تركيا الشتوية

توبليرون · 02-08-2015, 12:33 AM

منتدى العرب المسافرون

بوابة السفر لتركيا

اليوم الثالث بتركيا الشتوية

الجمعة 16 / يناير / 2015

قعدنا الصبح شوي متاخر نقول على الساعة 9 صباحا

قعدت اطل من الدريشة واشوف الجوو اشلونه اليوم وصورت لكم

فيديوو يبين لكم درجات الحرارة وهذا في شاشة يعرضها لنا البنك

الجوو بارد مثل ما شفتووا

بدلت وقعدت البنات وبوحسون قبلهم قعد وبدل وقال بروح أتريق عند فندفنا القديم
قلنا له روح

ودانة البست والباجي نوم

قالو احنا بنتريق هني بالفندق

انا ودانة قلنا بنطلع ما نبي نتريق بالغرفة ملينا من النطرة

وهذا طلبهم

صورته قبل لا اطلع

ونزلنا انا ودانتي نبي نتريق

ولازم نصور لكم من الفندق

وبما أن الجوو حلووو قلنا بنقعد نتريق بره

وهذا ريوقنا

أقرب

ولزوم التدفئة هالشاي المخدر

الأطفال اللي يبيعون الكلينكس شرينا منهم لزووم الس......من البرررد
وعطيناهم بعد اكرامية

وشرينا من غيرهم حبوب للحمام

وعقبها تصورنا مع الحمام لحد ما شبعنا

وتمشينا بالميدان

تصوير من ككل الجهات

ودنا نركب الترام بس مشى

ونصور لكم شوي

دايما توقف سيارات التاكسي هني مقابل حافظ مصطفى

شفنا الترام قلنا نبي نركب ....مع انه وقف

قال لا لازم افر المجسم وبعدين اركبوا

وننطر على ما يلف

وصعدنا وكنا اول ناس وبو الشعر الأبيض هو اللي يشغله

سكر الباب بينا وبينه

وهذا الأستقلال من الترام

اعلانات للامان في الترام

شيك شاك

قطوة بس المهم شوفو الحاجز لباب الترام

ووصلنا لأخر شارع الأستقلال وقال يلا نزلوا

قلنا له مانبي ننزل هههههه قال لازم تقصون تذكرة جديدة اعتقد التيكت بعشرة ليرة للمسار الواحد

قلنا ما نعرف عاد اهو راح وقص لنا التذكرة من الجهاز

أسعار مسجلة على الترام

ونزلنا مكان ما صعدنا

وصور حلووة من تقسيم

ولا بد من الكستناء.....

شفنا بوحسين ورحنا معاه لربعنا

اللي تعرفنا عليهم بالسفرة السابقة

ما حصلنا صديقتنا بس زوجها وشفنا حالهم تحسن

من مطعم بسيط الى مكتب عقارات شراكة مع واحد ثاني الله يرزق من يشاء بغير حساب
الحمدلله

بوحسين راح يصلي مع التركي وانا ودانة نتمشى
دانه شرت التقويم التركي تقول

وانا اقول لها هههه

وقعدنا بكافيهنا القديم

وشربنا السحلب اللذيذ ....بس اللي باورتاكوي ألذ

قعدت أصور كوب السحلب لأني زعلت على بوحسين ....مادري شنو قال لي زعلني ههههه

زعلانة مابي اشرب

بس شربت علشان دانة

خلاص راضاني

رجعنا للبنات بشارع الاستقلال

وتجمعنا ورحنا لمول جديد أعتقد ....نسيت اسمه بس من الايفون طلع مكانه في levazim

وهذه صور من الطريق

نزغلل عيونكم شوي

وهذا المول ناسية اسمه اوال او جذيه يعني المهم اهو طلع معاي من الأيفون اسم المنطقة levazim

المحلات الخارجية او اللي لهم مداخل خارجية

حديقة المول الخارجية جميله جدا

ودخلنا للمول الجميل

وسيدااا للمطعم قبل التسوق

مانبي الا الأكلات التركية ....مانبي نطوفها يوم بعدين ما نحصلها عندنا

دانة مستعيلة على شرب اللبن

وهذا لي

رحت بقعد لقيت هالبوليس يفتشون جنطة مالها صاحب على الكراسي

خرعوني حسبت متفجرات طلع مافيها شي الظاره صاحبتها ناسيتها

طلباتنا انا ودانه

طلب فرفر

طلب غنامي

وهذا الحاجز اللي قعدنا عنده علشان نشرب شاي

عجبني ستارة من كرات حديد

شرينا منه شاي وابو حسين حلى ببقلاوة من

بعد 3 ساعات والتمشي شوية بالسوق والتشري شوية تدرون المشترى كله بلندن

طلعنا باتجاه تقسيم

رحنا سميت حلينا عندهم

والشاي ما ادري كل ما شربت الشاي اتذكر فيصل ليش ما ادري

رجعنا الفندق نريح شوي ونصلي

هذه ابوحسين لما راح يتريق الصبح رجع يايب لي البرك اللي أحبه

بس شافنا بنتريق بسميت سراي راح وداه الفندق

بسفرة الصيف كانت دانة وابوها رايحين مكان يقولون الساحل كان فيه بياعين و اكشاك وزحمة
شوقونا على المكان ورحنا هناك على وصفهم ماعرف التاكسي رحنا له الساعة 9.30 تقريبا
بس نزلنا على اخر جسر المطاعم ورحنا قالوا لنا اهو يكون هني بس يوم محدد يعني اسبوعي ناسية اي يوم
المهم دخلنا المكان عند سوق سمك ومطاعم سمك
تعشووا فيه انا ما أقدر أكل زفر بالليل

وهذه صور من سوق السمك والبحر

المطاعم

يسوي السندويتش وهو واقف طبعا صمون السمك

دخلنا من نفق وطلعنا الجهة الثاني للجسر كنا يمين ورحنا يسار

هني سوق السمج

وسوق الخضار

مقابلهم البحر

تختار من هالاسماك ويطبخونها لك على ما تشتهي مقلي مشوي بكيفك

أخترنا ربيان للبنات وابوحسين
وقعدنا ننطر

من يبي كازوزة

وسندويشة دندونة

وهذه سلطتهم

انا أكلت بس من السلطة

ووصل الربيان ما مداني اصور كله

وسندويشة غنومة

والحمدلله بعدها رجعنا الفندق

وإحنا رادين صورت لكم السبا في الفندق

وهذا مدخل السبا

والنادي الصحي
ما صورته عدل معانا ناس تحن يلا ويلا

وتصبحون على خبر ليوم جديد

OumImadeمعجبون بهذا.

المواضيع المتشابهه
الموضوع	كاتب الموضوع	المنتدى	مشاركات	آخر مشاركة
سكن في تركيا	abdulaziz bin m7md	بوابة تركيا	3	29-06-2019 10:23 AM
تركيا او ماليزيا	غـلاتـي	البوابة السياحية	20	08-05-2015 03:42 AM
جو تركيا شهر 7هـ	رزان	تركيا	3	18-03-2015 08:24 AM
19 يوم في تركيا	Fnn1991	تركيا	10	17-03-2015 07:40 AM
السياحة الشتوية في لوس انجلوس	منيرة	بوابة امريكا	11	07-03-2015 07:09 AM