(5)

الدور الثالث في مركز MBK
يبيع شنط + ملابس + ساعات + مجوهرات + أحذية تقليد
وعندهم ماستر كوبي + تقليد رقم 1 + تقليد رقم 2

المركز ضخم والدور ما تشوف نهايته

غالبية البائعين والبائعات من "نيبال" حول 90%
البقية من كمبوديا والصين

يبدأ برفع السعر ولنأخذ مثال شنطة LV قال بـ 1500 ريال
ثم بدأ يطقطق على الحاسبة وقال ممكن أبيعها بـ 1000 ريال عشانك
وقبل ما أخرج قال السعر النهائي 800 ريال
ولو قلت بـ 400 ريال 4000 بات راح يبيعني

طبعاً كلهم يدخلونك غرفة داخلية خلف المحل الواجهة
ويعرض عليك المنتجات اللي عنده

ما حسيت براحة في تعاملهم
يبغاك تكاسر لين تتعب وبالنهاية تدفع سعر عالي جداً

المحل اللي زرته "Good Idea"
يقول عندي 8 فروع بالطابق نفسه

بعد مروري على كثير من المحلات
تأكدت أن ما له داع شراء المقلد
بل شراء المنتجات التايلندية أفضل

الغريب أن معظم اللي يشترون ما شافوا الأصلي
ولا يعرفون الفرق بينه وبين التقليد
الكل يشتري على اسم الماركة وكلام البائع

أغلب المنتجات المقلدة تأتي من كوريا والصين
والأسعار مرتفعة جداً في مركز MBK

زحمة غير طبيعية بالمركز خاصة بالويكند
وهذا يدل على أن فيه اقبال كبير على المنتجات