تركيا الشتوية - الصفحة 8

OLGA · 22-07-2015, 03:40 PM

اشفيها الروابط ..
ناطرينج لا تتأخرين ان شاء الله يتبطلون ..

OLGA · 22-07-2015, 03:40 PM

اشفيها الروابط ..
ناطرينج لا تتأخرين ان شاء الله يتبطلون ..

توبليرون · 23-07-2015, 02:08 AM

ومرحبا
منتدى العرب المسافرون _ تركيا

حياكم أعضائنا الكرام في اليوم الثاني في اسطنبول
الخميس 15 يناير 2015
بالمناسبة سميت التقرير بتركيا الشتوية
لأن هذه السفرة الثانية بعد السفرة الأولى اللي كانت بالصيف
وكتبت تقرير سميته تركيا الصيفية
على هذا الرابط

http://www.arabtrvl.com/vb/t376.html

كنت ودي اجرب السفر بالشتاء بعد ما عانينا من الحر بالصيف وصار مثل ما ابي

نبدأ هذا اليوم بالصحيان مبجر بعد نومة مرييييييحة بعد تعب السفر
تجهزنا وطلعنا

هني تكملة بعض البيانات للفندق

واستلام الاوراق

دليل الفندق

طبعا نطلع يمين الباب الرئيسي للفندق
ونمشي سيدااا مسافة اقل من كليو بنحصل ميدان تقسيم

نشوف الصور

اول ما قعدت قلت بشوف نطل على شنوو
وشفت هالمنظر وصورت لكم هالصور اللي كنت حاطتهم لكم في الجزء السابق

وهذه المحلات كلها نمر عليها قبل ساحة تقسيم

محل او بقالة مادري ليش مصورتها يمكن علشان المغسلة

سيارات الشرطة تفتر بالمنطقة
وسكروووا محل واحد وخذوه معاهم

وقفنا هني ....ليش ؟ طبعا مو للأتصال الدولي
لا

وقفنا
لصرف الباوندات الزايدة من سفرة لندن الى الليرة التركيه

الأسعار مثل ما مكتوبة على اللوحة

وتذكرون الجزء السابق حطيت لكم اننا شحنا خطوط تركية وانترنت
اسفة التبس لي الأمر طلع هاليوم اللي حطينا الخطوط والانترنت

هالجهاز موجود بره المحل للي يبي يشحن

ووحدة شهتنا على البرك التركي .....

وهذا مخبز ثاني للبرك

محل بواريك

وبدت معالم ميدان تقسيم

شوفو الغيوووم

ووصلنا مبتغانا للريوق سميت سراي.....عنقودة وين البابا

ويسيل اللعاب للمخبوزات الشهية

ما ندري شنو نختار وشنو نخلي

بس اخترت البرك طبعا

اشرايكم

والشاي ما ينعاف...مزين بالرغوة هذا اختصاص المدير فيصل

وجربنا هالخبزة محشية بطاط

والخلفية كانت حلوووة للتصوير ما خليناها

طلعنا ركبنا التاكسي الى منطقة الفاتح

هني مواقف التاكسي بالشارع اللي خلف مبنى البوليس اللي عند الحمام بتقسيم

شايفين وين انا واقفة خلفي التاكسي وجدامي هالمنظر

من الطريج

ووصلنا لمكان مسجد السلطان أحمد نبي ندخل

شفنا هالمسلة

أكيد انتو عرفتوا وين قطنا التاكسي من هالمحلات

بياع السميت

التصوير مستمر

ودخلنا آية صوفيا

وتصوير

والتذكرة ...لمتحف الحجية صوفيا

الخريطة والمعلومات على هاللوحة

البوابات

والمبنى ....الصورة عوية لأنهم ينادوني

وبدينا التصوير داخل

جرس كبير.....أعتقد مال الكنيسة سابقا

النقوشات بالسقف

الثريات المميزة في المساجد التركية

خلصنا من الممر ودخلنا للمسجد البوابة

الكل يصور....واحنا نصورهم

كان فيه وايد ترميمات ومسكرين اماكن العمل بحواجز
بس منظر مهيب

شايفين عاد صج يبيله ترميمات

شكبرهاااا

المنبر

هالأرضية كانت محوطة ممنوع المشي فوقها

ما صارت الصورة عدل علشان اقول لكم قصتها

وشفنا هذا وجربنا نحط اصابعنا ونلفهم مع ذكر امنية
بس جذيه مو مصدقين فيهم بس جذيه ولنبرهن لعيالنا ان كل شي مكتوب بيد الله سبحانه تعالى

وام حسون تجرب

خرافاااااااااااات

كملنا تصوير ومشي

شوفو القطوة

معروضات

وصعدنا فوق بدون درجات بس صعود

اول درجات وبعدين بدون

نصعد بلفات وكل ما نلف نحصل شباك

شوفو ماكو دريات ....نمشي صعوداا عل هذا الحجر

الشبابيك

طاحت ريووووولي

عاد هذه ما اطولها

شوفو الأرضية يبيلها ترميم

من فوق

ونزلنا زحلقة

من الزحلقة بغيت ادش بالشباااك

سياح اسيويون..........ما خلووو مكان

وطلعنا وشوفو الدريات شرفعهم .....صعدت غنومة وصورناها

ونوع رابع من الماي يا القحطاني

والمحلات بكل مكان

وفي الطريق الى..........

بس وقفنا شوي هني

نريح ....هالمحلات موجودة

وشروا البنات عصير رمان ......انا ما احبه

شريت كستنا

من هذا

يجوز تكون هالصورة معادة

ووصلنا البوابة

منسدح الكلب.... وانتوا بكرامة
ذكرني بكلاب اليونان

نكمل الجولة بالجزء الياي
باااي

OumImadeمعجبون بهذا.

|القحطاني| · 23-07-2015, 04:27 AM

جزء جميل .. وحرام والله سمعة تقسيم سيئة

خصوصا في السرقات ولا المكان روعة وفيه أشياء حلووة

هل واجهتوا مشكلة فيها .. أو شكيتوا في أحد .. ولا الأمور كانت طبيعية جدا؟

الله يعطيك العافية

Sent From Samsung Galaxy S6

توبليرون · 23-07-2015, 12:39 PM

اقتباس : المشاركة الأصلية كتبت بواسطة |القحطاني|

جزء جميل .. وحرام والله سمعة تقسيم سيئة

خصوصا في السرقات ولا المكان روعة وفيه أشياء حلووة

هل واجهتوا مشكلة فيها .. أو شكيتوا في أحد .. ولا الأمور كانت طبيعية جدا؟

الله يعطيك العافية

Sent From Samsung Galaxy S6

المنطقة حيوية وأكيد بتصير زحمة
واللي يحافظ على أشياءه وينتبه ما راح ينسرق
مع اني في المرتين ما انسرقت ولا شي
اللي فيها بس الشحاذين ويطلبون منك اذا قلت لهم مافي يروحون عنك
ويجيك غيرهم أغلبها اطفال وبعد الشحاذه عن طريق بيع المناديل او حاجات بسيطه
والحمدلله ماكان يضايقني هالشي

السرقات من أصحاب التكاسي
بس افضل شيئ تتفق معاهم بالبدايه على السعر
لأن اذا بالعداد عندهم حركات يزيدون فيه وجذيه

وهالمره الحمدالله ما صارت معانا لان عرفنا لهم من المره الأولى

والأمور طبيعية مثل كل مكان بالعالم مشهور ومزحوم
بتشوف هالأشياء والحرص واجب

وبالشتاء أخف جدااا

جمال الجزء بمرورك الرائع يالقحطاني
شكراا لوفائك بالمتابعة
مع اني نطرتكم وايد
والله المستعان

توبليرون · 23-07-2015, 12:43 PM

اقتباس : المشاركة الأصلية كتبت بواسطة OLGA

اشفيها الروابط ..
ناطرينج لا تتأخرين ان شاء الله يتبطلون ..

الروابط للصور كنت انسخها وأحطها سيدا
بالتقرير واعتمد التقرير
وكانت تفتح
بس الظاهر الحين لازم اسوي نسخ للرابط في ادراج الصوره
وسويته والحمدلله طلع
والجزء جاهز الحمدلله

اما الجزء الياي بتأخر هاليومين
لأن عندي ظروف
وبرجع الأسبوع الياي أكمل لكم

النمسا · 23-07-2015, 01:06 PM

جزء جميل جداً جداً

ما دخلتو جامع السلطان أحمد ؟؟؟

وفيه بعد متحف تحت الأرض مثل مغارة جعيتا في لبنان ينقلون فيه الماي مثل الصهاريج (أسمه) yerebatan sarayi

OLGA · 23-07-2015, 02:37 PM

حلو التمشي بسلطان احمد وو فاتح اجواء حلوه تونس
ما قلتيلنا شسالفة الارضيه ممنوعه المشي عليها ..

القحطاني السرقات اكثر شي اتصير بالصيف وقت سياحه وو زحمه

alosaimi · 23-07-2015, 03:37 PM

يعطيكم العافه علي الجهد المبذول في خدمة المسافرين
تقبلوا مروري و تحياتي

توبليرون · 23-07-2015, 04:22 PM

اقتباس : المشاركة الأصلية كتبت بواسطة النمسا

جزء جميل جداً جداً

ما دخلتو جامع السلطان أحمد ؟؟؟

وفيه بعد متحف تحت الأرض مثل مغارة جعيتا في لبنان ينقلون فيه الماي مثل الصهاريج (أسمه) yerebatan sarayi

انتظر القادم وبتشوف يابو عبدالرحمن
الجمال بمروركم العطر
يعطيك العافيه

المواضيع المتشابهه
الموضوع	كاتب الموضوع	المنتدى	مشاركات	آخر مشاركة
سكن في تركيا	abdulaziz bin m7md	بوابة تركيا	3	29-06-2019 10:23 AM
تركيا او ماليزيا	غـلاتـي	البوابة السياحية	20	08-05-2015 03:42 AM
جو تركيا شهر 7هـ	رزان	تركيا	3	18-03-2015 08:24 AM
19 يوم في تركيا	Fnn1991	تركيا	10	17-03-2015 07:40 AM
السياحة الشتوية في لوس انجلوس	منيرة	بوابة امريكا	11	07-03-2015 07:09 AM