باريس الجميلة - الصفحة 2

توبليرون · 03-01-2015, 12:32 AM

واحنا ظلينا ...وعاجبني المنطاد

قلت بصعد....تروحون...تخوفو بس بعدين تشجعوا

ورحنا قطعنا تذاكر

كان فوق نطرنا لحد ما ينزل

وصعدنا

شوفو الحبل اللي بالوسط هو اللي شايلنا

طلعت عدسة الكاميرا من بين الحبال

وصورت من فوق

المنطقة شرحة وهادية

قعدنا ننطر الألعاب النارية هني

انا وبوحسين ودانة

قريب الباصات....الوعد هني او الفندق

وذبحونا هالبنغاليه والافغان يبيعون نماذج برج ايفل....وينادون

ون يورو ....ون يورو

منتشرين بالساحة

يلفتون انظار اليهال

هذا افغاني قعد يمنا قريب

ونادي بون يورو

قلت له عطني الكبير ....قال ب8 يورو قلت له يا غشاش

ليش تقول ون يورو من الصبح واذيتنا

قال الميداليات الصغيرة بون يورو

قلت له لا لا ما يصير انت تغش هههه

لا تقول ون يورو عيل ...ضحكنا معاه.....وعليه وعلى ربعه يتناجرون مع بعض

قلنا نشوف الألعاب النارية من مكانا بس

لا شفنا ولا سمعنا

وهذه صور للالعاب النارية

خليناهم لانهم طولو ورجعنا الفندق وهني انتظار الباص

وووو

توبليرون · 03-01-2015, 12:33 AM

اليوم الثالث

يوم التسوق الباريسي

الاوت لت

عاد ياجماعة الاسامي عليكم

الجوو كان عجيييب

اول شي بقول لكم هاللية ما نمنا من الحر

افتح التكييف ما يبرد ابداا

افتح الشباك حر الجو رطب

قعدنا نتقلب كأننا سمك مقلي بمقلاة

المهم قلت مافي الا نتصل عليهم

اتصلت والا موظفة الاستقبال تقول الحين ماعندي احد

قلت لها اشلو يعني ننام محنا قادرين

قالت خلاص بشوف لج احد

والله خمس دقايق ويدق الباب

ويدخل ويحاول بالتكييف

قال اول شي الشباك مسكر عدل قلت له مسكر بس

ما يتسكر عدل معلق

ههههههه حاول بوحسين فيه ما تسكر

قال بوحسين اشلون وانتو بالفراش

انا ودانه خخخخ

قلت له لحظة وكل وحدة فينا سوينا خيمة بالغطا هههه

وحاول في الشباك وسكره

قال الحين يشتغل المكيف

وصج اشتغل اثاري بس تفتحون الشباك يسكر وما يشتغل ابد حتى لو الفتحة صغيرة

المهم نمنا والحمدلله

قعدنا الصبح وتريقنا كالمعتاد

بعدها صورت برة شوي على ما يخلصون الربع من الريوق

ورحنا للريسبشن وطلبنا تاكسي يوصلنا للاوت لت

التاكسي من الأوتلت....الشخص ب5 يورور رايح راد

يعني يوصلك ومن هناك يرجعونك بعد

ينزلك عند المكتب باللأوتلت وهم يعطونك كرت لكل شخص للعودة بدون دفع فلوسمرة ثانية

بانتظار السيارة

بوابة الفندق

مواقف سيارات

ملابس الأطفال احبهم بس ماعندي صغير

قولو يارب يرزقنا احفاد نتشرى لهم

الحب اللندني لقيته هني

بس للاسف ما أكلت وتحسفت عقبها

قعدنا بس عن المطر ونريح شوي

البنات طلبوا ويقولون يلا يمه

قلت ما اشتهي توني متريقة بس اخذت عصير برتقال

احلى كرواسونة من بريت

جدامي

المطر

بعدين دخلنا المول

رحنا لنورا نبي نتغدى بعد التسوق في المطر والبرد

ساعتين يمكن بين محلات الاوت لت

لقينا نورا مسكر

وقمنا بعدين ندور مطعم كلهم زحمة

ورجعنا لماكدونالد

لقينا ازحم

رحنا صوب البيتزا والباستا زحمة

بعدين قال يوسف انا رايح اوقف بماكدونالد شنو تبون

اخذ الطلبات وراح

واحنا لقينا مطعم مسكر وطاولاته ماعليهم اي زبون

قلت انا بقعد اذا بيكلموني بقوم

والله قعدنا وجاب يوسف الوجبات اكلنا وقمنا ومحد كلمنا

هني قبال مكانا ...كان مطعم صيني بس مسكر

هذه القبة تحتها جلسات للراحة والانتظار...وبيانو للي يحب يعزف

وكان يهال يلعبون فيه

بس بعدين يه شاب وقعد يعزف شحلات عزفه بس شوية وراح

مو هذا اللي عزف لا هذا واحد ثاني يعزف عادي

وهني طلعنا نبي نرجع لمكان التاكسي لان بنفس السعر يجيبكم ويرجعكم

لان من مكتب الاوت لت نفسه

يعطونكم كرت لكل شخص علشان ترجعون فيهم

وطبعا لازم نحلي بالأيس كريم

من امورينو

وبعدها رجعنا للفندق

وكنت مواعدة غنيمة ان نروح ديزني بارك علشان نشوف الجراغي ههههه

الالعاب النارية

وبس رحنا صلينا وتجهزنا وطلعنا للباص

يوسف وخواته قالو بنروح الفيلج ندخل فيلم

وانا غنومة البارك

وبوحسين قال مالي شغل فيكم روحو

وهذا اول ما وصلنا البارك

وطبعا هالصور من كاميرتي الحين لان بالاوت لت ما طلعتها خايفه عليها من المطر

وصلنا مبجر بس ما شاءالله العالم مبسطين

قلنا بنشتري اكل بس نلاقي مكان

شفنا ان ماله داعي الاكل الحين لان خلاص وصلنا داخل مكان العوايل

قاعدين ولقينا كرسي قاعدين عليه ثلاثة قلنا نقعد يمهم قالو محجوز

ووحدة واقفة بين الكراسي قلنا نوقف يمها قالت محجوز

قلت غنيمه قعدي على الارض مكان محنا واقفين

وافترشنا الأرض مثل مايقولون

وتشوفون بالصور ولد العايلة الانجليزية اللي قاعدين على الكرسي

نايم جدامنا

الحين صور الأيفون بس تصوير غنومة

والفيديو لعيونكم

‫ط§ظ„ظپظٹظ„ظ… ط§ظ„ط®ط§طµ ط¨ظٹ‬&lrm; - YouTube

بعدها طلعنا مع الناس

قلنا بنروح تكرمون الحمامات

والا واقفين العاملين في دزني ومساكين ايد بعض مسوين حاجز

قلنا بس الباث روم

قالو روحو عند البوابة

ورحنا وكل تفرع تلاقي مجموعة واقفين يمنعون الناس انهم يروحون داخل الحديقة

وطلعنا وعلى الباص والعودة للفندق

بدون عشا ههههه

بس الحمدلله في بساكيت وشيبس وكاكاو كلت غنومه انا بس ابي ماي

ونشوفكم بالجزء الجديد

توبليرون · 03-01-2015, 12:36 AM

السلام عليكم

اليوم أخر يوم لنا بمنطقة

ماني لو أونغر

Magny Le Hongre Disney Paris

والانتقال لباريس

قبل يوم شفنا سايق عربي ومعاه سيارة كبيرة قلنا له

ان يمرنا هني علشان يودينا لباريس

على الساعة 12 الظهر

وواخذ رقمنا...وعلى هالاساس

قررنا نقعد بالفندق لحد ما يوصل

اول شي طبعا بالليل كنت مجهزة جنطتي وجنطة بوحسين

الباجي كل واحد مسئول عن اغراضه

واول ما قعدت كملت تسكير الجنط وتجهزنا ونزلنا نتريق

وهذا ريوقي

طلعنا نتمشى للبحيرة

العاب اطفال

يأشر لمكان الألعاب

مساحات واسعة

تصلح ملاعب لكرة القدم

بس راحت اللياقة .....كنت لاعبة كرة قدم في العايلة ههههه

ياحلوو مبارياتنا قبل....كنا نلعب فريق الاولاد وفريق البنات

وكان خالي الحكم.....دايما نفوز بالبلنتيات هههههه واسطة...وانا ترى كنت هجوم

واحط اقوال ههههه

اي نرجع لفندقنا بباريس

غنومة بعد الطيحة هني ههههه

مسكينة ازلقت بالخشبة الأخيرة

البحيرة امامي

والفندق خلفي

الأبطال عند البحيرة

هدووء حلوو

رجعنا اللوبي

وبانتظار البنات ينزلون علشان نسوي تشيك اوت

وينزلون الجناط....ايام البيبسي

صور من اللوبي

وبدأت مباراة البلياردو

على فكرة هني تدفعون جم يورو للمسئول عن هالمنطقة....

علشان يطلع لكم الكور

حمى الوطيس

رحنا انا وغنومة اشوف حمام السباحة التابع للفندق

ما صورت الجهة الثانية من الحوض لأن في عايلة فرنسية تسبح

رحنا للفيش سبا

اخذنا الأثنين اذا ما نسيت الربع ساعه ب20 يورو للشخص

اول شي يغسلون الارجل بماي وصابون

وبعدين يخلونا نحط ارجلنا بالحوض

وعل ما تغسل اريول غنومة انا قعدت اصور لكم غرف السبا

للرجال

والنساء

الريسبشن...لما عملنا التشك اوت اطلبوا 20 يورو

للاوتي..المكواة بس احنا دافعين وعندي الوصل قالو ما نزلتوه ههههه

راح العامل ويابه لهم...وما اخذوا ال 20 يورو

فانتبهوا لهم

الحصن بفتقدهم

ما وصل السايق اللي متفقين معاه

وزودنا وقت عطيناه اعذار

ماكو لا يالنا ولا اتصل لأنه ماخذ رقمنا

وقلنا خلاص نتصل بتاكسي بلغنا الريسبشن وطلبوا لنا تاكسي

واتفق معانا عل 90 يورو

وجانا بعد 10 دقايق بالكثير

وركبنا الجناط السيارات الكبيرة عندهم واسعة مكان الجناط

وللاشخاص

وهذه صور من الطريق مو واضحة لأن السيارة تمشي هههههه

ووصلنا باريس

ووصلنا لفندقنا

وهذه ورقة الحجز

وصلنا مالقينا احد هناك....اشلون نستلم المفاتيح

واي شقة؟؟

اتصل السايق بالرقم الموجود والا قال تعالوا المكتب بالشانز لأن عندنا كذا عمارة

ورحنا الشانز مع السايق على عنوان الموجود بالدائرة اللي بورقة الحجز

نزل بوحسين والسايق وفرفر لان باسمها التأجير

وردوا يابو معاهم المفتاح وقالو نفس العمارة اللي كنا عندها

ورجعنا لها

كانت في شارع

ريو دو استوكهولم

قريب من ريو دو روما

وبعد ريو دو فيينا

هذه كانت شوارعنا....قريبة من محطة القطار الرئيسية في منطقة الأوبرا

الشقق كانت بعمارة كبيرة

وفيها مدخل ما يفتح الا بالجرس لكل شقة او بالمفتاح

او بالرقم السري

اللي سجلناه كلنا

ولما ندخل في ممر يفصل بين العمارات داخل المبنى الكبير

وندخل لعمارتنا بعد بالرقم السري

ومنها للمصعد الصغير ولشقتنا اللي كانت بالطابق السادس

شقتنا رقم 10

نشوف صورها

اول ما ندخل من الباب الكبير

نشوف هالممر

شوفو على اليمين باب وعلى اليسار باب

احنا مبنانا على اليسار...ندخل الرقم السري ويفتح الباب

والباب اللي بوجه الصورة هذا يطلع على حوش ومباني ثانية

هذا باب المبنى اللي خاص بشققنا

هذه اللوحة داخل الممر

عن الشقق واسم الشارع موجود

المطبخ....اهم شي عندي غسالة الملابس

وكانو موفرين الصابون والمنظفات

وهذا مخزن بالممر عند المطبخ فيه ادوات النظافة هذه

طبعا ما استخدمت الا المنشر

توبليرون · 03-01-2015, 12:48 AM

الصالة كبيرة وفيها صوفا مجهزينها كسرير

الحمام الرئيسي

او الكبير

المغسلة والافرنجي....نو كومنت

والبانيو يصير على يسار المغسلة

وعلى يمين الافرنجي شباك كبير

اخليه مفتوح بالليل ....ابوحسين يسكره يقول خاف ينط واحد

من المواسير ههههه

الغرفة الداخلية عند الحمام الكبير

الخزانة كبيرة وفيها مخدات سبير

وهذا الحمام قريب عند الغرفة الاولى اللي تكون عند المدخل للشقة

بس افرنجي.....نو كومنت

وهذه الغرفة الرئيسية نقول

لأن فيها الحمام الداخلي

وهذا حمامها...المغاسل

والدوش

وهذا الشباك والستارة ....كل الشقة جذيه ستايرها

واذا طق المطر هههه لازم تسكرونها والا تنقعون

بعد ما صعدوا العيال الجناط

بالأصنصير البطيء

وانا خلصت تصوير...قلنا نبي غدا يواعة كلنا

قال بوحسين تعالو في مطعم تركي ورا العمارة

كان شايفه يوم ندور مكتب الاستقبال للفندق

ورحنا له

مطعم صغيرون...فيه واحد مع امه وزوجته

وهني استعنا بصديق يطلب لنا طبعاا دانه التركية

عندهم طابق ثاني بعد

الساعة 4,30 دقيقة

هذه نفس عمارتنا من الخلف وفي باب لهم بعد

احنا ما نقدر نطلع من هنا

طلباتنا تقريبا كلنا نفس الشي

وفي طلبنا بيبسي

العيران حق دانة

شاورما لذيذة

بعدها رحنا لكافيه يصير قريب من المطعم التركي

بالزاوية

شوفو معاي

بعدها رجعنا الفندق وريحنا فيه للمغارب تقريبا

والشقة فيها واي فاي مجاني

وهني العيال اللي شبك واللي ريح

واللي طلع ملابسه ورتبهم بالكبت انا طبعا هههه

وحطيت ملابس بالغسالة

وريحت شوي

طلعنا بعدها للعشا

ومانبي الا الشانز تونا واصلين بنتعشى ونتمشى

طلعنا من الفندق ولفينا من وراه وطريق واحد لمحطة القطارات هناك مواقف للتكاسي

اخذنا تاكسي لخمسة اشخاص

يوسف قال بريح مابي اروح

وشوفوا طريجنا اللي مشيناه قريب يمنا

وهذا التكاسي عند السيارة البيضاء

وهذا المبنى محطة القطارات الرئيسية

والزجاج النزول بدرج متحرك للمترو

والى الشانز

واختيارنا بيتزا بينو

انا والبنات وشايفين الزحمة ....بس بسرعة وصل دورنا

تحسه مكان تجمع العرب في المنطقة هذه من الشانز

معلم البيتزا يرحب فينا

والمنيوو

وصل الخبز

والكولا

بيتزا البيديان

وبيتزا الدجاج

وسلطة السيزر

والشيبس

والبيديانه اللذيذة

صورة أخيرة لمعلم البيتزا ههههه

صورة انستغرامية

وهذا حسابنا ....كان على حسابي العشا اليوم

واختياري بيتزا بينو

طلعنا ورحنا لابوحسين لقيناه على الكراسي

وهذه صورة عشاه فيش اند شيبس

عند هاجن داز

قعدت معاه والبنات راحو يتمشون قريب يمنا وعبر الشارع قبالنا

دخلنا هاجن داز مافي كراسي مليان للآخر

وفي جلسات بره يسكر بالليل

قلت لابوحسين ييب لي برييد صغير على بسكووته

ورجعنا قعدنا مكانا بره

وبريييدي اللذيذ

معاريس

رجعوا البنات ودخلوو اشتروا برييد بعد

وقعدنا شوي وبعدها للشقة ونوووووم

كان موقف التكاسي قريب

تابعوني في الجزء القادم

وان شاءالله بيكون احلى

توبليرون · 03-01-2015, 12:49 AM

السلام عليكم

اليوم الثاني بباريس منطقة الاوبرا

هاليوم قررنا نروح غاليريا لافاييت

يوم الشراء العالمي

الصبح طلعنا انا والعيال والبنات

ورحنا على خريطة بنتي منزلتها على الايفون

وهي بعد اذا تذكرون يوم رجعنا من الغدا وريحنا راحوو البنات

للغاليريا لافاييت وحجزت بنتي جنطة لها بس على اساس اشوفها انا وتاخذ رايي

مع ان ذوقها رووعه بس تبي رايي قبل لا تستعيل وتشتري

المهم يعني البنات يعرفون الطريج

وهذه الخريطة

بهذا اليوم مشينا على الخط الاحمر

وكملنا الطريج باللون الازرق الى الغاليريا لافاييت

وباقي الأيام قمنا نمشي على الخط الأخضر للوصول الى محطة التاكسي

طلع اقصر

ريو دي اوستكهولم

هذا مقابل فندقنا

وهذا التقاطع مع ريودي فيينا

وصلنا للتقاطع نبي نتريق بستاربوكس

اللي موجود هني

منقولة...تفضلووو

محطة القطار

وهذا ريوقنا

وهذا بعد ما تريقنا

لأن ستاربوكس عند التقاطع مقابل محطة القطارات

المحطة فيها قطارات ومتروو وباصات بعد

شوفو المطر

هذا مجمع للماركات قريب من الغاليريا لافاييت

وصولنا للغاليريا لافاييت

هذه الصور

للسيدات الانيقات

هههههه عجبني البوت

رجعنا الى بوتيك برادا تحت لأن فيه الجنطة اللي تبيها غنيمه

اوالمحل فوق مخلصة كانت الأسطوانية الصغيرة كروكس...واشتريناها حق غنومه

وبعدها شرينا لدانة جنطة كلوي كروكس

وفرفر خذت اللي كتنت حاجزتها من سيلين

وانا اخر شي شريت من شانيل

فرفر وغنومة راحوو يعملون التاكس فري في الغاليريا لافاييت

بعدها طلعت انا ودانه ويوسف اللي يالنا ورحنا جهة الاقسام الرجالية

من الجسر الموصل اعتقد يكون في الطابق الثاني

وهذا مرورنا من الجسر

بعد تعب اللف عطشت

وهني شريت لي ماي

بس شوفو الكافيه هذا تحت ببوابة الغاليريا لافاييت الرجالي

السندويتش يشوق

انا واقفة مقابل الكافيه

وهني صورت لكم الدرج ال اللي يوصل الى الاقسام الرجالية

.....وتحت الى المتروو

اشتريت من القسم الرجالي بوك فندي لحسين

وبعدها قعدنا ننتظر يوسف

هني مقابل الشارع ....والمطر شغال

ومافي مكان

البريييد اللذيذ زحمممة عنده طوابير

البيغ باص مر من هنا

طلع يوسف وقعدنا ننتظر البنات في الكافيه اللي تحت الجسر الموصل

بين قسمي الغاليريا لافاييت

خايفة على جنطتي

وخايفة على الجيس لأني باخذها الطيارة جذيه

مابيه ينشق بعد واتوهق خخخخ

وهذا الكافيه من الداخل

صفحة من المنيو

طلب دانه هوت شوكليت

طلبي كابتشينو

وطلب يوسف

وهذا الحساب عشرين يورو بالضبط

طلعووا البنات بعد ماعملوو التاكس فري

وكان سريع تقول بنتي

بس تعرفون اهل الصين ما خلووو شي

كانوا قبلهم في التاكس فري

المهم التاكس فري يخيرونكم تبون الفلوس والا على الفيزا يرسلونهم

قالت بنتي لا نبيهم كاش

عطوها المبلغ كله.....وبس عطوها ورقة لازم تسلمها بالمطار

والا راح ياخذون المبلغ المدفوع من الفيزا بعدين

يعني الورقة لازم تسلم في مكتب التاكس فري بالمطار

بعدها قعدوا شوي ريحووا وعقبها رجعنا مشي ووصلنا الى

كويك القريب من محطة القطار

صعدنا فوق

وصور من المطعم

ومن بره

طلبي

يوسف نايم

أكلنا انا والبنات ويوسف مايبي شبع من الكافيه

على فكرة الحمام في كويك بفلوس ب2 يورو ويفتح القفل للباب

واللي ماعنده 2 يورور ما يقدر يدخل الا اذا يقعد ينتظر احد يطلع فيدخل

او ينتظر احد يدخل يدخل معاه ههههه كانوا بنات افريقيات ينتظرون اللي يطلع او يدخل ويدخلون

توبليرون · 03-01-2015, 12:51 AM

رجعنا نريح ونحط مشترواتنا بالشقة

....وقريب المغارب رحنا الى برج ايفل بتاكسيين صغار الواحد ب12 يورور

اغلب سواق التاكسي بباري

واول صور

عوية لأني بالسيارة ههههه سامحونا

منطقة الاوبرا

ساحة الكونكورد

ووصلنا لأيفل

المنطقة هذه اي واحد بيعرف شنو هالاماكن التاريخية

عندنا مرجع حلوو وهو تقرير اخونا اسامه أحمد

وهذا البرج

وأحلى برييد تحت البرج

رسام يرسم يوسف كاريكاتير

وهني رحنا عن المطر

في الكافية المقابل للبرج

وقعدنا وهذا طلباتنا

.....انا ودانه وابوحسين والباجي راحو يتمشون

انا مافيني امشي عقب مشي الصبح

][/URL

صور البنات من بعيد للبرج

وهذه النهر

وهني شبت الاضواء في

برج ايفل وصورنا عوي لأن تحت الكافيه مطر

وبعدين عندي صور من سفرتنا زمان عن الليتاتفي البرج وكامل

توبليرون · 03-01-2015, 12:53 AM

وبعدها رحنا للشانز علشان نتعشى ونكمل يومنا هناك

الفوكيت....والمطر

والكل اليوم يبي مطعم ابوحسين اللي راح له البارحة

ورحنا له بالشارع الفرعي اللي بعد الهاغن داز اذا خليتوه على يساركم

خفت قلت حق بوحسين

خاف وسخ المكان

قال تعالي وشوفي.....لقينا مافيه احد

الا عايلتين انجليزية وفرنسية واحنا كويتيه هههههه

وأثنين فرنسيين

المطعم انجليزي

الجرسون بنت حليوة وطيوبة

وهذيل الأثنين كانو يتابعون مباراة سان جيرمان

ويتناقشون بصوت هادي

غلاف المنيو

وصورت لكم الاسم للمطعم

وعنوانه واوقات الدوام

طبعا احنا مانشرب الا هالحلووو

وهذا طلبي

طبعا طلباتنا كلنا نفس الشي

واخذنا سلطة سيزر

بعد العشا

طلعنا نتمشى بالشانز

وفي محل اسمه مونوبكس

كله شغلات حلوووة مثل ملابس للبيت وسوبر ماركت

واكسسورات

تشرينا منه وطلعنا

وهذا المحل المونوبكس

هذه السيارة مروا منهم تقريبا 6 او اكثر

وصور لقوس النصر

من وسط الشارع

وبعدها للشقة ونووووم

نشوفكم بالجزء الجاي وهو يوم الأحد

من السفرة

ووين رحنا بهاليوم

وهذه الورورد الصفراء علشان فوز نادي القادسية الكويتي

ببطولة كأس الأتحاد الأسيوي لكرة القدم

ياحلووووو هالنادي

توبليرون · 03-01-2015, 12:54 AM

السلام عليكم

اليوم السبت ثالث يوم لنا بمنطقة الأوبرا

قررنا نروح اليوم للاديفانس

نتسوق ونتغدى هناك

وهذه الصورة لشارعنا وهو

ريو دي استكهولم

وتقاطعه هناك محطة القطارات الرئيسية

شايفين قريبة حيل

وصورنا الطريج للاديفانس

مرينا قوس النصر القديم

لوي فيتون

ومرينا قوس النصر الحديث

العمارة الحديثة في اللاديفانس

ووصلنا المواقف بالسرداب

التاكسي الواحد ب14 يورور ....من مواقف التاكسي اللي عند محطة الاوبراللقطارات

الى مول الفصول الاربعة باللاديفانس

التاكسي الثاني مع العيال كانت حرمة تسوق

وهذا للي بياخذ تكت للمواقف

ومن هذه السلالم رحنا لطابق المطاعم جواعة الربع

وصلنا الدور الثاني

صور من داخل المول

.....صالون عام اللي يحلقون بنات

يوسف بيورط ابوه ... يقوله يلا يبه روح حلق تقول ابي حلاق

قال له اتخسي حرمة تحلقني ههههه

ألعاب للاطفال منطقة صغيرة جدا

المطاعم بانت

وسط المول

بجولتنا على المطاعم

وصلنا للمطعم اللبناني

تختار اللي تبي ويسخنه لك

طازج الاكل

وهذه طلباتنا

اسم المطعم اللبناني

وأحلى شاي منعنع حق مديرنا فيصل

بعدها قعدنا نتمشى ونتسوق بالمول

وانا عبيت كرتي لأنه خلص عبيته بعشرة يورو

ناسية اسم الخط

مول حلوو وجمييل

بعد التسوق رحنا ستاربوكس ريحنا ومنها طلعنا

للساحة

توبليرون · 03-01-2015, 12:55 AM

بعد ما طلعنا هني رجعنا الفندق انا ويوسف ودانة

لان يوسف تعب

رحنا معاه....والباجي راحوو الشانز

وهني بعد ما ريح يوسف

جاع راح بيتزا هت اللي خلف الفندق

وطلب قطعتين بيتزا وشيكن وينجز

والظاهر مافهمت عليه اللي تشتغل

والا طالبه له

2 بيتزا حجم كبير وقطع الوينجز

حطه جدامنا وقعدنا نتسلى معاه

خلاها ارضي

وهذا بعد ما ارجعوا الباقي من الشانز طلعنا نتمشى في

الكونكورد

وهذا موقف السياكل

اللي عند محطة القطار

وهذا تمثال الجنط في ساحة المحطة

وهذه الكراسي مثبتة بالرض

وترتيبهم عشوائي حلوووين

وحوض زراعي عملاق

وهذه صور من الطريج

.....لساحة الكونكورد سامحونا التصوير بالايفون والسيارة تتحرك

ووصلنا الساحة

وصور للمسلة

توبليرون · 03-01-2015, 12:57 AM

القاري هذا متواجد بكثرة بالشانز

ذكرني بالأكسفورد

اقولهم بركب فيه ويفرني على طول الشانز محد بيروح معاي

هذا بمدخل الحديقة

اعتقد الانجازات اللي صارت بعهده

وينك يا استاذنا اسامه التاريخ لك

البحيرة بس ما طلعت الصور حلوووة

الالعاب في الحديقة اللي عند ساحة الكونكورد

تفضلووو

نقانق مو حلال

وختى الدجاج مو حلال لان نفس الزيوت تستخدم هني

ولكن في محل يبيع الشاورما التركيه حلال

سلاش

الوافل هني لذيييذ

تفضلوووا معاي

وهني اخذنا تاكسي واقف عند فندق

شايفين هذا التقاطع اللي يطل على الحديقة من جهة القليلبة

ههههه

وعشانا من كويك

وبعدها كملنا لقوس النصر وسوالف وتصوير وضحك

هذا المحل يشب الوان

وكل شوي يتغير الوانه......راحو العيال يشوفون شنو فيه

ارجعووا العيال والا قالو البنات ان يوسف

طلعهم لان شاف اشياء

مو زينة للبيع....مثل السوبر ماركت وفيه هالاشياء عادي

الله يستر عليهم

بعدها تاكسي للفندق

المواقف قريبة من السفارة القطرية

ونشووووفكم بالجزء الياي

عن قريب ان شاءالله

المواضيع المتشابهه
الموضوع	كاتب الموضوع	المنتدى	مشاركات	آخر مشاركة
تقريري عن أسكتلندا الجميلة	وجهات أوروبية	بوابة بريطانيا	119	18-08-2019 10:46 AM
ذكرياتي الجميلة	عين على السماء	البوابة السياحية	71	29-01-2018 12:19 AM
ثلاثة أيام في كوتا كينابالو الجميلة	Deena	ماليزيا	57	18-03-2016 10:43 AM
اثيوبيا الجميلة # الحبشة #	شارلوك هولمز	بوابة اثيوبيا	38	08-05-2015 11:11 AM