X سُعداء بتواجدكم بيننا ونتمنى لكم قضاء وقت ممتع ، نأمل منكم زيارة صفحة شروط الإستخدام ، تفضلوا مشكورين بالتسجيل*** اضغط هنا *** لإثراء الجميع بخبراتكم السياحية
Loading...





عدد المعجبين150الاعجاب
إضافة رد
 
LinkBack أدوات الموضوع انواع عرض الموضوع
قديم 07-06-2015, 04:33 PM   #11

مراقب العرب المسافرون

الصورة الرمزية فهد المنيع
 
تاريخ التسجيل :  Mar 2015
رقم العضوية : 2495
الدولة : السعودية
الجنس : ذكر
المشاركات : 1,822



أوسـمـة: فهد المنيع

كل الاوسمة:3 (more»)
افتراضي رد: كل انسان يصبح شاعرا اذا لامس قلبه الحب : من بلاد الفلاسفه (اليونان)


الله يسلمك يديك على هالتقرير اللي مبين من بدايته انه حلو ..

ابدعتي في التقاط الصور

وهذي يم يم





في انتظار باقي التقرير

 

أبن السلطنةمعجبون بهذا.

توقيع : فهد المنيع

ما أضيق العيش لولا فسحة الأمل ...

ابو عبدالعزيز

فهد المنيع غير متواجد حالياً   رد مع اقتباس
قديم 07-06-2015, 04:59 PM   #12

مراقبة العرب المسافرون

الصورة الرمزية q8ya metnaqla
 
تاريخ التسجيل :  Dec 2014
رقم العضوية : 73
الدولة : وطن النهار
الجنس : انثى
المشاركات : 16,410



أوسـمـة: q8ya metnaqla

كل الاوسمة:2 (more»)
افتراضي رد: كل انسان يصبح شاعرا اذا لامس قلبه الحب : من بلاد الفلاسفه (اليونان)



الله يسلمك يديك على هالتقرير اللي مبين من بدايته انه حلو ..

ابدعتي في التقاط الصور

وهذي يم يم





في انتظار باقي التقرير


ويسلمك فهد وحضورك الاحلى


نتعلم منك عل وعسى يطلع منا شي يليق بالمستوى


الخير ياي ان شاءالله
خلك متابع

 

أبن السلطنةمعجبون بهذا.
q8ya metnaqla غير متواجد حالياً   رد مع اقتباس
قديم 07-06-2015, 11:25 PM   #13

مراقبة العرب المسافرون

الصورة الرمزية q8ya metnaqla
 
تاريخ التسجيل :  Dec 2014
رقم العضوية : 73
الدولة : وطن النهار
الجنس : انثى
المشاركات : 16,410



أوسـمـة: q8ya metnaqla

كل الاوسمة:2 (more»)
افتراضي رد: كل انسان يصبح شاعرا اذا لامس قلبه الحب : من بلاد الفلاسفه (اليونان)


نبتدي معاكم بالجزء الاول من هالرحله والوجهه الاولى
صوره توضح وسيلة نقل مهمه لهم ومشهوره فيها
عزكم الله







مممم مااطولها عليكم كانت اولى وجهاتنا على جزيره









ســـــــــانتوريني ويازينها من جزيره


بكتب لكم هالمقدمه البسيطة عنها وبعدين بحط لكم تقسيمتها في اهم المناطق والفنادق المرشحه فيها


اول معلومه ولازم اتعرفونها ان وسائل النقل فيها قليييله جدا تخيلوا جزيره ما فيها الا 38 تاكسي فقط


معتمدين على عزكم الله الحمير واغلبها تكون في المينا تنقل الزوار اللي من الكروزات الى سنترها - والتلفريك نفس الشي من المينا الى السنتر


والوسايل الثانيه اما تكون التكاسي - او تأجير سياكل وبقيات(البانشي=الدباب) - جيبات وسيارات صغيره بس الاغلبيه معتمدين على البقيات والسياكل ...




الطقس في سانتوريني




- اللي يدورون الحر والتشمس والسباحه من ( يونيو الى سبتمبر )


- اما اكتوبر و ابريل ومايو يعتبرون من احسن الاجواء وممكن فيهم السباحه لكن غير مضمونه مثل الصيف الاسعار ممتازه.


- الاجواء البارده حيل ولاينصح فيها من ديسمبر الى فبراير


- الهاي سيزون عندهم من ( اخر يونيو الى اول سبتمبر ) الاسعار عندهم ترتفع


- مارس ونوفمبر عاديين


الجو من ابريل الى نص اكتوبر ممتاز مع جو حار من يونيو الى سبتمبر..




الفنادق اللي رشحوها لي وقالوا لي عنها :


- صوفيا سويت في اميروفيقلي


http://www.booking.com/hotel/gr/sophia-suites.en-gb.html?sid=3d1f635e25a9471749b9164fdde2c91d;dcid= 1;checkin=2015-09-13;checkout=2015-09-15;ucfs=1;srfid=cb429f7c1932d0128b06e86b380c340f8a 72d6eaX2;highlight_room=129914301




- سانتوريني سيكرت في آيا




http://www.booking.com/hotel/gr/santorini-secret-oia.en-gb.html?sid=3d1f635e25a9471749b9164fdde2c91d;dcid= 1;checkin=2015-09-13;checkout=2015-09-15;ucfs=1;srfid=cb429f7c1932d0128b06e86b380c340f8a 72d6eaX15;highlight_room=104260807




- امايا سيلكشن في آيا




http://www.booking.com/hotel/gr/amaya-selection-of-villas.en-gb.html?aid=304142;sid=3d1f635e25a9471749b9164fdde 2c91d;dcid=1;checkin=2015-09-13;checkout=2015-09-15




- كتاكيس في اويا




http://www.booking.com/hotel/gr/katikies.en-gb.html?aid=304142;sid=3d1f635e25a9471749b9164fdde 2c91d;dcid=1;checkin=2015-09-13;checkout=2015-09-15




- استارا سويت في اميروفيقلي




http://www.booking.com/hotel/gr/astra-suites.en-gb.html?aid=304142;sid=3d1f635e25a9471749b9164fdde 2c91d;dcid=1;checkin=2015-09-13;checkout=2015-09-15




- هومريك في فيروستفاني




http://www.booking.com/hotel/gr/homeric-poems.en-gb.html?aid=304142;sid=3d1f635e25a9471749b9164fdde 2c91d;dcid=1;checkin=2015-09-13;checkout=2015-09-15




- ابف بلو سويت في اميروفيقلي




http://www.booking.com/hotel/gr/above-blue-suites.en-gb.html?sid=3d1f635e25a9471749b9164fdde2c91d;dcid= 1;checkin=2015-09-13;checkout=2015-09-15;ucfs=1;srfid=6d11ab12d5723a9053371a096ecfda463a 8093e6X1;highlight_room=




- انتيلز في فيرا




http://www.booking.com/hotel/gr/anteliz-suites.en-gb.html?sid=3d1f635e25a9471749b9164fdde2c91d;dcid= 1;checkin=2015-09-13;checkout=2015-09-15;ucfs=1;srfid=782d130347fe7c9288ca09ff340865b918 b132d7X15;highlight_room=30698407




هذيل بعض الفنادق اللي رشحوهم لنا وانصحونا فيهم .. بس الاغلبيه قالوا سكنوا في فيرا احسن من آيا لانها العاصمة والسنتر وحركه فيها وايد غير الباجي ..




هذي نبذه بسيطة عن سانتوريني ..









معلومه صغيره سانتوريني كانت جزيره دائريه كامله بس بسبب البركان اللي صار فيها تغير شكلها وصارت مجزأه وبتشوفون صوره خريطتها تحت بعد النبذه..




سانتوريني هي جزيرة بركانية في بحر ايجه الجنوبي على البحر المتوسط وتتصف بأنها احلى الجزر اليونانية وعلى بعد حوالي 200 كم من البر الرئيسي جنوب شرق اليونان ، وتشتهر سانتوريني بالمناظر المذهلة الدراماتيكية ومشهد غروب الشمس المذهل والمنازل باللون الابيض بالاضافة الى البركان النشط للغاية.




فيرا fira ، عاصمة سانتوريني من البندقية والسيكلادية للهندسة المعمارية والمرصوفة بالحصى ، وتعج الشوارع بالمتاجر والمطاعم والكافيهات والفنادق .


سانتوريني هي اكبر جزيرة صغيره للارخبيل الدائري التي تحمل نفس الاسم وهي بقايا من كالديرا البركانية. وكما تشكل العضو الجنوبي من المجموعة سيكلاديز من الجزر حيث تبلغ مساحتها ما يقارب من 73 كم 2 و يبلغ عدد سكانها حوالي 15,550 في تعداد عام 2011 ، وتضم بلدية سانتوريني الجزر المأهولة من سانتوريني والجزر الغير مأهولة من نياكاميني ، بالايا كاميني ، وكريستيانا.


سانتوريني اساس ما تبقى بعد الانفجار البركاني الهائل على اقد المستوطنات على جزيره واحده سابقا وانشئ كالديرا جيولوجية الحالية وفيها منحدرات حاده من 3 جهات.


الجزيرة الرئيسية تنحدر نزولا الى بحر ايجة وعلى الجانب الرابع ويتم فصل البحيره من البحر بواسطة جزيرا اخرى اصغر بكثير تدعى therasia .


عمق كالديرا في 400 م ، اذ من الممكن ان ترسو اكبر السفن في اي مكان في خليج المحمية وتم بناء مارينا حديث في vlychada على الساحل الجنوبي الغربي ، والجزيره هي موقع احد اكبر الانفجارات البركانية في التاريخ المسجل التي وقعت قبل نحو 3600 سنه المينوية.
ترك ثوران كالديرا الكبير محاط بالرماد البركاني مع الودائع وعمق مئات الامتار ، وربما ادت بشكل غير مباشر الى انهيار الحضاره المينوية في جزيرة كريت وفقدان ما يسمى بالقارة المفقودة ( اتلانتس ) التي غرقت في قاع البحر حسب ما تقولة الاسطورة القديمة على بعد 110 كم الى الجنوب.


اخذت المعلومات من موقع مرسال وكتاب سانتوريني بالانجليزي ..




تم حجز التذاكر من موقع Expedia


من اثينا الى سانتوريني


على طيران Aegean طيران يوناني جيدجدا


طرنا الفير الساعه 5:15 ووصلنا 6 ( 45 دقيقه )


سعر التذاكر ل 3 اشخاص 112 د.ك








معتمدين في مطار اثينا على الاجهزه اكثر للبوردنغ واستعمالا حيل سهل وسريع وهذي صورته









ومن تطلعون البوردنغ بعدها تروحون وتقطون الجناط في الشحن


طيرانهم من غير وزن وياخذ على الجنطة 30 يورو









وصور من مطار اثينا
















من داخل طيراتهم









وهذا فيديو فوق الجزر














وفيديو وقت الهبوط ( في موسيقى )









مطار سانتوريني المجكنم







شروق سانتوريني
















وقتنا اغلب السواح اجانب من جناسي مختلفه مافي عرب كلش ماصدفنا الا معاريس بس _ شرق اسيا دوود ودبى والهنود وايد والكنديين ...




وصلنا بالسلامه وكنت دازه ايميل لصاحبة الفندق وقلت لها احنا نوصل 6:30 نبي سايق ويحليلها ولا دازتلنا اخوها


واهني بعض الصور اول ما وصلنا العاصمه فيرا









وهذي كنسيتهم معروفه وبحط عنها تالي









طبعا فندق احنا تحت يعني فيها صعده جبال لابغينا المطاعم والسوق الله يعين


وهذا اخو صاحبة السكن


اغلب الفنادق والسويتات عباره عن بيوت واصحابها حولوها فنادق والعايلة كلها تشتغل فيه وناسه ..


راح تشوفون على الصوره تقسيمة المناطق









وهذا اللي جدامنا البركان في هالجزيره واللي نفصلت









قبل ما نروح بيتنا بحط لكم هالخريطة التوضيحية ومرقمة









1- العاصمة فيرا واحسن منطقه للسكن للي يبي كل شي يمه .


2- شاطئ كماري kamari beach


3- جزيره البركان volcano island


4- هوت سبرينغ hot spring


5- الشاطئ الابيض white beach من الشواطئ المهمه


6- الشاطئ الاحمر red bech من الشواطئ المهمة.


7- شاطئ بيريزا perissa beach من الشواطئ المهمه


8- منطقة آيا oia منطقه جميله للي يبي الاسترخاء ولمشاهده احلى غروب ينصح منها ممكن السكن في فيرا والذهاب الى ايا نص يوم للغروب والتمشي .


9- منطقة اميروفيقلي ينصح فيها للسكن من بعد فيرا و آيا .


10- منطقة فيروستفاني بين فيرا واميروفيقلي .


11- المينا اليديد athinios port منه تمشي العبارات والطراريد الى رحلات وجزر .


12- المطار


13- المينا القديم والتليفريك old port


طبعا في شواطئ غير اللي ذكرتهم وايد بس هذيل اشهرهم واللي ينصح فيهم ونفس الشي للسكن ..


راح اتكلم عن كل مكان رحتله في جزئة مع الصور ان شاءالله


والحين ندخل بيتنا او فندقنا واللي توه فاتح في 26 ابريل 2015 يعني يديد ونااسه


وهذا اسمة وبصراحه ممتاز من كل النواحي وخصوصا ماريا صاحبته وامها اللي كل يوم اتسوي لنا ريوق ولا احلى كل شي طبيعي


اسما سويت









وندخل بيتنا ومعانا مفتاحنا لازم نقفل الباب عقبنا بالدخلة والطلعه ..









السكن عباره 6 غرف من ضمنهم 3 سويتات معاهم جاكوزي ويسمونه هوت تيوب hot tube









وهذا سويتنا لنا بروحنا محد يضايقنا ويازين المنظر زيناااااه





































داخل سويتنا





















تقعدون من النوم وجدامكم هالمنظر




























وهذا الفراش الثالث منه قعده وفراش
















الجنطة الصغيره جنطتي







الحمام تكرمون




























وهذي الدريشه مجابله القعده























ترا هذا التصوير اللي فوق كله بأول يوم لما وصلنا الصبح
















وهذي تقسيمة بالصورة









وجزيرة البركان









ويازين الريوق على هالمناظر السنعه


الكوكييز من ايد ماريا والكيك والكورواسون من امها يحليلها ..


ودوووووووووووووووووووووووووووووووووووووووووووووووو ووووووووووووووووووووووووووووووووووووووووووونيييييي ييييييييييييييييي







شنو شعور صاحبة المكان ما ملت واهي تتريق على هالمنظر كل يوووم اووووووووووف كفاار







ياربي







لما دزيت حق اهلي هالصور مو مصدقين يقولون فوتوشوب جان اقوم واجابل الريوق واصور عشان يصدقون


سبحان الله المنظر يرررررد الرررررروووووووح







بعد هالريوق الصحي واللطيف استسلمنا للنوم لان مانمنا عدل قبلها


وهذيل الصور عقب ماقعدنا على الساعه 12









ولا نشوف الحبايب زايرينا
















الحين انا قاعده اصور لكم وانطر الثنتين يخلصون يلبسون ونطلع






























تقريبا الكروزات اتنزل يوميا ما يقارب 4000 - 9000 سائح للجزيره























وهذا الباب الريسبشن













يالله سرينا نتمشى فوق بالسنتر









الصعده حييييل متعبة الاجانب عادي واحنا عند كل دجه قعدنا ريحنا














اول التقرير كنا فوق عند الكنسية وفندقنا تحت يعني بنصعد فوووووق حق السنتر





















شوفوا بالخريطة حطيت لكم طريج تكرمون الحمير من المينا القديم يصعدون السواح اللي من الكروزات لي فوق وهذا طريجهم مأشرة عليه بالسهم لهم طريج بروحهم على شكل زق زاق










لو تلاحظون ترا بنايهم داخل الجبل يعني عباره عن كهوف بيوتهم









بنفس طريج الحمير عزكم الله يمر من صوبهم التلفريك بعد
















ياليل ما اطولك على ما نوصل السهم







الدجه اللي لو تنطق جان صرختت من قمة راسها قومووووووا امشووووا كثر ما ريحنا عليها
















وصلنا السنتر









كل البيبان اللي على اليمين مداخل لفنادق ومطاعم وننزل لي تحت
















هذا متحف بس ما دشيناه










































محلات السوفنير









ورا السهم اللي بالصوره الشارع الرئيسي main street كل شي في تكاسي تأجير سيارات سياكل رحلات وعبارات وخطوط تليفونات صيدليه احنا هذا مطعمنا اول يوم تغدينا فيه









دشينا سوبرماركت صغير شرينا قروضات حق تالي الليل
















وهذا فيديو لام حسين ( في موسيقى )









ورحنا مطعمنا
















مكان السهم اللي بالصوره مدخل السوبر ماركت
































طلباتنا


ومن اكلاتهم المشهوره روب وخيار والسلطة اليونانيه ودولمه وطماط مقلي









روزيتو سي فود









سباغتي بيستو









ربيان مشوي
















الحمدلله هذا غدانا وعشانا


فاتورتنا طلعت 65 يورو

 

q8ya metnaqla غير متواجد حالياً   رد مع اقتباس
قديم 07-06-2015, 11:26 PM   #14

مراقبة العرب المسافرون

الصورة الرمزية q8ya metnaqla
 
تاريخ التسجيل :  Dec 2014
رقم العضوية : 73
الدولة : وطن النهار
الجنس : انثى
المشاركات : 16,410



أوسـمـة: q8ya metnaqla

كل الاوسمة:2 (more»)
افتراضي رد: كل انسان يصبح شاعرا اذا لامس قلبه الحب : من بلاد الفلاسفه (اليونان)


الجزء الثاني من اليوم الاول


عقب ماتغدينا رحنا الشارع الرئيسي اللي ورا المطعم عشان نحط خطوط انترنت ونشتري كريمات حساسيه من الصيدليه
الشارع كل شي فيه ودشينا نشوف لنا رحلة وهذي قائمة صغيره بالرحلات





طبعا هذي الرحلات في طراريد عاديه او قديمه جنهم قراصنه اذا تبون الاكشخ في وبسعر اعلى طبعا وعلى حسب الساعات اللي تبونها ..

هذا الشارع وشعارهم




في سهمين بالصوره وحد نازل تحت وواحد يمين اللي تحت محلات التليفونات نزل الشارع نلقاهم عاليمين وسهم اليمين الكافيه اللي حلينا فيه





في الصوره هذي بعد سهمين فوق مكان الدري اللي نزلنه منه وعلى يمنا المكتب السياحي واذا رحتوا يمين على مكتب حجوزات العبارات






قعدنا اهني وحلينا من غير قهوه يا امووون







احلى ايس كريم بصراحه ما ذقت مثله

اسم الكافيه واضح على الصوره




وبعدينا رحنا نتمشى في السكيك




























من اقوال سقراط " عندما تثقف رجلا تكون قد ثقفت فردا واحدا ، وعندما تثقف امرأة فإنما تثقف عائلة بأكملها "

















والحين تصوير الغروب






وهذا فيديو ( في موسيقى )


































قلتي لي انسى
ومن يومها وانا كل ليلة قدامي البرواز

















حبيبتي مابيدي حيلة
لاصرتي الصورة .. وعيوني البرواز
اشلون ابنسى

















































من احلى لحظات الغروب

ودعتها والشوق بيني وبينها الشوق بيني وبينها
بحوور ودعتها ودعتها رغم خوفي والوله مجبور



































وهذا طريج سكنا























الله وكبر يا هوى البال وشفيك
وشغيرك وش جاك طبعك غريبي
لا وحسايف عبرتي يوم اناديك
تسمع ولكن للاسف ما تجيبي
عبرت جريح الصوت بسمك تسميك


















واهني انهي معاكم اليوم الاول في سانتوريني الجميله
على امل ان القاكم في اليوم الثاني
وسامحوني على كثره الصور والحجي

 


التعديل الأخير تم بواسطة q8ya metnaqla ; 08-06-2015 الساعة 12:02 AM
q8ya metnaqla غير متواجد حالياً   رد مع اقتباس
قديم 07-06-2015, 11:42 PM   #15

مشرف سابق

الصورة الرمزية Haksa77
 
تاريخ التسجيل :  Dec 2014
رقم العضوية : 395
الدولة : K.S.A
الجنس : ذكر
المشاركات : 6,916



أوسـمـة: Haksa77

كل الاوسمة:1 (more»)
افتراضي رد: كل انسان يصبح شاعرا اذا لامس قلبه الحب : من بلاد الفلاسفه (اليونان)


تقرير رائع كروعة صاحبته
متااابع وياااك يالغالية
تشكرآت خيتوو أبرار

 

توقيع : Haksa77

يلومني فيك ي المغرب
من لا عذرنا ولا شافك
جاهل ومسكين مستغرب
محروم من روعة أطيافك

نقره لعرض الصورة في صفحة مستقلة
Haksa77 غير متواجد حالياً   رد مع اقتباس
قديم 08-06-2015, 01:31 AM   #16

مجلس الإدارة

الصورة الرمزية توبليرون
 
تاريخ التسجيل :  Dec 2014
رقم العضوية : 26
الدولة : حبي الكويت
الجنس : انثى
المشاركات : 25,609



أوسـمـة: توبليرون

كل الاوسمة:3 (more»)
افتراضي رد: كل انسان يصبح شاعرا اذا لامس قلبه الحب : من بلاد الفلاسفه (اليونان)


شكراااااا على الأهداء الزيتوني اليوناني
ابرار والله انا اشوف الصور والموسيقى اليونانيه بأذني من كثر
ما اندمجت
وناسه هالاجواء
والدري تحسين چنه اللي يمشي عليه بيطيح بالبحر
ولا تقولين ما شريتي من مجمسات البيوت
انا شريت بس ناويه المره اليايه اشتري كبار شوي
وتقولين وايد صور وحجي
يبه المنتدى كله لج حلالج ضايقينا بالصور والسوالف
يعطيج العافيه متابعين يا اليونانيه
عجبتني هههه

 

توقيع : توبليرون


باريس
https://www.arabtrvl.com/vb/t49390.html

بريطانيا
https://www.arabtrvl.com/vb/t51445.html

تركيا
https://www.arabtrvl.com/vb/t52107.html

مشاركاتكم تسعدني
لا أكتب الا في العرب المسافرون
اختكم : أم حسين
نقره لعرض الصورة في صفحة مستقلةنقره لعرض الصورة في صفحة مستقلةنقره لعرض الصورة في صفحة مستقلة

توبليرون غير متواجد حالياً   رد مع اقتباس
قديم 08-06-2015, 01:36 AM   #17

مراقب العرب المسافرون

الصورة الرمزية فهد المنيع
 
تاريخ التسجيل :  Mar 2015
رقم العضوية : 2495
الدولة : السعودية
الجنس : ذكر
المشاركات : 1,822



أوسـمـة: فهد المنيع

كل الاوسمة:3 (more»)
افتراضي رد: كل انسان يصبح شاعرا اذا لامس قلبه الحب : من بلاد الفلاسفه (اليونان)







يالله ... جلسة ترد الروح

اشوف كل سطوحهم جلسات وزهور .. ما ينلامون


الله يهنيكم اختي ولازلنا متابعين معك هالابداع ..

 

توقيع : فهد المنيع

ما أضيق العيش لولا فسحة الأمل ...

ابو عبدالعزيز

فهد المنيع غير متواجد حالياً   رد مع اقتباس
قديم 08-06-2015, 01:41 AM   #18

خبيرة كندا

الصورة الرمزية تقـآسيم الصباح
 
تاريخ التسجيل :  Jun 2015
رقم العضوية : 4093
الدولة : كل مكان يبعث الراحه لنفسي اعتبره وطن لي
الجنس : انثى
المشاركات : 354



Smile رد: كل انسان يصبح شاعرا اذا لامس قلبه الحب : من بلاد الفلاسفه (اليونان)





ويـآضياع اصواتنا في المدى والريح ..
يالله ياقلبي تعبنا من الوقوف مابقى في الليل نجمه ولاطيوف
ذبلت انواع الشوارع وانطفى ضي الحروف


حلقه جميله جميله بكل ماتعنيه الكلمه من معنى
لهم الحق اهلك يحسبون ان الصوره فوتشوب
تبـآرك الخلاق فيما ابدع وصور
جد مدري وش اقول بس تمنيت لو اني للحظه بنفس المكان
ماشاء الله تبارك الله ربي يعطيكم من خيره ويكفيكم كل شر
متابعين معاك للاخير
الى ذلكم الوقت دمتي بكامل صحتك وسرورك وعافيتك


تقـآسيم الصباح

 

توقيع : تقـآسيم الصباح

إنّ العزيزَ إذا أحب ذليلُ!
تقـآسيم الصباح غير متواجد حالياً   رد مع اقتباس
قديم 08-06-2015, 01:45 PM   #19

مجلس الإدارة

 
 
تاريخ التسجيل :  Dec 2014
رقم العضوية : 15
المشاركات : 15,812



افتراضي رد: كل انسان يصبح شاعرا اذا لامس قلبه الحب : من بلاد الفلاسفه (اليونان)


ما هذا



وأفطر هنا




بخرب ام الريجيم لكن الطلعه والنزله بتساهم بالتوازن

يعني شهر مايو سعراقل جو مناسب


ما شاءالله عليك أصغر شنطه وتجهزين بسرعه غريبه ما أخذ فكره كل الجنس سواء لكن يمكنكم تتجهزون من نص ساعه وانتي سبقتيهم

يعني اللي يجي من كروز تعب يطلع فوق وبعدين هالحمير كم تشيل قولي متوسط 6000 سائح كم وقت يطلع فوق وبعدين ينزل

التلفريك يمر للأسفل بعد

كم التكلفه للنقل مع الحمار أعزك الله والتلفريك
انتي اذا ما رحتي للسكيك ما سافرتي




يبيلها هالجلسه







أيه يا ابرار بنتابع ونحطه بالمفضله للمتابعه اليوميه

 

توقيع : فيصل

الْحَمْدُ لِلَّهِ الَّذِي بِنِعْمَتِهِ تَتِمُّ الصَّالِحَاتُ

معرفاتنا بوسائل التواصل الإجتماعي


نقره لعرض الصورة في صفحة مستقلةنقره لعرض الصورة في صفحة مستقلةنقره لعرض الصورة في صفحة مستقلةنقره لعرض الصورة في صفحة مستقلةنقره لعرض الصورة في صفحة مستقلة

فيصل غير متواجد حالياً   رد مع اقتباس
قديم 09-06-2015, 01:01 PM   #20

مراقبة العرب المسافرون

الصورة الرمزية الايمان
 
تاريخ التسجيل :  Dec 2014
رقم العضوية : 331
الدولة : الكويت
الجنس : انثى
المشاركات : 12,548



أوسـمـة: الايمان

كل الاوسمة:1 (more»)
افتراضي رد: كل انسان يصبح شاعرا اذا لامس قلبه الحب : من بلاد الفلاسفه (اليونان)


اللون الابيض والازرق على البحر خياااال
تخيلت نفسي اني اترق معاكم
على كثر مارحت اليونان مارحت الجزر بس اروح اثينا
ابرااااار
مايصير الحلو بدون قهوه
جربي القهوه مرة ثانية واستمتعي بمذاقها

 

الايمان غير متواجد حالياً   رد مع اقتباس
إضافة رد

الكلمات الدلالية (Tags)
لامس, من, الحب, اليونان, الفلاسفه, اذا, اوزان, بلاد, يصبح, شاعرا, قلبه, كل

أدوات الموضوع
انواع عرض الموضوع

تعليمات المشاركة
لا تستطيع إضافة مواضيع جديدة
لا تستطيع الرد على المواضيع
لا تستطيع إرفاق ملفات
لا تستطيع تعديل مشاركاتك

BB code is متاحة
كود [IMG] متاحة
كود HTML معطلة
Trackbacks are متاحة
Pingbacks are متاحة
Refbacks are متاحة


المواضيع المتشابهه
الموضوع كاتب الموضوع المنتدى مشاركات آخر مشاركة
فيزا الشنغن اليونان Greece mr.alhussain فيزا شنغن 20 12-08-2018 05:48 PM
الحب الأبدي توبليرون بوابة البحرين 54 22-04-2015 01:54 AM
تحذير ( عدم تأجير الجت سكي ) BKK بوابة تايلند 22 07-04-2015 10:13 PM
اريد استخراج تأشيرة الي اليونان hesham assi فيزا 1 06-02-2015 01:28 PM

الساعة الآن 01:43 PM
Powered by vBulletin® Copyright ©2000 - 2024, Jelsoft Enterprises Ltd.
Search Engine Friendly URLs by vBSEO