يوم 23 اكتوبر

كان وجهتنا شاطئ منطقة سيمنياك
صحينا شوية متاخر فطرنا وتوجهنا للشاطئ تقريبا الساعة 3 العصر

الجو كان حلو والشاطئ يفتح النفس



تقريبا جلسنا ساعتين وبدا ينزل المطر زاد الجمال جمال

ورحنا على مطعم شيشة نتغدى اكلهم كويس بس مو الافضل والاسعار متوسطة


للاسف اغلب الصور اللي عندي شخصية


يوم 24 اكتوبر


خرجنا الظهر عشان المراجيح الطريق كان زحمة ووصلنا الدخول تقريبا 11 ريال
المرجيحة ماتذكر كم
انا ماقدرت اتمرجح فوبيا المترفعات اشتغلت عندي
وحدة من اخواتي اتمرجحت وعجبها مررة
صحبتي لعبت زيبلاين
وبعد ماخلصنا اضطرينا نرجع لان صحبتي حاجزة بمطعم عندهم عروض فنية عالعشا والوقت ماكان يسمح خاصة بزحمة بالي وشوارعها



يوم 25 اكتوبر

صحيت الصباح وقتها صحبتي بلغتني انها مو حابة اجواء الطبيعه
وطبعا دا الشي وارد يصير انه الشخص يكتشف ان المكان مايناسب ذوقه
اهم شي ان اختلاف الاذواق مايفسد للود قضية
طبعا تركتها على راحتها ورحت لشاطئ جمباران ناكل سمك لان اخواتي بالمرة الاولى ماراحو كانو تعبانين وحبيت اعوضهم عن دا اليوم










طلبنا سمك مقلي وشريمب مشوي ومقلي الاكل عندهم حقيقي طعم


بعد ماخلصنا توجهنا على شاطئ كوتا وجلسنا هناك لين المسا





وبعدها رحنا ديسكفري مول شرينا كم غرض بس التسوق كان في الجزء الثاني من الرحلة بعد مانخلص الفعاليات




وكدا خلص دا اليوم على احسن مايكون

يوم 26 اكتوبر اشوفه من افضل ايام الرحلة هو ويوم الرافتنغ

صحينا بدري وتجهزنا عالساعة 9 ونص خرجنا واخذنا قهوة في طريقنا متوجهين لشمال بالي






قهوتهم حلوة ورخيصة حتى مخبوزاتهم بس للاسف مو متنوع مرة


رحنا لمصنع الشوكلت وماكان مصنع زي ماكان في خيالي
كان تبع شركة فيها شباك قزاز تقدر تشوف العمال وهم بيشتغلو

ومحل لتذوق النكهات وممكن تشتري بار شوكلت او تاخذ بالكيلو ونفس الوقت يبيعو حليب بالشوكلاته





عموما مكان لطيف الدخول له مجاني
اشتريت شوكلت مشكل ب28 ريال

بعدها رحنا لشلال قريب منه lake lake bali التيكيت ب12 ريال بس تنزل درج تقريبا ربع ساعه والصعود 20 دقيقة

النزول بحذر طبعا عشان الطين

ووصلنا لمنطقة الشلال الجميلة منطقة صغيرة بس تجنن للتأمل







حبيت طبيعتهم جدا روعة


بعد ماخلصنا من التأمل طلعنا اختي كانت تعبانه من الدرج وقالت لو ادري ماكان نزلت معاكم

بس المكان دا حقيقي احب ارجع له ثاني


بعدها توجهنا لبحيرة باراتان وطلعنا البوت نص ساعة ب114 ريال تقريبا مايهم العدد بس احنا كنا 3 انا واخواتي

وجلسنا نسوق شويه ونتصور والجو مغيم ويجنن










بعدها رحنا لبوابة هاندارا شفنا ناس يتصورو ومسويين لاين بس احنا ماتصورنا معاهم دخلنا للمطعم

تجلس والمنظر دا قدامك



الريزورت عجبني افكر احجز فيه مستقبلا يومين لانه في منطقة جمممميلة



واحنا جالسين نبغى نطلب الغدا كان يتساقط علينا رذاذ مطر بسيط

ربع ساعة وصار قوي طبعا اضطرينا ندخل جو وناكل الاكل كويس بس يعتبر سعره متوسط طلبنا نوعين مكرونة وبطاطس مقلية وسلطة وعصيرات ب153 ريال













بعد ماخلصنا رجعنا عالفندق عالمساء


كان يوم جميل بكل تفاصيله احب اعيده

ياسلام على اجواء البحر نظيف سبحان الله
الهاندرا توني اسمع عنها بتقرير كالون ماسك وتقريرج
حلو المكان والصور جميله ولكن قليله
الرافتنغ والبوت وناسه بس انتو شي ممتع بس لازم تحرصون على السلامة
مستمتعين معاكم للاخر