حيّاك الله ، جزء طوكيو طويل ، فجالسين نجهزه على شوي شوي

- بالنسبة للتذاكر و المتاحف و إلخ .. :
* مطار الرياض : حسب نظام الطيران ، بعضهم يطلبون التأشيرة الإلكترونية مثل القطرية ، وبعضهم مايطلبونها مثل طيران شرق الصين.
* مطارات اليابان : بتآخذ ورقة قبل الختم على الجوازات و بتعبي فيها معلومات شخصية مطلوبة + تاريخ الخروج من اليابان (أول مرة دخلنا اليابان طلبوا يشوفون تذاكر العودة، وبعدها ماعاد طلبوها) + اسم أول فندق بتسكن فيه وجميع معلوماته، من عنوان وأرقام التواصل تبع الفندق + في مطار طوكيو طلبوا مني التأشيرة، أما أوساكا ولا مرة طلبوها.
* إذا بتقدم على التأشيرة بلغني قبلها، يطلبون جدول سياحي يومي ، عندي جاهز بس تعدل عليه حسب تواريخك.
- المترو واضح جداً وسهل، وموجود في قوقل ماب، فقط تأكد من الألوان و الأرقام وأسماء المحطات مثل مايظهر لك في قوقل ماب، الفيديو اللي أرفقته موضح لك الطريقة ، من أسهل المترو اللي استعملتهم في حياتي + الموظفين متعاونين جداً ، لو شافوك تتلفت جو من نفسهم يساعدونك !
- صحيح، يونيفيرسال تذاكر دخول نفس البارك مُتاحة ، ولكن اللي صعب تحصّل عليه هو تذاكر دخول المناطق مثل عالم نينتيندو وهاري بوتر وبعض الألعاب ..
- لا مو لحدا الزباين الصدق ماحبّيت أسأل، أخاف إن الجواب مُقرف
- إذا قصدك ضريح "فوشيمي إناري تايشا" الصدق حلو وغريب، مدري يعني زيارته بالنسبة لي مهمة ، غريب إنك ممكن تشوف إذا بك حيل مايقارب الـ 10000 بوابة ممكن تزوره قبل المغرب، عادةً يكون فاضي.