هذا الوقت مهتموش بالموضوع دهه ( يمكن ,,,,,,, جايز)

ودى صورة لى فى الطيارة , معذرة اننى سوف اكون موجود فى اغلب الصور ( برجاء الصبر و التحمل )
المهم الواحد نام فى الطيارة لحد ما وصلت بالسلامة بعد 8 ساعات متواصلة للمطار فى جوهانسبرج
بصراحة الانطباع الاولى بعد الوصول ان البلد دى متقدمة جدا و نظيفة جدا جدا و دي صور للبلد فى الشارع فى طريقي الى الجست هاوس الى حجزت فية
اة بخصوص الجست هاوس و هو اسمة هيللين جست هاوس ( hellenipue guest house) انا واحد صديقى سافر هناك قبل كدة هو الى دلنى علية وهو مكان لطيف جدا و صاحبتة مسلمة و اسمها عائشة المهم انا اول مرة اعرف ان فية حاجة اسمها جست هاوس و هي مختلفة عن الفندق فى نظام التشغيل لانها تعطيك الاحساس بجو المنزل العائلي . المهم انا دخلت على بوكيينج دوت كوم اشوف و احجز المكان لقيتهم عامليين حظر على الحجز فى المكان و بعد ما استفسرت عرفت انة فية مشكلة مع صاحب المكان على عمولات موقع بوكيينج دوت كوم المهم عجبتنى صور المكان و خصوصاً لما صديقى اخبرنى ان المكان داخل كمبوند لية بوابة خارجية و حراسة و امن يعنى الواحد يبقى عايش فى امان فى المكان على طول ودى صور للجست هاوس و عنوانة :Booking.com: Helenique Guest House - Bedfordview, ط¬ظ†ظˆط¨ ط£ظپط±ظٹظ‚ظٹط§

ودى صور للجست من جوة

حمام السباحة
[IMG]blob:https%3A//www.flickr.com/16a9aa2a-cd73-4bcc-a19d-afbc2791d196[/IMG]

المهم ان الحمد للة انبسطت من فكرة الجست هاوس لانة نظيف و سعرة مناسب جداً حوالى خمسون دولار فى اليوم للغرفة المنفردة بس بدون فطار و انا و الحمد لله بفضل اعمل اكلى بنفسى و خصوصا لمل عرفت انة فى الجست هاوس ممكن تستعمل المطبخ بالكامل زى بيتك بالظبط و ممكن تستعمل غرفة الغسيل ايضاً و دهه كلام عال العال المهم اليوم الاول رحت على اكبر مول فى جوهانسبرج حوالى الساعة الواحدة ظهرا و اسمة ايست جيت و كل حاجة عاوزها موجودة فى المول دهة بس اول شئ عملتة انى غيرت بعض الدولارات من مكتب صرافة بالمول وسعر صرف الراند كان حوالى 68 قرشا مصريا يعنى اقل من الجنية و طبعا اغلب المشتريات هناك كان سعرها كويس بسبب انخفاض العملة المحلية و دخلت سوبر ماركت كبير هناك اسمة تشيكرس و ركزت على المنتجات الحلال علشان املاء الثلاجة الى فى غرفتى وواحد بكستانى كان فى المول هو الى ساعدنى انى اعرف المنتجات الحلال فى اى قسم و اشوف مكتوب عليها العلامة الخاصة بالاكل الحلال على فكرة يوجد اكثر من 15 مليون مسلم فى البلد اغلبهم من اصول هندية و طبعا سوف تلاحظ ذلك فى صلاة الجمعة

منصورمعجبون بهذا.

توبليرون · 29-04-2015, 06:25 PM

ماشاءالله بداية موفقه اخي الكريم
باين على المكان جميل
وحلوو انك رحت المولات وعبيت الثلاجة
متابعينك اخي لأكمال الرحلة الجميله

وليد عنبه · 29-04-2015, 07:28 PM

ماشاءالله بداية موفقه

فيصل · 30-04-2015, 08:27 AM

الا وسلا بك أخي امجد

شاكرين علي ذكر تجربتك
متابعين

منصورمعجبون بهذا.

طارق عنايات · 30-04-2015, 07:39 PM

الحمد لله على سلامتك

و اهلا بك في المنتدى

بداية جميلة و ننتظر التفاصيل

متابعين معك

Haksa77 · 30-04-2015, 10:06 PM

بداية موفقة ورائعة
متااابع وياااك يالغالي
شكرا لك

الغردقاوي · 01-05-2015, 04:57 PM

بدايه جميله أستاذ أمجد وحمدا لله على سلامة الوصول
والجست هاوس معروف في دول كثيره سياحيه ولكنه غير منتشر لدينا في منتطقتنا العربيه
ولكن لم تذكر كيف قمت بالحجز فيه رغم حظر الحجز به عبر موقع بوكينج ؟

مستمرين معاك ومتابعين والصور منوره بوجودك
سجلني متابعك للنهايه بإذن الرحمن

|القحطاني| · 01-05-2015, 05:29 PM

موضوع جميل لدولة رهيبة

فعلا هالبلد جنوب افريقيا رائع بكل المقاييس ومتابع معك التقرير

الله يعطيك العافية

♡ Sent from Samsung Galaxy Note 3 ♡

فارس من خيال · 02-05-2015, 12:19 AM

رائع استاذ امجد
ماشاء الله بداية قوية للتقرير الجميل

متابعين

Azzam · 02-05-2015, 12:26 AM

بداية جميله جدا متابع معك استاذي امجد

متابع معك

المواضيع المتشابهه
الموضوع	كاتب الموضوع	المنتدى	مشاركات	آخر مشاركة
رحلتي لبلاد الإندومي ابريل 2015 ( بالي - باندونغ - بونشاك - جاكرتا )	om sohaib	بوابة اندونيسيا	69	30-03-2016 10:38 AM
رحلة شتويه الي بورصة واسطنبول 2015	Meme Bahrain	تركيا	45	28-01-2016 08:05 AM