رحلتي الجميله لطوكيو 2015 - الصفحة 17

سوسو الصغيرة · 22-06-2015, 12:28 PM

غريبة
يعني على ها الشهرة اللى وصل لها المطعم و العالمية و ما عنده اختيارات متعددة تناسب جميع الاذواق مب حلوة في حقهم ...
يعطيج العافية

هداوه · 24-06-2015, 12:55 AM

اقتباس : المشاركة الأصلية كتبت بواسطة فيصل

واضح انك مره قافله الأخلاق معاك من هالرد

سوالنا حركات غبيه بالسيف حق هاي السلطه

ههههههههههههههههه هيه والله قافله

اقتباس : المشاركة الأصلية كتبت بواسطة سوسو الصغيرة

غريبة
يعني على ها الشهرة اللى وصل لها المطعم و العالمية و ما عنده اختيارات متعددة تناسب جميع الاذواق مب حلوة في حقهم ...
يعطيج العافية

الله يعافيج

هيه والله بس الدعايا والمطعم تنفع للاجانب مب حقنا

هداوه · 24-06-2015, 12:57 AM

جولات اليوم الرابع

اليوم جميل من بدايته

صحينا الصبح وقررنا نتريق في ستار بكس في شيبويا

الجو جميل ويخبل

وبعد ماتريقنا وصورنا واستمتعنا بالجو قررنا نبدأ اول جولاتنا واليوم بوديكم ويانا الى

حديقة كوجاني العامة في شينجكو

فيها الكثير من أشجار الساكورا

نزول في محطة قطار :

MUSASHI-KOGANEI

ثم ركوب الحافلة Seibu bus

و النزول في محطة

Koganei-koen Nishi-guch

شوفوا انا ناسيه اذا هاي هي المحطه اللي نزلنا فيها ولا لأ ولكن أنا متأكده انه نحن ماركبنا باص

نزلنا من المحطه ومشينا لين الحديقه

ع العموم بعطيكم مخطط الحديقه ومكتوب عليها بالياباني أسمها

اووها الفندق وهو بيعطيكم عنوانها

العنوان

ماشاءالله الحديقه كبيره وفيها بحيره وبط بس ماأدري ما شفتها

وهاي الحديقه سرناها بروحنا وسايا ماكانت تعرف عن مخططنا لها لأني قررتها قبلها بيوم

قطعنا التذاكر والتذاكر برسوم بسيطه

مدخل الحديقه

انطباعي عن الحديقه

الحديقه وايد حلوه واللي زادها جمال الجو

غيوم وبروده حلوه وأمطار خفيفه

والحديقه مليانه اشجار الساكورا

ومناظر ممتعه ع مد البصر

تفرجوا واستمتعوا ويانا

هاذيل العشاق منخشبن

أنا وبوعيسى

لاتصدقون أسولف نحن منخشين ورا الشيره

لو ماكان فيه مطر وجدولنا مزدحم جان الواحد حلو يفرش هنيه ويقضي وقت وسط الجمال هذا

كلها أشجار الساكورا

عقب ماشبعنا تصوير ومتعنا نظرنا رجعنا من المحطه اللي يينا منها

ونحن نمشي شفت مطعم محطي هالورود الجميله عند مطعمه

الصراحه هاي المنطقه اللي فيها الحديقه واعتقد هي شينجكو منطقه حلوه

وكان ودي أستكشفها وأتمشى فيها ولكن

ورانا مكان ثاني مايتفوت

مكان ندمنا انه مازرناه الا مره وحده من حلاته

تابعوني ...

وبتعرفون جولتنا الثانيه في هاليوم

الايمانمعجبون بهذا.

Prince Kytu · 24-06-2015, 03:56 AM

حديقة Shinjuku Gyoen National Garden
جميلة جداً وجمالها في كل موسم مختلف
بالنسبة للمحطات أنا أعرف محطات قطار الأنفاق القريبة منها وهي
Shinjukugyoenmae و Shinjuku Sanchome و Kokuritsu Kyogijo و Yoyogi
وطبعاً كل وحدة حسب الخطوط الأقرب لكم
أما قطارات الـJR فأقرب المحطات هي
Sendagaya و Yoyogi و Shinjuku
ولكن تعجبت أختـي إن ما صورتي البحيرات في الحديقة !! كانت شي جميل
وحتى البيت الزجاجي إلي فيه النباتات الداخلية
ولكن استمتعت بمشاهدة أشجار الساكورا
واشتقت إلى اليابان
ويعطيج العافية أختـي

احلى من العقد · 24-06-2015, 05:51 AM

تقرير جميل يا هداوه ... اعتبر ان سفرتج هاي سفره استكشافيه لليابان واتوقع ان السفره القادمه لها بتكون احلى واحلى لانكم بتكونون عارفين الأماكن الزينه اكثر ... بالنسبه للمطاعم احس صج مأساه احسن شي الهندي ... يختي شرق اسيا ماحب اكلهم وامل منه بسرعه .... توقعت انج خلصتي التقرير قلت بدخل اقراه كله ... بس طلعت غلطانه خخخخخ

مستمتعه معاج ...

كتكات783 · 26-06-2015, 05:48 PM

الله عليك يا أم عيسى ..

كما هي عادتك إبداااااع وتفصيل ونقل وسرد وتصوير ومعلومات ...

المحطة الرئيسية فعلا كبيرة جدا ( من خلال تصويرك )

والأكل الياباني لم يروق لي أبدا .. حلوة سالفة القدر الكهربائي يفك أزمة الأكل ..

حديقة كوجاني .. غاااااية في الجمال .. أظهر تصويرك جمالها وتقييمك لها وكذلك تقييم مشرفنا الجميل البرنس لها ..

مازال عطاؤك يفيض ببذخ هنا .. ومازلنا بشوووووق للحكايات اليابانية المميزة ..

هداوه · 30-06-2015, 01:21 AM

اقتباس : المشاركة الأصلية كتبت بواسطة Prince Kytu

حديقة Shinjuku Gyoen National Garden
جميلة جداً وجمالها في كل موسم مختلف
بالنسبة للمحطات أنا أعرف محطات قطار الأنفاق القريبة منها وهي
Shinjukugyoenmae و Shinjuku Sanchome و Kokuritsu Kyogijo و Yoyogi
وطبعاً كل وحدة حسب الخطوط الأقرب لكم
أما قطارات الـJR فأقرب المحطات هي
Sendagaya و Yoyogi و Shinjuku
ولكن تعجبت أختـي إن ما صورتي البحيرات في الحديقة !! كانت شي جميل
وحتى البيت الزجاجي إلي فيه النباتات الداخلية
ولكن استمتعت بمشاهدة أشجار الساكورا
واشتقت إلى اليابان
ويعطيج العافية أختـي

الله يعافيك وشكرا ع المعلومات المفيده

بعد اذنك ممكن أنقله في التقرير ؟

انا بروحي تعجبت انه في بحيره وماشفتها

عافانا الله من دخلنا تمينا نمشي ومافكرنا نشوف البرشور اللي في ايدنا

ع العموم نحن خذينا وقت طويل فيها وكان ورانا الجوله الثانيه وماعندنا وقت نتأخر أكثر

ولكن ان شاءالله ممكن نعيدها

اقتباس : المشاركة الأصلية كتبت بواسطة وحده عاديه

تقرير جميل يا هداوه ... اعتبر ان سفرتج هاي سفره استكشافيه لليابان واتوقع ان السفره القادمه لها بتكون احلى واحلى لانكم بتكونون عارفين الأماكن الزينه اكثر ... بالنسبه للمطاعم احس صج مأساه احسن شي الهندي ... يختي شرق اسيا ماحب اكلهم وامل منه بسرعه .... توقعت انج خلصتي التقرير قلت بدخل اقراه كله ... بس طلعت غلطانه خخخخخ

مستمتعه معاج ...

هلا بالحب القطري

تولهت عليج ياصديقتي ، يلا عاد غيري النيك نيم مالج

أنا بعد أحس جيه وياليت تكونن ويايي في هاي السفره

هههههههههههههههههههههه لاماخلصته اترياك تكونين موجوده عشان تتابعيني

اقتباس : المشاركة الأصلية كتبت بواسطة كتكات783

الله عليك يا أم عيسى ..

كما هي عادتك إبداااااع وتفصيل ونقل وسرد وتصوير ومعلومات ...

المحطة الرئيسية فعلا كبيرة جدا ( من خلال تصويرك )

والأكل الياباني لم يروق لي أبدا .. حلوة سالفة القدر الكهربائي يفك أزمة الأكل ..

حديقة كوجاني .. غاااااية في الجمال .. أظهر تصويرك جمالها وتقييمك لها وكذلك تقييم مشرفنا الجميل البرنس لها ..

مازال عطاؤك يفيض ببذخ هنا .. ومازلنا بشوووووق للحكايات اليابانية المميزة ..

ياهلا والله مبسوطه بمتابعتك

الله يعطيني الصحه والعافيه والنفسيه الحلوه وأظل دوم أكتبلكم لين أعيز هههههههههه

اتمنى تظل تتابعني ولاتحرمونا من مشاركاتكم

هداوه · 30-06-2015, 01:22 AM

الجوله الثانيه في اليوم الرابع

بعد ماخلصنا من الحديقه رجعنا من نفس المحطه وسرنا جولتنا الثانيه في

شارع جينزا

http://www.japan-guide.com/e/e3005.html

صور لشارع جينزا

معلومات جمعتها عنه

Ginza

كانت غينزا موطنًا للنخبة الثرية في اليابان لعدة عقود

جولة من التسوق في ميتسوكوشي وواكو قد تكلف ما يعادل الناتج المحلي الإجمالي لدولة صغيرة

كما تناول الطعام في واحد من 50 مطعمًا حاصلًا على نجمة ميشلان في المنطقة

للقيام بجولة ثقافية يمكنك استكشاف فن الكابوكي الياباني في مسرح كابوكي - زا الشهير.

محل واكو

محل ساعات عريق تأسس في عام 1881، تم بناء هذا المبني في عام 1932

و هو من المباني النادرة التي لم يدمرها القصف في الحرب العالمية الثانية.

المحل اليوم متخصص ببيع كل شي تقريبا ما عدا الملابس.

يتم اغلاق الشارع الرئيسي في اوقات محددة في يوم الأحد لأنه أكثر الأيام ازدحاما

يوجد في هالشارع ماركات يابانية مثل

Matsuya

وفيه متجر ميتسوكوشي العريق

أسست الشركة في عام 1673 و كان محل لبيع الكيمونو.

و يعود فرع جينزا بالتحديد إلى سنة 1930

.تطور المتجر مع مرور السنين حتى أصبح في 1970

من المتاجر الكبرى في اليابان و له فروع عالمية ايضا.

تمثال الأسد الشهير عند المدخل.

اوقات العمل:

From 10:30 a.m. to 8:00 p.m.

المطاعم و الكافيهات في طابق

9 و 11 و 12 from 11:00 to 23:00.

يتكون من ال 12 طابق بالإضافة الى 3 طوابق تحت الأرض

بعض المحلات عندهم خدمة

"Hands-free shopping service"

التسوق بحرية تامة من حمل المشتريات من طابق إلى أخر

يمكنك ترك المشتريات و الاستمتاع بالتسوق

و سيتم تجميع جميع المشتريات من كل الطوابق في الطابق الرابع

فقط عليك ابراز الفاتورة عند المغادرة.

و يوجد أيضا غرفة لوكر لوضع المشتريات

حتى اللوكرات متنوعة و يوجد لوكرات مبردة لوضع الطعام

محلات الماركات غير في جينزا و اغلب المحلات تحتوي

على مقاهي خاصة بها او حتى حديقة في السطح

مقهي غوتشي

يوجد منه 3 فروع في العالم فقط ستجدونه في الطابق الرابع من المبنى

اوقات العمل:

11am-8pm

شانيل

و البتحديد التراس او السقف وفيه كوفيه

سوارفسكي

كافيه راقي

تفاصيل هذا اليوم

لما وصلنا محطة جينزا خذينا المخرج اللي يدخلنا مباشره ع مولميتسوكوشي وطلعنا منه

كان هدفنا ندخل ع أي كوفي في واحد من الماركات العالميه

وقتها كنا نبا ناحذ بريك ونرتاح شوي وناكل شي وأهم شي

نستخدم حماماتهم الراقيه عزكم الله

وقع اختيارنا ع بلغاري

المبنى كبير ومبهر وللاسف الصور اللي خذيتها لهالشارع ماكانت كفايه

يلا تعالوا نتجول مع بعض في شارع جينزا

وصلنا أول شي بلغاري

اخترنا نيلس في كوفي بلغاري

الكوفي كبير وراقي وعندهم مطعم وكوفي

صورت المطعم اللي كان في الطابق اللي تحت وأنا فوق في الكوفي

وهذا المنظر الخارجي

وهاي الصوره الوحيده من طلباتنا

كانت كلها حلويات ومشروبات

للاسف يلسنا وايد أنا وبوعيسى بس البنات كلوا وساروا عنا يتسوقون

هاي فاتورتنا

عقب ماخذنا راحتنا أنا وبوعيسى طلعنا أخيرا نتمشى في هالشارع الجميل

ونحن نتمشى قال بوعيسى بندخل هالكوفي أبا أشرب قهوه

حصلت عندهم ألذ كرواسون بالشوكليت

عقب مريت ع بقاله عدال الكوفي واشتريت سلطه

تتوقعون ليش أشتريت سلطه ؟

اليوم قررت أجرب الجدر الكهربائي وأطبخ أو طبق في اليابان

عاد عقب بتيكم العلوم الحين بكمل تجولنا في شارع جينزا

واعتقد هذا المبنى يديد من كارتيير

لاحظت انه أسعار الماركات أرخص عنا

وجربت هالشي في كارتيير لما سألتهم عن شغله شارينها ولقيناها أرخص عندهم

واربيعتي بعد خبرتني انه خواتها لما زاروا اليابان لاحظوا انه الماركات عندهم أرخص

عقب مرينا غوتشي وسرنا الكوفي مالهم وكنا أنا وبوعيسى

وقب ييونا البنات

كنت أتمنى أجرب كوفيهات ثانيه وقعدات غير

وأتسوق أكثر وأدخل الكثير من المحلات ، لكن للاسف بدأت تسكر المحلات

ونحن كنا واصلين متأخرين عشان سرنا الحديقه

نصيحتي لكم هذا اتونه من الصبح لين فليل

والصراحه يستاهل تزورونه كم مره ولكن نحن كان وقتنا ضيق ومازرناه مره ثانيه

ان شاءالله اذا الله كتبلي سيره لليابان مره ثانيه

بيكون هالشارع من ضمن الاماكن اللي بعيد زيارتها

كوفي لادوريه

كوفي هارودز

طبعا لما سكروا المولات رجعنا الفندق واليوم ناويه أطبخ في الجدر الكهربائي

قصتي مع الجدر الياباني

عاد اليوم انا وايد متحمسه أطبخ في البدايه قلت بغلي ماي وبشوف كيف يشتغل

شغلته وضغط ع زر التشغيل مثل ماعلمتني سايا

وتميت فتره وانتهت المده اللي مبرمج عليها الجدر

والماي مثل ماهو

شفت فصوص ماعرفت شو سالفتها ولاكيف أستخدمها لأنه كل التعليمات بالياباني

كل شوي أدقدق ع الفصوص وماشي فايده

تخيلوا شكثر يلست وانا كل ربع ساعه أجرب واشوف ومب راضي يسخن الماي
وعقب قلت ماشي الا اتعلم اللغه اليابانيه وافهمها

يبت ورقه وقلم ويلست أضغط ع الازار واختار واحد واحد

وكل ما أختار اختيار واحد أكتب الرموز اليابانيه في ورقه وانتظر واشوف

مثلا هالاختيار ماحرك شي أقوم أحط عليه اكس

وعقب الاختيار الثاني واكتبه بالياباني وانتظر

واللي يشتغل حطيته عليه علامة صح واكتب كم مدة الطبخ فيه

لين فجيت الشفره وعرفت أي اختيار اللي يشتغل ويطبخ الاكل بالصوره اللي اباها

وبعد ما أدري كم ساعه من الانتظار سوينا معكرونه باللوبيا الحمرا وكانت لذيذه

صبرنا ونلنا والحمدالله

تابعوني في اليوم الخامس

والمفاجأه اللي ماتوقعناها وخربت البرنامج كله ...

الايمانمعجبون بهذا.

اوروبا عشقي · 30-06-2015, 03:20 AM

متابعين معاج يااحلى هدهد

الايمانمعجبون بهذا.

اوروبا عشقي · 30-06-2015, 03:20 AM

.

أدوات الموضوع
مشاهدة صفحة طباعة الموضوع أرسل هذا الموضوع إلى صديق
انواع عرض الموضوع
العرض العادي الانتقال إلى العرض المتطور الانتقال إلى العرض الشجري

المواضيع المتشابهه
الموضوع	كاتب الموضوع	المنتدى	مشاركات	آخر مشاركة
رحلتي الى جورجيا يونيو 2015	Fahad Mandi	بوابة جورجيا و اذربيجان	115	11-07-2018 12:02 PM
الطيور الجميله	أبوهمس	بوابة اثيوبيا	8	16-07-2015 11:11 PM
رحلتي إلى تركيا 2015 ( #اليوم_الثاني )	المصور أحمد المعراج	تركيا	12	08-06-2015 10:49 AM
مقتطفات من رحلتي قطر يناير 2015	Fahad Mandi	بوابة قطر	31	28-05-2015 10:14 AM