إلى ارض الوطن







نوع الطيارة





سناك



وطن النهار





طيران الاتحاد وايد متغير للأحسن بصراحة في هالتجربة عكس تجربتنا ب 2019 شي وايد حلو ..

الدقة في المواعيد - الخدمة - السهولة - الاكل - الترفية كله كان ممتاز في رحلتنا الحمدلله ..

الحمدلله على السلامة وصلنا وطن النهار بعد رحلة 15 يوم في ربوع الامبراطورية اليابانية ..
استنانسنا وايد فيها ولا حسينا بالملل كلش والايام ماكفتنا نغطي وايد اماكن ومدن ثانية .. الحمدلله كزيارة أولى قدرنا نغطي اهم المزارات ونشوفهم .. وجربنا تجارب حلوة واستمتعنا بين الطبيعة والمدن والتاريخ والملاهي ..

زيارة اليابان كانت حلم خصوصا في وقت الساكورا و الاكسبو كنت اقول حق ابوي من 2021 لما كان الاكسبو في دبي أنا بروح اكسبو اوساكا .. وابوي يطالعني بنظرات
والحمدلله تحقق الحلم ورحت ..

اسفة على الاطالة و اسفة على التقصير و اسفة على التأخير لكن والله التقرير ياخذ وقت خصوصا فرز الصور وتصغيرها سامحوني ..

اتمنى انكم تستانسون في هالتقرير الياباني و يفيدكم لو بالشي البسيط واعذروني لو اخطأت في شي ..

اذا بتسألون اليابان تستاهل الزيارة ؟
بقولكم اي نعم تستـــــــــــاهـــل

الديرة حلوة - آمنه - اخلاق عالية جدا من الشعب - اسعارها متناول الجميع - المصليات متوفرة في وايد اماكن عامة - النظــــافة خصوصا في الاماكن العامة..

من عيوبها : الاكل اشوي صعب (لكن يحاولون تنتشرعندهم مطاعم الحلال اكثر) - مواعيد فتح المحلات والمطاعم متأخر يبدي من تقريبا 11 ص - ارتفاع اسعار التكاسي

وبجذي انتهى تقريري معاكم ورحلتي على أمل نلقاكم برحلات أخرى ان شاء الله