مساكم الله بالخير

اليوم الثاني من يوميات روفانيمي ..

زيارة قرية سانتا كلوز والمحاولة الاولى لتتبع الشفق القطببي ..

اليوم بكون دسم شوي



بهذا اليوم كنت مقرر اني ازور قرية سانتا كلوز .. وصحيت الصباح ولازم كوب قهوة عشان الواحد يصحصح .. مريت السوبرماركت الي جتب الشقة والحلو فيها ان فيها جميع انواع القهوة الجاهزة اضافة لجهاز يسوي هوت شوكليت .. هالمحل كنت مدوام عنده يوميا






المهم في باص يطلع من السيتي سنتر لقرية سانتا كلوز مباشرة وحسب خرائط جوجل هنا مكانه ..
وضمن السيتي سنتر يعني مسافة 3 دقايق مشي من الشقة




وانا على الطريق مريت على بناء قيد الانشاء ولفت نظري العزل الي يسونه في المباني .. طبقتين عزل سميكة تحت الاسقف وفوق الارضيات لضمان عزل الحرارة .. ومن عذر ان الشقق دايما دافية عندهم





بس توصل موقف الباص بتشوف هاللوحة .. طبعا هالباص يودي لقرية سانتا كلوز ولمنتجع Appuka المشهور والي عنده غرف زجاجية قريب من قرية سانتا كلوز



طبعا له اوقات معينة وما يتاخر عنها ابدا وتقريبا كل ساعتين في مشوار .. وضروري الانتباه للوقت ولا بتضطروا تاخذوا اوبر ..



وهنا صورة الباص ..



وصلنا اخيرا قرية سانتا كلوز .. المكان اشبه بافلام كرنون

وهنا الصور من برا ..



اول ما تدخل من البوابة في سوق كبير للهدايا والتذكارات .. وفرصة جدا ممتازة الي وده يشتري هدايا لان فيه اشياء مارح تلاقوها برا وان كانت بتكون اغلى سواء بالمطار او بالسيتي سنتر







بعد ما تطلع من السوق .. هنا الساحة الداخلية







فيديو من الساحة




هنا ميزان الحرارة المشهور وجنبه الكاميرا المباشرة الي تبث 24 ساعة على اليوتيوب ..



تقدرون تشوفوا هالميزان مباشرة عاليوتيوب من هالرابط

https://www.youtube.com/live/Cp4RRAE...GwjUjtrItq13GV

وهنا حدود القطب الشمالي




القرية اعتبرها عائلية بامتياز وتناسب الاطفال .. وكل الفعاليات تقريبا مخصصة للاطفال ..

على سبيل المثال في جولة داخل الغابة ضمن عربة غزلان الرنة او زي ما يسموها الرنديير



وهنا فيديو لهم




تكلفة الجولة من 40 الى 70 يورو حسب المدة وتخلف من الاطفال الى الكبار ..


معلومة :
بما ان معدل تكاثر غزلان الرنديير قل مع السنوات الماضية بسبب الذئاب او اصطيادها من قبل السكان . الحكومة عندهم منعت صيد الغزلان منعا بااتا وقيدت بيع لحم الغزلان .. بحيث كل مواطن له حصة سنوية من اللحم ويكون معه كرت استهلاك يسجل فيه ويختم من اي محل اشترى منه .. في كثير مطاعم تقدم لحم الرنديير بس للامانة ما جربته .. بالاكل ما حب اجرب


في ايضا جولة السنوموبيل



تكلفة الجولة تقريبا حول ال 100 يورو


بعد جولة سريعة في القرية تجمدت يديني .. ورحت كوفي شوب قريب بمنتصف الساحة



وقهوة ساخنة





توجهت بعدها لمحل مكتوب عليه Meet Santa
قلت يالله نسلم على سانتا بما انه وصلنا ..



بالبداية بكون محل تذكارات وهدايا وتقريبا اغلب المحلات داخل الساحة فيها قسم بيع هدايا



وفيه قسم مكتوب مكتب Santa



طبعا سالت الموظفة ايش الفكرة .. فقالت بكل حماس في رسوم 40 يورو وتصف بالدور بعدها بقابلك سانتا وبتاخذون صورة وبيعطيك شهادة موقعه منه شخصيا انكم تقابلتوا !

انا : شخصيا !

هي بكل حماس : اي !!

ما تحمست للموضوع وقلت اوكي بخلص شغلي وبرجع


رجعت الساحة وكان شاعلين حطب وفي جلسة .. جلست مباشرة اتدفى شوي


...

هنا في مكتب بريد لسانتا كلوز وشفت الناس تكتب تذكارات وتحطها بصندوق بريد ..بصراحة ما فهمت الفكرة وحاولت اسال بس كان زحمة كثير








انا كان عندي فضول اجرب التزلج مع كلاب الهسكي (اكرمكم الله) .. وفي باقات مختلفة .. مثلا في باقة بس تشوف الكلاب وتلاعبهم والباقات الثانية تشمل جولة تزلج تبدا من 5 دقائق بسعر 45 يورو وتكون بالساحة الداخلية او تزيد لمدة ساعة بالغابة ويكون فيها استراحة ضمن كوخ مع مشروب دفي وشبة حطب وسعرها حول ال 100 يورو .. ( الصورة الاولى من النت )











وهنا فيديو



من الاشياء المهمة الي ينبهوك عليها انك لما تمد يدك عشان تلاعبهم ما تكون لابس اي قفازات لان بالنسبة لهم ممكن يكون فيها جراثيم وتاذيهم .. انا اكتفيت بالمشاهدة


وعربة التزلج تكون بهالشكل ( الصورة من النت )



وهنا فيديو من الجولة



اثناء الجولة كان يرفع صوته عليهم عشان يركضوا اسرع وانا الموضوع كان جدا موترني , يعني افرض انهم قرروا ياخذوا الموضوع شخصي ويقلبوا علينا . ايش بفهمهم ان الموضوع بزنس بحت , هذا ملعبهم بالنهاية
بس الحمدلله الامور عدت على خير

....

خلصت جولة التزلج .. وهنا الحدث الاهم في مسار هالرحلة سيداتي وسادتي .. الا وهو مطعم السلمون




رغم البرد وقفت بالدور من دون تردد



وهنا المينيو



صورة اوضح



وهنا فيديو لما دخلت





وهنا فيديو من الداخل والسلمون على النار



صورة اثناء التجهيز



واخيرا جهز الاكل ..



الشباب لما سالوني ليش رايح فنلندا قلت عشان اكل سلمون .. وقالوا ما عندك سالفة وعذروني لما شافوا الصورة ..

وحرفيا اقول من الذ ما اكلت , ولا تنسوا تطلبوا مشروب توت حار بعد الاكل وطعمه لذيذ جدا .




طلعت بعدها من القرية بعد وتوجهت لموقف الباص ومكانه على الجهة المقابلة لبوابة الدخول



ورجعت للمدينة وكان الجو بارد جدا .. وكنت حاجز رحلة سفاري لتتبع الشفق القطبي .. بكون فيها تفاصيل زيادة وبخليها برد لحاله



معلومة اخيرة ..

القرية بحد ذاتها تفتح 24 ساعة بس المحلات الي فيها لها اوقات مخلفة وحسب ايام الاسبوع .. اغلب المحلات تسكر على الساعة 5 او 6 ومطعم السلمون يسكر الساعة 8

يتبع