X سُعداء بتواجدكم بيننا ونتمنى لكم قضاء وقت ممتع ، نأمل منكم زيارة صفحة شروط الإستخدام ، تفضلوا مشكورين بالتسجيل*** اضغط هنا *** لإثراء الجميع بخبراتكم السياحية
Loading...





عدد المعجبين380الاعجاب
إضافة رد
 
LinkBack أدوات الموضوع انواع عرض الموضوع
قديم 11-05-2015, 12:26 PM   #1

عضو قدير

الصورة الرمزية قصة حب
 
تاريخ التسجيل :  Dec 2014
رقم العضوية : 140
الدولة : الكويت - ديرة الخير
الجنس : انثى
المشاركات : 3,451



أوسـمـة: قصة حب

كل الاوسمة:1 (more»)
Talking قنبله الموسم - قصة حب في جيبوتي - Believe it or Not






العرب المسافرون
بوابةالسفر إلي دول أفريقيا الأخرى





من هي جيبوتي ؟؟







جيبوتيJabuuti دولة في منطقة القرن الأفريقي وهي عضو في جامعة الدول العربيه


تقع على الشاطئ الغربي لمضيق باب المندب وتحدها ارتيريا من الشمال واثيوبيا من الغرب والجنوب


والصومال من الجنوب الشرقي فيما تطل شرقا على البحر الأحمر وخليج عدن


وعلى الجانب المقابل لها عبر البحر الأحمر في شبه الجزيرة العربيه اليمن


والتي تبعد سواحلها نحو 20 كيلومترا عن جيبوتي.








تقدر مساحة جيبوتي بنحو 23.000 كيلومتر مربع فقط، فيما يقدر عدد سكانها بنحو 864,000 نسمة،

وعاصمتها مدينه جيبوتي ويعيش نحو خمس سكان البلد تقريبا تحت الخط العالمي للفقر بنحو 1.25 دولار يوميا.


وكانت تسمى بلاد الصومال الفرنسي.

 

توقيع : قصة حب

كل إنسآن سيـكون يومـآ مجرد .. ذكـرى ! أمنيتــي أن أكون .. { ذكـرى بيضآء } في قلوبكـ

نقره لعرض الصورة في صفحة مستقلة



لا تغير طبعك لترضيهم ، لاتبدل صوتك لتعجبهم ، لا تخالف مبدأك لتوافقهم ، لا تتصنع لتنال رضاهم
أنت لك بصمة ، عش بما يرضي ربك ، ثم يرضيك ويرضى طموحك

التعديل الأخير تم بواسطة قصة حب ; 15-12-2015 الساعة 11:45 AM
قصة حب غير متواجد حالياً   رد مع اقتباس
قديم 12-05-2015, 09:54 AM   #2

عضو قدير

الصورة الرمزية قصة حب
 
تاريخ التسجيل :  Dec 2014
رقم العضوية : 140
الدولة : الكويت - ديرة الخير
الجنس : انثى
المشاركات : 3,451



أوسـمـة: قصة حب

كل الاوسمة:1 (more»)
افتراضي رد: خاص


فكره السفر لا على البال ولا على الخاطر

بعد ما تعشينا قعدنا نسولف انا وزوجي والعيال
وانا صاكه فيني الدنيا افكر بالامتحانات باقي 10 ايام بس

ودار هالحوار بيني انا وزوجي

ام فلان : بقولك مفاجأة
أنا : مفاجأة ؟؟؟؟؟ شنو

قال : جهزي الشنط عقب باجر مسافرين
انا : هههههههههاي ضحكتني وانا مالي خلق
قال : والله العظيم ما اتغشمر

انا : من صجك ؟؟ نطيت نطه من الغنفة وقعدت عنده
وين ؟؟

انا / فكرت بدبي - البحرين - عمان مكان قريب لأن العيال عندهم دراسه وامتحانات


قال : انا وانتي بس والمكان مفاجأه
انا بعد ما اوصف لكم شعوري ومشاعري الصاله انترست قلوب حب
:y olks00310:

بنسافر ومفاجأة وانا وانت بس
اول مره تصير حتى شهر عسل ما رحنا

أنا : يالله قوووووووووول وين

قال : جيبوووووووووووووووووتي


انا : لاااا يا شيخ قول غيرها شنو هالغشمرة
من الصدمه ولا كلمه بس اخززززززززززه خزه الغضب
من صجك شيوديني هناك

والبلد مو سياحي ولا شي


قال : رحلة استكشافية ولازم تكونين معاي ما تخسرين شي
مو تحبين الطياره يالله امشي معاي

ليلتين انا ما أنام اسوي بحث وافكر واسوي افلام بمخي واكشن
وعصابات تخطفنا
وفديه وحركات

وسألت عن البلد و بوغسان رد علي بحكم انه زايرها
ما تشجعت قالي نبذه عن البلد
وما قصروا فريق التطوير نزلوا تقرير اختنا المحاسبة اللي انحبطت منه زووووووووووود

بس الأمر مافيه ردة والقرار خالص لارجعة فيه

لاااااااااااااااااااااااااااااااااااا تعبت نفسيا
فرحانه ووبنفس الوقت خايفة
وللحين انا مو مصدقة ابداااااااااااااا

جننته بالأسئلة واهم سؤال وين بنسكن ؟؟وفيه شطاف بالحمام ؟؟
قال ما ادري بس لا تحاتين

وطيران على الجمعية واشتريت ابريج (ابريق) للحمام عزكم الله
هو اول شي ضمنته بالجنطة







اليوم الثاني وصلت التذاكر وجهزنا الجوازات
والعمل على قدم وساق لتجهيز الشنطة



بعد ما تأكدت
لازم ندق على الحب الكبير ( أمي )
الوووووووووووو : يمه ترا انا بسافر مع بو فلان باجر

امي : زين زين يالله ربي حافظكم

يمه انا خايفة اروح والا لا

امي : توكلوا على الله اشحقه تخافين ريلك معاك
روحي شوفي الدنيا

يمه اي دنيا هذه (((جيبوتي )))

امي : وين مكانها يعني مو زينه والا فيها شي يخوف ؟
فديتك يمه

لا يمه مافيها شي يالله خلاص بروح ادعولنا نوصل بالسلامة
( ما حبيت اخرعها وهي راعية ضغط وسكر)

مع السلامه ، مع السلامه وهي تضحك علي لأني خايفة

واخواني وخواتي لما اسمعوا
يمه اختنا من صجها رايحه هالديره ما تخاف


انا مو ناقصه تكفون شجعوني ،،،،،،،،،
الحمد لله خواتي وايد شجعوني بس الشباب لا

 

توقيع : قصة حب

كل إنسآن سيـكون يومـآ مجرد .. ذكـرى ! أمنيتــي أن أكون .. { ذكـرى بيضآء } في قلوبكـ

نقره لعرض الصورة في صفحة مستقلة



لا تغير طبعك لترضيهم ، لاتبدل صوتك لتعجبهم ، لا تخالف مبدأك لتوافقهم ، لا تتصنع لتنال رضاهم
أنت لك بصمة ، عش بما يرضي ربك ، ثم يرضيك ويرضى طموحك

التعديل الأخير تم بواسطة قصة حب ; 08-12-2015 الساعة 09:17 AM
قصة حب غير متواجد حالياً   رد مع اقتباس
قديم 12-05-2015, 10:03 AM   #3

عضو قدير

الصورة الرمزية قصة حب
 
تاريخ التسجيل :  Dec 2014
رقم العضوية : 140
الدولة : الكويت - ديرة الخير
الجنس : انثى
المشاركات : 3,451



أوسـمـة: قصة حب

كل الاوسمة:1 (more»)
افتراضي رد: خاص


يوم السفر - الخميس الونيس

طلعت من الدوام مبجر واخذت العيال من المدرسة وغديتهم على السريع
انا من الفرحة ما تغديت خخخخخخخخخخ

اخذنا شنطة وحدة بس لأن المدة قصيرة
وعلى ما وصل رأس المال

تجهزنا ولبسنا واخذنا العيال عند الأهل
وفجأه تذكر انه ناسي يلبس الحزام

وليييييييييييييييييييين لازم نرجع البيت والا البنطلون يطيح بعدين
رجعنا وتأخرنا شوي

توكلنا على الله
((اللهم اني استودعك نفسي واطفالي وزوجي وكل ما أملك عندك ))

واهم شي الكاميرا لتوثيق السفرة بكل حذافيرها





وصلنا مطار الكويت وسلمنا السياره للشركة حتى تركنها في المواقف طويله المدى
كل ليله ياخذون عليها : دينارين بس ويغسلونها بعد كل يوم
حلوووووووووووو نروح ونرجع سيارتنا معانا وبامان والقيمه حلوة 6 دنانير حق 3 ايام




ياحلو المطار ويا زينه زيناااااااااااااااااااااااه

رأس المال يمشي مستعجل وايد تأخرنا وصلنا المطار الساعه 4 والطياره بعد ساعه ونص بس
وانا وراه اجكجك بالتلفون ومره بالكاميرا

وهو : يالله خلصينا نستلم البوردننق وندخل الشنطة ونفتر بالمطار على الراحة وقعدي صوري على كيفك

وانترس المطار قلوب حب مرة ثانية

انزين لا تزف ترا اخليك وارجع البيت
قال يالله اخذي السيارة وروحي
بس بالعيد اخلييييييييييييييييييييييييك وارجع ده مستحيل يا بابا ,,,,,,,
وفيها طياره بعد ,,,
يا ويلي ولا بالأحلام &&&&&&&&&





*** الله لا يغير علينا ويبعد عنا العين اللي ما تسمي باسم الرحمن الكريم***

 

توقيع : قصة حب

كل إنسآن سيـكون يومـآ مجرد .. ذكـرى ! أمنيتــي أن أكون .. { ذكـرى بيضآء } في قلوبكـ

نقره لعرض الصورة في صفحة مستقلة



لا تغير طبعك لترضيهم ، لاتبدل صوتك لتعجبهم ، لا تخالف مبدأك لتوافقهم ، لا تتصنع لتنال رضاهم
أنت لك بصمة ، عش بما يرضي ربك ، ثم يرضيك ويرضى طموحك

التعديل الأخير تم بواسطة قصة حب ; 08-12-2015 الساعة 09:24 AM
قصة حب غير متواجد حالياً   رد مع اقتباس
قديم 12-05-2015, 11:02 AM   #4

عضو قدير

الصورة الرمزية قصة حب
 
تاريخ التسجيل :  Dec 2014
رقم العضوية : 140
الدولة : الكويت - ديرة الخير
الجنس : انثى
المشاركات : 3,451



أوسـمـة: قصة حب

كل الاوسمة:1 (more»)
افتراضي رد: خاص


الناقل : الطيران القطري
الوقت : المفروض الساعه 5:25 العصر
لكن تأخرت ما تم الأقلاع الا الساعة 6:10 المساء

استلمنا البوردينق للرحلة كامله
الترانزيت ساعه ونصف بالدوحة

واخترنا الأماكن عند الشباك عشان اجكجك عدل على راحتي









أحلى ممر بالدنيا ،،،،،،،






وانطلقنا من بعد ما دخلنا الشنطة

وصلينا العصر بالمطار
وافترينا اشوي لأني تعبانه على الآخر ما نمت الظهر
لكن كل شي لعيون المطار يهووووووووووون
انام بالطياره اذا قدرت


دخلنا البوابه وانتظرنا شوي على ما افتحت

وتم ركوب الباص للانتقال الى الطيارة وشفت الوزير السابق الدكتور الجار الله معانا بالباص
آخر شياكة وكله ذووووووووق
للأسف كان جدامي بس استحيت اصوره
نطرته يقعد وصورته خلسة





طائرنا الأزرق اللي مستحيل اجازف واطير معاهم





ووصل الباص للطياره هذه هي





البزنس او الفيرست كلاس
كراسيهم غيررررررررر


شنو يعني مو مهم الكرسي المهم اني بالطيارة حتى لو فارشة بساط وقاعدة خخخخخخخخخخ




الصراحة حلوة ونظيفه الطياره وواضح انها جديدة ما شاء الله
ذكرتني بالعمانيه نفس الشي
وهذه كراسينا
زوجي يقولي : قصه حب خلاااااااااااااص انت بالطياره صار امر واقع
هااااااااا بعدك خايفة
قلت لا معاك ما أخاف احنا بالهواء سواااااااااء وين ما كنت





تأخرنا بالاقلاع نصف ساعه واحنا نحاتي الطيارة الثانية مافي وقت الا ساعه ونص ترانزيت يارب نلحق عليها

افتر راسي مرة ثانية من التفكير



والحمد لله تم الاقلاع على خير
وزال الخوف من المحاتاة
مع السلامه ديرتي الغاليه راجعين باذن الله

















 

توقيع : قصة حب

كل إنسآن سيـكون يومـآ مجرد .. ذكـرى ! أمنيتــي أن أكون .. { ذكـرى بيضآء } في قلوبكـ

نقره لعرض الصورة في صفحة مستقلة



لا تغير طبعك لترضيهم ، لاتبدل صوتك لتعجبهم ، لا تخالف مبدأك لتوافقهم ، لا تتصنع لتنال رضاهم
أنت لك بصمة ، عش بما يرضي ربك ، ثم يرضيك ويرضى طموحك

التعديل الأخير تم بواسطة قصة حب ; 08-12-2015 الساعة 10:19 AM
قصة حب غير متواجد حالياً   رد مع اقتباس
قديم 12-05-2015, 11:49 AM   #5

عضو قدير

الصورة الرمزية قصة حب
 
تاريخ التسجيل :  Dec 2014
رقم العضوية : 140
الدولة : الكويت - ديرة الخير
الجنس : انثى
المشاركات : 3,451



أوسـمـة: قصة حب

كل الاوسمة:1 (more»)
افتراضي رد: خاص





ووزعوا كلينس معطر ريحته اتهبل لمووووووناظة
نسوي رفرش




وبعدها على طول على السريع وجبه سناك لذيذ













شكلها ما يشهي لكنها لذيذة وتؤدي الغرض وتشبع
والحمد لله على نعمه الكثيرة





الطيارة كبيرة وما شاء الله مليانه نااااااااااااااااس والشاشات روعه لكم حظي شاشتي ما تشتغل
شحنت الاي فون عشان اقدر اجكجك عدل باقي الرحلة


الوجبه عبارة عن فطيرة خضار مشكله مهروسه او دجاج مع كيكة تمر لذيذة وعصير برتوووووووووقاااااااااااان (برتقال)












وبانت الدوحة اتهبل من فوووووووووووق ما شاء الله منوره وشكلها يرد الروح

ان شاء الله ربي يكتب لي سفرة اشوفها









وركض للحمام نغسل حتى نصلي قبل رحلتنا الثانية الى جيبوتي

يالله نصور كم لقطة لهالمطار الرائع ايهبل عالم آخر - مطار الشيخ حمد الدولي الجديد بقراطيسه








زوجي يقولي : يااااااااااااااا بنت الحلال خلصيني مو الا تصورين















يقولون هالدبدوب الظريف مكلفهم 6 مليون دولار
لا أعرف كلام صحيح ام لا

والعهده على الراوي










وللأسف لأننا تأخرنا بالاقلاع وصلنا والطياره الثانية جاهزة للاقلاع
واخر نداء واحنا ما ندري ولا سمعنا شي
زوجي شاف اللوحة بالصدفه والا طيارتنا



واركض ولحق لا تلحق واركض واركض ووالمطاااااااااااااااااار شاسع
صار سباق ماراثون @@@@@@
وزوجي سابقني عشان يلحق البوابه وما تطير عنا الطياره

لو تعرفون اشحالي مرة اركض ومرة على السلم المتحرك واخر شي لاااااااااااااااا طحت
وحسيت اني بالشارع
بغيت ابكي بس ماسكة نفسي غصب


بو فلاااااااااان انطرني وين رايح لا تخليني

امبيييييييييييييه شكلنا يضحك اخذنا راحتنا بالصراخ عشان نسمع بعض
والناس يطالعوني بس والله ما همني
طاااااااااااااااااااف الحق الطياره اهم
ولازم اتصرف
بوابتنا رقم سي 23 اخر شي
بقلعه وادرين قاطعينهااااااااااااااا
حسبي الله على ابليس

ووالحمد لله مرت سياره القولف اللي توصل واسويله تأشيره تعال الحقني *****
طيارتنا بتطير
ويحليله يضحك علي ليش اركض وأأشر
حسيت اني بمصر بالشارع بلحق الاوتوبيس
ويقول اوصلكم لا تحاتين

وركبنا وبوابتنا اخر المطاااااااااااااار ياخر بوابه يعني لو بنظل للصبح نركض ما وصلنا

وناااااااااااااااسه صار هواء عليل واحنا ماشين كنت ميته من الحر من الركض


ومن كثر ما اعصابي مشدودة كنت دايسه حييييييييل بريولي
كأني انا اللي ادوس بنزين وبوصل بسرعه ههههههاي

والحمد لله وصلنا
ومن القهر قلت حق موظقه الكاونتر حرام عليكم ليش اخر المطار البوابه ذبحتوني بموووووووووووووت

وقفت تهديني وتقولي ريلاكس خلاص انت وصلتي ارتاحي
ياعمي اي ريلاكس قلبي وقف من التعب

الحمد لله الف مرة دخلنا واحنا اخر ناس نركب الطياره


قعدت والتعب بدأ يطلع علي ريولي شبت نار
ماكو لياقه
واركض بالمطار
اشهالرحلة بدايتها تخووووووووووووووف
ووزوجي يهديني ارتفع الضغط وراسي افتر ما اشووف شي

طلبت ماي من المضيفه قلت لها تعبانه بسرعه
والحمد لله اخذت دواي ولزمت الصمت حتى تصوير بطلت خخخخخخخخخخ

برتااااااااااااااااااااااااااااااااااااح لا تتكلم
بعدين اسولف معاك

ونمت شوي والحمد لله

 

توقيع : قصة حب

كل إنسآن سيـكون يومـآ مجرد .. ذكـرى ! أمنيتــي أن أكون .. { ذكـرى بيضآء } في قلوبكـ

نقره لعرض الصورة في صفحة مستقلة



لا تغير طبعك لترضيهم ، لاتبدل صوتك لتعجبهم ، لا تخالف مبدأك لتوافقهم ، لا تتصنع لتنال رضاهم
أنت لك بصمة ، عش بما يرضي ربك ، ثم يرضيك ويرضى طموحك

التعديل الأخير تم بواسطة قصة حب ; 08-12-2015 الساعة 10:37 AM
قصة حب غير متواجد حالياً   رد مع اقتباس
قديم 12-05-2015, 01:16 PM   #6

عضو قدير

الصورة الرمزية قصة حب
 
تاريخ التسجيل :  Dec 2014
رقم العضوية : 140
الدولة : الكويت - ديرة الخير
الجنس : انثى
المشاركات : 3,451



أوسـمـة: قصة حب

كل الاوسمة:1 (more»)
افتراضي رد: خاص


هذه طيارتنا الى جيبوتي
الصدمه ان الرحلة طويله والطياره بدون شاشات
اشلون نقضي 5 ساعات طيران بدون تسلية
ورددنا دعاء السفر واستودعت نفسي وزوجي واطفالي بالكويت عند الله
وتوكلنا على الرحمن
سبحان الذي سخرنا لنا هذا وما كنا له مقرنين
علم الانسان مالم يعلم
قادر على كل شي
كنت اتأمل بالكون من الشباك واسبح الله شي عجيييييييييب
بعد ساعه تقريبا بدأ توزيع الوجبات
ما أعتقد فيه احد مثلي يحب يصور الأكل كثري
يالله استمتعوا بما لذ وطاب من عدستي المتواضعة جدا
اما دجاج او قطع اللحم
اخذنا الاثنين للتنويع
استغرب على اكل الطياره كميته قليله لكن يسد النفس بصورة غريبة ؟؟؟؟؟؟؟؟؟؟
اتهقون يحطون لنا فيه شي يشبعنا غصب طيب ؟؟؟؟؟؟؟؟؟
الحلو لذيذة كيكه توفي ونسكافيه اعتقد بس لذية وايد اعجبتني وخلتني انسى الركض اللي ركضته بمطار الدوحة
صمونه متفوخه اتهبل طلبت غيرها قالت ماكو خلص!!!!!!!!
ليش مو حاطين زيادة ؟؟؟؟؟؟؟؟؟؟
سلطة الصوص مو حلو ما أكلناها
وجبه رأس المال لحم
انا اخذت دياي ولو اني مو ذاك الزود معاه بس يوعانه وايد
منقوله لكم تفضلوا !!!!!!
وبعد ما خلصوا الناس وجباتهم وجمعوا الصواني وزعوا شاي وقهوة وحليب
والصدمه لما شفت المشروبات الروحية للأسف المسلمات يقدمونه ضاق خلقي
وصورت العربانه وعصبت المضيفة ونادت المسئول يكلمني
وقالي ممنوع التصوير بالطياره
قلت انا ما صورتها صورت العربانه وراااااااااااااااح
على مين يا بابا انا قصة حب اصور يعني اصور خلسه
واعجبتني هالوصفه احبها لذيذة
وبدأت الطيارة بالهبوط شوي شوي وتأملنا خير من بعد ما شفت هالمنظر
اقول بقلبي يارب لا تخيب آمالي وتطلع جيبوتي حلوة
ياااااااااااااااارب
وهبطنا على خير بالموعد الساعه 1 الفجر تقريبا

 

توقيع : قصة حب

كل إنسآن سيـكون يومـآ مجرد .. ذكـرى ! أمنيتــي أن أكون .. { ذكـرى بيضآء } في قلوبكـ

نقره لعرض الصورة في صفحة مستقلة



لا تغير طبعك لترضيهم ، لاتبدل صوتك لتعجبهم ، لا تخالف مبدأك لتوافقهم ، لا تتصنع لتنال رضاهم
أنت لك بصمة ، عش بما يرضي ربك ، ثم يرضيك ويرضى طموحك

التعديل الأخير تم بواسطة قصة حب ; 08-12-2015 الساعة 10:56 AM
قصة حب غير متواجد حالياً   رد مع اقتباس
قديم 12-05-2015, 02:40 PM   #7

عضو قدير

الصورة الرمزية قصة حب
 
تاريخ التسجيل :  Dec 2014
رقم العضوية : 140
الدولة : الكويت - ديرة الخير
الجنس : انثى
المشاركات : 3,451



أوسـمـة: قصة حب

كل الاوسمة:1 (more»)
افتراضي رد: قصة حب في جيبوتي - Believe it or Not


واخيرا وصلنا الحمد لله والشكر
على فكرة الطيران القطري هو الوحيد اللي يسير رحلة الى جيبوتي وهذا جديد من كم شهر بس
ونزلنا من الطياره مشي على الأقدام
آآآآآآآآآآآآخ تكسرنا 5 ساعات بس الحمد لله مرت بسرعه
يمكن ليش نمنا شوي
دخلنا الصاله العجيبة صاله استقبال القادمين
صغيرة حيل فيها 3 اكشاك والطابور ما شاء الله
وحر بدون تكييف
اوصف لكم شعوري حزتها بهالشكل
:yolks00 210:
والموظفين اخر برووووووووووووود حتى يشوف الجواز ويتأكد من الفيز
يالله رحمتك ربي يصبرنا
المطار مأساااااااااااااه
الحمد لله والشكر احنا بنعمه وخير ربي يزيده
الجو حار ورطب وايد ( صدمة قوية )
انا سحت وصبيت عرق تقول سووووووونا
والناس عااااااااااااااادي ولا نقطة ماي
والحمد لله كان فيه ناس بانتظارنا جانا واحنا واقفين دور
انت فلان الفلاني ؟؟
قال زوجي : نعم
اهلا فيكم وحياكم الله بجيبوتي
قلت هلا فيك
عرفنا من الشكل واللبس
الباقي كلهم جيبوتيين واجانب
وخلص امرنا على السريع
واسطات يا عم
وتم الخروج باتجاه السكن ،،،
((السكن مفااااااااااااااااااااااااااااااااااااجأة )))
غدا التكمله ان شاء الله تعبت اليوم ،،،،،،،،
ان شاء الله يعجبكم التقرير واشوف تشجيع وتصفيق حار حتى اقدر اكمل
اختكم - قصة حب
ديرة الخير
الكويت

 

توقيع : قصة حب

كل إنسآن سيـكون يومـآ مجرد .. ذكـرى ! أمنيتــي أن أكون .. { ذكـرى بيضآء } في قلوبكـ

نقره لعرض الصورة في صفحة مستقلة



لا تغير طبعك لترضيهم ، لاتبدل صوتك لتعجبهم ، لا تخالف مبدأك لتوافقهم ، لا تتصنع لتنال رضاهم
أنت لك بصمة ، عش بما يرضي ربك ، ثم يرضيك ويرضى طموحك

التعديل الأخير تم بواسطة قصة حب ; 08-12-2015 الساعة 11:03 AM
قصة حب غير متواجد حالياً   رد مع اقتباس
قديم 12-05-2015, 02:55 PM   #8

عضو قدير

الصورة الرمزية قصة حب
 
تاريخ التسجيل :  Dec 2014
رقم العضوية : 140
الدولة : الكويت - ديرة الخير
الجنس : انثى
المشاركات : 3,451



أوسـمـة: قصة حب

كل الاوسمة:1 (more»)
افتراضي رد: قنبله الموسم - قصة حب في جيبوتي - Believe it or Not


هذا جديدي لسسسسسسسسسسسسه طازة
ان شاء الله يعجبكم

 

توقيع : قصة حب

كل إنسآن سيـكون يومـآ مجرد .. ذكـرى ! أمنيتــي أن أكون .. { ذكـرى بيضآء } في قلوبكـ

نقره لعرض الصورة في صفحة مستقلة



لا تغير طبعك لترضيهم ، لاتبدل صوتك لتعجبهم ، لا تخالف مبدأك لتوافقهم ، لا تتصنع لتنال رضاهم
أنت لك بصمة ، عش بما يرضي ربك ، ثم يرضيك ويرضى طموحك
قصة حب غير متواجد حالياً   رد مع اقتباس
قديم 12-05-2015, 03:32 PM   #9

مجلس الإدارة (محصّنة)

الصورة الرمزية توبليرون
 
تاريخ التسجيل :  Dec 2014
رقم العضوية : 26
الدولة : حبي الكويت
الجنس : انثى
المشاركات : 23,156



أوسـمـة: توبليرون

كل الاوسمة:3 (more»)
افتراضي رد: قنبله الموسم - قصة حب في جيبوتي - Believe it or Not


يا سلااااااااااام اول الواصلين للتقرير العجيب

اولا الله لا يغير عليكم ويخليكم لبعض يا السلماويين ويخلي لج الوالدة والاخوان

دكتور الجار الله دكتوري حبوووب ربي يجزاه خير
دايما مريح المرضى

قصتنا ترى عندنا وعنج خير السلماويين ما يحبون يصورون ولا يخلونج تصورين براحتج

المهم الحين الطيران القطري المفروض للي عندهم ترانزيت يوقفون احد يبلغكم عن الرحلة الثانية ويودونكم لهم
مو انتوا تتفاجئون بالوقت واللي صار لج من ركض صار معانا بمطار الامارت الله يعينج موقف لا يحسد عليه
بس زين ان سيارة الغولف وقف لكم الحمدلله

الوجبات بالطيارة ليش متنوعه فهي تشبع
بس المشروبات الله يهداهم ان شاءالله يمنعونها
بننطر قصتج مع جيبوتي على احر من الجمر

تصدقين قلت بسجل حضور واروح اكتب تقريري بس اندمجت بتقريريج وكملته
متابعييين شكله تقرير خرافي
اول كرسي لي

 

توقيع : توبليرون

لا أكتب الا في العرب المسافرون
اختكم : ام حسين
نقره لعرض الصورة في صفحة مستقلةنقره لعرض الصورة في صفحة مستقلةنقره لعرض الصورة في صفحة مستقلة


التعديل الأخير تم بواسطة توبليرون ; 12-05-2015 الساعة 03:40 PM
توبليرون متواجد حالياً   رد مع اقتباس
قديم 12-05-2015, 04:29 PM   #10

مسافر متميز

الصورة الرمزية busy1
 
تاريخ التسجيل :  Jan 2015
رقم العضوية : 1379
الجنس : ذكر
المشاركات : 239



افتراضي رد: قنبله الموسم - قصة حب في جيبوتي - Believe it or Not


قصة حب من ماليزيا لجيبوووتي

هههه

سجلي متابع بقوه للجديد

 

توبليرونمعجبون بهذا.

توقيع : busy1

مشغول افندي

نقره لعرض الصورة في صفحة مستقلة
Busy efendija



busy1 غير متواجد حالياً   رد مع اقتباس
إضافة رد

الكلمات الدلالية (Tags)
الموسم, خاص, حب, جيبوتي, في, قصة, قنبله

أدوات الموضوع
انواع عرض الموضوع

تعليمات المشاركة
لا تستطيع إضافة مواضيع جديدة
لا تستطيع الرد على المواضيع
لا تستطيع إرفاق ملفات
لا تستطيع تعديل مشاركاتك

BB code is متاحة
كود [IMG] متاحة
كود HTML معطلة
Trackbacks are متاحة
Pingbacks are متاحة
Refbacks are متاحة


المواضيع المتشابهه
الموضوع كاتب الموضوع المنتدى مشاركات آخر مشاركة
جيبوتي عبر كميرتي بالتفصيل الممل بقلم مبرمجة حاسب فريق التطوير بوابة الدول الاخرى 17 22-12-2020 12:35 PM
جيبوتي قصة حب بوابة الدول الاخرى 14 14-09-2020 03:45 PM
بونجور جيبوتي آخـــرفـــرصـــة بوابة الدول الاخرى 97 30-03-2019 11:05 PM

الساعة الآن 11:04 PM
Powered by vBulletin® Copyright ©2000 - 2021, Jelsoft Enterprises Ltd.
Search Engine Friendly URLs by vBSEO