الحلم يتحقق بدون تخطيط لندن - جلاسجو

MOHANAD · 01-09-2015, 05:05 PM

اقتباس : المشاركة الأصلية كتبت بواسطة ابو عبدالله

اووووووووووووووووووووه اخيرا مابغى يطلع ذا الموضوع
بس والله انك فله مره متقضي وكلش والرجال واثق انك بتشيك الحجز واثرك توك تبي تحجز سلم لي عليه يا هو باااارد الواحد يدخل مواقع الحجوزات الف مره ويحجز ويكنسل وقبل 6 شهور حالة استنفار والحقوني وش اسوي بقي شهرين وانت حاجز لبكره احمد ربك منتب ولدي

تشوف كيف يا ابو عبدالله اخيرا
والله مخلص من فتره ومخليه فالمسوده كنت ناوي على فيديوهات وشغل اكثر بس تعقدت علي من برامج المونتاج
وقلت انزله قبل يبرد

وش اسوي اول مره اسافر خليتها سهالات والحمدلله تسهلت بس مو للدرجه الي وصلتلها لا احد يسوي مثلي فالحجوزات

- بس شكلك مرررره وسيع صدر الله يزيدك اللي ماخذ كلش بسعة صدر ( حجز قبل ليلة ، التمشيات كعابي ، القطار بساعتها ) بس اشوى انك حاجز عوده
- على طاري الفلوس مااستغبوا من فئة الـ 50 باوند وقاموا يفحصونها ويقلبونها ؟

والفلوس يالغالي اتذكر واحد هندي فبقاله عاديه معاه قلم حق الفحص يقالك يدرك الوضع بس هو الوحيد الي فحص 50 غيرها مافيه شي

- اعتقد يوم عرفت للتيوب تحسفت على الـ 60 باوند حقت التكسي ... تكاسيهم وقطاراتهم غاليه بشكل والا ؟

من جدك تحسفت وبس بعض الاحيان اطلع اركب قطار وارجع وما يكون عندي شي بس كذا طناخه احلل الوقت الي راح مشي
بس الصدق المشي غير متعه كبيره وتشوف اشياء كثير وتفاصيل صغيره ما بتشوفها لو كل وقتك فالاندرجراوند

والله غاليه جدا التكاسي
والقطارات احجز دايم من نفس المحطه فيجي السعر مره غالي اغلى من قيمة تذكرة فطياره

- مافكرت تسوق سيارة برا لندن ؟ يعني تسافر بها للشمال مثلا او اي مكان برا لندن ؟ واذا لا ليش ؟

وفكرة كثير ودايم انوي وادري انها متعه وما شلت هم السواقه عكس هنا الكلام ما اعرف لحالي لو احد معي خوي كان فالسياره ولا ابقي ديره لوا ريف الا امر عليه
بس لحالي ما عرفت مره بيكون طفش

- اعجبني مره انك تسأل كيف توصل للمعالم اللي تبي

اسأل علشان لا اضيع يوم وكنت انقي الي اسألهم بعنايه
يوم عرفت جوجل ماب صار اعتمادي عليه كثير

-شارع العرب نفس حكايتك وترا فيصل مثلنا والظاهر كثيرين كذا بس ابي اعرف منهم اللي فيه اجل

شارع العرب زياره وحده له كافيه بعض الناس تلقاهم فيع ٢٤ ساعه تحسهم جايين يصيفون فشارع العرب مو لندن

- اما سالفتك وبالاخير صارت تتكلم عربي صارت معنا قبل امس

ههههه ياخي مره اذا بلشت وفجأه الي قدامك طلع نفس اللغة ودك تحب راسه يفك ازمه وكذا منعاً للاحراج

سالفتك مع العجوز اللي صورتك تخيل انحاشت بالكاميرا بس حلو تصرفك معها

لا شكلها محترمه علشان كذا وثقت فيها ( والله لو انحاشت بالكاميرا ما بقول شي ) تعرف مسوي ثقه ومصداقية الاجانب

- ههههههههههههه اما سالفتك مع المترو ترا صار لنا مثلها بس في القطار نشبنا بين محطتين نتردد 3 مرات تقل نطوف ننزل ونرجع ونركب نفس القطار الخطأ وننزل ونرجع للمحطه اللي قبل ( ضاع ساعه علينا ) ومحطات قرى مافيه موظفين المغرب كان...

ههههههههههههه اما طواف اشوا مو بس انا

- تقريرك مررررررره جميل وودي اجلس اسولف معك عنه بس اخاف تطلع السواليف اكثر
لاهنت وبيض الله وجهك ع التقرير اللي واضح انه اخذ من جهدك ووقتك الشي الكثير
--- جاز لي تقريرك مره وننتظر شي جديد محد قال لك اكتب تقرير زين

ومنورنا ابو عبدالله
والله ودي ندقها سواليف عن موضوع الطواف اتوقع اي شخص راح لندن واول مره يستخدم القطارات او ما يستخدمها واجد بيقضيها طواف

تسلم عزيزي شهاده اعتز فيها يالغالي
وان شاء الله فيه المزيد خلاص اخذت ايدي على الكتابه والرفع والتصغير والحقوق

توبليرونمعجبون بهذا.

المواضيع المتشابهه
الموضوع	كاتب الموضوع	المنتدى	مشاركات	آخر مشاركة
استفسار بسيط بخصوص المصروف اليومي في لندن .. الى خبراء لندن !!	omar1987	اوروبا	7	05-10-2015 09:28 PM
ركبة الجمل وركبة الثعلب	توبليرون	عام	24	25-08-2015 02:49 AM
تخطيط لرحلة لندن	A.s	اوروبا	4	17-08-2015 11:22 PM
تركيا ... حلم يتحقق ،،، وشوق يتجدد	أبوعهود	تركيا	98	15-06-2015 03:26 PM