تركيا الشتوية - الصفحة 12

توبليرون · 06-08-2015, 04:35 PM

اقتباس : المشاركة الأصلية كتبت بواسطة |القحطاني|

يا سلام على الأجواء .. 6 ..14..15 يا زين البرد على كل حال

حبينا الأجواء الشتوية والسفر فيها متعة لاننا نحب اليرررد ملينا من الحر

..........

أتوقع مديرنا لما يقرأ تقرير ويقرأ اسم " مول أو تسوق " يمشي التقرير بسرعة ههههههه

والله التسوووق رهيب في المولات فقط أما الدورة بالسيارة من محل إلى محل هي اللي ترفع الضغط

المول هذا جمممميييل .. لكن هل هو كبير ولا مول متوسط .. بعض المولات واجهته كبيرة وفي الأخير 4 محلات هههه

لا هذا كبيييير جدا ومحلا ت وسينمات ومطاعم عجبني جدااا غير مطله الحلوو على البحيرة

شوف صوره من الأول للأخر وانا اصور ونص الصور ما حطيتها رأفة فيكم ههههه

اما لو تروح بالصيف يمكن اجواءه تكون لطيفة وخاصة بالمساء لأن فوق مرتفع

فيصل يحب السوق بس يشتري غرضه ويطلع هههه نفس اغلب الريايل

....................

أنا شغال بس أشوف أنواع المياه الجديدة فقط ههههههه هالعلبة جديدة

اشوفك متابع لهم علشان حذيه نراويك اياها

...........

لا تعليق 3/>

لذييييذة بدون تعليق

........

انا اللي فهمته من تقاريرك كلها إن غنومة أكثر وحدة مستفيدة من الرحلات

لانها الاسم الوحيد اللي يتكرر في جميع رحلاتك وفي جميع الأوقات في الصباح أو الليل هههههه

لأنها الصغيرة ودلوعتنا خخخخخ
بس لا ذكرت لك دانة وفرفر وابوحسين

الله يعطيك العافية

الله يعافييك يارب ويهنيك ويبلغك مرادك يارب

OLGA · 07-08-2015, 06:49 PM

فيالاند من احلى المجمعات عندي باسطنبول
والله كنت مفكره اروح ويك اند اسطنبول اقعد بفندق فيالاند بس
شكرا ام حسين ..

توبليرون · 08-08-2015, 04:40 PM

اقتباس : المشاركة الأصلية كتبت بواسطة OLGA

فيالاند من احلى المجمعات عندي باسطنبول
والله كنت مفكره اروح ويك اند اسطنبول اقعد بفندق فيالاند بس
شكرا ام حسين ..

اولغا غيري لوون الخط ارحمي العيايز اللي مثلي
تصدقين توني انتبه ان في فندق هني
يبيله تصدقين خوش مكان
ان شاءالله المرة الياية
شكراا لمرورج الغالي

توبليرون · 08-08-2015, 04:48 PM

تابع ذاك اليوم بعد معاناة من اللاب والصور
اللي نفس الميموري بس مو فاتحة كلها في اللاب
وبعد الفورمات للاب نفس الشي ما افتحوا اضطريت احملهم من الايباد

شوفوهم أخر صور

نتابع الحين سهرتنا لهذا اليوم

وطلعنا بعدين ندور عشا ....قلنا يولوس كافيه ....ورحنا

وصلنا عجبنا المكان حييييل وبدينا نصور بره

هذه من الكانون 100 d

الصور بالاميات صورتها بس أغلبها مووو حلوووة

بس شوفو احسنها ...

بغينا نقعد على البلكووون بس بررررررد وهوا ما قدرنا دخلنا داخل

هذا من المكان الأول اللي قعدنا فيه

بدون فلاش

قال بوحسين هذا يبيله نالنهار ....قلنا له خل نتغدى فيه باجر .....قال اوكي .....بس ما رحنا ثاني يوم يقول مانبي نروح مكان بعيد
قلت له في تلفريك بس ما رحنا

وهذه من الأيفون 6 بلس

المنظر حلووو بس يبيله محترفين بالتصوير

وهذا عشانا ....

ولاااااااااا بد منه

الدفايات بكل مكان

والبيتزا ...حنينا لها

وسلطة

وتشهوينا

أكيد تعبتووا من كثرة الصور لهذا اليوم
خلاص نريحكم يا جماعة

|القحطاني| · 08-08-2015, 06:54 PM

بصراحة يا أم حسين ما تعبنا انتي اللي تعبتي ههههههههههههه

المنظر الليلي رهييب اللي مطل على الجسر ..

والتصوير في الليل متعب لأنه يحتاج ترايبود أو يد ثابته

لو غيرتي بالإعدادات حطيتي الكام على وضع P ثم أخترتي الـ ISO على 800 أو 1600 كان طلعت الصورة واضحة

بس على كل حال التصوير الليلي يطفش الواحد

الله يعطيك العافية

توبليرون · 08-08-2015, 09:29 PM

اقتباس : المشاركة الأصلية كتبت بواسطة |القحطاني|

بصراحة يا أم حسين ما تعبنا انتي اللي تعبتي ههههههههههههه

المنظر الليلي رهييب اللي مطل على الجسر ..

والتصوير في الليل متعب لأنه يحتاج ترايبود أو يد ثابته

لو غيرتي بالإعدادات حطيتي الكام على وضع P ثم أخترتي الـ ISO على 800 أو 1600 كان طلعت الصورة واضحة

بس على كل حال التصوير الليلي يطفش الواحد

الله يعطيك العافية

تعبكم راحة يا القحطاني
اي والله متعب بس يعني يبيلنا دروووس خلاص بعتمد القياسات هذه
يمكن طلع بصور حلوووة
شكراا لك ويعافييك ربي

OLGA · 08-08-2015, 09:50 PM

اولوس كافيه دايما نروحله بليل معنه اشوف بالنهار يطلع المنظر احلى ..
يالله المره اليايه انروح بالنهار ..
لوول والله ام حسين مو من الكبر مانشوف والله من هالاجهزه ما قمنا نشوف
شكرا ام حسين وو ماتعبنا من الصور مستمتعين ،،

توبليرون · 09-08-2015, 11:19 PM

حبيت أحط لكم موقع الفيالاند باللغة العربية

تم اضافة اللغة العربية في موقع ملاهي فيالاند[emoji116]
http://t.co/LQATC2zodL

Umhusoonأرسلت بواسطة i بإستخدام Tapatalk

توبليرون · 09-08-2015, 11:23 PM

اقتباس : المشاركة الأصلية كتبت بواسطة OLGA

اولوس كافيه دايما نروحله بليل معنه اشوف بالنهار يطلع المنظر احلى ..
يالله المره اليايه انروح بالنهار ..
لوول والله ام حسين مو من الكبر مانشوف والله من هالاجهزه ما قمنا نشوف
شكرا ام حسين وو ماتعبنا من الصور مستمتعين ،،

اي والله بالليل حلوو وبالنهار أكيد بيكون حلوو بعد
وحلاته تروحين قريب المغرب وتقعدون لليل ...راح تشوفين المنظر بالنهار والليل مره وحدة

ههههه الله يعين عيونا شنسوي نحب هالأجهزة...واللون عجيب بس هم فاتح ههههه بس اهون من الوردي....[emoji12][emoji12]
عساكم دوم مستمتعين اولغا العسل
شكراا لج [emoji8][emoji8]

Umhusoonأرسلت بواسطة i بإستخدام Tapatalk

توبليرون · 14-08-2015, 12:32 AM

السلام عليكم

منتدى العرب المسافرون

بوابة السفر لتركيا

الآحد 18 / يناير / 2015

نشوووووف اليوم شنو سوينا

قعدنا مبجر انا ودانة وابوحسين قررنا نتريق بالكافية اللي يم شقتنا القديمة

وهذا ريوقنا

البرك اللذيذة

الخبز التركي

البيض اومليت

وابوحسين طلب منه قشطة وشوية عسل

نقعها عسسل

وابوحسين طلب حليب

وانا ودانة طلبنا شاي

رجعنا بعدها لشارع الأستقلال موعدنا مع البنات هني

تمشينا فيه ولقينا هذا استغفر الله ......أحسهم اللي مضايقينا بالمنتدى

تجمعنا مع البنات وقلنا نبي نروح بازار.....مع اني ادري ان مسكر يوم الأحد ....بس قال لنا راعي التاكسي انا ادل
بازار مفتوح

وركبنا معااااه

ويمشي وهذه من الطريج

ويدخلنا بدواعيس علشان يطلع على الخط العام

مراويكم طريجنا ...وشوارع اسطنبول

وزحمة الأحد

ومساجدها الجميلة

المهم مشى فينا وايد ....وكل ما نساله وين البازار قال شوي بعيد بوديكم

نصاااااب يبي زيادة فلوس بس اعتقد بوحسين كان متفق على سعر معين معاه وما اخذ غيره
وتالي ما تالي طلع مودينا مول أعتقد فورم اسطنبول
على البحر

نشوف بعض اللي شفناه بالمول

وهذا اول ما دخلنا

هالبلكووون عند المطاعم حلووو ب فاضي لأن برد بس المطل حلووو

وهذا المطل الفيوووو

بتشوفوووون شنو بالصورة من بعيد .....هاكم دربيل كبير للمشاهدة

المكان حلووو عند المطاعم فوق

ويطل على البحر وممشى كبير عجيييب

فيديو لفاترينة اعجبتني

يسوون كيك

https://وهني رجعت انطر البنات على ما يفترون بنطلع مافي بازار ولا شي مول عادي ....

وصورته لكم فيديوو

https://[MEDIA]https://https://https://بعد ما طلعنا رحنا استينيا بارك فيها بازار صغير

وهني تغدينا بعد ما رحنا البازار الصغير

صور من البازار وفيديو صغير نشوقكم بالقهوة التركية

https://مدحووا لنا فاصيولتهم .....مو مثل طباخنا احنا احلى مرقة الفاصوليا باللحم

ما عجبني ملفوفهم ولا العيش المشخول......الفاصوليا حليووة .....البرغل حلووو (( حلوو يعني لذيذ مو سكر )

وهذا غدا البنات من شيك شاك

وهذا حسابنا للسينما حق الفيلم اللي يندشه انا ودانه لا ومعاه خصم حق وجبة

بس بعد ما اشترينا غدانا

شباك التذاكر فوق عند المطاعم والصالات تحت

انا ودانة رحنا الفيلم التركي وفرفر وغنومة راحوو فيلم أجنبي

وهذه الصالة واحنا نازلين

وهني قعدت اتمسج على ما يفتحون الصالة لنا

وهذه الفواكه الطازجة شرينا فواكه بالكاكاو أكلناه قبل لا ندش الفيلم

وهذا فيلمنا المنشووود

ما دخلونا الصالة الا حده حده بالوقت اللي مكتوب على التذكرة

ودخلنا السينما

الفيلم انا سجلته عدل ههههههه فيلم طويل تابعت القصة اول شي بس طوالة وهو يضحك عند دانة والأتراك
والا انا ,, شاهد ما سمعش حاجة ,,
بس نمت شوية ههههه ريحت

طلعنا من الفيلم ورجعنا تقسيم

رحنا انا ودانة بعد ما ريحنا شوية الى ربعنا الأتراك وقعدنا معاهم

وشربنا شايهم وتبادلنا الهدايا معاهم انا كنت ماخذه لهم عطورات كويتية ومصحف عربي يعرفون يقرونه

رجعنا للساحة

كنا واقفين هني انا ودانة .....والا وحدة مع امها ومعاهم ولد مادري بنت صغيرة

قعدوا يطلبون منا اي شي عطيناهم المفسوم وقالو ياريت اذا عنكم ملابس شتوية تدفينا احنا ننام بالحديقة

قامت دانة وعطتهم شالها الصوفي وانا لو عندي الشال كان عطيتهم ....وراحوو

قلت ياريت قايلة لهم تعالو ا بكرة اعطيكم ملابس لننا بنسافر بكرة .....بس ما شفتهم حسافة راحووو بعيد

بعدها رحنا مع ابو حسين نتعشى في مطعم الفلافل الفلسطيني ان كنتو خابرينه

وتحية من الشيف لكم

الشهادات والرخص وجرايد

ووصل

بوحسين ما نطرني اصور وطبقي أنا ودانه

بس وبعدها رجعنا الفندق رتبنا شنطنا وسكرت الشنط اللي انترست ومافي مجال لها

لأن باجر أخر يوم ........
أشوفكم بالجزء القادم الى اللقاء

OumImadeمعجبون بهذا.

المواضيع المتشابهه
الموضوع	كاتب الموضوع	المنتدى	مشاركات	آخر مشاركة
سكن في تركيا	abdulaziz bin m7md	بوابة تركيا	3	29-06-2019 10:23 AM
تركيا او ماليزيا	غـلاتـي	البوابة السياحية	20	08-05-2015 03:42 AM
جو تركيا شهر 7هـ	رزان	تركيا	3	18-03-2015 08:24 AM
19 يوم في تركيا	Fnn1991	تركيا	10	17-03-2015 07:40 AM
السياحة الشتوية في لوس انجلوس	منيرة	بوابة امريكا	11	07-03-2015 07:09 AM