ماشاء الله .. و الحمد لله على السلامة

سرد جميلة ..

المدينة مكررة ..

لكنها بعيون كل شخص مختلفة

ubud diary villa

سكنا فيه يومين الفندق رائع وشرح وواسع ونظييييف ب1107 ريال بدون فطور
عيبه الفيلم اللي صار اول يوم
طبعا مستقبلا ماأكرر السكن بأوبود

يوم 21 اكتوبر


كان يوم التجديف

صحينا مرة بدري وجانا السواق 7ونص وسوينا تشيك اوت وحطينا شنطنا بالسيارة
كان اغلب مطاعم الفطور مقفلة ولقينا واحد فاتح بعد ساعة تقريبا



فاتورة طلباتنا



فطوري كلفني 15 ريال طلبت بيض وشاي مع ليمون لانه كنت مسخنة وحلقي تعبان




من الطريق



بالنسبة للتجديف السواق جاب لنا سعر تقريبا ب700 الف روبية مايعادل 159 ريال مع شركة bmw rafting
لمن جيت بحاسب الموظف وراني ورقة الاسعار وقال انه انتو اخذتو سعر مميز وانه سعره تقريبا فوق مليون روبية

برايي ممكن تلقو سعر افضل من دا بس ابحثو كويس عن تطبيقات او ماشابه

قبل ماتتوجهو للتجديف يفضل تكونو لابسين ملابس خاص بسباحة عشان رح تتغرقو بالمويه اعملو حسابكم يعني ويفضل كمان شوز البحر لانه ينزلوكم تمشو من اماكن فيها طين كثير صحبتي كانت بتضيع صندلها بالقوة عرفت تطلعه وشفنا ناس صار معاهم نفس الموقف

لبس التجديف اللي يعطوكم هوه للاسف يكون مبلول وفيه ريحة مالقيت شي نظيف وجاف فاخذته وقلت يلا هي يوم وخلاص بس حسيت الريحة مسكت في

بغض النظر عن الريحة كان امتع شي سويته
التجديف تقريبا اخذ مننا 3 ساعات بالاستراحات اللي فيه

وماحسينا بالتعب من كثر التجديف او شي

طبعا في الاستراحة الثانية توقف تشربو عصير جوز الهند جربنا بس ماحبيت طعمه ولو ماعندكم كاش ممكن تحاسبو بعد ماتخلصو من التجديف
تقريبا سعره 12 ريال

وفي بوفيه لمن تخلصو سالت قالو حلال بس مااكلت شي منه غير نودلز وكروبوك

في اماكن تغيرو لبسكم وتاخذو شاور الكل قدر يغير لبسه الا انا صراحة حسيت المكان يحتاج اهتمام مررة كبييييييير قلت اذا وصلت الفندق الثاني باخذ شاور ودا اللي سويته

توجهنا عالفندق الثاني اللي كنا الحمدلله متوفقين فيه

solia legian bali

6 ايام ب1823 غرفتين

الفندق على كلام السائق جديد
وفعلا الفندق جديد ونظيف و المساج عندهم ب46 ريال

واكلهم لذيذ ورخيص
والطاقم خلوقين وذوق سواءا هم او اللي كانو بالفندق اللي باوبود

عيب الفندق ماكان قريب من الشاطئ يبعد نص ساعة مشي
لكن جميع الخدمات حولك والمكان فيه حياة
بس ريحة دخانهم بالشوارع قتلتني هوه وبخورهم حق القربان الله يصلحهم


طبعا انتهى يومنا مع السواق واحنا اخذنا شاور وجلسنا نفرفر حول المنطقة لقيت ستاربكس اخذت ماتشا وسناك

واشترينا ستكيرات ثلاجة على طريقنا وفي الليل قبل ماانام سويت مساج بنفس الفندق وكدا انتهى يومنا الجميل

يوم 22 اكتوبر

فطرنا انا واخواتي بستاربكس الصباح
ومرينا عالصيدلية اخذت فيتامين سي ومضاد حيوي لانه كنا مسخنين وحلقنا تعبان
الخطة كانت نروح شاطئ جمباران ونتغدى سمك بس اخواتي فضلو يرتاحو بالفندق وقالو تعوضونا يوم ثاني قلنا اوك ورحت انا وصحبتي

المطعم كان من اقتراح السواق قال لانه الوحيد اللي يقدم رز بسمتي

sun shine 88



وصلنا وطلبنا عصيرات اول شي قلنا نجلس عند البحر اول بعدين نتغدى اغرانا منظر الشاطئ كيف فاضي ومافي احد ورصيت فرشتي وجوالي والباور واضح النية جلسة طويلة وافضي في عفشي الا تجي موجة قوية تقشني انا واغراضي ونفس الشي صحبتي مع كاميرتها

اجلس الم بالاغراض تجي موجه ثانية جوالاتنا خربت من ذاك اليوم بس عوافي

رحنا نجلس عالكراسي ننشف مو نتشمس

وطلبنا بعدها غدا رز صيادية وسمك مشوي وجمبري مقلي تقريبا غدانا كلفنا 170 ريال بس يستاهل كل ريال من لذاذة ونظافة المطعم جلسنا لين قبل الغروب
وقتها شفنا الناس تزيد بالمطعم واضح انه دا وقت الذورة عندهم وياسلام على طعامة الاكل مع منظر البحر شي خرافي

بعد ماخلصنا رحنا مول قريب منه اللي هو ديسكفري مول حق تمشية ماشترينا شي بس حطيت في بالي ايش الاشياء اللي ممكن اشتريها منهم

بعدها مرينا على مغسلة اسمها هاشتاق شغلهم نظيف بتوصية السواق

لانه اشيائي غرقت وجبت ملابس من الاوتيل وحطيتها معاها
ملابسي مع ملابس صحبتي كلها ب13 ريال


رجعنا الاوتيل وطلبت بلاتر فواكه ب11 ريال

بس قلت لهم مابغى بابايا ولا دراجون فروت وزبطوني

كان يوم جميل مرررة اللي خربه بس الموجه اللي غرقت ممتلكاتي

البحر غدار

فعلا مطاعم اسماك جامبران لذيذة بصراحة خاصة السمك المشوي والجلسات على البحر وقت الغروب يزيدها جمال