البحرين ...رحت وإلا ما رحت ؟؟ - الصفحة 5

توبليرون · 15-02-2016, 09:59 AM

اقتباس : المشاركة الأصلية كتبت بواسطة رعبوب

هههههههههههههههههههه سالفتكم حفلة خيرها بغيرها

خخخخخخخخخخ حفلة حفلة
تابعني وشوف
منور التقرير يارعبوب مرعب المظلة

توبليرون · 15-02-2016, 10:00 AM

العرب المسافرون
وينكم ...... رجعووا تعالوو شوفوا شنو صار

بعد ما رجعنا من الحدود وردينا النويصيب

طلعنا من الحدود واحنا ضايقة خلوقنا صج
قالو البنات اشلون الحين
خل ندق على واحد من العيال اييب لنا الجوازات واحنا ننطره في مكان قريب

قلت لهم مفاتيح التجوري عندي
بس خل اشوف والا مو عندي للحين بالبيت بالدرج من بعد سفرتنا للعمرة ذاك الشهر
دقيت على دانة وقلت لها طلعي الجوازات من التجوري وعطيهم اخوج اييبهم لنا
ودقينا على الولد وقلنا له تقدر اتييبهم قال اوكي
بعدين قال ابو حسين
لا لا خل نروح البيت ونرجع الفجر
قلت لا بوحسين خل ايبهم الحين
قال لا لا
عاد انا اعرف سوالف بوحسين مسويها فيني مرة من زمااااااااااااان
نام وخلا الطيارة تطير عنا وما رحنا الا بعد ما اخذنا على الويتنغ لست ...بعد ما شبع من النووم

يعني عادي يرجع بكلامه عن السفرة

بس قلت يلا خليها على الله بعد شنسوي
مابي احن بعدين يسويها من صج خخخخخخخخ اخ منكم يا الرياييل

المهم وصلنا البيت وقال بوحسين لا تنزلون شي من السيارة
الفير نطلع
نزلت بس مطاطير الشاي والقهوة

تعشينا مبجر ونمنا مبجر علشان نقعد مبجر
المهم اتصلنا على حسين وقلنا له السالفة
وان الفير بنطلع من الكويت ان شاءالله
الفير وقبل الصلاة انا جاهزة
اذن وصليت وقعدت بوحسين
والبنات قاعدين قبلي بعد ... ودانه هالمره قررت تروح معانا
اخذنا جوازاتنا هالمره ورحنا
الحمدلله بوحسين كان مصمم على الروحة والبال عال العال

وهني الساعة 6،24 دقيقه مقربين على الحدودالنويصيب

وهذه الحدود الساعه الحين 6،30 صباحا

ماكان زحمة مثل الليل

وخرجنا الجوازات
وكمبلي معاي متلحفة عن البرد

ووصلنا هني الساعة 6,36 دقيقة
الله يخلي الأيفون يعطينا وقت كل صورة

وهذه صورة للزحمة من سناب حسين ولدي يعني وقت العصر امس علشان تشوفون الفرق بالزحمة

وقفنا هني بالخفجي بعد المنفذ الساعة 6,50 دقيقة شايفين بسرعة طلعنا من الجمارك

الحين وقت الريوق

ماعنده شي زين

مشينا عنه
شوفو شروق الشمس الخفجاوية

ورحنا لمحطة البنزين وفيها سوبر ماركت نزلت واشتريت منه تصبيرات هههههه

واخذنا بعد شاي حليب من الكانتين

هذه المحطة كنا نتعن لداخل الخفجي علشانه
بس الحين فتحوه عندنا وفتحوه بهالمحطة

احنا بالخفجي

من هني اخذنا شاي حليب
وما لقينا عنده شي يتاكل الا دونات كريسبي كريم

مانبي شي حالي نبي شي مالح جبن يعني

الله يخلي اسواق الجعيدي ما يقصرون كل شي فيها

كان ودي اصور كل شي بس اللي ينطروني بالسيارة حراام وورنا طريج

وهذه التصبيرة وحليبتي

وتوكلنا على الله نكمل طريجنا

ولازم نتسلى بالطريج

كنا هني الساعة 8,30

وهني الساعة 9,30 بالتمام والكمال
على فكرة دخول الجسر صار ب25 ريال او 2,500 فلس بحريني ونفسه كويتي
يعني ربحانين انتو فرق السعر علشان جذيه عطيناكم بالبحريني

وتصوير الجسر مرة يمين ومرة شمال بالكاميرا عاد يعني سامحونا لفووا روسكم معانا

بوحسين يقول لي أكثر وحدة تصور انتي
قلت له علشان عيون حبايبي أعضاء العرب المسافرون

وصلنا الجمارك السعودية

والجمارك البحرينية
الساعة 9,38 مافي زحمة

اخذت الأجراءات تقريبا ربع ساعة

هني الساعة 9,50

لفينا البحرين من فوق

حاشتنا زحمة شوية

هالمكان بالسناب طلع اسمها قرية الزنج

تجريب المواقع واللغو في السناب

ولابد من تنزل اوقات الصلاة في البحرين

ونكمل معاكم بعدين

|القحطاني|, الايمان, ملاك و 16 آخرون معجبون بهذا.

طارق عنايات · 15-02-2016, 10:36 AM

سبحان الله نصيبكم تسافرون ثاني يوم

لو من الاول اخذتم الجوازات

متابعين تقريرك البحريني ام حسين

توبليرون و نانا ابو عابد معجبون بهذا.

|القحطاني| · 15-02-2016, 10:56 AM

هههههه الحمد لله كملتوا على بالي والله رجعتوا وخلاص اذا جت فرصة ثانية بتروحون

متااابع معاااك التقرير

تم الاشتراك >> [emoji18] [emoji477]

Sent from my SM-T705 using Tapatalk

الايمان, توبليرون و نانا ابو عابد معجبون بهذا.

الايمان · 15-02-2016, 12:01 PM

مغامرة حلوه وكل شي خيره عشان دانه تروح معاكم

|القحطاني|, توبليرون و نانا ابو عابد معجبون بهذا.

مسقط الخير · 15-02-2016, 01:57 PM

ما شاء الله وصلتوا البحرين ، كل تأخيرة وفيها خيرة

توبليرون و نانا ابو عابد معجبون بهذا.

ملاك · 15-02-2016, 02:17 PM

ام حسين الله يسامحك علقت عند كلمة فير
ياربي أجيبها يمين شمال الين استوعبت انها الفجر
على قولة امون خيره ترجعون علشان دانة
متابعين متابعين

قصة حب, Deena, توبليرون و 2 آخرون معجبون بهذا.

قصة حب · 15-02-2016, 02:55 PM

ام حسين شنو هالاكشن القوي

صراحة موقفكم يبجي ويقهر

لكن قدر الله وما شاء فعل

خيرة اكيد دفع عنكم شي مو زين

والحمد لله تيسرت ثاني يوم

يمممممممممممممممممه صارت فيني هالصيف بس الحمد لله طرنا يومها

لان جوازات العيال كان فيهم اقل من المسموح باسبوع بس

يومها ويهي قام يطلع الوان والعيال حرام يكسرون الخاطر

ناطرين سفرة تايلند على نار

ربي سخر لنا خوش ريال على الكاونتر وطلعنا على مسئوليته

وسجل اسمه على الكمبيوتر

وانفرجت اسارير العيال وانطلقنا بالمطار نقحص بالسوق الحرة

ويا حلات هنقري بني

ذكريات لا تنسى

اتذكره لما كان بالعديلية

عوافي على قلوبكم

نصيييييييييييب دانه ترجعون عشان تروح وياكم

الله يخليهم لك كلهم يارب

متابعينك اكيد ،،،،،،،،،،

|القحطاني|, توبليرون, ليمونه حزينه و 1 آخرون معجبون بهذا.

مجدي · 15-02-2016, 03:22 PM

الله يقطع شرك يا ام حسين
كنت مفكر راحت عليكي السفرة
لكن شكلكم مصرين وما في تراجع

بانتظار مغامراتكم في البحرين ...

sent from Galaxy Note 5 using Tabatalk

توبليرون و نانا ابو عابد معجبون بهذا.

Deena · 15-02-2016, 03:41 PM

قلبي كان حاسس انك حتروحي

بانتظار المغامرات البحرينية

توبليرون و نانا ابو عابد معجبون بهذا.

المواضيع المتشابهه
الموضوع	كاتب الموضوع	المنتدى	مشاركات	آخر مشاركة
فندق كمبنسكي البحرين ـ وحالياً فندق ويستن البحرين	Bu Rashid	بوابة البحرين	28	14-08-2019 09:21 PM
دليل فنادق البحرين و شقق البحرين رقم الهاتف و الايميل	عامر	بوابة البحرين	23	06-10-2018 12:55 AM
هنا البحرين	fanda	بوابة البحرين	56	23-01-2017 01:27 PM
ميس واهل البحرين	q8ya metnaqla	بوابة الكويت	24	06-07-2015 12:38 AM
كل شخص زار البحرين يدخل	Fahad Mandi	بوابة البحرين	26	20-03-2015 01:27 PM