خروف العيد والسرقات في أوروبا - الصفحة 3

آخـــرفـــرصـــة · 20-08-2025, 01:25 PM

اقتباس : المشاركة الأصلية كتبت بواسطة عرب

آآه بس ذكرتني يوم سرقوني قي باريس

مع اني ماخذ حرصي وعارف ان الحراميه متربصين بي بكل مكان .. لكن قدر الله وما شاء فعل ..

كنت راجع بالقطار من الاوتلت الى باريس ..

المشتريات كلها كنا حاطينها في حقيبة وسط ..

من طلعنا من الاوتلت وانا مو مرتاح .. لكن قلت بصير حريص بزيادة .

قبل ما ندخل القطار كان فيه زحمة عند بوابة القطار و انا احمل الحقيبة لحقتي بنت بتركب وراي .. انا انتبهت لها .. دخلت بسرعة والحقيبة قدامي .. هي ركبت وراي ويوم شافتني دخلت بسرعة وانتبهت لها .. نزلت من القطار ..

جلست على الكراسي اتنهد توقعت اني بأمان ..

شوي جالس جنبي راكب يكلمني عربي يقول لي شفيك تتنهد وين تبي تنزل .. انا مع الجو المتوتر قلت له اي كنت مستعجل وبنزل عند المحطة الفلانية ..

هو بعد محطتين نزل .. وقبل ما ينزل التفت علي وقال لي ترى نزولك بعد محطتين انتبه ..

شكرته على حرصه ..

أثاري فخ و أنا ما أدري ..

يوم نزلت بمحطتي توني طالع من القطار .. فيه بوابات لازم تعبرها علشان تطلع من المحطة .. وكان الممر زحمة و انا معاي الحقيبة حاولت ارفع الحقيبة فوق البوابة .. ومع الزحمة وثقل الحقيبة جاء رجل من خلفي ورفع معاي الحقيبة يساعدني ..

اول ما عدينا البوابة اختفى ..

شكيت ..

شيكت على مخباتي ..

طااارت المحفظة

كلمت الشرطة مافي فايدة

الحمد لله المحفظة كان فيها كم بملغ بسيط كاش و كانت بطاقة البنك بمخباتي الثاني .

صدمة نفسية لمدة ثلاث ايام بعدها الحمد لله استوعبت اني سليم وهذا اهم شي

لندن باريس برشلونه مدريد روما
تكثر فيها السرقات
لذا لابد من الحرص في هذي المدن بشكل خاص
حرامية روما يتصدرون بفارق كبير
وهم مصدر الابتكار في عملية السرقات

smilekl, عرب, Boeing و 1 آخرون معجبون بهذا.

آخـــرفـــرصـــة · 20-08-2025, 01:28 PM

اقتباس : المشاركة الأصلية كتبت بواسطة الشقاوي

الموضوع جميل جدا وكل واحد له تجاربه

صار لي حدث في بالي عام 2012 خلني اقول انهم يمكن سحر يمكن قمروني ما ادري كيف توصل الى جيبي العلوي وسحب المبلغ المخصص لذلك اليوم حول الالف ريال

مجموعه من البزران معاهم نبته وكانو حولي ويحاولون يوصلون النبته لوجهي بعدها بدقيقه اختفو لا تسالني كيف

ومن بعدها صرت احرص على لبس الجاكيت اللي بداخله جيوب فيها سحاب

في اثيبوبيا اخوي صار له مثل ما صار معك لمس واحد كتفه والذيب ما يدري وش صار كانه تبنج وسحب جواله واخفتى

لو تلاحظون بالسوشل ميديا خصوصا بريطانيا وايطالي فيه مواطنين يلاحقون النشالين ويصورونهم ويحذرون الناس منهم ( منهم وحده ايطاليه عجوز مالها سالفه الا هالحراميه ناشبه لهم بالاسواق والمحطات )

المسافر الواعي لابد بان يكون حريص في كل مكان

أعتقد هذا اسمه سحر التخييل
لذا في اثيوبيا خل معك جوال ابو كشاف
خل جوالك الأصلي في الفندق

البزارين الصغار موجودين في الفلبين بكثرة
وشفتهم في ريو دي جانيرو البرازيل

smilekl, Boeing و توبليرون معجبون بهذا.

آخـــرفـــرصـــة · 20-08-2025, 01:37 PM

اقتباس : المشاركة الأصلية كتبت بواسطة الشقاوي

في الصين حدث معانا موقفين

الموقف الاول رجعنا للفندق وكنا ثلاثة ولقينا السيفتي بوكس مفتوح وكنا مأخذين معانا 30 الف دولار كاش

ماهي العادة ابدا نتركها مفتوحه بحكم فيها الفلوس والجوازات

ربطتين 20 الف دولار كامله وموجوده وما ناقص منها شي وربطه 10 الالف دولار اللي كنا نشتري فيها باقي فيها 5الاف وحولها

كلم خوينا الامن وجابو اللي تنظف عجوز كبيره بالسن وبعدها طلبنا منهم ان ينتظرون حتى نتأكد من مصروفاتنا والمبلغ المتبقي

جردنا جميع مشترياتنا ومصروفاتنا وتوصلنا الى ان المفقود حوالي 500 دولار

طلبنا الله عوض ولحكم كبر سن العجوز الغينا الشكوى وطحنا في مشكلة ثانيه اللي هي لابد من حمل الفلوس والجوازات معنا والكلام هذا تقريبا 2008

الموقف الثاني في نفس الرحلة كان كل التكاسي هناك اذا وصلك مشوار يعطيك فاتوره بالسعر ويكون فيها جميع بيانات السائق وكان ولد عمي يجمع هالفواتير واذا جى نهاية اليوم اشغلنا بفواتيره. كنا يعني من باب المرح وبالاخص انا نتطنز عليه بجمع الفواتير نظام الشيبان اللي يجمع فواتيره بالجيب العلوي الين ما يمتلي ويصير الجيب له بطن وفي احد الايام طحت في شر اعمالي. اول مره ولد عمي ما ياخذ فاتوره من تكسي اعطاه السايق التكسي ورفض ولد عمي وحنا شغالين مزح عليه طاح جوالي بالتكسي من دون ما ادري فانقلب السحر ع الساحر وصرت انا عنوان الضحك لباقي الايام الين ما رجعنا وبعد ما رجعنا والى يومكم يسولف فيها ويضرب فيني مثل.

مرة في تايلند
بطارية السيفتي بوكس انتهت وما قدرت افتحه
كلمت الاستقبال قالوا نرسل لك فريق لحل المشكلة
جاءت مديرة الفندق + السوبرفايزر + الفني

قالت هذا نظام الفندق
ما أحد يفتح السيفتي الا بحضور 3

غير الفني البطارية بحضورهم
وغادروا مع بعض

أعجبني نظامهم رغم أن الفندق 4 نجوم

Boeing و توبليرون معجبون بهذا.

آخـــرفـــرصـــة · 20-08-2025, 01:52 PM

من القصص المضحكة
في الحرص من السرقات

سكنت في منتجع بمدينة سوكابومي اندونيسيا
والسيفتي بوكس كبير عند الاستقبال فقط

قلت معقولة احط فلوسي عندهم
وقتها ما كان فيه انتشار كبير للبطاقات في اندونيسيا

بحثت عن مكان مناسب لدس شنطة الفلوس + الجواز
ما لقيت أحسن من سقف الدولاب اللي ارتفاعه أكثر من 2 متر

رميت الشنطة فوق الدولاب بس صوتها ما أعجبني
جبت كرسي وطلعت فوق ما لقيت أثر للشنطة
لقيت فتحة بين الجدار والدولاب
سقطت الشنطة فيها

ونستعين بالأمن لانتشال الشنطة من القاع
أخذ تقريباً ساعتين وعطيته المقسوم
اسمه أحمد وكان مستغرب كيف طاحت الشنطة هناك
سويت نفسي ما فهمت وقلت له بعدين اشرح لك

انفضحنا عند الجميع
وبعدين اضطريت أحطها في السيفتي عند الاستقبال

أحمد كل ما شافني خارج من المنتجع
يسألني عن أخبار الشنطة
واذا سقطت مجدداً ممكن يساعدنا

الشقاوي, sheriok2new, عرب و 2 آخرون معجبون بهذا.

الشقاوي · 20-08-2025, 01:59 PM

اقتباس : المشاركة الأصلية كتبت بواسطة آخـــرفـــرصـــة

من القصص المضحكة
في الحرص من السرقات

سكنت في منتجع بمدينة سوكابومي اندونيسيا
والسيفتي بوكس كبير عند الاستقبال فقط

قلت معقولة احط فلوسي عندهم
وقتها ما كان فيه انتشار كبير للبطاقات في اندونيسيا

بحثت عن مكان مناسب لدس شنطة الفلوس + الجواز
ما لقيت أحسن من سقف الدولاب اللي ارتفاعه أكثر من 2 متر

رميت الشنطة فوق الدولاب بس صوتها ما أعجبني
جبت كرسي وطلعت فوق ما لقيت أثر للشنطة
لقيت فتحة بين الجدار والدولاب
سقطت الشنطة فيها

ونستعين بالأمن لانتشال الشنطة من القاع
أخذ تقريباً ساعتين وعطيته المقسوم
اسمه أحمد وكان مستغرب كيف طاحت الشنطة هناك
سويت نفسي ما فهمت وقلت له بعدين اشرح لك

انفضحنا عند الجميع
وبعدين اضطريت أحطها في السيفتي عند الاستقبال

أحمد كل ما شافني خارج من المنتجع
يسألني عن أخبار الشنطة
واذا سقطت مجدداً ممكن يساعدنا

ههههههههههههههههههههه

آخـــرفـــرصـــة و توبليرون معجبون بهذا.

توبليرون · 03-11-2025, 05:07 PM

ههههه السرقات وسوالفها غريبه
اتذكر قبل ما نأمن بأحد وكله فلوس كاش
كنا نتقاسم المصروف انا وابو حسين والباجي نخشه بالشقه
او الفندق نحطهم بجيس مره ورا سخان الماي
ومره بالاباجورة هههه
الحمدلله بعدين السيفتي بوكس
والحين بس نستخدم الابل باي بالايفون وفكينا عمرنا

اخر سفرة حاولت بنت مراهقة ان تسرقني بتفتح الجنطة الكروس
شافتني وانا كبيره اصعد الدرجات بجسر فينس وجت من وراي معاها بنتين
حسيت ان جنطتي تلف لورا سحبتها لجدام
والا تتكرر الحركة
وامسك جنطتي والا بنت تقول لي سوري سوري
قلت لها سوري او ستييل هههه واضربها على كتفها وتروح واقعد اكلمهم بوليس وغيره والا بنوته صغيره معاهم تقول لي هذه شيطانة بالعربي هههه طلعوا حافظين من عند العرب الكلمة
بس الحمدلله ما اقدرت تسوي شي وراحو ركض

آخـــرفـــرصـــةمعجبون بهذا.

آخـــرفـــرصـــة · يوم أمس, 02:12 PM

زين اللي سلمتي منهم أم حسين
غير معقول انتشار السرقات في أوروبا
وأكثرهم جايين من أوروبا الشرقية

المواضيع المتشابهه
الموضوع	كاتب الموضوع	المنتدى	مشاركات	آخر مشاركة
استفسار عن فندق ذا جروف سويتس..	alza0012	بوابة اندونيسيا	3	27-09-2019 09:51 AM
سؤال بخصوص تغيير في حروف الأسم في جواز السفر الجديد	MIDO	فيزا	2	23-02-2016 12:43 PM
مسافربعد العيد	أسيرالغربة	بوابة مصر	4	06-07-2015 03:05 AM
حروف شاعريه لها القلب خفاق	ليمونه حزينه	عام	112	02-07-2015 12:53 AM
فندق درنف في مكة	عادل	بوابة الحرمين الشريفين	19	29-03-2015 03:47 AM