رحــلــتــي الــثــانــيــة إلــى مــالــيــزيــا (مــايــو 2015) ... - الصفحة 11

قصة حب · 24-06-2015, 11:08 AM

اقتباس : المشاركة الأصلية كتبت بواسطة كتكات783

أهلا بو راشد .. جولة جنتنق جميلة ..

ينقصها الألعاب الخارجية .. إن شاء الله تعوضونها برحلة ثانية ..

بصراحة أشوف سعر التاكسي معقول جدا .. لإن طريق الجنتنق متعب شوي ..

كيدزانيا بكوالا .. تصدق يابو راشد عرفت المعلومة منك .. بانتظارها برؤيتك ..

والراااائعة ( قصة حب ) مشرفة على قدر عاااااال من التعاون والبذل ومد يد المساعدة

ولا تبخل أبدا بمعلوماتها وجهودها .. ربي يحفظها ويحفظ لها من تحب ...

بارك الله فيك اخوي ما قصرت

والله ودي ابجي كلامك اسعدني جدا

والحمد لله ربي يقدرني على مساعدة الجميع

تسلم على هالدعوات الحلوة ولك بمثلها يارب

قصة حب · 24-06-2015, 11:13 AM

اتصدق والله توني ادري ان في متحف بجنتنق

كل ما نروح ما نقدر ندخل كل الاماكن من التعب ونطلع

وشكرا لك على صور جنتنق والأعمال الخارجيه تبارك الرحمن لازالت مستمرة

لك السبق المنتدواي لعرض الصور

يعني ما اعتقد تفتح السنة القادمة شكلهم مطولين

الله يحفظ لك اسرتك الصغيرة

متابعينك ،،،،،،،،،،

Deena · 24-06-2015, 11:21 AM

موضوع رائع وسرد مشوق عيشتنا الجو عالآآآآآخر ...

الف سلامة عليها بنتك والحمدلله قدر ولطف.. حتصير حكاية تضحكوا عليها لما تكبر ..

متابعة معك الموضوع الجمييييل ..

opera_kw · 24-06-2015, 11:25 AM

يعطيييك العافيه .. التقرير شوووقني لماليزيا

انا ناويه نهايه السنه اروح شرق اسيا

انا رايحه اكثر من مره ماليزيا واكثر من مره تايلند .. انا وزوجي

بس هالمره ودي اخذ اطفالي معاي ...

انا عارفه ماليزيا عائليه وتصلح للجميييع

فبسألك عن تايلند مع الاطفال .. لاني رايحه بروحي بس باخذ عيالي معاي هالمره وخايفه يتعبون من المشاويير خصوصا بانكوك انا اقضيها كلها بالتسوووق ومولاتهم وايد كبيره وزحمه ماتتحمل الاطفال ولا شرايك ؟؟

وسوووق الليل هذا اللي افكر فيه شلون باخذ عيالي معاي

أبن السلطنةمعجبون بهذا.

troy19 · 24-06-2015, 11:31 AM

يستمر مسلسل الابداع -- جنتك جميلة لكن حلاوتها بالالعابها الخارجية
مستمرون بمتابعة هذا التقرير المميز
مع فائق الود

Bu Rashid · 24-06-2015, 12:09 PM

أهلاً أخوي كتكات783
إي والله ينقصها الألعاب الخارجية .. بس إن شاء الله مرة ثانية
وبخصوص كيدزينيا آنه ما كنت أعرف أن في كوالالمبور إلا من تقرير الأخت دينا

-------------------------------------------

الله يعافيج يا أختي قصة حب
وتسلمين والله وماقصرتي من المعلومات اللي أخذناها من تقريرج
وبخصوص المتحف أهو موجود بالألعاب الداخلية في الطابق الأول
وبخصوص الأعمال الخارجية فأعتقد أنها مطولة
أهم يقولون في 2016 ولكن ما أتوقع

-------------------------------------------

من ذوقج يا أختي Deena
والله يسلمج .. والحمدلله على كل حال
وحياج الله أختي دينا وإن شاء الله تستمتعين بمتابعة التقرير

-------------------------------------------

الله يعافيج أختي opera_kw
من ذوقج والله
إي والله أنصحج بماليزيا للأطفال وايد بيستانسون
حتى تايلند مع الأطفال وايد حلوة
وإذا كنتي خايفة من الأطفال يتعبون سوي مثلي
آنه أطلع من الصبح لين العصر أو المغرب وبعدها أرجع الفندق وأخليهم ينامون ساعة أو ساعتين
وبعدها أطلع مرة ثانية لين الساعة 1 أو 2 فليل .. أقسم اليوم نصفين وبين النصفين أخليهم يرتاحون علشان ما يتعبون
وهذي الحل مشى معاي وايد في بانكوك وقليلاً في بوكيت وفي بوكيت سويتها حق الفنتازي شو علشان ما يتعبون وينامون

وحتى يوم رحنا رحلة سفاري ودريم وورلد أول ما نرجع العصر سيدة أخليهم ينامون علشان فليل يطلعون ويكون مزاجهم رايق

ونصيحة إذا تبين تروحين مع الأطفال أختاري الفنادق بعناية اللي أشياء حق الأطفال مثال : آنه عيالي وايد استانسوا في فندق جولندن ساندس

لأن فيه برك السباحة وفيه نادي الأطفال والأنشطة البحرية ويمه بعد ماكدونالدز لأنهم يحبونه
والله يوفقكم وتروحون كلكم ماليزيا وتايلند إن شاء الله

-------------------------------------------

حياك الله يا أخوي troy19
يوم رحت هذي المرة تحسفت أني ما رحت جنتنغ في عام 2012 يوم أزور كوالالمبور
جان في 2012 لحقت على الألعاب الخارجية

أبوفيصل · 24-06-2015, 02:12 PM

مازال جمال التقرير اخوي بو راشد

الردود مفيدة وفيها جواب لكل مسافر شكرا للتوضيح

متابع

A.Alsubhi · 24-06-2015, 02:21 PM

ماشاء الله تبارك الله جزء جميل ورائع للغايه , الشيز كيك لذيذ جداً

بالنسبة لجنتغ قريت موضوع تقريباً قبل شهرين في موقع ماليزي يقولو شكله بيطول المشروع شوي احتمال في نص 2017 هذا والله اعلم ,, انا اعتقد بامكانهم سنه وخمس شهور تكفيهم وان شاء الله يفتتحونها 2016 سبتمبر

Bu Rashid · 24-06-2015, 02:45 PM

من ذوقك يا أخوي أبو فيصل
حاضرين للجميع وهذي واجبنا يا أخوي
وحياك الله

=================

من ذوقك يا أخوي أبو عمر
والله يا أخوي أبو عمر بالنسبة للي شفته ما أتوقع حتى بعد أكثر من سنتين
لأنهم ما زالوا يشتغلون في البنية والتحتية والأساسات
أو ممكن أنهم يفتتحون جزء بسيط في 2016 وبعدها يتم افتتاحها تدريجياً

A.Alsubhi · 24-06-2015, 03:58 PM

^^^^^^^^^^^^^^^^^^^^^^^^^^

على قولك ممكن يفتتحون جزء بسيط ولكن شكلها مثل ماقالو الاعضاء في الموقع الماليزي وهم اخبر ببلدهم يقولو احتمال بنسبة كبيرة 2017 , على حسب كلامهم في نقص كبير في الاليات الثقيلة والزاد البشري ,

المواضيع المتشابهه
الموضوع	كاتب الموضوع	المنتدى	مشاركات	آخر مشاركة
دليـــــل السفــــر إلــى بـــــروكســـــل بقلم LREEM@	فريق التطوير	تقارير لا تنسى	28	28-03-2024 11:50 AM
رحــلــتــي شــهــر الــعــســل أمــــريــــــــــــكـــــــا	ali pontiac	تقارير لا تنسى	86	04-07-2021 09:31 AM