رحــلــتــي شــهــر الــعــســل أمــــريــــــــــــكـــــــا - الصفحة 2

عبدالعزيز الرشيدي · 04-08-2015, 08:48 AM

الخرائط اللي في لعبة قراند 5 الشهيرة تشبه الماب حق سان فرانسيسكو ولوس انجلوس

بصراحه ابداع

توبليرونمعجبون بهذا.

ali pontiac · 17-06-2015, 09:41 PM

شكرا لك اخوي كتكات كلك ذوق يا الغالي ومبارك عليكم اجمعين الشهر الكريم

وجهات أوروبية · 17-06-2015, 10:04 PM

ماشاء الله تقرير ممتاز وصوره حلوه وموضوع حلو كصاحبه

بارك الله فيك واااصل

مبارك عليك الشهر كل عام وانت بخير

ali pontiac · 17-06-2015, 10:36 PM

نواصل لكم برنامج اليوم الثاني وهوه كروز بحري بالعباره

حجزت تذاكر الكروز من هذي الموقع

San Francisco Bay Cruises - Bridge To Bridge - Golden Gate | Red and White Fleet Cruises

اذا تدخلون الموقع في كثير كروزات انه خذت الـ California twilight cruise مدته ساعتين ، سعر التذكره 22 دينار للشخص الواحد.

وطلعنه العصر وتمشينه ورحنة المنطقه الي اسمها مرفأ الصيادين حق العباره Fisherman's Wharf عباره عن شارع المرفأ وفيه كثير مطاعم اكل بحري ومحلات هدايا وفيه madame tussauds الي اهوه متحف الشمع بس انه مادخلته، عموما مرفأ الصيادين عجبني وفيه على نفس الشارع مرفأ Pier 39 الي رحته في اليوم الثاني في تكملة تقرير الرحله.

خلف النورس ذي العباره الي بنركبها وتاخذنه في جولة داخل البحر، العباره قديمه وصوت محركها كأنه دبابه من الحرب العالميه الثانيه، بس اهم شي الجوله ومشاهدة جسر Golden gate bridge وفي العباره فيه بوفيه سناكس.

وهذي سجن ALCATRAZ الشهير فيه تورز تودي للجزيره وجولات داخل السجن المهجور الي اغلقوه في الستينيات بس انه مارحت.

وهذي فيديوات على العباره

وهذي صوره حق نوع البوفيه الي كان موجود عباره عن سندويشات و سناكس

جسر الـ Golden gate

وهذي صور من داخل شايفين حلوه المدينه تصير بالليل ويبين في الصوره الـ Coit tower

ورجعنه مرفأ الصيادين وهذي صور ليليه للمكان

وانتهى اليوم الثاني اغلبية الشوارع في الليل تكون موحشه فرجعنه بالتاكسي للفندق سان فرانسيسكو آمنه لكن فيها مشكله الي اهيه كثرة المشردين فيها وايد.

يتبع....

قطرية كولمعجبون بهذا.

كتكات783 · 18-06-2015, 05:32 AM

جولة جميلة يا علي .. وجميل جدا استخدام المواقع للحجز ..

ضمان ويبدو أرخص من الحجز المباشر ..

سجن الكاتراز .. من السجون الشهيرة فعلا ..

مازلنا متابعين وبشوق .. وأشكرك كذلك على سرعة وضع الأجزاء ..

مما يعطي المتابع حضور ذهني لكامل الرحلة ..

أقدِّر لك هذا الجهد كثيييييرا ..

فيصل · 18-06-2015, 05:05 PM

شكرا لك علي الجزء

اهم ما فيه الجوله اذا زياره السجن والجسر

تصدق تقارير أمريكا وتركيا خاصه لازم يكون المطعم جزء رئيسي فيها لكثرة المطاعم المميزه

أن شاء الله نزورها وحاطها ضمن جدول 2017 بس بإذن الله قبل

ali pontiac · 18-06-2015, 08:59 PM

مشكورين اخواني على الردود

ali pontiac · 18-06-2015, 11:14 PM

اليوم الثالث ســـــــــــان فرانسيسكووووو

اليوم الثالث كان عندنه رحلة حق محمية اشجار اسمها Muir Woods

حجزت التذاكر من نفس الموقع الي حجزت منه تذاكر كروز البحري هذي الرابط المباشر، سعر التذكره 21.5 دينار للشخص
V
V
Muir Woods & Sausalito Tour - Red and White Fleet Cruises

صحينه الصبح وتمشينه للمكتب الي بياخذنه بالباص وكان المكتب قريب من مرفأ الصيادين

وهذي فطورنه في احد الكوفي شوبات في الدرب بس ناسي اسمه، ومثل ماقلت لكم برنامج الـ yelp مايقصر معاكم في اختيار المطاعم في المكان الي انتو متواجدين فيه

اذا بتدخلون الموقع حق الحجز بتشوفون اسم التور Muir Woods & Sausalito Tour ساوساليتو اهيه قريه صغيره على اطراف البحر ،يمر عليها الباص في الدرب للغابه

الطريق حق الغابه جميل وندخل عن طريق الجسر العظيم Golden gate bridge

الوصول

طبعا داخل فيه كوفي شوب وهوه استراحه ومحل هدايا

وهذي فيديوات

المكان جمييييل وانصح الجميع فيه تسمع صوت الماء الجاري والطيور ومثل الأفلام تحس شي يراقبك وره الشجر، بس ماعرف ليش من التصوير الألوان باهته في هذي المكان ، المكان كان اخضضضر شديد الخضره

واحنه طالعين وراجعين للباص شفت هذي الكورفت ، الكورفت في التقرير له قصه خاصه جايتكم بأذن الله

وركبنه الباص وهذي صور واحنه راجعين

ورجعنه نفس المكان الي ركبنه فيه الباص ورجعنه الفندق نرتاح وماكان عندنا برنامج ثاني ارتحنه شوي كلنه وجبة الغداء بس هالمره ماصورت يمكن كنت جووعان وايد ورحنه مرفأ الصيادين العصر وتمشينه حق Pier 39

هذي المرفأ

Pier 39 مكان جميل للعوائل والأطفال وفيه مطاعم ومحلات متنوعه

هذي فيديوات
V
V
v

وهذي درج البيانو تركب او تنزل مثل عزف البيانو

واصلنه المشي وصلنه عند ميناء سان فرانسيسكو

و وصلنه عند الـ Ferry building وندمت اني ماصورت المبنى وهوه احد معالم سان فرانسيسكو وهذي صوره من قوقل ليست من تصويري

https://www.salesforce.com/content/d...6dcfe46970.jpg

وعند المبنى يبيعون الخضروات والفواكه الطازجه يسموون المكان سوق المزارعين

وهذي صور استراحه جميله

وبالصدفه شفت مجمع صغير واهوه معرض صغير لماركة Levis للجينز

فيديو داخل المكان

في هذي المنطقه تشوف فوووق الـ Coit tower وقلت ماشاءالله هذي الشارع والمنطقه نفسها الي كنت اشوفها من فوق اول يوم ، بس ارفع نقطه في سان فرانسيسكو اسمها Twin peaks والسياح يروحون لها كثير بس في هذي الرحله مارحت

ظلم الوقت

هذي الفيديو صورت سيارة BMW i8 كانت توها نازله في ذاك الوقت واول مره اشوفها في الشارع بتسمعون في الفيديو صوت عزف ، في الليل وقت الي بنام افتح الدريشه/النافذه لنه الجو معتدل وبارد واسمع عزف هذي الشخص مالي الشوارع احسه مهموم مسكين

وخلاص رجعنه الفندق وانتهى اليوم الثالث

صوره من خرايط قوول توضح مسيرنه الي مشيناه اليوم العصر من فندقنه عند union square الى مرفأ الصيادين 35 دقيقه مشي و pier 39 قريب 6 دقايق ، وعقب لي الـ Ferry building مسافة 25 دقيقه وتشوفون الCoit tower وين صاير

قطرية كولمعجبون بهذا.

ali pontiac · 19-06-2015, 01:13 AM

اليوم الرابع والأخير في سان فرانسيسكووو

صحينه في اليوم الرابع وهو يوم فاضي تماما ، تجهزنه وقلنه بنروح منتزه الـ Golden gate park لأنه المكان عجبنه في اول يوم شفناه في تور الدراجات.

طلعنه وفطرنه في هذي الكووفي

وتمشينه رايحين لمحطة الباص الي بتوصلنه لي اقرب محطة حق المنتزه

طبعا Google map لما تدخل عنوان او اسم المكان الي بتروح له تختار مشي او سياره او باص او اي وسيلة مواصلات متوفره في المدينه ، ولما تختار باص يطلع لك باص رقم 7 مثلا اهوه الي يودي للمكان الي تبقيه

وصلنه المنتزه

الشايب واهوه يتمرن

حته بطهم جميل

في داخل المنتزه نفسه، في حديقة الشاي اليابانيه Japanese tea garden ومن اروع الأماكن للإسترخاء للأسف مادخلته

طبعا المنتزه كبير جدا جدا اخذ لنه ساعتين ونص نمشي فيه ضعنا داخله بس اذا تطوف عليه على الشارع تقطعه في ساعه وشوي

فيديوات للبحيره الجميله اسمها Stow lake وفي مكان حق تأجير قوارب
v
v
v

بعدين طلعنه ورحنه للـ City hall حق ناخذ صور اوضح من اول يوم

علم ايطاليا ، يعلقون علم اي دوله يصادف التاريخ يومها الوطني

وهذي مبنى Twitter

وبعدين رحنه هذي المطعم قريب من مرفأ الصيادين ...اوهوه مب مطعم مكان صغير تطلب الأكل وفيه طاولات ، وبعد ماصورت الأكل بس طلبنه Fish & Chips واهوه طبق بريطاني تقليدي

هذي صور المطعم من قووقل

الصدفه انه المطعم كنت مخطط اروح له من قبل لا اسافر، من المطاعم الي في المخطط في ثاني يوم من رجعتنه من muir woods اقول حق زوجتي خاطري اكل من هذي المطعم وكنه ننتظر الباص واله اهوه قدامنه بس كان مسكر، قلت تمام عرفنه مكانه قبل لا نشوف في google map

وخلاص صار العصر ورجعنه الفندق وكنه تعبانين جدا قلنه بنام شوي وبنطلع في الليل ، تصدقون انه ماشفت المدينه في الليل اله مره وحده من يصير المغرب انه في الفندق لنه نصحه من الصبححححح ومن اصبح افلح ، المهم نمنه وماقمنه اله فجر اليوم الي عقبه

سان فرانسيسكو حبيتها جدا ولي بأذن الله لي رجعه قريبه لها ، كنت بروح ولاية فلوريدا حق ميامي و اورلاندو ، بس غيرت وخليت سان فرانسيسكو لأنه كانت ميامي مخربطه طريق الرحله كاااامل ، والكل نصحني بسان فرانسيسكو على اورلاندو ، وان شاءالله بزور اورلاندو في الرحله القادمه حق امريكا

فعلا سان فرانسيسكو تستحق الزياره ومن المدن الي يوم كنت صغير كنت العب لعبة بلاي ستيشن اسمها Driver الشباب الي من جيلي اكيد يعرفونها ويعرفون المدينه من اللعبه

قطرية كولمعجبون بهذا.

فارس الجبيل · 19-06-2015, 01:56 AM

ياسلام تقرير مميز وصور رائعة وفيديوات تشرج الصدر

والف مبروك الزواج وبالرفاه والبنين ومبارك علينا وعليكم الشهر الفضيل

وش سالفة الكورفيت ؟؟ واحد ملقوف

المواضيع المتشابهه
الموضوع	كاتب الموضوع	المنتدى	مشاركات	آخر مشاركة
رحــلــتــي الــثــانــيــة إلــى مــالــيــزيــا (مــايــو 2015) ...	Bu Rashid	بوابة ماليزيا	199	22-10-2019 08:03 AM