البحرين ...رحت وإلا ما رحت ؟؟ - الصفحة 22

توبليرون · 10-03-2016, 01:15 AM

اقتباس : المشاركة الأصلية كتبت بواسطة namareq

تقرير جميل ومشوق لزيارة البحرين الجميله
صج البحرين صغيرونه بس حلوه واهلها طيبيييين ومؤدبين

ام حسين بالنسبه للحلوى احنا اكتشفنا ان حلويات الخلود وايد افضل من شويطر وهذي كانت نصيحه من اخوانا البحارنه وطلعت في محلها
وفي بعد بهارات شغل بيت عندهم وايد زينه

بانتظار رحلاتكم القادمه

من ذوقج غاليتنا منال
اي والله وهذا اللي حببنا فيها طيبة أهلها

منال الحلوى كل واحد ينصحج بنوع معين ومصنع معين
واحنا كل مره ناخذ من محل غير
والله كلها حلوووه ولذيذه ومنطعه بالهيل والزعفران

اذكر اول سفره لنا البحرين سألنا واحد مار بالشارع
عن احسن حلوى
مدح لنا واحد من محلات الشويطر وقال لنا
مو كل شويطر شويطر
بس كل المحلات هناك الحلوى لذيذه
البهارات اخذنا من نفس المحل

المره اليايه بناخذ من الخلود ونجربها
ان شاءالله تكون رحلاتنا القادمة ابعد واطول وابرد

توبليرون · 10-03-2016, 01:17 AM

اقتباس : المشاركة الأصلية كتبت بواسطة أبوفيصل

الحمدلله على السلامه

والله يعطيك العافية ام حسين عشنا معكم الرحلة

شكرا شكرا

الله يسلمك يابو فيصل
ويعافيك ربي
شكراا على المتابعة الرائعه تشرفنا

توبليرون · 10-03-2016, 01:22 AM

اقتباس : المشاركة الأصلية كتبت بواسطة ملاك

فاتني جزئين
ام حسين اكتشفت اماكن جديدة في البحرين مارحناه هذا والبحرين بجنبي
على طاري المهياوه أفتكر مرة في قطر شفت وحدة في سوق واقف تطلب خبز رقاق وتقول للبايعه حطي مهياوه استغربت ويش دا ماقدرت اسكت وسألتها الا تقولي سمك مجفف وعليه حاجات ثانية هي قالت سمك وانا مافكرت حتى اجربة عليكم بالعافية كل اللي اكلتوه واللي شريتوه
الله يعطيكي العافية عاالتقرير الجميل والصور الجميلة
كنّا مستمتعين معاكم

تسلمين يارب
والتقرير موجود ما يطوف احد نتشرف في مروركم
متى ما حبيتوا تدخلون

المهياوة احنا ما ناكلها ولا نعرفها
بس في عندنا عائلات ياكلونها
هذه الاكلات قديمة ايام ماقبل النفط
وايام الناس تجفف الربيان والاسماك والخضروات لغير مواسمها

والناس تشتهيها الحين
نتشرف في مرورج حبيبتي حياج
ويلا روحي البحرين وجيبي لنا اخبار طيبه واماكن جميله

توبليرون · 10-03-2016, 01:26 AM

اقتباس : المشاركة الأصلية كتبت بواسطة فهد المنيع

الحمدلله على السلامه ..
رحلة خفافيه حلوه .. وتمنيتكم دخلتوا الخبر لو يوم .. لانها مدينة جميلة ومنظمة

اسمحي لي .. ابوحسين ياوسع صدره عليكم هههههه
حتى الناموسه صورتيها هههههه

الله يوسع صدوركم بالعافية ويحفظكم ويخليكم لبعض .

الله يسلمك يابو عبدالعزيز
ان شاءالله الخبر بتكون لها رحله كم يوم مو يوم واحد
انا زايره الخبر مره رحنا سوق الراشد ومره فينسيا اعتقد اسمه جذيه
ههههه الناموسه ما صورتها بس وانا اكتب التقرير كانت تقرص فيني
وبعد ما حطيت الصوره بالتقرير افتكرت ان الاسلاك هي الناموسه هههه وهات ضرب بالشاشه

الله يسلمك ويسعدك
شكراا لتشريفك تقريري

توبليرون · 10-03-2016, 01:34 AM

اقتباس : المشاركة الأصلية كتبت بواسطة مجدي

يا على جزر الامواج
قعدتها جميلة

وكالعادة انت تخصص مطاعم ههه
وكمان فيلم هندي ؟! هه

بس ايش هاي ماء اللقاح ؟

الباعوضة اجت على ريحة البنزين اكيد صح ؟

استمتعنا طبعا يعطيكي العافية

sent from Galaxy Note 5 using Tabatalk

اي جزر امواج القعده روعه وخاصه بالليل والجو الجميل
المطاعم لازم علشان لما تجربون تدعون لي
الفيلم الهندي لابد منه جايين مخصوص له
بس طلع يستاهل المنع
ماي اللقاح

ماء اللقاح صناعة وفوائد صحية

يقصد بصناعة ماء اللقاح هي عملية استخلاص شراب من غلاف طلع النخيل من نوع الساير ، وهذه الصناعة هي نوع من الصناعات الطبية الحرفية اذ يستخدم ماءاللقاح في علاج آلام المعدة وغازات البطن وخاصة عند الأطفال ، وتعتمد هذه الصناعة مواد بسيطة متمثلة بغلاف طلع نخيل الساير عن طريق استخدام مصخنة خاصة لهذه العملية لغرض تكثيف البخار من عملية غلي الماء والطلع معاً وبالتالي الحصول على ماء اللقاح ثم تعبئته في قنان زجاجية ، .

البعوضه اجت من الحديقه
وانا اتشرف بالمرور الممتع
شكراا لك

مجدي و Deena معجبون بهذا.

توبليرون · 10-03-2016, 01:36 AM

اقتباس : المشاركة الأصلية كتبت بواسطة Deena

يعطيك العافية ام حسين .. موضوع متكتك والأهم ما حدا يدخل الموضوع وهو جوعان

الله يعافيك يادينا
تسلمين على المرور الاروع
عبوا بطونكم وتعالو بس اخاف يصير فيكم تخمة
شكراا يا عسل

Deenaمعجبون بهذا.

توبليرون · 10-03-2016, 01:44 AM

اقتباس : المشاركة الأصلية كتبت بواسطة فيصل

لو منك رجعت الحلوي ما دام ما يعطيني قهوه

حلوه السيتي سنتر أخ رمره زرته ما شفت زحمه بأيام الأسبوع

يعجبني أبوحسين ممكن يغير رأيه بأي وقت يعني ما يصلح معه أي برنامج للسياحه ممكن بنص المسافه يقول برجع
مشكله القروبات نفس ما ذكرتي الانتظار واذا مو متفاهمين علي مكان معين
يعني أيش رأيك الصيني يستحق الزياره للشراء أم التمشي فقط

من الصوره تذكرت المارينا في دبي

يعني كل الأفلام تستحق المنع

شكرا لك علي التقرير

تصدق لو مسويتها فيه احسن علشان يحرم يقول مافي قهوة

السيتي سنتر على كثر ما رحت له
ما اعتقد اني لفيته كله
لان في طوابق ما زرتها
بس حلووو
ابوحسين على ما يقرر بوقته ماعنده جداول
للحين لسفرة الصيف مو معطيني الاماكن اللي بيروح لها
اي والله يمكن على عتبة الطيارة يقول يلا مافي سفر ههههه
ما اصدق اني مسافره الا بعد ما تطير الطيارة

صح القروبات فيها تعب وانتظار وتحمل امزجة ونفسيات الغير ،
الصيني والله عجبتني جلسات الحدايق
بس الشحن والحمل يعني يصلح لأهل البلد بس
والباجي بضاعات عاديه
مثل اكسسوارات الموبايلات والملابس صناعه اسيويه والشنط التقليد
ما ادري ماراح اكرر زيارته
يعني تحصل بضاعتهم بالاسواق الشعبيه

الافلام تستحق المنع صح
ولوو التقرير ملك لكم وتوثيق للسفرات
شكراا لتشريفك تقريري

فيصلمعجبون بهذا.

أبوفيصل · 10-03-2016, 02:23 PM

توبليرونمعجبون بهذا.

كتكات783 · 11-03-2016, 09:51 PM

الحمد لله ع السلامة .. عمدتنا ..

تقرير جميل كعادة تقاريرك .. استمتعت كثيراً بشوفة البحرين بتفصيلاتك ..

ربي يحفظكم ويزيدكم من فضله ..

توبليرونمعجبون بهذا.

توبليرون · 12-03-2016, 02:01 AM

اقتباس : المشاركة الأصلية كتبت بواسطة أبوفيصل

شكراا على الورد
والمتابعه الجميله

المواضيع المتشابهه
الموضوع	كاتب الموضوع	المنتدى	مشاركات	آخر مشاركة
فندق كمبنسكي البحرين ـ وحالياً فندق ويستن البحرين	Bu Rashid	بوابة البحرين	28	14-08-2019 09:21 PM
دليل فنادق البحرين و شقق البحرين رقم الهاتف و الايميل	عامر	بوابة البحرين	23	06-10-2018 12:55 AM
هنا البحرين	fanda	بوابة البحرين	56	23-01-2017 01:27 PM
ميس واهل البحرين	q8ya metnaqla	بوابة الكويت	24	06-07-2015 12:38 AM
كل شخص زار البحرين يدخل	Fahad Mandi	بوابة البحرين	26	20-03-2015 01:27 PM