السلام عليكم ورحمة الله وبركاته

كل عام وانتم بخير

اسفه على التأخير ان شاء الله راح اكمل التقرير


—————————-

اليوم الاثنين / 14 أكتوبر


كان المخطط انه نقضي اليوم كله في ميونق دونق

وفي العصر كنا حاجزين رحلة الغروب في نهر الهان

حجزنها اول ماوصلنا كوريا

لكن تغيرت الخطة ورحنا مول لوتي اللي جنب العاب لوتي ورلد

المنطقة حلووووة فيها مول ومقابلة بحيرة وقت الربيع جميلة مع اشجار الساكورا

يوم السبت كان اخر مشوار مع السواق

رجعت كلمته بنتي على الاثنين قال انه محجوز رجعت كلمت اللي اول يوم الرجل الكبير واتفقت معها يجيني يوم الاثنين

لان بنروح كذا مكان ومانبغى يضيع الوقت

اخترنا يجينا الساعة 11 الصباح

اول شيء رحنا منطقة تحت برج نامسان عند بقالة ومطعم نبغى رامن حلال

المنطقة فيها مطاعم حلال كثيرة




























لقينا المحل مقفل ويفتح 1 مساء

صورنا شوي ورحنا محل عطور مشهور قريب من منطقة ايتاوان
















كوفي فطور لذيذ








ماصورت المحل لكن اسمه مكتوب على العطر

Pesade

المحل لقيت عليه مدح من كذا وحدة مبتعثة

المحل مافيه خيارات كثيرة لكن هذا العطر الاكثر شهرة عندهم

عجبني ريحته

جنبه محل مكياج ودخلنا نتسوق منه اشتريت منه قلوسات حلوة لكن لما استخدمناها مرة تروح بسرعة

واخذت ارواج كمان حلوة لكن يوميه مو حقت مناسبات

هذا اسمه



بعدها رحنا لمول لوتي













بعد ماخلصنا تسوق على الساعة 4 مساء خرجنا نحط الاغراض بسيارة السواق


ونروح نتقهوى بستاربكس اللي مقابل البحيرة

ولدي الصغير بدت عليه اعراض الزكام والسخونة اعطيته مسكن

كمان بنتي بدت فيها السخونة اقترحت يومها نكنسل رحلة الغروب ونرتاح

لكن بنتي ماااارضيت ابدا اخذت مسكن وقاومت ماتبي تفوت اي مكان

لقينا الفرع مرة زحمة اخذنا قهوتنا ورحنا جلسنا عند البحيرة