01-06-2015, 02:32 AM
|
#2 |
حيث يعمل المبدعون
تاريخ التسجيل : Jan 2015 رقم العضوية : 1046 الجنس : ذكر المشاركات : 685
|  رد: رحلة..بوكت..بانكوك..2012 بقلم سواح Q8
الجزء الاول : بانكوك اول يوم
لا اخفي عليكم ان اول يوم مر بسرعة لانه كان بعد رحلة طويلة لكن سأتحدث عن الفندق اللى سكنته وعن كرمهم...
طارت طائرتنا من الكويت الى بانكوك عبر الدوحة وكانت الرحلة جميلة وطيران ممتاز ولكن طول المسافة ارهقنا ..
وصلنا مطار بانكوك الدولي وهناك تفاجئنا بان العموم لديه ورقة ويعبأها وبما اني اول مره اروح لتايلند توهقت!!! المفروض بالطيارة يعطونا الورقة ولكن الله يسامحهم ... رحت اجول في المطار واخيرا قبل الجوازات لقيت مكتب مكتوب فوقه VISA رحتلهم وعطوني ورقة قال عبها واطلبوا مني صورتين وقلت لهم ما عندي قالوا المصور ورانا... صورت وعند المصور شاف جوازي وقالي انت من وين؟ قلت الكويت وقام يضحك وقال الكويتيين ما يحتاجون فيزا؟!!!!!!! طبعا.. عقب ما اخذ حساب الصور التعبااان هع ..... المهم رحت للجوازات وقالوا وين ورقة الوصول وقلت لهم مااا عندي وعطوني الورقة وعبيتها ودخلت وانتهى الامر فينا عند الجنط...
طلعنا ندور تاكسي ورحت للمكاتب السياحية وقالوا الف والف وميتين للتوصيل ولكن رفضت وانا اصلا لا اعلم كم السعر الحقيقي لكن عندي قناعه انه في ارخص ههههههههههههه
واحد من الموظفين قالي تبي ارخص روح للدور اللى تحت وتلقى التاكسي العمومي بالمتر وراح يكون ارخص وصحيح رحنا وكان سعره 500 فقط لا غير...
آآآآ ... نسيت اقولكم عن الفندق واسمه ... الفندق هو Lebua State Tower واخذت الليلة بـ140 دولار عن طريق موقع اجودا وعندهم فقط سويت.... لما وصلت عندهم وكانت المسافة من المطار بحدود 50 دقيقة
كان ترحيبهم جميل وقالوا استريحوا باللوبي واحنا نسوي لكم كل شي وانتم قاعدين ولما صعدنا للسويت قالوا لنا عطيناكم سويت اكبر وكان غرفتين وحمامين وصالة وبلكونتين باطلالة للشارع واخرى للنهر ...
ونتركم مع الصور...
...
الفندق بشكل عام :: بعيد عن السوق 30 دقيقة,ريوقهم متواضع لانه ما عندهم قسم للاكل الحلال, تعشيت بمطعمهم لكن سعره ناااار, السويت كان كبير جدا ونظيف.
...
انتظروا الجزء القادم ومزيد من المعلومات والصور
|
|  |
20الاعجاب
العرض الشجري
المواضيع المتشابهه 
