قروب أحلى منتدى في مروج

توبليرون · 26-08-2015, 04:29 PM

مروج

مجمع المطاعم الجديد

تجمع قروب أحلى منتدى

كويتية متنقلة

الإيمان

توبليرون انا

اولا نعطيكم فكرة عن المشروع بالفيديو

Murouj مروج
تلذذ . استمتع . تواصل

يحتوي المشروع على مجموعة متنوعة من المطاعم والكافيهات العالمية و المحلية بالاضافة الى منطقة مخصصة للالعاب خاصة بالاطفال الصغار وملعب كرة قدم مغطى لهم

محافظة مبارك الكبير - Murouj مروج صبحانالعنوان: طريق الدائري السادس بجانب منتجع صحاري الكويت

كانت روحتنا له للعشاء
طلعنا بعد صلاة المغرب ...وبما انه قريب على منطقة سكننا انا وابرار وامون كنا هناك مع بعض
موقعه على الدائري السادس ...قريب من منتجع صحاري

اللي اختار المكان ابرار ماشاءالله
بس نزلنا من السيارة وظهرت ملامح الاعجاب للمكان الشرح المريح والهواء النقي
والجو كان حلووو

طبعا بعد السلام
تمشينا ونصور المكان

وجهتنا مطعم " خنين "

وهذه تجهيزات الطاوله مع الطرشي الكويتي والمعبوج

المنيوو علشان ليموند يعرف شنو مكونات كل طبق

الخضرة لأبرار هههههه من الضيافة
خليناها لابرار لانها بحاجة للدم ....بعد فترة قلنا له يشيل البصلة لان ريحتها قويه

شربت البيذان لي أعطيه 7 / 10

لبن بالنعناع للمشرفات

وصلت الجدور

وهني فتحهم لنا

الخبز الايراني توه طالع من التنور

القبوط وحمسة البيديان

حمسة الربيان والجبدة

كلهم

قبوط 7 / 10

البيديان 9 / 10

الربيان 7/ 10

الجبدة اخلي تقييمها على البنات
لاني ما اكلها

برد الزعفران 8 / 10

شفتوا اشلون اتنصب علينا [emoji41][emoji41][emoji41]

فدوه

انا متأكده اني ماشربت شاي ولا شفت الغوري

دفعنا وطلعنا

وصورنا لكم مره ثانيه

الشعار

رجعت مع ابرار البيت وصلتني بطريجها

موقف طريف بالمطعم
كان الجرسون يفتح الباب وصوته مزعج
طالعته وهو يتاسف
وكل ما يطلع ويدخل قام يشوفتي وبحاول يفتحه بدون صوت
اخر مره قام يطق الباب لربعه علشان يفتحونه وهو يطالعني هههههه مسكين تفشل

التقييم للمكان وايد نعطيه 10 / 10
احنا اول الواصلين للمكان وبعدين انترس
مواقف السيارات كثيرة
المكان واسع وشرح وأكيد الجلسات الخارجية بتكون حلوة من شهر 9 سبتمير الى شهر مايو

القعده وايد حلوووة بوجود مشرفاتنا العسل واللي ما خلت من السوالف عن السفر والمنتدى وتقارير المنتدى

ان شاءالله المره اليايه بتكون مع بنات المنتدى كلهم من الكويت او من زوار الكويت
حياكم الله

[emoji254][emoji261][emoji254][emoji261][emoji254][emoji261]

Umhusoonأرسلت بواسطة i بإستخدام Tapatalk

النمسا, عامر الزعابي, MOBARKI و 1 آخرون معجبون بهذا.

فيصل · 26-08-2015, 05:53 PM

يسعد لي مسائك
الجلسات الخارجيه يبيلها وقت وبتطلع أحلا
ما أقدر أقول شيء بالمطاعم الكويتيه
ان شاء الله يشوفه ابوعلي

توبليرون · 26-08-2015, 07:22 PM

اقتباس : المشاركة الأصلية كتبت بواسطة فيصل

يسعد لي مسائك
الجلسات الخارجيه يبيلها وقت وبتطلع أحلا
ما أقدر أقول شيء بالمطاعم الكويتيه
ان شاء الله يشوفه ابوعلي

ويسعد مسائك مديرنا
اي والله مع الجو وافتتاح المطاعم والكافيهات بيصير روعه
تسلم المطاعم الكويتية صار فيها تنافس
ان شاءالله ويسوي لنا تقرير عن زيارته المرتقبة
شرفتني بمرورك

OLGA · 26-08-2015, 06:04 PM

المكان حلو وو شرح ..
بالعافيه عليكم ان شاءالله دوم اليمعات الحلوه ..

توبليرون · 26-08-2015, 07:24 PM

اقتباس : المشاركة الأصلية كتبت بواسطة OLGA

المكان حلو وو شرح ..
بالعافيه عليكم ان شاءالله دوم اليمعات الحلوه ..

اي والله حلووو وشرح
ان شاءالله معاكم المرة الياية
شرفنا مرورك

هاوية الاسفار · 26-08-2015, 09:08 PM

ما شاء الله عليكم بالعافيه
يبغيلي ريجيم قاسي قبل ما اييكم على هالمطاعم الزينه
اليلسه و التقديم و كل شيء رائع و جميل
و الأحلى طبعا تجمعكم و الله لا يفرقكم
تسلمين

توبليرون · 26-08-2015, 09:19 PM

اقتباس : المشاركة الأصلية كتبت بواسطة هاوية الاسفار

ما شاء الله عليكم بالعافيه
يبغيلي ريجيم قاسي قبل ما اييكم على هالمطاعم الزينه
اليلسه و التقديم و كل شيء رائع و جميل
و الأحلى طبعا تجمعكم و الله لا يفرقكم
تسلمين

لا لا الريجيم عقب الييه لنا
لازم تاكلين وتشبعين عندنا
والله اليلسة ناقصتكم
ان شاءالله ولا يفرقنا عن الوجوه الطيبه امثالكم
شكراا لمرورج اللي يشرفني

q8ya metnaqla · 26-08-2015, 11:40 PM

تسلم ايدج ام حسين على التقرير والتصوير الحلووو والتقيمات اللي في محلها [emoji108][emoji108]
ههههههه ضحكتيني مع الخضره [emoji23] امرنا لله كله من هالدم [emoji23] الحمدلله على كل حال [emoji120]

وضاق خلقي على الفاتوره مو من عوايدي ما انتبه عليها [emoji16] اتنصب علينا [emoji23]

الچبده للاسف ما يازتلي اعطيها / لان بهاراتها وايد زايده وما احس في طعمها وفايدتها تروح ..
والقبوط كان يبيله اشويه مرق داخله ومايصير ناشف ..

طبعا المكان اتفق معاج انا / بصراحه وايد حلو وشرح وجدامهم مضمار الخيول واللي يتمشون بالقواري [emoji108][emoji108]

المطعم ممكن ازوره مره ثانيه بس يعدل على ملاحظاتي [emoji23] لأَنِّي كتبتلة في الانستغرام ..

واهم شي انه شوكلت بار بيفتح في مروج يا فرحة قلبي [emoji7][emoji7]

الله يعافيكم وان شاءالله المره الياية ان شاءالله نلتقي فيكم [emoji253]

تسلم اناملج الذهبيه ام حسين [emoji253]

Sent from my iPhone using Tapatalk

فارس من خيالمعجبون بهذا.

آخر مواضيع q8ya metnaqla

- هُنا إمبــــراطـــوريــ اليــابــان ــــة
- استفسارات اليابان
- رحلة صيفية بحرية في ربوع الجبل الأسود (مونتينيغرو 7/2024)
- حي الله هالقطري حي الله حبه ربى في حشاي .. مانحتاج حق السري سراينا هالجاي
- هنــــــــا سنغــافورة الكفــاح الإصــرار التعليــم التطــور

توقيع : q8ya metnaqla

كويتية متنقله في أعالي جبال الأنديز، قاطعه فيها الإكـــــوادور من الشمــال للجنـــوب

https://www.arabtrvl.com/vb/t49320.html

كنزٌ دفين اكتشافُ ارضٍ ضائعةٍ كنا نعرف بوجودها ولكن لم نستطع الوصول إليها(كولومبيــا)

https://www.arabtrvl.com/vb/t48941.html

مراسلتكم من الاتحاد السوفيتي سابقا (روسيــا 2019 )

https://www.arabtrvl.com/vb/t45053.html

في قصص الشعوب طرائف لاتنتهي وعالم حلو بهي يسكن في القلوب في قصص الشعوب (المكسيـــــك)

https://www.arabtrvl.com/vb/t41667.html

الى الزيتونة وعقبه بن نافع وابن خلدون بلد العلم والثقافة والتاريخ( تــونس الخضـــرا )

https://www.arabtrvl.com/vb/t39247.html

سـكــة سفــر فيهـا مشـاويـر العمــر ( امـريكــا ديسمبــر 2017 )

https://www.arabtrvl.com/vb/t31951.html

كل انسان يصبح شاعرا اذا لامس قلبه الحب : من بلاد الفلاسفه (اليونان)

https://www.arabtrvl.com/vb/t7554.html

توبليرون · 27-08-2015, 01:07 AM

اقتباس : المشاركة الأصلية كتبت بواسطة q8ya metnaqla

تسلم ايدج ام حسين على التقرير والتصوير الحلووو والتقيمات اللي في محلها [emoji108][emoji108]
ههههههه ضحكتيني مع الخضره [emoji23] امرنا لله كله من هالدم [emoji23] الحمدلله على كل حال [emoji120]

وضاق خلقي على الفاتوره مو من عوايدي ما انتبه عليها [emoji16] اتنصب علينا [emoji23]

الچبده للاسف ما يازتلي اعطيها / لان بهاراتها وايد زايده وما احس في طعمها وفايدتها تروح ..
والقبوط كان يبيله اشويه مرق داخله ومايصير ناشف ..

طبعا المكان اتفق معاج انا / بصراحه وايد حلو وشرح وجدامهم مضمار الخيول واللي يتمشون بالقواري [emoji108][emoji108]

المطعم ممكن ازوره مره ثانيه بس يعدل على ملاحظاتي [emoji23] لأَنِّي كتبتلة في الانستغرام ..

واهم شي انه شوكلت بار بيفتح في مروج يا فرحة قلبي [emoji7][emoji7]

الله يعافيكم وان شاءالله المره الياية ان شاءالله نلتقي فيكم [emoji253]

تسلم اناملج الذهبيه ام حسين [emoji253]

Sent from my iPhone using Tapatalk

تسلمين ابرار وماتشوفين شر مع الدم
اي والله لازم مره ثانيه نطالبهم بغوري الشاي
القبوط صح ناشف وناقصه ريحة اللحم ههههه
ان شاءالله يعدلون على طباخهم ونسيت اذكر اسم الشيف
جني نسيت اسمه عامر ....
ان شاءالله المره اليايه شوكليت بار ويكون اوليفر هناك
يختي يرفع المعنويات ياحليله
شكراا لج دليتينا على هالمكان اللي يوسع الصدر

الايمان · 30-08-2015, 10:16 AM

تسلم ايدج ام حسون
خووووش تقرير
المكان روعه وراح يزداد جمال المكان بالشتاء
اما سالفه غوري الشاي صج انتصب علينا لكن مثل ماقلتي فدوه المهم استانسنا
بالنسبة لتقييم للجبده كانت ناشفه وماعجبتني
والاكل بشكل عام موذاك الزود
المهم شوفتكم والسوالف معاكم

فارس من خيالمعجبون بهذا.

المواضيع المتشابهه
الموضوع	كاتب الموضوع	المنتدى	مشاركات	آخر مشاركة
((شكر لادارة منتدى العرب المسافرون))	أسيرالغربة	أخبار واعلانات الأعضاء	12	04-06-2015 10:56 PM
كيف تعرفت على منتدى العرب المسافرون ؟؟	الغردقاوي	عام	76	16-03-2015 03:03 PM
هل هذا هو منتدى العرب المسافرون الحقيقي ؟	آخـــرفـــرصـــة	عام	67	12-01-2015 10:05 PM