سحرني حلاها و قلبي هواها و ابتلى ( الكويت 2015 ) - الصفحة 2

قصة حب · 03-02-2016, 11:44 AM

حياااااااااااااااااااااااااا الله من زرانا

اسفرت وانورت

والحمد لله على سلامة الوصول

ولو اني ما احب طريق البر اخاف منه والسبب السرعة

بس لو يحصل لي اتحمل واروح عشان زوجي

والسيارة افضل حتى تكون الطلعة والمشاوير والوناسة على راحتكم

يا زين كويتنا زيناه وانتم اهلنا وحبايبنا

حلو الفندق عجبني وايد وسعره ممتاز

ومثل ما قالت ام حسين حسيت اني في بيتي

متابعينك اكيد وبقوة ،،

هاوية الاسفار, توبليرون, OLGA و 3 آخرون معجبون بهذا.

هاوية الاسفار · 03-02-2016, 11:49 AM

اقتباس : المشاركة الأصلية كتبت بواسطة قصة حب

حياااااااااااااااااااااااااا الله من زرانا

اسفرت وانورت

والحمد لله على سلامة الوصول

ولو اني ما احب طريق البر اخاف منه والسبب السرعة

بس لو يحصل لي اتحمل واروح عشان زوجي

والسيارة افضل حتى تكون الطلعة والمشاوير والوناسة على راحتكم

يا زين كويتنا زيناه وانتم اهلنا وحبايبنا

حلو الفندق عجبني وايد وسعره ممتاز

ومثل ما قالت ام حسين حسيت اني في بيتي

متابعينك اكيد وبقوة ،،

الله يحييج و يسلمج
بالعكس انا وايد أحب طريج البر و اذا تعودتي عليه بتحبينه
بس عاد اسمحيلي شوارعكم هي اللي تخوف ما ادري متى بيعدلونها
تسلمين و مشكوره على المتابعة

توبليرون و محمدويوسف معجبون بهذا.

هاوية الاسفار · 03-02-2016, 02:15 PM

20 / 12 / 2015

الاحد

ثاني يوم في الكويت

طبعا حجزنا مع ريوق بس احنا نحب نجرب مطاعم الكويت اللذيذه

قمنا الصبح و الاجواء كانت خياليه

و هذا جزء من حصن صغير و اكيد له ماضي يا ليت اللي يعرف يفيدنا و شوفوا على يمينه

المبنى الابيض فندقنا

متجهين الى سوق المباركية

و هاي الابراج على يسار فندقنا نطلع على الشارع الرئيسي و نرجع يوتيرن و يسمونه فوق تحت

و الابراج تكون على اليمين

وصلنا السوق اقل من 10 دقايق

نزلنا من السياره و مشينا شوي و زوجي دايما يقول انا ما ابرد و اتحمل كل درجات الحراره

و الجاكيت مب راضي يلبسه يخليه في السياره لكن قبل ما ندخل جهة المطاعم قال برجع السياره

البس الجاكيت لانه الجو كان بااااااارد لكن هذا هو المطلوب

خذت كم صوره

المطاعم

فيصل, q8ya metnaqla, توبليرون و 6 آخرون معجبون بهذا.

هاوية الاسفار · 03-02-2016, 02:30 PM

الالعاب كانوا يسوون لها صيانه و الصوره اللي فوق هاي الالعاب جهة المسجد

اخترنا مطعم دلق سهيل اللي متعودين عليه

طلبنا صحنين شكشوكة طبق خاص اللي تشوفونه وياه جبن و مربى و زيتون و زعتر

و شاي حليب و صحن حمص و فول اسمه قدسيه ما ادري مسبحه

الخبز حااااااااااار و توه طالع من الفرن

جبد مشوي ( كبده )

الحمدلله خلصنا و انطلقنا داخل السوق للتسوق

و هذا المكان توني اشوفه كله تفصيل عبايات و عداله خياطين الاثواب الرجاليه و لازم كل مره نفصل

سرداب و نزلت اشوف اللي عندهم

و هني لازم نفصل كم حصير و فصلت احجام كبيره و اشتريت جاهز

و احلى شيء المواعين ما نشبع منهم

و هذا محل العصير لازم زوجي كل مره ياخذ عصير قصب السكر

سوق الحريم و يفتح العصر

فيصل, أبو مهاب, q8ya metnaqla و 7 آخرون معجبون بهذا.

فيصل · 03-02-2016, 02:50 PM

يا عمار يالكويت

هاوية الاسفار, توبليرون, الايمان و 1 آخرون معجبون بهذا.

هاوية الاسفار · 03-02-2016, 03:02 PM

طلعنا من السوق و قلت بمر سوق العربيد اللي يتكلمون عنه الحريم في كل مكان

توجهنا للسوق و ما عرفنا مكانه و سألنا و دلونا عليه

بس المكان مسكر يفتح العصر و ما عرفت وين الخياييط و رجعنا الشقه نريح

المغرب توجهنا لاسواق السلطان عندهم منتجات حلوه و غريبه علينا

اي شيء تبغونه تلقونه عندهم

احب اشوفهم و اصورهم بس من غير ما آكلهم

و بعدها توجهنا لمكاننا المفضل مقهى الشميمري

كابينة الدفع تطلب اللي تبغيه و تدفع و يعطونك مثل عملات و بعدين تتوجه للفرن و تاخذ طلبك

و هني يسوي خبز رقاق

طبعا الجو واااااااااااااااااايد بارد ما قدرنا نيلس برع دخلنا في الغرفة الزجاجيه مسكره و فيها عوايل

ما قدرت اصورها

و هذا غدانا و عشانا

شيش طاووق

كباب لحم

رقاق بالزعتر يمي

و لازم غوري شاي يدفينا

المكان مسكر و يحطون طاولات و كراسي عشان الاكل لكن في ناس الله يسامحهم

عندهم عيالهم يلعبون بالكوره و مسووين ازعاج فضيع و عادي ما يسكتون عيالهم نفس الحاله في الطياره

انا ما احب هالتصرفات في اماكن برع للالعاب و المساحه كبيره لكن البرود و ما يسوي

خلصنا و توجهنا للالعاب مع انه الجو ما يحتمل لكن العيال الا يلعبون

يلسنا شوي و قلنا نشرب شيء يدفينا

و هاي شاشه كبيره في الساحه الخارجية

طلبنا كرك شاي حليب بس طعمه مب حلو

و رجعنا الفندق و ما شاء الله عليه فندقنا كل ما ندخل و نطلع نشوف ربعنا توهم واصلين

كان احتلال اماراتي في الفندق طول فترة اقامتنا

خلص اليوم الثاني و نشوفكم في اليوم الثالث الاجمل

q8ya metnaqla, توبليرون, ملاك و 5 آخرون معجبون بهذا.

q8ya metnaqla · 03-02-2016, 04:28 PM

ياهلا ومرحبا
نورتينا يا ام علي وما سوينا شي افا عليج هذا واجبنا وسامحينا عالقصور [emoji253][emoji253][emoji253]

ماشاءالله شنو هالبدايه الحلووووه من العنوان
الغدير يمي يمي حتى صمونه الكباب لذيذه[emoji108][emoji108]

الفندق ممتاز وسعره احسه وايد زين [emoji1376]
لو سألتينا عن العربيد چان قلنالج اوقاتهم..
ياسلااام عليكم بالعافيه هالاكل الطيب [emoji1374][emoji7]
ياحلوو المباركيه وياحلو بساطتها [emoji170][emoji170]
ماشاءالله خووش صور .. عفيه عليج طحت على سرداب العبي [emoji108][emoji108]

الشوارع صج مشكله عندنا .. بس الحين اشوفهم قاعدين يزفتونهم وان شاءالله يتعدلون [emoji1374]

نورتوا يا ام علي واحلى وقت وقتكم لزيارة الكويت [emoji108][emoji108]
متابعه معاج [emoji253][emoji253]

العرب المسافرون

هاوية الاسفار, توبليرون, الايمان و 1 آخرون معجبون بهذا.

آخر مواضيع q8ya metnaqla

- هُنا إمبــــراطـــوريــ اليــابــان ــــة
- استفسارات اليابان
- رحلة صيفية بحرية في ربوع الجبل الأسود (مونتينيغرو 7/2024)
- حي الله هالقطري حي الله حبه ربى في حشاي .. مانحتاج حق السري سراينا هالجاي
- هنــــــــا سنغــافورة الكفــاح الإصــرار التعليــم التطــور

توقيع : q8ya metnaqla

كويتية متنقله في أعالي جبال الأنديز، قاطعه فيها الإكـــــوادور من الشمــال للجنـــوب

https://www.arabtrvl.com/vb/t49320.html

كنزٌ دفين اكتشافُ ارضٍ ضائعةٍ كنا نعرف بوجودها ولكن لم نستطع الوصول إليها(كولومبيــا)

https://www.arabtrvl.com/vb/t48941.html

مراسلتكم من الاتحاد السوفيتي سابقا (روسيــا 2019 )

https://www.arabtrvl.com/vb/t45053.html

في قصص الشعوب طرائف لاتنتهي وعالم حلو بهي يسكن في القلوب في قصص الشعوب (المكسيـــــك)

https://www.arabtrvl.com/vb/t41667.html

الى الزيتونة وعقبه بن نافع وابن خلدون بلد العلم والثقافة والتاريخ( تــونس الخضـــرا )

https://www.arabtrvl.com/vb/t39247.html

سـكــة سفــر فيهـا مشـاويـر العمــر ( امـريكــا ديسمبــر 2017 )

https://www.arabtrvl.com/vb/t31951.html

كل انسان يصبح شاعرا اذا لامس قلبه الحب : من بلاد الفلاسفه (اليونان)

https://www.arabtrvl.com/vb/t7554.html

هاوية الاسفار · 03-02-2016, 04:57 PM

اليوم الثالث

الاثنين

21 / 12 / 2015

احلى الايام عندي و راح تعرفون ليش

اول شيء درجة الحرارة

اليوم قلنا بنتريق في الافنيوز

درنا و درنا و درنا و ادور مكان تراثي و كله زحمة و اخيرا شفنا

كاشونة البيت مطعم غني عن التعريف و عضواتنا ما قصروا قبل عطونا نبذه عنه

هو الوحيد ما عليه زحمه لانه موقعه شوي داخل

المنيو

طلبنا ريوق المعاريس

عبارة عن بيض و طماط ( شكشوكة ) لبنه بالنعناع و لبنه بالزيت و الزيتون و الزعتر

قيمر مع عسل ( قشطه ) نخي بالطحينه ( حمص ) سمبوسة جبن حمسة جبد ( كبده )

ريوق متكامل و طلبنا بلاليط ( شعيرية ) ملفوفه بالبيض

حليب بالزعفران

و هذا حلو مع الحليب لذييذ

كان في ناس و يوم مشوا صورت المكان

ديكورات المطعم

يلستنا الحلوة اخترناها قديمة

صندوق الفاتوره

الفاتوره وياها حلاوة بنكهة النعناع لذيذة وكانت 13.600 دينار

تمشينا و تسوقنا

توبليرون, ملاك, OLGA و 5 آخرون معجبون بهذا.

هاوية الاسفار · 03-02-2016, 05:11 PM

بعدها توجهنا الى مطعم بيت ديكسون موقعه خلف المارينا و فريج صويلح

ماقدرت اصور الواجهه نشوف داخل المطعم

الضيافه و نسينا ناكلها

نشوف المنيو

طلبنا مجبوس دياي و برياني دياي و سلطة فتوش

عصير ليمون بالنعناع و فيمتو مثلج

بصراحه الاكل ما عيبنا فريج صويلح احلى منه بوايد لكن ناس مدحولنا المطعم و قلنا نجربه

الديكورات عجيبه و روووووعه

دكاكين اول

كابينات

المطعم كان مزحوم و فيه شباب و عوايل وايد ما قدرت اصوره كله

و هاي الجهة فيها خيمة و عريش و متيمعين فيها شباب

خلصنا و توجهنا للفندق نريح و نصلي

توبليرون, ملاك, OLGA و 5 آخرون معجبون بهذا.

هاوية الاسفار · 03-02-2016, 06:02 PM

اقتباس : المشاركة الأصلية كتبت بواسطة q8ya metnaqla

ياهلا ومرحبا
نورتينا يا ام علي وما سوينا شي افا عليج هذا واجبنا وسامحينا عالقصور [emoji253][emoji253][emoji253]

ماشاءالله شنو هالبدايه الحلووووه من العنوان
الغدير يمي يمي حتى صمونه الكباب لذيذه[emoji108][emoji108]

الفندق ممتاز وسعره احسه وايد زين [emoji1376]
لو سألتينا عن العربيد چان قلنالج اوقاتهم..
ياسلااام عليكم بالعافيه هالاكل الطيب [emoji1374][emoji7]
ياحلوو المباركيه وياحلو بساطتها [emoji170][emoji170]
ماشاءالله خووش صور .. عفيه عليج طحت على سرداب العبي [emoji108][emoji108]

الشوارع صج مشكله عندنا .. بس الحين اشوفهم قاعدين يزفتونهم وان شاءالله يتعدلون [emoji1374]

نورتوا يا ام علي واحلى وقت وقتكم لزيارة الكويت [emoji108][emoji108]
متابعه معاج [emoji253][emoji253]

العرب المسافرون

النور نوركم

اخاف يرفعون سعرهم من كثر ما يسالونا الناس عنه و الكل ينصدم يوم نخبره عن السعر
العربيد سألت ام حسين بس ما حمستني مره ثانية ان شاء الله اقعد فتره اطول و اخليكم انتوا تودوني
الله يعافيج و يسلمج
ما تقصرين
شكرا عل المتابعه

توبليرون و محمدويوسف معجبون بهذا.

المواضيع المتشابهه
الموضوع	كاتب الموضوع	المنتدى	مشاركات	آخر مشاركة
سحرني جمالك يا أوريغون	مقدام	بوابة امريكا	39	16-04-2022 05:25 PM
سويسرا ( انترلكن - جنيف - زيروخ - باسل - برن -لوعانو - لوسيرن )	AhmedAlkhoori90	بوابة سويسرا	22	02-02-2016 05:18 PM
سحرني جمالك يا ماليزيا	موج البحر	ماليزيا	9	24-01-2015 03:13 AM