موقف طريف فى السفر .. كلما طريته ضحكت !!!

غلاتي · 12-01-2015, 02:17 AM

صباح الاحراجات

الله يسعدكم على المواقف الحلووة
اللي تضحك واللي تحرج واللي تتكرر مع الاغلبيه زي الطيحات وركوب السيارة الغلط
جاء دوري

عندي سالفتين سالفه بقولها لكم الحين وسالفه بذكرها لكم بعدين واللي زاعلني اخوي عليها شهر مايكلمني لأني مقلبته يابوي

نجي للسالفه الاولى وموقف ما انساه طول عمري

مرة كنا مسافرين انا وزوجي واخت زوجي وزوجها
طول السفرة وانا مضغوطه شوي منيب ماخذه حريتي كامله
كلامي بهمس وضحكي بهمس واغلب وقتي مقضيته ودوده
بما انه مستاجرين سيارة وحدة رايحين وراجعين فيها
وفـ يوم كنا طالعين الصبح وركبنا الاصنصير وكانت مساحته
لاهي الوسيعة ولا الضيقه وسط يعني وفجأه حسينا كأنه انفلت بعدين وقف
حاولنا نفتح الباب معيي نضغط الازارير لاحياة لمن تنادي
انا عندي فوبيا من الاماكن الضيقة والمقفوله اول ماتعطل ضاق نفسي ووجهي صار حار
ونقابي حسيته كأن احد ماسك مخده ويحاول يكتم انفاسي فيها
ولا اقدر اشيله ولا اقدراقول شي لان زوج اخت زوجي معانا بنفس الاصنصير
عاد اتخيلوا الوضع : ضغط نفسي طول الرحلة + نقاب كاتم على انفاسي + فوبيا
وش بيولد ؟ اكيد انفجار
وتحولت القطوة الاليفه الى اسد مزمجر
مادريت بنفسي الا وانا اصارخ بصوتي كله وانا اصيح افتحوا الباب جبتولي الضيقه طفشتوني توبه اروح معاكم مره ثانيه
ومسكت معي على شنطة الظهر اللي معلقه زوجي بظهره اسحب فيها واقول شيلها عن وجهي كتمتني
وزوجي يحاول يهديني واخته تحاول تهديني وانا اعيط
لين ماجانا الفرج وانفتح الباب وطلعنا
عاد كنا ساكنين بالدور الخامس وكان باقي لنا يوم بالفندق المشؤوم
لكن اكتشفت ان رياضة طلوع الدرج مفيده جدا
ومن عقب ذا الحادث توبه اسافر مع احد موب محرمٍ لي

المواضيع المتشابهه
الموضوع	كاتب الموضوع	المنتدى	مشاركات	آخر مشاركة
اقتربنا من موسم السفر، ما هوالشيء الوحيد الذي لا يمكنك السفر دونه؟	وليد عنبه	البوابة السياحية	76	09-05-2019 02:25 PM
منتجع The Banjaran Hotsprings Retreat بمدينة ايبوة والحياة داخل الغابات + موقف مرعب	abomishary	ماليزيا	38	21-12-2016 09:09 PM
يا جماعه انحطيت في موقف ومتحيير ابي مساعدتكم	حسين شبيب	بوابة النمسا	6	21-05-2015 11:32 PM
السفر من زيلامسي	fahad15	بوابة النمسا	1	19-05-2015 02:10 PM
مسافر من أبو ظبي, أين أحصل على موقف للسيارة؟	أبو حسين	بوابة الامارات	6	08-05-2015 09:11 AM