كل انسان يصبح شاعرا اذا لامس قلبه الحب : من بلاد الفلاسفه (اليونان) - الصفحة 4

آخـــرفـــرصـــة · 12-06-2015, 01:55 PM

ماشاء الله تصويرك روووووعة أبرار

بعذرهم يقولون لك فوتوشوب المناظر كنها مرسومة رسم

اطلالة السويت شي خيال و مع الفطور ذبحتينا ههههه

غروب من أجمل ما شفت عشان كذا يقولون الجزيرة رومانسية جداً

مجرد الاسترخاء و الجلسة بالسويت مع زيارة المطاعم و الكافيهات تكفي

ما توقعتها بهالجمال صراحة و أسعارهم عادية جداً

السنة الجاية شكل الكل بيكون هناك هههههههه

الله يسعدك

q8ya metnaqla · 12-06-2015, 09:47 PM

اقتباس : المشاركة الأصلية كتبت بواسطة آخـــرفـــرصـــة

ماشاء الله تصويرك روووووعة أبرار

بعذرهم يقولون لك فوتوشوب المناظر كنها مرسومة رسم

من ذوقك الله يعافي بوابة التصوير اشوي اشوي نتعلم منها .. اي والله اذبحوني كل صوره يبوني اطلع فيها

اطلالة السويت شي خيال و مع الفطور ذبحتينا ههههه

غروب من أجمل ما شفت عشان كذا يقولون الجزيرة رومانسية جداً

ههههههههههه الاطلاله لكل الفنادق اتينن بصراحه يايتك صور احلى ان شاءالله
اي الغرووووب شي ما صار صراحه سبحان الله وصج انها رومانسية بدرجه اولى

مجرد الاسترخاء و الجلسة بالسويت مع زيارة المطاعم و الكافيهات تكفي

ما توقعتها بهالجمال صراحة و أسعارهم عادية جداً

اي صح كلامك بوغسان لو بس تقعد بالفندق وتروح المطاعم هذا يكفي لانها جد مريحه
واجمل بالطبيعه الاسعار في وقتنا ممتازه بس بالصيف تطييير فوووق

السنة الجاية شكل الكل بيكون هناك هههههههه

الله يسعدك

ههههههههههههههههههههه والله من هالصيف انا قاعده اشوف الكويتيين هالسنة هابين فيها وايد حتى بالرادو يتكلمون عنها
ويسعدك يارب

DE NiRO MaDRiD · 13-06-2015, 07:19 PM

أخيراً لقينا أحد أنتبه لسحر سانتوريني الجميلة

المجندات في بلاد الفلاسفة

مستمتع جداً أختي كويتية بهذا الذوق الرفيع

q8ya metnaqla · 13-06-2015, 08:21 PM

اقتباس : المشاركة الأصلية كتبت بواسطة DE NiRO MaDRiD

أخيراً لقينا أحد أنتبه لسحر سانتوريني الجميلة

اقتباس : المشاركة الأصلية كتبت بواسطة DE NiRO MaDRiD

المجندات في بلاد الفلاسفة

مستمتع جداً أختي كويتية بهذا الذوق الرفيع

حياك الله
اي والله انها ساحره وتاخذ القلب
من ذوقك وان شاءالله الياي يعجبك اكثر
خلك متابع

namareq · 14-06-2015, 01:35 PM

ناطرين ابرار

q8ya metnaqla · 14-06-2015, 07:58 PM

اقتباس : المشاركة الأصلية كتبت بواسطة namareq

ناطرين ابرار

ان شاءالله اليوم ينزل لكم جزء

Azzam · 15-06-2015, 12:25 AM

ما شالله عليك يا ااختنا ابرار تقرير جميل وصور اجمل و شرح ولا اروع

متابع معك

q8ya metnaqla · 15-06-2015, 01:17 AM

اعتذر منكم على التأخير بس الصور وايد قاعده افرزهم من 3 اشياء مصوره : كاميرا وتليفونين
استحملوني اشوي

ما اطول عليكم واكمل معاكم

الجــــــــزء الاول
اليـــــــوم الثـــالـــت

قعدنا على درجو الحراره هذي

في احلى من جذي

نقعد ونلقى هالريوق الطيب عاد كيفكم تحملوا الصور مكرره

ومن زاوية ثانية

والله لاشعوري خذيت للريوق اكثر من صوره مو مني من اللي فيني

بس خلاص مصختها ريووق

المهم خلصنا ريوقتنا واتجهزنا وطلعنا لان اليوم حافل نوعا ما

وبدت مرحلة الصعود

ومن هالطريج ناخذ التكاسي يكونون ورا الكنيسة

بالاتجاة الى منطقة بيرغوس pyrgos

اقدم مدينة في سانتوريني وكانت تعتبر العاصمة قبل فيرا وتبعد عن فيرا 7 كم واهي مبنية على تلة مرتفعه وتعتبر اعلى تلة في سانتوريني واللي تقدرون منها تشوفون كل الجزيره من فوق بصوره بانورامية حتى اويا اتبين منها ,وتم اعلان انها محمية عام 1995 وفيها قلعه البندقية وتعد اقدم قلعة في الجزيره وتعتبر المنطقة مثال نموذجي للعمارة العصور الوسطى مع الشوارع الضيقه والسكك .. وقلة فيها سواح ..

وهذا احنا وصلنا

بصراحه احنا رحنا عشان نصعد ونشوف من فوق بس الكسل ما خلانا نصعد والقروب عيزانين يصعدون معاي فقعدت معاهم وجربنا الكافيه اللي موصيتنا عليه ماريا ويعتبر اقد واحد في المنطقة

اهني مكان الكافية

وبيني بينكم المجندات يننوني كل اشوي امشي نحرك ونغير المنطقه والسبب شنو كثره الجلاب عزكم الله المهدوده من غير اصحابها واللي معاي خوافات

ديكوراتهم تفتح النفس

وهذا اسم كافيهنا

من داخل

هذا كرت المطعم

وهي الطلبات ماريا كاتبتهم لنا وقات لازم اتجربونها

طلبنا بس شيين و2 غير متوفرين للاسف

هذا واحد من الطلبات
طماط مقلي بس اعتقد انه مجفف وهذا يعتبر اكل تقليدي

وهذي بعد ( مالح حلو )
فيها جين بعجينة القلاش اعتقد وفوقها شيره ويعتبر طبق تقليدي

وبطاط

وهالشيبان طايحين له جنجفه وصراخ

وهذه صاحبة المطعم

صعدنا اقل من الربع

ونرد ننزل وننطر التاكسي على ما ايي

لازم عقب كل مكان نمشي منه نقول حق الموجودين يدقون على اي تاكسي ياخذنا لانهم ما يتواجدون

تفنن في طروق الحب شرقني وغربني
معك يا زين دوخات الهوى ويا حلو مشوارة

في طريجنا الى وجهتنا الثانية

شوفو الشوراع كله بانشيات (دباب) وسياكل

ووصلنا وجهتنا

شاطئ بيريسا Perissa

حاصل على العلم الازرق للشواطئ من الاتحاد الاوربي .
اول شي وسيلة النقل متوفره من السنتر الى الشاطئ .
شاطئ بيريسا من أحلى الشواطئ في سانتوريني ومن الشواطئ المزحومه دايم، وهو يتميز برماله السودا مثل باجي الشواطئ في المنطقة و في مشهد جميل يقدمه بالليل ان الصخور تضيئ .وهو يمتد على مسافة 7 كم و من الشواطئ الأكثر شعبية بسبب جمالة و تنظيمه الحلو اللي يقدم كل ما يحتاجه السائح من رفاهية واستجمام وخدمات( كاياك - سكوبا دايفينغ غوص - سنوركلنغ - ركوب الامواج والخ ).

ايوااااا

العشق بلوى من دخل في وسط بحر و غيب الجاه

وقت الراحه

اللطيفات يقندون الراس

وانا اللطيفه ابرد على قلبي

يا عرب والقلوب اشوفها بالف حال
بين قلب جريح وبين قلب قتيل
ولا انا لو احب احب بنت الخيال
نادرة مالها بالناس شكل ومثيل
فاتنة ناعمة فيها هدوء ودلال
حاوية كل زين وطبع اصيل
من يعرف الجمال يقول هي الجمال
وصفها في قصدي يشبة المستحيل

الخيول ممكن تأجيرهم ويتمشون فيكم على البيتش

وخلصنا من ابحر وبالاتجاه الى وجهتنا الثالثة

منطقة ايا oia امس كنا رايحين صوبها من البحر مانبي نروح لا لازم تروحون هذا بلسان كل المكاتب والسواح عشان تشوفون الغروب يبا صورنا الغروب من البحر خلاص لا لا روحوا

انزين بنروح عن الحنه

ونروح ايا

ونوصل ايا
طبعا اهي مشهورة بأحلى غروب وصحيح المكان حلو والمنظر منها حلو بس فيرا وناسة فرفشة ولوية اكثر ما كو فايد خليجيات

الاشارة اللي فيها موقف الباصات من ضمنهم التكاسي

بسك تجي حارتنا يا عيوني
وتتلفت حاولينا الله الله
عينك على جارتنا يا عيوني
ولا عينك علينا دخيل الله

وش جابك ع حارتنا يا عيوني
وتتخبا بالقراني الله الله

لما صبري زاد عن حده ومل
قلت ابعد يمكن القى البعد حل
وذا قراري باختياري ما ابي اسمع رجاوي

ممممممممممممم

وهذي الصخره الكل فوقها عشان التصوير كل واحد ياخذله مكان

العروس على كيف كيفكم

والحين من اطلالة المطعم التعبان

المطعم فاشل بس مكانة ممتاز

الحلو التعيس - حتى سلطة يونانية ماعندهم طلبنا سلطة فيها رقي ( جح ) واستغفرالله لا المطعم صج مقلب بس شكل عالفاضي
حاسبنا ومشينا وقررنا نرجع منطقتنا وقبل ما نرجع خذيت جم صورة

هذيل انا احبهم شتسمونهم

ووصلنا منطقتنا فيرا

كل القلوب اطفال ما به حكي ينقال
عن ذيك القلوب
اللي تحب وتذوب

الله على الاطلالة

وهذا مطعمنا

طلبتها متأخر

لاتصير شمس وان طولت اخر مداها للمغيب

ان كان به شمس لو تظهري خدك
او همس من عطرك عله يدفي اليل

وقت التحلي

نصيب اللبوه

وبس خصلنا ثالث يوم على خير
واخليكم الحين تصبحون على خير على امل ان القاكم في يوم يديد

مجدي, ياسمينة ستي و مسافر لحالي معجبون بهذا.

فيصل · 15-06-2015, 02:59 AM

اي والله لا تعليق

لو تكثري من الفطور متقبلين هالصور

ما قصرتي

ياسمينة ستيمعجبون بهذا.

q8ya metnaqla · 15-06-2015, 05:26 PM

اقتباس : المشاركة الأصلية كتبت بواسطة Azzam

ما شالله عليك يا ااختنا ابرار تقرير جميل وصور اجمل و شرح ولا اروع

متابع معك

هلا عزام
كلك ذووق مشكور على هالكلام
ومتابعتك الأحلى [emoji253]

Q8ya metnaqla

آخر مواضيع q8ya metnaqla

- هُنا إمبــــراطـــوريــ اليــابــان ــــة
- استفسارات اليابان
- رحلة صيفية بحرية في ربوع الجبل الأسود (مونتينيغرو 7/2024)
- حي الله هالقطري حي الله حبه ربى في حشاي .. مانحتاج حق السري سراينا هالجاي
- هنــــــــا سنغــافورة الكفــاح الإصــرار التعليــم التطــور

توقيع : q8ya metnaqla

كويتية متنقله في أعالي جبال الأنديز، قاطعه فيها الإكـــــوادور من الشمــال للجنـــوب

https://www.arabtrvl.com/vb/t49320.html

كنزٌ دفين اكتشافُ ارضٍ ضائعةٍ كنا نعرف بوجودها ولكن لم نستطع الوصول إليها(كولومبيــا)

https://www.arabtrvl.com/vb/t48941.html

مراسلتكم من الاتحاد السوفيتي سابقا (روسيــا 2019 )

https://www.arabtrvl.com/vb/t45053.html

في قصص الشعوب طرائف لاتنتهي وعالم حلو بهي يسكن في القلوب في قصص الشعوب (المكسيـــــك)

https://www.arabtrvl.com/vb/t41667.html

الى الزيتونة وعقبه بن نافع وابن خلدون بلد العلم والثقافة والتاريخ( تــونس الخضـــرا )

https://www.arabtrvl.com/vb/t39247.html

سـكــة سفــر فيهـا مشـاويـر العمــر ( امـريكــا ديسمبــر 2017 )

https://www.arabtrvl.com/vb/t31951.html

كل انسان يصبح شاعرا اذا لامس قلبه الحب : من بلاد الفلاسفه (اليونان)

https://www.arabtrvl.com/vb/t7554.html

المواضيع المتشابهه
الموضوع	كاتب الموضوع	المنتدى	مشاركات	آخر مشاركة
فيزا الشنغن اليونان Greece	mr.alhussain	فيزا شنغن	20	12-08-2018 05:48 PM
الحب الأبدي	توبليرون	بوابة البحرين	54	22-04-2015 01:54 AM
تحذير ( عدم تأجير الجت سكي )	BKK	بوابة تايلند	22	07-04-2015 10:13 PM
اريد استخراج تأشيرة الي اليونان	hesham assi	فيزا	1	06-02-2015 01:28 PM