مرحبا اختي أبرار مره مره سوري على الحكي الكثير .
انا بس ابغى رايك بما انو انتي بنسبه لي صرتي موسوعة اليونان ^^ قريت تقريرك حرف حرف مُفيد بشكل ماشاءلله تبارك الرحمن
اذا ممكن بس لو تكرمتي اذا فظيتي تردين علي بحكم خبرتك اذا ممكن ترشحين لي او تساعدوني في الأختيار
رحلتنا بتكون في 11 يناير لمدة 14 يوم ... 4 أشخاص كبار 2 أطفال أعمارهم 14 و 10
.... بما انو وقت سفرتنا بيكون برد وشتاء فا الدول المرشحه هي اليونان وإيطاليا بما انها إدفى دولتين في أوروبا ومحتارين كثير كثير بين هالدولتين

ياانو تكون روما و فينيسيا
او
اثينا وسانتوريني

ماني عارفه اي هالدولتين كويسه في شهر يناير

وعندي سؤال الله يعافيك هل في وقتي هذا بتكون سانتوريني وهالجزر مفتوحه وفيها سياح وفعاليات او حتكون فاضيه وميته ؟
وهل هي متعبه جداً في التنقل والدرج؟ لأن ابغى اسكن في (فيرا) عشان مااظطر انو اطلع لها كل شوي
ومعانا شخص رجوله ماتساعده كثير في الدرج هل راح تكون شاقه عليه؟
لو وقع الأختيار على اليونان راح تكون 7 ايام سانتوريني و7 ايام اثينا ..
بس كيف تكون تقسيمها و ما هي اسهل الطرق للسفر من اثينا الى سانتوريني ؟
وبنسبه للشناط الله يعافيك عادي لو ناخذ شناط كثيره يعني زي العاده يعني هل حيكون فيه خدمه زي اي دوله نجي من المطار لسناتوريني بعدين تاخذنا سياره لحد باب الأوتيل وتدخل الشناط للغرف يعني احنا مانسحبها مع الدرج معانا وتعب
وآخر سؤال .. انا اشوف في الصور كثير فيه مرتفعات في الجزيره وكمان المسبح يكون واره هاويه هل يعتبر خطر على اخواني الصغار ؟؟
وشكراً شكراً جزيلاً مقدماً
أكرر اسفي على هالكلام الكثير بس النت مافيه معلومات كثير عن اليونان