اليوم السابع
الجمعة 30 / 1 / 2025








اليوم انا ودانه ورانا تسليم الفساتين من الاتيليه
وموعدنا الظهر قلنا بنتريق قريب ونتسوق وبعدها نروح الموعد


يوسف وغنومه بيروحون فيالاند ولما وصل السايق ركبنا معاه كلنا علشان يقطونا بطريجهم المطعم وهو يوصلهم الفيالاند ويرجع لنا

وهني وصلنا مطعمنا

بازلاما




وفي الاستقبال




وهني منتجاتهم اشترينا منهم عند الطلعة




وطاولتنا واكيد العمال يعرفون خليجي يرحبون فينا









قدموا لنا بصينية نختار منها معجنات مشكله اخذت الزعتر









وهذا ريوقنا

























فيديو


https://youtube.com/shorts/nj6X1_mAkTI?feature=shared



الحمدلله على النعمة الفضيله
خلصنا وطلعنا

وتمشينا بالمحلات واحنا بطريجنا للفندق









اذا دشت دانه وطولت اطلع بره اقعد












لما احتجت دولارت جربت كذا جهاز مافيه
















وقعدت عند المسجد








طبعا انا قاعدة عند السور




وهني وراي مغاسل الوضوء




وعقب التشري البسيط وصلنا لشارعنا وهذا التقاطع فيه راعي البالونات المشهور









هذا المطعم كانت بنتي فرفر متريقه فيه












شايفين اللوحات على يسار الصورة هني كلمنا اتيليه ودخلنا نشوف ملابسهم
ما تقدرون تدخلون الا بموعد ويعطونكم شفره للباب وندخل


دخلنا واذا بتحربون الملابس لازم تدفعون 1000 ليرة عندكم ساعه تجربون عاد وانتو سرعتكم تشوفون كم فستان تقدرون تقايسونه


احنا بس مدانا نشوف بس اثنين وعجبونا بس ما اخذنا وقلنا لهم نجي مره ثانيه باذن الله
الاسعاريعني تطلع ثلث سعر اللي بالكويت

المهم رجعنا صلينا وريحنا وبعدها نزلنا للسايق

كل مانمر على نادي باشكتاش نصور ويجن السايق يقول شجعوا بورصه مو بشكتاش





رحنا الاتيليه نستلم الفساتين







بعد القياس وطلع مضبوط وحلو والا في طبعة حمرة خفيفه بالقصة مالت الصدر
قلت ليش وسختوه مع اللون مو نفس اللي عندنا
قالت ناخذه ننظفه
ونقعد ننطرهم تحت وهم فوق ويمكن على البقعه الصغيره اقعدوا ساعتين بالضبط

حتى السايق قال وينكم انا نمت بالسياره وقعدت حسبت فيكم شي ههههه ياي مخترع من تاخيرنا


تنزل المصممة نسألها قالت الحين ينظفونه
وتنزل الثانيه ونفس الكلام هههه
قلت حق دانه اصلا لو بينظفونها راح تبقع من الماي
اكيد هذيل خيطوا القطعه من جديد وهذا اللي صار



المهم استلمنا الشغل نظيف ومرتب والكل بالحفله عجبهم
الحفله صارت في 25 / 2 / 2025
وبس طلعنا ورحنا حق الغدا مطعم ريحون بدواعيس تقسيم
صور من الطريج











يتبع

وهذه طلعة الفيالاند وتصوير العيال

































والعابهم هناك














































غداهم






المنيو عربي


















ارجعوا من الفيالاند العصر وراحو البنات لكافيه

















حتى غوديفيا سوو ككاكو دبي
كان بهالفتره ترند عندهم كل الشركات عندهم ككاكو دبي




ويوسف راح تقسيم يتمشى هناك



























محلي بمادو





بس تعشى بمطعم اللي بشنتاشي مال اسكندر كباب







يتبع

نكمل طلعتنا انا ودانه



ونوصل تقسيم ولفنا من ورا

حتى مرينا على شقتنا القديمة
وهالمكان تحسون الاماكن كلها انتيك وشغلات قديمه مثل هالمحل معلم موسيقى



وهذا كله تحف انتيك وسجاد

































وصلنا المطعم ومن الباب ترحيب واستقبال جميل












المدخل









الاصنصير












واخذنا طاوله داخل عن البرد ومراد قعد بره







القعدات الخارجيه






المنيوو










ووصلت طلباتنا























ماتخليني دانه اكل تصور





الحلو فالودة




الشاي اكرام




والحمدلله الاكل لذيذ
وديكور المطعم



































قعدنا بالمدخل ننطر السايق يجيب السيارة من المواقف القريبه

نصور مره ثانيه
الابواب القديمة














وطلعنا وبالطريج شفنا مكاين السحب ونزلت دانه تسحب لنا
ويطبعون على المكاين شنو العملات المتوفره بكل جهاز




شوفو علامات الفلوس اللي تبونها








الحمدلله لقينا دولارات وعطيت مراد فلوس اليوم والسايق اللي اخذناه امس




وبالليل وقت العشا طلبت لنا دانه سندويشات كفته تركيه





اللي شايف مسلسل اخوتي يعرف زنجول






فيديو تقسيم


https://youtube.com/shorts/iphuOj0n-GE?feature=shared

وينتهي يومنا على خير والى اليوم الاخير من السفرة باذن الله

جولات جميلة مستمتعين معكم
اختيارات المطاعم مميزة جدا
عليكم بالعافية ما أكلتوا وشربتوا
من تقريركم اشتقنا لتركيا
وخاصة تجربة إسطنبول في الشتاء
بارك الله فيكم أم حسين
على التقرير الجميل والمرتب