الله يسعدكم مواقف رهيبة
البيضة العجيبة و سباق التتابع و مشهور افندي هههههه

موقفنا صار في وندرمير أو البحيرات في بريطانيا
و تعلمت منه أني ما احجز موعد بدري أبداً لأن اللي اوفره راح ادفعه دبل

و انا رايح للفندق حسبت الوقت نص ساعة من محطة القطار
بس الفرق أن رحلة العودة كانت الساعة 6 صباحاً لادنبره

حجز لي الفندق لرحلة العودة تاكسي يوصل الساعة 5 فجراً قلت ساعة و الخط فاضي اكيد نوصل بالراحة
التاكسي يمشي على أقل من مهله و يلمح لو يبغاني ازيد السرعة تدفع زيادة
واضح أنه نذل و أنا بديت أزعل لأنه يتعمد يهدي و حنا السيارة الوحيدة على الطريق
لما وصلنا نزلنا بالمكان الخطأ من المحطة و كان باقي 5 دقايق
على بال ما سألت الا واحد يقول هذا قطارك اللي جاي بس لازم تروح للجهة الثانية

فيه جسر خشبي يمر من فوق القطار يوديك للجهة الثانية
شنطتين معي و جري مع الدرج و أم غسان وراي ما تشوف الا غباري

عشان يتحرك القطار لازم تتقفل الابواب ثم يرفع المامور يده و يطلق صفيرة بصوت واحد

قفلت الابواب و رفع يده الا أنا زي الصاروخ نازل من الدرج و هو يطالع في باستغراب
نزل يده و ما صفر و قال " مان يو ار لكي " أنت مرة محظوظ
قلت بنفسي فيه من هو محظوظ اكثر مني و اطالع الا العباية ترفرف يمنةً و يسرة خخخخخ
يخرب بيتهم دقيقين جداً ترى بعض الاحيان الدقة ماهي زينة
وصلت ام غسان و طلعنا القطار لادنبره و حنا مو مصدقين أنه لحقنا عليه

عشان كذا انتبهوا من الرحلات اللي بدري سواء قطار أو طيارة
توقيتها سئ و اللي توفره فيها يأخذونه منك التكاسي

هههههه ابو غسان
محد احسن من احد عاد درج محطات القطار اللي يعدي للجهة الثانية اعرفه والله ياهو اقشر وواقف بزود
ذكرتني سالفة :
احنا ساكنين في كولشيستر ومااحب اروح لندن بالسيارة فاوقف بقرية ثانية عشان ارخص لتذاكر القطار والمترو ( الحين لقيت قرية في زون6 قريبه منا ) صرت على طول بالمترو ... المهم وقفنا السيارة وطلعنا والمساء وحنا راجعين لازم نغير القطار والقطارات هنا ماشاء الله ماتوقف ابد ...
نزلنا ورحنا لرصيف رقم 4 وركبنا القطار ويوم مشى القطار واثرنا نازلين من القطار الصح وركبنا واحد خطأ ... وننزل في المحطه الثانية ونقطع مع الجسر للجهة الثانية ونركب القطار ونرجع وننزل في محطتنا الاولى ...
واقرا الشاشة واشوف موعد قطارنا الصحيح .... ونجلس الا ويجي قطار قلت شكله هذا هو .. باقي 10 دقايق على الموعد ... وركض نركب فيه ويطلع نفس خطأ وننزل في نفس المحطه اللي رجعنا منها .... ونرقى الجسر ثانيه ونرجع نركب القطار اللي راجع واحس كاميراتهم تصورنا وتقول وش عندهم ذولي.... وننزل في المحطة الاولى واشوف الموعد والى باقي حوالي 20 دقيقه على قطارنا ... واجلس ويجي قطار وانا ودي اقول يلا نركب معه واترصص الين مشى ... كان ودي ادفه يمشي بسرعه لا اركب ... واشوى جا قطارنا ورحنا معه .... الحوسه ذي اخرتنا يمكن ساعه ونص ... ومحطات القرى اغلبها يكون فاضي وقت اخر العصر ...بس يعجبونك كل شوي قطار يعني ماراح تنقطع ابد ان شاء الله.... وسلامتكم

شدني الموضوع مانتبهت للتاريخ اذا قديم اولا لكن ابقول الموقف اللي حصل لناوكان في مطار نيويورك طالعين لاورلاندو الوقف اللي حصل لنا مستحيل انساه 😢 اخذنا ليموزين من الفندق في نيويورك ودانا المطار دخلنا على الصالة شيكنا الرحلة اليآ في الجهاز وبعد وزن الشنط والتفتيش رحنا للكاونتر علشان الجوازات والحجز وكانت حجوزاتنا كلها بالكمبيوتر الشخصي لزوجي والجوازات يعني كل اوراقنا كانت في شنطة الكمبيوتر التفت زوجي بياخذ الشنطة علشان يطلع رقم الحجز والجوازات وندور وين الشنطة السنطة اختفت صرنا مثل المجانين الغينا رحلتنا وتذكر زوجي انه نسى الشنطة في الليموزين هنا انصدمنا صدمت عمر🙆🏼 حاول زوجي يكلم الموظفين بيشوف حل صدفة شافنا شخص مغربي الله يذكره بالخير وين ماراح ويسعده يشتغل مترجم بالمطار هدانا شوي تواصلنا مع الفندق اللي طلعنا منه بنيويورك لان الليموزين عن طريقهم قالوا الي الان ماوصل الليموزين وللعلم المسافة من الفندق للمطار تقريبآ ساعة الي ساعة إلا ربع يعني اعصااااااااب مسدودة ننتظر الليموزين ممكن يرجع للفندق او لا او يكون ركب معاه احد واخذ السنطة لان السواق مانتبه اذا ناسين شي اولا انتظرنا تقريبآ ساعة بعدها اتصلوا الفندق على زوجي وقالوا ان السواق وصل وشاف الشنطة وجابها للفندق قال زوجي خلاص اجي اخذها انا قالوا لا بيجيبها لك السواق بس تعطيه حق المشوار وعشنا ساعتين ثانيات على اعصابنا لان البرنامج تلخبط حجز الطيران الغيناه وحاجزين فندق في اورلاندو وفِي اللحظة الاخيرة وصل السواق وجاب الشنطة عطاه زوجي من الفرحة 300 دولار رفض ياخذها بس غصبه زوجي ورجع زوجي بالشنطة وهو يبكي من الفرحة ضمينا بعض وحنا نبكي 😭😭من غير شعور بالمطار 💞💞 الموظفين بالمطار كانوا جدآ متعاونين معنا ظبطوا لنا حجز بدون اي ماتروح علينا التذكرة الاولى بنفس اليوم والحمدلله. كان موقف مستحيل أنساه مع اني حريصة لتذكير زوجي بكل الاغراض بالشنط والاوراق لكن ذاك اليوم سبحان الله ماتذكرت اي شي لكن ربي كاتب ومقدر تشكرنا من الفندق ومن الموظفين بأرسال إيميل للإدارة ولموظف الليموزين وصارت درس للتذكير بكل دقيقة وثانية لنا ولغيرنا ودمتم سالمين🌹🌹

سبحان الله وبحمده .. سبحان الله العظيم