X سُعداء بتواجدكم بيننا ونتمنى لكم قضاء وقت ممتع ، نأمل منكم زيارة صفحة شروط الإستخدام ، تفضلوا مشكورين بالتسجيل*** اضغط هنا *** لإثراء الجميع بخبراتكم السياحية
Loading...



عدد المعجبين40الاعجاب
موضوع مغلق
 
LinkBack أدوات الموضوع انواع عرض الموضوع
قديم 17-06-2015, 02:24 AM   #1

مسافر متألق

الصورة الرمزية ali pontiac
 
تاريخ التسجيل :  Jun 2015
رقم العضوية : 4372
الدولة : الـبـحـريـن
الجنس : ذكر
المشاركات : 427



افتراضي رحــلــتــي شــهــر الــعــســل أمــــريــــــــــــكـــــــا




العرب المسافرون

بوابة السفر الى الولايات المتحدة الأمريكية U.S.A


السلام عليكم ورحمة الله وبركاته



حبيت اعرض لكم تقرير سفرتي لأمريكا الي بدت في شهر مارس 2015 وهذي اول مشاركه لي في المنتدى الرائع واشكر جميع الي ساهمو فيه من اعضاء و مشرفين

اعرفكم على نفسي اخوكم علي من البحرين

السبب الي خلاني اختار امريكا اول شي حبي لها من الصغر ثاني شي الثقافه او تقاليدهم وخصوصا الأكل

المدن الي زرتها في امريكا كالتالي

[table=35%][tr=alt2][td]المدن[/td][td]الأيام[/td][/tr][tr=alt1][td]سان فرانسيسكو[/td][td]5[/td][/tr][tr=alt2][td]لو انجلوس[/td][td]6[/td][/tr][tr=alt1][td]لاس فيغاس[/td][td]4[/td][/tr][tr=alt2][td]ناشفيل[/td][td]2[/td][/tr][tr=alt1][td]نيو يورك[/td][td]4[/td][/tr][/table]



طبعا في البدايه امور التأشيره/ الفيزا كانت سهله وسلسه جدا لله الحمد


حجز التذاكر كان على طيران اللإتحاد سعر التذكره للشخص الواحد 508 دينار بحريني

تكلفة الطيران الداخلي جميع الرحلات 150 دينار

الفنادق

[table=50%][tr=alt2][td]المدن[/td][td]الفنادق[/td][/tr][tr=alt1][td]سان فرانسيسكوو[/td][td]Kensington park hotel[/td][/tr][tr=alt2][td]لوس انجلوس[/td][td]Miyako hotel[/td][/tr][tr=alt1][td]لاس فيغاس[/td][td]Westin[/td][/tr][tr=alt2][td]ناشفيل[/td][td]Radisson airport hotel[/td][/tr][tr=alt1][td]نيو يورك[/td][td]Seton[/td][/tr][/table]


اهم شيئين في الفنادق بالنسبه لي النظافه و الموقع الحمدلله الفنادق الي سكنتها نظيفه بغض النظر بعضها قديم ولكن نظيفه وفيه اهتمام وتجديد و مواقعهم ممتازه واسعارهم مناسبه

وانصح بحجز الأشياء حجز مسبق مثلا تذاكر الملاهي ديزني و يونفرسال وغيره ، والسياره الأجار وكللل التذاكر حجزت من قبل ، يعني مصروف اليد فقط للأكل والبترول حق السياره والأمور البسيطه.

نبتدي

الرحله ابتدت من مطار البحرين الدولي الى مطار ابو ظبي مثل ماذكرت على طيران الأتحاد والطياره كانت A320 اذا ماخاب ظني

وقت الإنتظار 3 ساعات تقريبا بين الرحلتين... مع العلم اني انه وزوجتي على طول كنا نمشي وماوقفنه نستريح او ناكل ونشرب ومع ذالك الوقت داهمنه بسبب الزحمه والتفتيش الشديد وصلنه على اخر لحظه !!!

طبعا صادني موقف لا يحسد عليه قبل لا اركب الطياره قسم الهجره والجوازات الأمريكيه موجود في المطار حق ختم الجوازات قبل ركوب الطياره ، يعني قبل لا تنزل ارضهم يختمون دخول جوازك ،وهم نفسهم الأمريكان الموظفين يوم شافو جوازي شكو فيني لنه الجواز كان مجدد وجديييد ومكتوب الوظيفه (طالب) الله يسامح موظف الجوازات... وفيه ختم الأنتخابات البلديه والنيابيه وماعرفو شنو الأختام وقالو لي انتظر ...والله اني فقدت الأمل قلت خلاص الطياره راحت علي..وكان ينادو النداء الأخير وانه خايف وبعد خمس دقايق دخلوني غرفه لحالي جاني واحد وسالني عن الختم وشرحت له وتم يناظر في الجواز ليييين مانتبه على شعار المملكة في الختم وقال اهاااا واقتنع وقالي خلاص رووح بصراحه كان اكثر موقف يخوف في الرحله كلها والحمدلله على طول ركضنه للطياره الطياره كانت boeing 777

والرحله كانت طويله جدا ومتعبه انه من النوع الي ماعرف انام لا في باص ولا في طياره








اليوم الأول ســـان فــرانــسيسكووو




وصلنه سان فرانسيسكو تقريبا الساعه 9 الصبح

اخذت كرت تلفون T mobile وانصح الجميع فيه الباقه الي اخذتها بـ 100 دولار شامله استخدام بيانات غير محدود ونسيت كم دقيقه اتصال مجانيه. اقوه شركتين في امريكا T mobile والشركة الثانية AT&T

اول ما وصلنه كنت ابي اعرف اتجاه القبله للصلاة كل برنامج في التلفون يأشر على اتجاه غير !!!. المهم صلينه وعلى طوول نزلنه نشوف السان فرانسيسكو

الجو كان معتدل وجميل مع بروده الصبح والمغرب

فندقنه كان بالضبط عند Union Square وهذي صور المكان
















واهم شي الهوت دوق الأمريكي ، الحمدلله انه تقريبا كل المطاعم الي رحتها عندهم لحم بقر ، ماعدا الببروني والبيكن للأسف كله لحم خنزير كرمكم الله.



وهذي بعض الصور واحنه نمشي









 


التعديل الأخير تم بواسطة فيصل ; 03-11-2015 الساعة 01:41 AM
ali pontiac غير متواجد حالياً  
قديم 17-06-2015, 02:36 AM   #2

عضو قدير

الصورة الرمزية oceanus
 
تاريخ التسجيل :  Dec 2014
رقم العضوية : 22
الدولة : مكة المكرمة
الجنس : ذكر
المشاركات : 784



افتراضي رد: رحــلــتــي شــهــر الــعــســل أمــــريــــــــــــكـــــــا


اهلا يا عزيزي


بداية سريعة جدا مع ذكر التفاصيل


ياليت توضح لنا سعر خط الموبايل ، ومن اي موقع حجز التذاكر ملاهي ديزني واليونيفرسال



ومعك متابعين ، وبقوة

 

tarfa و أسيرالغربة معجبون بهذا.

توقيع : oceanus

اﻟﻨﺎﺱ ﻟﻠﻨﺎﺱ ﻣﺎﺩﺍﻡ الوفاء بهم
والعسر واليسر أوقات و ساعات
و أكرم الناس ما بين الورى رجل
تقضى على يده للناس حاجات
oceanus غير متواجد حالياً  
قديم 17-06-2015, 03:12 AM   #3

مسافر متألق

الصورة الرمزية ali pontiac
 
تاريخ التسجيل :  Jun 2015
رقم العضوية : 4372
الدولة : الـبـحـريـن
الجنس : ذكر
المشاركات : 427



افتراضي رد: رحــلــتــي شــهــر الــعــســل أمــــريــــــــــــكـــــــا


بأّذن الله بذكر التفاصيل اخي العزيز

 

أسيرالغربةمعجبون بهذا.
ali pontiac غير متواجد حالياً  
قديم 17-06-2015, 04:33 AM   #4

مسافر متألق

الصورة الرمزية ali pontiac
 
تاريخ التسجيل :  Jun 2015
رقم العضوية : 4372
الدولة : الـبـحـريـن
الجنس : ذكر
المشاركات : 427



افتراضي رد: رحــلــتــي شــهــر الــعــســل أمــــريــــــــــــكـــــــا


واحنه نتمشه دخلنه China town مرور الكرام على السريع








وكملنه مسيرنه لي ماوصلنه الى الـ Coit tower ,وهوه معلم من معالم سان فرانسيسكو السياحيه

















وهذي فيديو صورته تصعد الدرج الي ياخذ للبرج



وهذي فيديو للبرج




الحلو انك لما تركب البرج تشوف الجهه الغربيه من فووق وتشوف الميناء والمرفأ منظر جميل بصراحه





وهذي درب آخر للرجوع جدا جميل وتشوفون في هذي المنطقه كثير من السياح والناس الي تلعب الرياضه... مكان يفتح النفس









واصلنه المشي ودخلنه كنيسة St.peter & paul church للتصوير والكنيسة مفتوحه للسياح












خرجنه وتوجهنه الى شارع Lombard الشهير










يوم وصلت فووق نهاية الشارع شفت الـ Coit Tower وتعجبت اني قطعت هذي المسافه !!!!






شوفو شلوون البرج بعيد




في هاللحظه حسيت بالتعب وركبنه اشهر وسيلة مواصلات في سان فرانسيسكو... سعر التذكره 6 دولار للشخص واحيانا يطنشوون وتصير التوصيله بلاااش



حسيت بالجووع وقلت خلاص وقت الأكل ونزلنه هذي الشارع ، ناسي اسمه لو تلاحظون اعلام ايطاليه في الشارع ، وهذي الشارع مليان مطاعم ايطاليه




انصح الجميع في السفر بتحميل برنامج Yelp البرنامج مفيد خصوووصا للمطاعم وتشوف المطاعم الي في منطقتك وتختار نوع الأكل وتشووف التقييمات للمطاعم وتقدر تسجل فيه وترفع صور وتقيم المطعم

ورحنه مطعم البيتزا Tony's pizza من اشهر مطاعم البيتزا في سان فرانسيسكو ومزحوووم جدا ولذيييييييييييذ








وعقب ما اكلنه وشبعنه لله الحمد الجو برد بسرعه وكنه منتهيين ونحس بالتعب على طووول رجعنه الفندق وانتهى اول يوم الي اهوه يوم الوصوول ...يتبع

 

قطرية كول و أسيرالغربة معجبون بهذا.

التعديل الأخير تم بواسطة ali pontiac ; 17-06-2015 الساعة 04:54 AM
ali pontiac غير متواجد حالياً  
قديم 17-06-2015, 09:07 AM   #5

عضو قدير

الصورة الرمزية oceanus
 
تاريخ التسجيل :  Dec 2014
رقم العضوية : 22
الدولة : مكة المكرمة
الجنس : ذكر
المشاركات : 784



افتراضي رد: رحــلــتــي شــهــر الــعــســل أمــــريــــــــــــكـــــــا


هلا عزيزي


هل انت ماشي على برنامج معين ؟؟


هل كان عندك خلفية على المدينة .. ؟؟



في انتظار تفاصيلك

 

أسيرالغربةمعجبون بهذا.

توقيع : oceanus

اﻟﻨﺎﺱ ﻟﻠﻨﺎﺱ ﻣﺎﺩﺍﻡ الوفاء بهم
والعسر واليسر أوقات و ساعات
و أكرم الناس ما بين الورى رجل
تقضى على يده للناس حاجات
oceanus غير متواجد حالياً  
قديم 17-06-2015, 04:47 PM   #6

مسافر متألق

الصورة الرمزية ali pontiac
 
تاريخ التسجيل :  Jun 2015
رقم العضوية : 4372
الدولة : الـبـحـريـن
الجنس : ذكر
المشاركات : 427



افتراضي رد: رحــلــتــي شــهــر الــعــســل أمــــريــــــــــــكـــــــا



هلا عزيزي


هل انت ماشي على برنامج معين ؟؟


هل كان عندك خلفية على المدينة .. ؟؟



في انتظار تفاصيلك


اخوي الكريم اي نعم كنت ماشي على برنامج بس يوم الوصول فاضي وبدوم برامج فكنت اتجول

وكنت ماخذ البرامج من احد الأقارب الي يزور المدينه دائما فكان عندي خلفيه بسيطه كنت اقره واشوف الخرايط صارت عندي خلفيه بسيطه وساعدتني.

 

ali pontiac غير متواجد حالياً  
قديم 17-06-2015, 06:19 PM   #7

مسافر متألق

الصورة الرمزية ali pontiac
 
تاريخ التسجيل :  Jun 2015
رقم العضوية : 4372
الدولة : الـبـحـريـن
الجنس : ذكر
المشاركات : 427



افتراضي رد: رحــلــتــي شــهــر الــعــســل أمــــريــــــــــــكـــــــا


اليوم الثاني فرانسيسكوووو



طبعا اليوم الثاني عندنه كان عندنه برنامجين البرنامج الأول جوله بالدراجات الهوائيه (سيكل) على المدينه والبرنامج الثاني جولة بالعباره في البحر تاخذك تحت الجسر العظيم Golden gate bridge

حجزت الجوله مالت الدرجات من هذي الموقع

https://sosfbiketours.com/

لما تدخلون الموقع في اكثر من خيار للتور ، انه الي اخذته الـClassic تور مدته 5 ساعات، وبصراحه التور بالدراجات شي عجييب ولازم يكون اول البرامج في المدينه حق اكتشاف المدينه واخذ فكره تاريخيه عنها وفرصه حق تشوفون اشيه حلوه او ماكنتو مدخلينها في برامجكم سعر التور الكلاسيك 33 دينار للشخص.

صحينه الصبح وعلى طول نزلنه نتمشه لي موقع اللقاء طبعا في الموقع مذكور في موقعهم وانه ضبطت Google map وتوجهنه للموقع الي ننطلق فيه ، وفي الطريق دخلنه كووفي شووب نفطر فيه وكان احلى وجبة فطور في الرحله من مطعم اسمه The grove وله 3 افرع في المدينه.




وبعد الإفطار الذييذ طلعنه و وصلنه لي نقطة التجمع ، كل واحد اخذ دراجته وخوذته ، وكان مرشد التور شخص محبوووب اسمه جوش وتعرفنه على باقي المجموعه الي معانه

وهذي فيديوات اثناء الجوله





وهذي اكبر منتزه ومن اجمل الأماكن في المدينه ، اسم المنتزه Golden gate park












واصلنه ركوب الدراجات ورحنه منتزه ثاني جميل اسمه Alamo square








كان مع المرشد جووش بعض الصور التاريخيه القديمه للمدينه ومراحل تطورها وهذي صورة للحريق الكبير الي صار مع الزلزال الي دمر المدينه في عام 1906




وهذي فيديو قصير للأخ جووش واهوه يشرح




وهذي صوره لمنتزه شهير اسمه Dolores park




رسمه فنية على احد المباني





بعدها توقفنه لوجبة الغداء في ساحه شاحنات الطعام واكلهم جدا روعه ولذيذ






وكانت وجبتي تاكوو السمك الحار طبعا اكلك وشربك غير شامل سعر التور




واصلنه المسير ورحنه لي اخر مكان في جولتنه وهي City Hall قاعة المدينه

وهذي صوره اثناء اعادة بنائه بعد الزلزال الكبير




عجبتني الساحه الي فيها قاعة المدينه وزرتها مره ثانيه وبرفق صور اكثر لاحقا لقاعة المدينه وداخلها

صوره للسيارات Hybrid/الهجينه تاخذ شحن كهرباء






انهينه جولتنه ورجعنه الدراجات وبصراحه كان احلى برنامج في السفره كلها ممتع وانصح كل الي يزور المدينه بهذي التجربه وبعدها رجعنه الفندق استعداد للبرنامج الثاني.

 

قطرية كول و أسيرالغربة معجبون بهذا.

التعديل الأخير تم بواسطة ali pontiac ; 17-06-2015 الساعة 06:38 PM
ali pontiac غير متواجد حالياً  
قديم 17-06-2015, 08:00 PM   #8

مجلس الإدارة

 
 
تاريخ التسجيل :  Dec 2014
رقم العضوية : 15
المشاركات : 15,812



افتراضي رد: رحــلــتــي شــهــر الــعــســل أمــــريــــــــــــكـــــــا


وعليكم السلام ورحمه الله وبركاته

اسعد الله مسائك

حياك الله أخي علي

وشاكرين لك علي التقرير

هل رجال الجوازات الأمريكيه في مطار أبوظبي متواجدين ....أتذكر سمعت عن كذا من قبل ومو متأكد


المشي مو مشكله بما أن الجو يساعد







بس 5 ساعات بالسيكل تعب يا غالي وش رأيك

 

توقيع : فيصل

الْحَمْدُ لِلَّهِ الَّذِي بِنِعْمَتِهِ تَتِمُّ الصَّالِحَاتُ

معرفاتنا بوسائل التواصل الإجتماعي


نقره لعرض الصورة في صفحة مستقلةنقره لعرض الصورة في صفحة مستقلةنقره لعرض الصورة في صفحة مستقلةنقره لعرض الصورة في صفحة مستقلةنقره لعرض الصورة في صفحة مستقلة

فيصل غير متواجد حالياً  
قديم 17-06-2015, 08:04 PM   #9

مسافر متألق

الصورة الرمزية ali pontiac
 
تاريخ التسجيل :  Jun 2015
رقم العضوية : 4372
الدولة : الـبـحـريـن
الجنس : ذكر
المشاركات : 427



افتراضي رد: رحــلــتــي شــهــر الــعــســل أمــــريــــــــــــكـــــــا


اهلا اخوي فيصل

اي نعم موظفين الجوازات الأمريكيه موجودين في مطار ابو ظبي

والله ال5 ساعات بالسيكل مرت بسرعه ماحسينه بالوقت وكنه نوقف بين فتره وفتره ونمر على مطاعم وكوفي شوبات للي يبي يدخل الحمام كرمك الله والي يبي يشرب ماي او يشتري اي شي.

 

ali pontiac غير متواجد حالياً  
قديم 17-06-2015, 09:34 PM   #10

مميز العرب المسافرون

 
 
تاريخ التسجيل :  Dec 2014
رقم العضوية : 334
المشاركات : 2,868



أوسـمـة: كتكات783

كل الاوسمة:2 (more»)
افتراضي رد: رحــلــتــي شــهــر الــعــســل أمــــريــــــــــــكـــــــا


ماشاء الله عليك حبيبنا ( علي ) ..

بداية .. مبروك الزواج واسأل الله أن يجمعكم على المودة والخير ..

فيه أجمل من أميركا .. لتكون شهر عسل .. أحسنت الاختيار ..

بداية التقرير جدا جميل وتنقلاتكم رااااائعة وتفصيلاتك وذكرك للبرامج مفيدة لمن أراد تخطيطا إلى تلك البلاد ..

بانتظار تقييم الفنادق وأبرز المزارات الأخرى ..

قلمك ونقلك وتصويرك .. يجعل من متصفحك هذا ملييء بالاستمتاع والفائدة ..

 

كتكات783 غير متواجد حالياً  
موضوع مغلق

الكلمات الدلالية (Tags)
الــعــســل, رحــلــتــي, شــهــر

أدوات الموضوع
انواع عرض الموضوع

تعليمات المشاركة
لا تستطيع إضافة مواضيع جديدة
لا تستطيع الرد على المواضيع
لا تستطيع إرفاق ملفات
لا تستطيع تعديل مشاركاتك

BB code is متاحة
كود [IMG] متاحة
كود HTML معطلة
Trackbacks are متاحة
Pingbacks are متاحة
Refbacks are متاحة


المواضيع المتشابهه
الموضوع كاتب الموضوع المنتدى مشاركات آخر مشاركة
رحــلــتــي الــثــانــيــة إلــى مــالــيــزيــا (مــايــو 2015) ... Bu Rashid بوابة ماليزيا 199 22-10-2019 08:03 AM

الساعة الآن 05:30 PM
Powered by vBulletin® Copyright ©2000 - 2024, Jelsoft Enterprises Ltd.
Search Engine Friendly URLs by vBSEO