البحرين ...رحت وإلا ما رحت ؟؟

توبليرون · 22-02-2016, 12:28 AM

العرب المسافرون
سامحونا تأخرنا عليكم

البحرين

الحين برجع معاكم قبل لا يعطونا الشقة
وعقب ماحجزنا بالفندق وقالو التشيك ان في الساعة 2 الظهر
واحنا الساعة 11.....توو الناس
بعد ما ريحنا شوي وغسلنا تكرمون بالحمامات في اللوبي
طلعنا ورحنا السيف

تمشينا شوية
وننتظر حسين راح يحجز بفندقنا
بعد ما عمل تشيك اوت من فندقه اللي سكن فيه البارحة

من أكشاك السيف عجبني هذا بس مسكرين مادري ليش

وهذه الفترينة عجبتني

بعض المحلات بالسوق

بس هذا اللي شريناه رواية ساق البامبوو حق دانة

وهني طلعنا بعد ما يالنا حسين
نبي نروح مطعم قيلا ماماز

ورحنا ورا حسين قام يدله عدل بعد ما دليته له انا اول مرة باخر سفرة

المطعم في منطقة سار
تلاقون موقعهم في غوغل ما يضيع

اشارة السيف

سيارة حسين جدامنا
ركبت معاهم دانة

السلماوي حسين والشعار الكبير كان لتشيلسي الانجليزي

الى سار

دووم عالي يارب

الحين بكل الدول اللوحات البنية مكان سياحي

وهني لمجمع سار

هذا اعتقد المجمع
او سوبر ماركت

وأخيراا وصلنا للأشارة

وصلنا سفطنا السيارات ونزلنا

هناك الساعة 12,42

اصور وانا امشي والبنات اسبقوني

الحديقة والمواقف

المدخل

بنتي تسألهم وتقول يمه تعالي خلي التصوير شوي

والا اللي على الباب قالت لنا مافي طاولة كبيرة انتظروا للساعة 3

قلت لها مو من صجك
والا نقول لها عادي طاولات متفرقة
قالت خل اشوف

وهني ننطر

شايفين مو كبيرة الحديقة بس هذا الممر وانا اصور من عند المدخل للمطعم

والا يجي عامل ثاني قال حياكم وودانا بالغرفة اللي على اليمين
وفي كذا طاولة فاضين ومكان كبير
قلنا له خلاص حط لنا الطاولات مع بعض

وهذه طاولتنا جهزوها

وهني بدينا نقعد وما شاءالله بسرعة عطونا الأيباد علشان نختار

ما مدانا نقعد كل الأدوات حطوها ما شاءالله
خدمة سريعة
تدرون الوقت هني جم صار 12,48 دقيقة

قعدت اصور الديكورات
هذه الطاولة اللي على يمينا
قعدوا فيها عايلة هندية من 3 اشخاص...... وبنفس الغرفة بعد اقعدوا عايلة كويتية كبيرة ثانية

الديكور ورا حسين

وما شاءالله الشيف رؤيا الصالح تفتر على الطاولات وتعطينا اقتراحاتها
والعاملة معاها تسجل طلباتنا وتقريبا كل قسم وغرفة لها كذا عامل
ما شاءالله قلت لها بصورج
قالت لحظة بفل شعري وطلعيني حلوووة
تهبل ما شاءالله عليها
افترت على كل الطاولات

ابوحسين طلب صيادية هامور

وانا قعدت تقنعني بالحمام العربي نوع من الأسماك
قلت لها لا ما اقدر عل السمج

طلبت ؟؟؟ بعدين شوفوه

الأيباد والشرح والحيرة شنو ينقون العيال وامهم
ودنا بكل شي ههههه

وهني بعد ما انتهت من عندنا راحت للعايلة الثانية

وهذه ضيافتهم تمر وقهوة اوووف روووعة
ويابت بعد هردة اووووه ادوخ انا

وهني بصور علم الكويت لما كانت عند العايلة الهندية

محاولة فاشلة

وهني قالت لي بنتي يمه العلم من ذاك الصوب
قالت لي عاد الشيف رؤيا
ها ماتبون علم البحرين
قلت لها لا علم البحرين على راسي
استانست ياحلوها

وصورتها تمام الحين

ان شاءالله بهالصورتين كل اعلامكم اطلعت

المهم وصل الأكل
وكانت المقبلات ..(( الستارتر )) على قولة رؤيا باختيارها
مضروبة وفتة بيديان

سألتني اكلتي مضروبة قلت رووعه
قالت لي حطي عليها الكمون والليمون بتطلع انطع
واااو صج لذيذة

سألتها قلت لها المضروبة مو يريش ؟؟
قالت لا اليريش غير والمضروبة غير

سألت الوالدة بعد ما رجعنا قالت لي المضروبة من العيش ( الرز ) المطحون

نشوف المضروبة والفتة

الفتة من سنابات البنات

وهذه يا جماعة تذويق ما طلبناه بس قالت ذوقوه
لذييذ طلبته دانه
بس الظاهر نسو يسجلونه

صج لذيييذ
ربيان على ماش

فلفل معبوج وروب

ما أخلي شي ما أصوره سامحونا ههههه

بس حلووة وحبيت تشوفونها

شوفو الباسورد للواي فاي

طبعااا اشتغلت سنابات العيال

وصوووول طبقي أووزي ...... احنا نسميه قوزي

يا جمااااااااعة مو طبعييييييي ايننن ايننن

كلمتها المشهورة

كيفي طبقي بصوره وايد

دينااااا صور الأكل اهداء لج

طبقي من تصوير البنات

بس كنت حاسة في شي ناقصني

غير فلفل بوديج ......بداله المعبوج

طلب البنات 2 طاجن الدياي

صيادية الهامور لابوحسين

قصتنا حصلنا زفة بس صورتها مرة ثانية

وأنا اكل احس ان في شي ناقص ...... محد يعرفه اكثر من الكويتين
مع ان الأكل لذيذ
بس في شي ناقص

وهني مرت علينا مرة ثانية الشيف رؤيا
وفالت لي عجبج قلت لها تمام بس حست ان في شي
قالت صبر خل اييب لج دقوس طماط انتو الكويتين ما تستغنون عنه

وهذا اهووووو اينن اينن ذكرني بدقوس الوالدة

لذيذ لذاااذة
صدقوني طلبوه مع العيوووش

والبنات بعد عجبهم

لوغو المنطقة المرخ

وهذا طبق حسين سمك بالطجينة يمكن وعيش شبنت

طاجن واحد ثاني
البنات من كبر الصحن تشاركوو كل ثنتين بواحد

وطبعا بعد شاركوني تذوقووا مني

البنات 3 طلبوا عصير منيرة ودانة طلبت عصير ليمون
وبوحسين اعتقد شرب لبن

وانا ماي

وهذا العصير اسمه (( منيرة )) ....وقبل اسبوعين سوت عصير رمان سمته عصير (( علاوي))
وبتزوجه منيرة

نكمل

حلى ابوحسين ودانه بطبقين محلبية

وبعد بالسناب

المناديل المبللة

هني اخذوا راينا بالمطعم جاوبت عليه غنومة

طلبنا الفاتورة والحساب على البابا بوحسين

وصلت بهالمطبق الصغير

وهني بعد ما راحوا تذكرت انها ما يابت لي اللي طلبته

البيز والصدرية للمطبخ شريتهم ب 5 دنانير بحريني طبعا شريتها

ترى الجياس احتفظ فيهم بس جذيه احبهم خخخخخخ

منو مثلي يحب يجمع الأجياس

بعدها سيداااا للفندق ونووم وهذا من الطريج

من هذه الأشارة ناخذ يسار وبعدها يسار ونلاقي الفندق

وانتظرونا بعد ما نصحى وين نروح

وأسفين على الاطالة

المواضيع المتشابهه
الموضوع	كاتب الموضوع	المنتدى	مشاركات	آخر مشاركة
فندق كمبنسكي البحرين ـ وحالياً فندق ويستن البحرين	Bu Rashid	بوابة البحرين	28	14-08-2019 09:21 PM
دليل فنادق البحرين و شقق البحرين رقم الهاتف و الايميل	عامر	بوابة البحرين	23	06-10-2018 12:55 AM
هنا البحرين	fanda	بوابة البحرين	56	23-01-2017 01:27 PM
ميس واهل البحرين	q8ya metnaqla	بوابة الكويت	24	06-07-2015 12:38 AM
كل شخص زار البحرين يدخل	Fahad Mandi	بوابة البحرين	26	20-03-2015 01:27 PM