رحلة الأحلام المتوسطيه في الكروز EPIC - الصفحة 5

ابو سلوى · 20-09-2015, 03:25 PM

أخي الغالي/ qa6ar911 ..
لي ملاحظة على أثاث السويت ليست بتلك النظافة والفخامة مقارنة بالسعر .؟؟

أو الشوف شجر

مواصلين معك

توبليرون · 20-09-2015, 04:41 PM

حلووة يابو سلوى الشوف شجر هههههه
بس والله وناسه الكروز توني اقول لابوحسين
يقول بجم يكلف ؟؟
انت حاط السعر بس جم بالكويتي ؟؟
الصور والشرح والفيديوات عجيييبه وتشووق
متى تنصح نحجز فيه الوقت المناسب اذا ناس تحب السباحة ؟؟
وبانتظار البحرررر
اي نفس فكرة ابرار على قط الخيط للحداق ... هل مسموح وفي اماكن مخصصه للصيد ؟

خبرك عندنا واحد يحب يحدق بالخيط والميدار

أم ريمه · 21-09-2015, 12:14 PM

الله على هالاجزاء الخطيرة
يالله كمل و شجعنا اكثر
و ذنبنا على رقبتك اذا زنينا على ازواجنا يودونا كيفك عاد

جزء برشلونه جميل
سكنا عند الميناء في فندق نسيت اسمه من الموقف الخايس الي صار لي فيه
والقرية الاسبانية لما رحتها مرينا عند نفس اللي تنسج الشالات
ذكرتني بالشال الي شريته ما ادري وين خليته للحين ما استخدمته !!!

يالله بانتظار فعاليات الكروز ...
يعني شنو فيها غير المطاعم و الكوفي شوبز ؟؟

ابو عبدالله · 21-09-2015, 12:45 PM

ماشاء الله تبارك الرحمن ... جميل مره منك ابو سعد ذكر كل التفاصيل مع انه بيتعبك كثير وبالنسبة لي لو بتقول لبست وسرحت شعري ولبست جزمتي وسحبت شنطتي البنية ماعندي مانع احب التفاصيل ...
- اضافة لاستفسارت الشباب اللي قبل :
- اصوات فعاليات السفينه توصل للغرف ؟
- فيها صالات قمار او لا ؟
- خدمة الغسيل مدفوعه او مجانية ؟ او لك حد معين
الله يعينك علينا يا بو سعد بس بس شغلك والله زين ماشاء الله تبارك الرحمن وانت سمح ونبي نزعجك شوي بالاسئلة ...

وجهات أوروبية · 21-09-2015, 06:10 PM

اقتباس : المشاركة الأصلية كتبت بواسطة آخـــرفـــرصـــة

ايش الدلع هذا يابو سعد
توصيل و بتلر و سيرفس 24 ساعة
بالبداية قلت المبلغ غالي لكن مقابل الخدمات و الفخامة معقول جداً

اختيارهم للفرش و الديكور راقي جداً
و يبدو أن الكروز كان مليان باين من السرا على الدخول
زين أنك سويت تشيك ان اونلاين سمارت موف

عاد ودي أعرف حسيتوا بأي مطبات بحرية
و بما أن البلكونة على البحر هل تسمعون صوت الموج ؟
و هل حسيتوا بـ غثيان أو دوار البحر ؟

أتوقع فيه ناس ودها تسأل هذي الاسئلة بس مستحين

متابعين و مستمتعين

ههههههههه جعلك دوم مستمتع يا عسل
بالعكس والله اي عنده اي اسؤال او استفسار اكيد مايتردد
بالنسبه لدوار البحر
اولا انا متعود على البحر واحنا اهل بحر
ثانيا ماشفت حد اشتكى من دوار البحر او غيره
لسبب ان داخل السفينه ماتحس بها
تخيل مرات نكون تحركنا من نص ساعه وانا مادري
بس مره فليل جانا هوا قوي وقت النوم
وانا منسدح ابغي انام السفينه فيها هزه خفيفه جا جدا جدا روعه تمنيت كل يوم هوا
من تنسدح على طول ترقد مستويه نفس المنز ( سرير حق الاطفال هههه )

اي والله بالنسبه لسويت وداخل السفينه وايد راقي وممتاز ومريح

بالنسبه للخدمات ممتازه جدا وتستاهل السعر

تحياتي لك يا غالي

اقتباس : المشاركة الأصلية كتبت بواسطة q8ya metnaqla

ماشاءالله يا بوسعود [emoji108][emoji108]

القريه الاسبانيه حبيتها وايد ورقص الفلامنكو ..
ناس حرفيه تشتغل بكل شي مو احنا ...

يا سلااام الكروووز شي صراحه ماشاءالله الخدمات اللي قدموها لكم عجيبه و اشوه انك سويت اونلاين ولا تنطر في هالطابور[emoji108][emoji122]

يوم في البحر وناسه لو ماخذلك خيط وقاطه وهما يمشون [emoji23][emoji476]

ناطره اليوم البحري

Sent from my iPhone using Tapatalk

ياهلا ومرحبا مشرفتنا ابرار
ان شاء الله بحاول اليوم انزل لكم جزء البحر + نابولي
بس بالنسبه لنشاطات يوم بالبحر معظمها في حمام السباحه
يعني موسيقى وبعض الالعاب البحريه ماينفع انزل صورها او فيديو

اي الحمدلله انا دايما اسوي شيك اون لاين سواء للطياره او اي حجز اخر افتك من اي زحمه او طابور طويل

ياريت لو نقدر نسمح خيوط
وانا بالغرفه لو ابغي اقط خيطي يبغيلي كم مكسار عشان يوصل البحر تخيلي على ارتفاع 17 طابق

تسعدني متابعتج يا مشرفتنا الكبيره

اقتباس : المشاركة الأصلية كتبت بواسطة فيصل

نفس ما قال ابوغسان مقابل الخدمات والله يستاهل السعر

متباعينك

مرحبا مديرنا الغالي
خدماتهم ممتازه يا بوخالد ويستاهل السعر
يميزونك كثير ويحاولون يريحونك وبعض الامتيازات و الاولويات
راح اذكرها بتقريري ان شاء الله
وخاصه بعد ماخلصنا من رحلتنا بخصوص الشنط
صحيح ان الموضوع بسيط لكن ريحونا كثير وكان ترتيب ممتاز منهم ماتوقعته راح اذكره لاحقا ان شاء الله

شرفتني يا غالي

اقتباس : المشاركة الأصلية كتبت بواسطة شارلوك هولمز

الله الله ياابو سعود وش هالزين وش هالابداع .. وجودك وطلتك غييير

والله كل شيء عجبني لكن الشموع حلوة وتاريخ

السعر ممتاز على الخدمة

متابع واياك وترد لنا بالسلامة

هولمز

نووووووووور الموضوع
ياهلا ومرحبا والله بالغالي
وجودك انت وطلتك البهيه

تابعني يا الغالي وفالك طيب ان شاء الله

تشرررف

وجهات أوروبية · 21-09-2015, 06:18 PM

اقتباس : المشاركة الأصلية كتبت بواسطة طارق عنايات

ابداع كامل ابو سعد

تقرير خرافي

اظن انك راح تشجع كثير على التجربة

احساس غريب لدي بان داخل الكروز ضيق جدا ؟؟

هل احسست بالضيق داخل الكروز ؟؟

برايك المدة كافية ام قليلة ؟؟

مستمتعين بابداعك

مرحباااا دكتور منورني يا الغالي
الابداع مرورك وتعليقك دكتورنا
اتمنى راح اشجع المترددين هههه
لا والله مب ضيق وسيعه مريحه جدا
وانا قلتها قبل لدرجه ان ناس ماتنزل معانا تقعد بالكروز لين الرحله الي بعدها من الوناسه الي داخل
المده الي اخذتها توفقت فيها وايد
وانصح بنفس المده لا اقل ولا اكثر

اكثر يمكن الواحد خلاص يتعود على المكان ويبغي يغير
حلاته تستمتع بحلاوه المكان وتطلع منه وانت للحين مستمتع بدون تشبع
والمده القليله ماراح تزور اماكن كثير
يعني لو تاخذ 3 ايام بروح منطقه او منطقتين بنفس البلد
يعني المده مناسبه جدا لاهي قليله ولا كثيره

شرفت يا غالي

اقتباس : المشاركة الأصلية كتبت بواسطة |القحطاني|

والله شيء رهيب برضوا نفس كلام بو غسان

السعر معقول مقابل هالأشياء الجميلة

والله شيء رهيب .. خصوصا مثل هالمواضيع للعرب غير متواجدة بكثرة في اي منتدى

الله يسعدك .. حمستنا .. أتحدى إذا ما نقص وزنك على هالطلعة والنزلة ههههه

مشكور الفيديوهات كلها رهيبة رغم ان فيديو المطعم طويل بس شيء رهييييب

الله يعطيك العافية

هلاااااا بوقحط منوووووورني والله هههههه
الله يعافيك يارب
السعر اشوفه مقبول جدا الحمدلله
ويسعدك دوم يارب
دامك تحمست يبغيلك ترتب لك رحله وتجربها راح تستانس وتغير جو ان شاء الله
بالعكس زاد وزني 4 كيلو
الاكل منوع و 24 ساعه ومجاني
كل اشوي تحصلني بالمطعم ههههههههههههه

تسعدني مشاركتك يا غالي

اقتباس : المشاركة الأصلية كتبت بواسطة ابو سلوى

تقرير رائع وممتع مشرفنا العزيز/ qa6ar911 ..
رحلة ومغامرة شيقة في أعماق البحار ..

يتجلى فيها عظمة الله سبحانه وتعالى والتفكر في ملكوته عز وجل ..

{ اللَّهُ الَّذِي سخَّرَ لَكُمُ الْبَحْرَ لِتَجْرِيَ الْفُلْكُ فِيهِ بِأَمْرِهِ وَلِتَبْتَغُوا مِن فَضْلِهِ وَلَعَلَّكُمْ تَشْكُرُونَ } (12) سورة الجاثية.

بانتظار بقية التقرير

مرحباا والله منووور ابوسلوى الذوق
شيقه وممتعه لاقصى درجه
سبحانك ربي ما اعظمك

ابشر بسعدك تابعني وفالك طيب ان شاء الله

وجهات أوروبية · 21-09-2015, 06:46 PM

اقتباس : المشاركة الأصلية كتبت بواسطة ابو سلوى

أخي الغالي/ qa6ar911 ..
لي ملاحظة على أثاث السويت ليست بتلك النظافة والفخامة مقارنة بالسعر .؟؟

أو الشوف شجر

مواصلين معك

اثاث السويت نظيف والمكان نظيف
لكن ماتحسه بذاك الفخامه لما تشوف اعلى سويت باي فندق راقي
علينا ماننسى ان حنا في سفينه ويختلف اثاثها عن الفنادق
لان السفينه ممكن بأي وقت تتحرك يمين وشمال والاثاث لازم يكون ثابت والاجزاء المتحركه قليله
يعني يكون اثاث قوي وجامد يعني كلشي عندهم مدروس بنوعيه الاثاث وباقي الامور

اقتباس : المشاركة الأصلية كتبت بواسطة توبليرون

حلووة يابو سلوى الشوف شجر هههههه
بس والله وناسه الكروز توني اقول لابوحسين
يقول بجم يكلف ؟؟
انت حاط السعر بس جم بالكويتي ؟؟
الصور والشرح والفيديوات عجيييبه وتشووق
متى تنصح نحجز فيه الوقت المناسب اذا ناس تحب السباحة ؟؟
وبانتظار البحرررر
اي نفس فكرة ابرار على قط الخيط للحداق ... هل مسموح وفي اماكن مخصصه للصيد ؟

خبرك عندنا واحد يحب يحدق بالخيط والميدار

ياهلاا ام حسين

تقريبا يكلف 8500 دينار كويتي
طبعا السعر يختلف من وقت لأخر
يمكن نفس السويت بنفس الخط لكن تاريخ اخر يكون اقل او اكثر من هالسعر
ومرات يسوون تخفيضات
حددي لي الاوقات المناسبه وانا بشوف لج اذا في تخفيضات او شي

وسلمي على بوحسين سلام كثير
وقولي لها لين متى بتجمع بالفلوس
زهبي اغراضج خليه يوديج ويحجز لي رحله على حسابه اي مكان ههههههه
الله يطول بعمره ان شاء الله ويحفظه اتغشمر

بالنسبه للوقت المناسب بعد وقتي انا
يعني اخر شهر 9
لان كان الجو حار بزياده لو بتنزلون في اي مدينه
يعني يكون من نص شهر 9 الى نص شهر 10 مناسب جدا
انا لو رحله الشمال الاوروبي
ممكن تخلونها بدايه شهر 9

هههه لا مينفع الحداق بالكروز
حتى لو تسمحون يخيوط بعد ماينفع لها كلش
لكن اذا نزلتو بمنطقه ممكن تحدقون هناك
واحتمال مايكون مسموحه الحداق بالسفينه

شرفتي ام حسين

اقتباس : المشاركة الأصلية كتبت بواسطة أم ريمه

الله على هالاجزاء الخطيرة
يالله كمل و شجعنا اكثر
و ذنبنا على رقبتك اذا زنينا على ازواجنا يودونا كيفك عاد

جزء برشلونه جميل
سكنا عند الميناء في فندق نسيت اسمه من الموقف الخايس الي صار لي فيه
والقرية الاسبانية لما رحتها مرينا عند نفس اللي تنسج الشالات
ذكرتني بالشال الي شريته ما ادري وين خليته للحين ما استخدمته !!!

يالله بانتظار فعاليات الكروز ...
يعني شنو فيها غير المطاعم و الكوفي شوبز ؟؟

هههههههه ياهلا ومرحبا ام ريمه
منووووره

اي خليها بذنبي اذا بتستمتعون
طرشي ازواجكم صوبي وانا بشجعهم واخليهم يحمسونكم عليها
قولي له بوسعد يسلم عليك ويقولك ودنا هههههههه

تشجعي وروحي وخبريني لما تعزمون عشان ارتب لكم
وانا ان شاء الله بنزل موضوع استفسارات عن رحلات الكروز
وراح اجاوبكم على اي استفسار تبغونه
او ارتب لكم حجوزات واساعدكم فيها بأذن الله

اي يحليله الي تنسج
هذي شفناها وقت طلعتنا من هناك المغرب
يحليلها تشتغل بروحها وبهدوء بس مادخلنا عندها شفتها من برع

هذا انتر يا الحريم تشترون وتخزنون تخسرونا احنا الرياييل محد يعرف هالموضوع الا مديرنا بوخالد ههههههههه عليك الف الف عافيه ان شاء الله تتهنين فيه

غير المطاعم والكوفي شوب
فيها جم وفيها بركه السبحه ومعظم النشاطات فيها
وفيها تقريبا مسرحين
بعظها عروض موسيقيه
وبعظها حلقات كوميديه وبعظها العاب خفه يد وغيرها
وفيها صالون نسائي وسبا نسائي واستديو تصوير احترافي يعني يسوو الصور بالكرتون حلو جدا ومحلات عطورات وشنط وملابس واكسسوارات
وعازف بيانو وكوفي شوب ثلجي ايس بار
راح تشوفينه بتقرير وذا بتذكرت بذكر لج غيرها

فعاليات الكروز ماراح اذكرها كثير لان بعظها ممنوع التصوير وبعظها ماقدر احطها بالموضوع

تسعدني متابعتج ام ريمه

اقتباس : المشاركة الأصلية كتبت بواسطة ابو عبدالله

ماشاء الله تبارك الرحمن ... جميل مره منك ابو سعد ذكر كل التفاصيل مع انه بيتعبك كثير وبالنسبة لي لو بتقول لبست وسرحت شعري ولبست جزمتي وسحبت شنطتي البنية ماعندي مانع احب التفاصيل ...
- اضافة لاستفسارت الشباب اللي قبل :
- اصوات فعاليات السفينه توصل للغرف ؟
- فيها صالات قمار او لا ؟
- خدمة الغسيل مدفوعه او مجانية ؟ او لك حد معين
الله يعينك علينا يا بو سعد بس بس شغلك والله زين ماشاء الله تبارك الرحمن وانت سمح ونبي نزعجك شوي بالاسئلة ...

مرحبا مميزنا الغالي منووووووووورني

تسلم لي يا ذووووووق هههههههههههه
اعرف من تقصد بوشنطه بنيه مهند
هذا جوه غيررررر ههههههه

افا عليك ولا تزعل سحرنا الشعر ولبسنا خفيف عشان الجو حار
ههههه يكفي صح

هذا البس الانسب بالكروز عشان قد ماتقدر خفف وخاصه اذا كان الجو حار وبحر

العاب

قصدك بروشرات و اوراق عن النشاطات في هذا اليوم !!
اذا قصدك اي توصل للغرف وبعد قبل الرحله يحطونها لك بالموقع وبتكون عارف النشاطات قبل لاتروح الكروز
وكل يوم بالليل قبل لاتوصل اي منطقه يحطون على غرفتك تفاصيل المدينه الي بنوصلها الصبح وباقي المعلومات عنها ومتى ننزل ومتى نرجع ومن ها الامور

اي للأسف فيها صاله قمار مفتوحه يعني وماخذه حيز بالسفينه اجهزه للقمار والروليت وبلاك جاك يعني كل شي ههههههه

ماجربت خدمه الغسيل او التنظيف عندهم
بس اكيد غير مدفوعه يعني مايشمل مع التذكره حسابه غير ولازم تدفع
افا عليك يا غالي اي استفسار لاتردد انا في الشوفه يا غالي

شرفتني

توبليرون · 22-09-2015, 12:42 AM

بو سعد من صجك 8500 دينار كويتي
خخخخخخخ شوف انت حاط السعر ٢٨الف ريال قطري صح

يعني بيطلع جذيه

وهذا بالدولار مثل ما انت ذاكر انه = ٧٥٠٠ دولار

والله قلت اشدعوووة مع تذاكر الطيران والانشطة بيطلع ١٠٠٠٠كويتي والا اكثر

Umhusoon
ارسلت بواسطة Tapatalk

هاوية الاسفار و قطرية كول معجبون بهذا.

اوروبا عشقي · 22-09-2015, 01:12 AM

شكرا

وجهات أوروبية · 23-09-2015, 02:15 PM

اقتباس : المشاركة الأصلية كتبت بواسطة توبليرون

بو سعد من صجك 8500 دينار كويتي
خخخخخخخ شوف انت حاط السعر ٢٨الف ريال قطري صح

يعني بيطلع جذيه

وهذا بالدولار مثل ما انت ذاكر انه = ٧٥٠٠ دولار

والله قلت اشدعوووة مع تذاكر الطيران والانشطة بيطلع ١٠٠٠٠كويتي والا اكثر

Umhusoon
ارسلت بواسطة Tapatalk

هههههههههههههه السموحه ام حسين على الخطأ

من استوينا وانعرف ان الدينار الكويتي تقريبا مابين 13 الى 14 ريال قطري

وحسبتج صحيحه انا اخطأت في الحسبه
بحرق شهادتي البكالوريوس في الاداره الماليه
اداره ماليه وجبت العيد ههههههه

الا حسبتج صح وميه بالميه تطلع لكم 2000 و اشوي
ويمكن تحصلونها ارخص اشوي او اغلى حسب وقت الرحله

واذا عندج اي استفسار ان شاء الله بفتح موضوع جديد وبتلقى الاستفسارات والرد عليها

بالتوفيق يارب

المواضيع المتشابهه
الموضوع	كاتب الموضوع	المنتدى	مشاركات	آخر مشاركة
رحلات الكروز cruise Tasik فى بحيرة بوتراجايا الرائعة	أبوعبدالله (الاسفار )	ماليزيا	16	07-12-2017 05:40 PM
[ تقرير ] مرسى الأحلام .. عُرس في شاطئ جازان .	عاشق الخالد	بوابة السعودية	16	14-04-2015 03:18 PM
اريد قائمة لاسماء شركات الكروز من تقوم برحلات على المضايق النرويجية وجزيرة ايسلندا	غرام الامل	بوابة اسكندنافيا	3	25-02-2015 03:00 PM