X سُعداء بتواجدكم بيننا ونتمنى لكم قضاء وقت ممتع ، نأمل منكم زيارة صفحة شروط الإستخدام ، تفضلوا مشكورين بالتسجيل*** اضغط هنا *** لإثراء الجميع بخبراتكم السياحية
Loading...





عدد المعجبين63الاعجاب
إضافة رد
 
LinkBack أدوات الموضوع انواع عرض الموضوع
قديم 05-10-2015, 03:43 AM   #11

مسافر متألق

الصورة الرمزية ali pontiac
 
تاريخ التسجيل :  Jun 2015
رقم العضوية : 4372
الدولة : الـبـحـريـن
الجنس : ذكر
المشاركات : 427



افتراضي


اليوم الرابع


اليوم الرابع مخططين نروح قصر فرساي Palace of Versailles

في قوقل ماب يبين لنه انه نركب المترو من محطتنه Argentine ونبدل في Franklin D. Roosevelt وننزل في اخر محطه الي اهيه pont de sevre وتالي تاكسي مدة 15 دقيقه ونوصل

المهم ركبنه المترو و وصلنه أخر محطه تمشينه حق نشوف علامة التاكسي، ولا شفناها ولا شفنه تاكسي !! رجعنه العكس الشارع الثاني ، وسألنه وحده وقلت لنه يم الـ Book shop ، وماشفنه زوجتي صادها يأس ، وقلت لها صبري تمشينه لي جسر وتالي خلاص شارع رئيسي ومافي شي ،، وصادني انه اليأس قلنه خلاص ضيعنه وقت وايد وبنرجع

ورجعنه بخيبة امل ، كنت اشوف صور المكان ويبين روعه



بس خذيت هالصورتين من فوق الجسر









ورجعنه الشانزلزيه، زوجتي كانت تقولي عن مطعم اسمه Laduree من اول ماوصلنه باريس تبقي تروحه ، المطعم مزدحم وبصراحه ماعجبنه ابدا كانت تجربه سيئه ولا صورت الأكل ولا المطعم ابد ما عجبني.

رجعنه الفندق وطلعنه تالي رحنه Bercy Village مكان جميل جدا محلات ومطاعم





خذيت لي كريب لوتس




















وفي وره المحلات سوق المزارعين ويبيعون اشياء عضويه اعتقد لأنه الويكند







انواع من العسل



صابون عضوي





ياكلون حلزون


















ودحلنه حديقه مقابله bercy village












عجبوني ذي الشقق






المكان عجبني واحس جوه الصبح حلو حق افطار او كووب كوفي


تالي ظلم الوقت و صار خاطرنه في اكل هندي ورحنه مطعم هندي اسمه New Balal






المطعم حلو ، انه احب الأكل الهندي ، الطعم موجود بس مب غني بالبهارات والنكهات.


هذي نهاية اليوم الرابع



يتبع ،،،

 


التعديل الأخير تم بواسطة ali pontiac ; 05-10-2015 الساعة 04:11 AM
ali pontiac غير متواجد حالياً   رد مع اقتباس
قديم 05-10-2015, 05:16 AM   #12

مسافر متألق

الصورة الرمزية ali pontiac
 
تاريخ التسجيل :  Jun 2015
رقم العضوية : 4372
الدولة : الـبـحـريـن
الجنس : ذكر
المشاركات : 427



افتراضي


اليوم الخامس



اليوم الخامس واخر يوم في قلب باريس حق نروح Val d'Europe المنطقه الي فيها ديزني لاند

في هذي اليوم كان تاريخ 27 سبتمبر واهوه car free day يوم بدون سيارات في بعض الشوارع لتقليل التلوث

في البدايه رحنه انتفطر في مطعم اسمه Break fast in america






طلبي هوت جوكلت و بوريتو ، و زوجتي اومليت بالجبن






عقب ما اكلنه رحنه الشانزلزيه انشوف الوضع









ورجعنه الفندق ومن قبل مجهزين الشنط حق نسوي Check out خذناهم وخلصنه امورنه مع الفندق وتمشينه لي محطة charles de gaulle فيها خط RER على طول يوصل ديزني لاند







نزلنه عند المحطه الي قبل الأخيره الي اهيه محطة val d'Europe وتمشينه الى الفندق ، المنطقه عجبتني واحنه نتمشى حديثه وهادئه و نظيفه وانه افكر في الفندق الي حجزته اسمه Hi park اقول في نفسي احس تسرعت وانه احجزه لنه كان في تقييمات سلبيه لكن يوم وصلت انصدمت الفندق نظيف و ممتاز جدا، خيروني بين سوفا تصير سرير والحمام بانيو ، او سرير دبل وشاور بدون بانيو، اخترت سرير دبل.














والغرفه تطل على بركة سباحه




نزلنه حق نروح ديزني لاند ، الفندق عطونه ورقه فيها مواعيد الباصات الي توصل حق ديزني و من ديزني الى الفنادق

وصل الباص الوردي وركبنه ورحنه ديزني لاند ، خذينه تذكره 3 ايام بسعر يومين hooper ticket حق دخول الحديقتين في نفس اليوم

على طوول رحنه لعبة hollywood tower نجدد الذكريات ، و صار الحظ سبحان الله جلسنه في نفس المكان الي جلسناه في ديزني لوس انجلوس


وهذي اللعبه قويه




لعبنه شويات بس وطلعنه ، وركبنه الباص الوردي و تحرك الباص ونزل الناس فنادقهم ورجع ديزني لاند شسالفه ؟؟؟ ركزت في الورقه الي الفندق عطونه وطلع الباص مرقم وباصنه رقم 50

رجعنه عند الفندق ، عند فندقنه في مجمع وفي يمه outlet



المكان في الليل هاااااادئ جدا جدا

وهذي بوابة المجمع



تعشينه في مطعم نورا اتوقع كل زوار باريس يعرفونه واكله لذيذ




وتالي حلينه في مطعم مقابله و كلنه هذي السويت ، و كل يوم في الليل صرنه ناكله ادمنه عليه





وهذي نهاية اليوم الخامس

يتبع،،،

 


التعديل الأخير تم بواسطة ali pontiac ; 05-10-2015 الساعة 06:05 PM
ali pontiac غير متواجد حالياً   رد مع اقتباس
قديم 05-10-2015, 08:24 AM   #13

مجلس الإدارة

 
 
تاريخ التسجيل :  Dec 2014
رقم العضوية : 15
المشاركات : 15,812



افتراضي


تسلم
عجيبه الزحمه في الشانز او الصور قريب الاوبرا

لوكسمبورج هادئه وحلوه


تعجبني مثل عروض المزارعين ما جربت وشريت منهم شيء مث لالعسل او الصابون

اعجبك مطعم نورا

 

توقيع : فيصل

الْحَمْدُ لِلَّهِ الَّذِي بِنِعْمَتِهِ تَتِمُّ الصَّالِحَاتُ

معرفاتنا بوسائل التواصل الإجتماعي


نقره لعرض الصورة في صفحة مستقلةنقره لعرض الصورة في صفحة مستقلةنقره لعرض الصورة في صفحة مستقلةنقره لعرض الصورة في صفحة مستقلةنقره لعرض الصورة في صفحة مستقلة

فيصل غير متواجد حالياً   رد مع اقتباس
قديم 05-10-2015, 08:42 AM   #14

مشرفة سابقة

الصورة الرمزية fanda
 
تاريخ التسجيل :  Dec 2014
رقم العضوية : 45
الدولة : Bahrain
الجنس : انثى
المشاركات : 2,657



أوسـمـة: fanda

كل الاوسمة:1 (more»)
افتراضي


خساره ما زرتوا فرساي
لو انك منزل برنامج مترو باريس كان ساعدك في طريقك

بيرسي حلوه للتمشي وسوق المزارعين بعد حلو تشوف منتجات محليه

لادوريه ما عجباك ؟!!!!! ريوقهم روعه بالنسبه لي والماكرون تووب

فندق ديزني باين عليه جيد ، الغرف نظيفة وموقعه حلو
هل الباص الى ديزني مجاني ؟!
التذاكر بالعرض الي شريته من النت او الفندق او البارك نفسه ؟!

متابعين

 

محمدويوسفمعجبون بهذا.

توقيع : fanda

غارقة في نعمك يا الله ... فلك الحمد حتى ترضى
أم ريم نقره لعرض الصورة في صفحة مستقلة
fanda غير متواجد حالياً   رد مع اقتباس
قديم 05-10-2015, 06:21 PM   #15

مسافر متألق

الصورة الرمزية ali pontiac
 
تاريخ التسجيل :  Jun 2015
رقم العضوية : 4372
الدولة : الـبـحـريـن
الجنس : ذكر
المشاركات : 427



افتراضي


اخوي bufahad اسف على ردي المتأخر نوع العدسه efs 18-135mm

اخوي فيصل شريت من عندهم عسل للوالد و زوجتي شرت صابون من عندهم ، العسل غريب يقولي الوالد خفيف وكانه زبادي، وانواع وايد عندهم

اختي Fanda هذي الرابط فيه صور للفندق الي سكنته في باريس

Acacias Etoile Hotel (Paris, France) - TripAdvisor

وبالنسبه لفرساي فعلا خساره، اي والله لادوري ماعجبني احنه رحنه حق وجبة غداء ، زوجتي قالت يمكن الريوق والسويت حلو ، انه خذت كلاب سندويتش وطبقها دجاج ماعرف شنو بس شكله ماكان يشجع وطعمه استغفرالله ماعجبنه.

الباصات مجانيه كل نص ساعه تقريبا في باص من الساعه 8:30 ونص الصبح الى 11:30 مساء

تذاكر ديزني شريتهم من موقعهم قبل السفر هذي الرابط

https://www.booktickets.disneylandpa...d=32454335543R

 

محمدويوسفمعجبون بهذا.

التعديل الأخير تم بواسطة ali pontiac ; 05-10-2015 الساعة 06:43 PM
ali pontiac غير متواجد حالياً   رد مع اقتباس
قديم 05-10-2015, 09:33 PM   #16

مشرفة سابقة

الصورة الرمزية fanda
 
تاريخ التسجيل :  Dec 2014
رقم العضوية : 45
الدولة : Bahrain
الجنس : انثى
المشاركات : 2,657



أوسـمـة: fanda

كل الاوسمة:1 (more»)
افتراضي


شكرًا عالتوضيح

 

توقيع : fanda

غارقة في نعمك يا الله ... فلك الحمد حتى ترضى
أم ريم نقره لعرض الصورة في صفحة مستقلة
fanda غير متواجد حالياً   رد مع اقتباس
قديم 05-10-2015, 11:43 PM   #17

مسافر متألق

الصورة الرمزية ali pontiac
 
تاريخ التسجيل :  Jun 2015
رقم العضوية : 4372
الدولة : الـبـحـريـن
الجنس : ذكر
المشاركات : 427



افتراضي


اليوم السادس



اليوم السادس يوم خفيف رحنه المجمع وتغدينه في هذي المطعم الأيطالي





هذي النوتيلا عجيب





لاحظت عندهم دراجات هارلي دافيدسون بكثره مع اني ماتوقعت بشوف لهم شعبيه في ديره اوروبيه




رجعنه عند الفندق وكربنه الباص ورحنه ديزني لاند










الناس تنتظر العرض



عجبني الجوكلت
















هذي اللعبه كانت قويه بس مزعجه




الكل في ديزني يفرح ويستانس بس الأطفال جوهم غير و وناستهم اكثر
















ظلم الوقت وبيبتدي العرض





























طلعنه من ديزني ورحنه المجمع و تعشينه في مطعم صيني ، اكله حلو






وانتهى اليوم السادس يتبع ،،،،

 

ali pontiac غير متواجد حالياً   رد مع اقتباس
قديم 06-10-2015, 12:49 AM   #18

مسافر متألق

الصورة الرمزية ali pontiac
 
تاريخ التسجيل :  Jun 2015
رقم العضوية : 4372
الدولة : الـبـحـريـن
الجنس : ذكر
المشاركات : 427



افتراضي


اليوم السابع و الأخير



اخر يوم رحنه شوي الأوتلت وتمشينه عند البحيره الي قرب الفندق

ساحة المجمع واحنه رايحين الأوتلت






ماصورت في الأوتلت ، الأوتلت محلاته ممتازه وماركات متخلفه بس توقعته اكبر


هذي صور من عند البحيره



















ركبنه الباص ورحنه شوي ديزني وخذنه سندويتشات من Earl صاير اخر مطعم في Disney village






رجعنه الفندق وجهزنه الشنط حق المغادرة في صباح اليوم الي بعده، كنه ناويين نروح المطار بالقطار ، بس كنه خايفين نتأخر ، وكلمنه الفندق يجهزون لنه تاكسي ياخذنه الصبح من الفندق.وكلنه اخر وجبه في نفس المطعم الأيطالي الي في المجمع.

وانتهت الرحله


حبيت اشكر كل الأعضاء الي ساهمو في المنتدى في طرح رحلاتهم و مواضيعهم للفائده ، الأخت FANDA موضوع اين تذهب في باريس و مترو باريس فادني وايد وعرفت خطوط المترو واستخدام الجهاز حق شراء التذاكر

http://www.arabtrvl.com/vb/t1435.html


http://www.arabtrvl.com/vb/t752.html





الأخ qa6ar911 والأخ أرجنتيني للأبد الف شكر لكم في مساعدتي اختيار بطاقة الجوال


استفدت من walters world والتر مسافر اهوه و عائلته و لهم فيديوات مفيده في اليوتيوب عن الدول الي سافرو لها وانصح بمتابعته مفيد و ممتع

هذي رابط قناة والتر على اليوتيوب

https://www.youtube.com/user/woltersworld


بعض اصحابي يسألني كيف كانت فرنسا؟؟ انه اقول لهم ماقدر اتكلم عن فرنسا ، فرنسا كبيره وانه شفت باريس فقط ويمكن جزء بسيط الي انه شفته من باريس ، الحياة فيها ماتختصر على شارع معين او منطقه معينه باريس كلها حيويه ونشطه بمحلاتها ومطاعمها والكوفي شوبات

التكلفه الاجماليه للرحله التذاكر بالسكن بالمواصلات بالأكل كاااامل كااامل 1140 دينار

الشعب الفرنسي يحب التدخين ، ويحب يجلس في المطاعم فتره طويله احنه ناكل و نمشي وهم جالسين يتكلمون ، مو الكل يتكلم اللغه الأنلجيزيه وماشفت اي نوع من العنصريه ابدا وحياتهم بسيطه.

شكرا لكم جميعا و سامحوني على التقصير









 

ali pontiac غير متواجد حالياً   رد مع اقتباس
قديم 06-10-2015, 04:54 PM   #19

مجلس الإدارة

 
 
تاريخ التسجيل :  Dec 2014
رقم العضوية : 15
المشاركات : 15,812



افتراضي





صوره رائعه كروعتك

الشعب ما فيه عنصريه صراحه
لاحظت الأكل يمكن أسرع شعب العربي بالأكل ويمكن الخليجي أكثر

كل الشكر لك علي التقرير
وحقيقه ام ريم وقطري شايلين البوابه الله يجزاهم خير وارجنتيني زيارته لنا مؤخرا محل تقدير وخبير معروف

 

محمدويوسفمعجبون بهذا.

توقيع : فيصل

الْحَمْدُ لِلَّهِ الَّذِي بِنِعْمَتِهِ تَتِمُّ الصَّالِحَاتُ

معرفاتنا بوسائل التواصل الإجتماعي


نقره لعرض الصورة في صفحة مستقلةنقره لعرض الصورة في صفحة مستقلةنقره لعرض الصورة في صفحة مستقلةنقره لعرض الصورة في صفحة مستقلةنقره لعرض الصورة في صفحة مستقلة

فيصل غير متواجد حالياً   رد مع اقتباس
قديم 06-10-2015, 07:01 PM   #20

مسافر متألق

الصورة الرمزية ali pontiac
 
تاريخ التسجيل :  Jun 2015
رقم العضوية : 4372
الدولة : الـبـحـريـن
الجنس : ذكر
المشاركات : 427



افتراضي


ما عليك زود اخوي فيصل اسعدني مرورك يا الغالي

 

ali pontiac غير متواجد حالياً   رد مع اقتباس
إضافة رد

أدوات الموضوع
انواع عرض الموضوع

تعليمات المشاركة
لا تستطيع إضافة مواضيع جديدة
لا تستطيع الرد على المواضيع
لا تستطيع إرفاق ملفات
لا تستطيع تعديل مشاركاتك

BB code is متاحة
كود [IMG] متاحة
كود HTML معطلة
Trackbacks are متاحة
Pingbacks are متاحة
Refbacks are متاحة


المواضيع المتشابهه
الموضوع كاتب الموضوع المنتدى مشاركات آخر مشاركة
يومياتي في استراليا سبتمبر 2015 آخـــرفـــرصـــة بوابة استراليا ونيوزلندا 149 15-09-2018 07:30 AM
ملاحظات ماليزيه من رحلتي سبتمبر 2015 Al-Hajri VIP بوابة ماليزيا 57 17-07-2018 06:06 AM
تقرير رحلتي الى جورجيا سبتمبر 2015 عيونك بوابة جورجيا و اذربيجان 30 11-07-2018 12:05 PM
تقريري عن بوكيت الساحره سبتمبر 2015 mustafa_bh بوابة تايلند 126 08-03-2018 10:21 PM
رحلتي القادمة الى تركيا سبتمبر 2015 mahmood تركيا 9 28-07-2015 10:47 AM

الساعة الآن 11:52 AM
Powered by vBulletin® Copyright ©2000 - 2024, Jelsoft Enterprises Ltd.
Search Engine Friendly URLs by vBSEO