باريس - و خمسة ايام شتوية

ابو عبدالله · 28-02-2016, 11:03 PM

اهلا بكم ...
الى الان لازلنا في ديزني ودرجة الحرارة كانت تقريبا 4 درجات مع هبات بارده تهوي بالحرارة وكنها تقول :هاه تطلعون .. بس لازلنا صامدين ...

حبينا نخلي ديزني اول الايام الفعليه بباريس عشان مايتعلقون العيال بالانتظار ومايقدرون يستمتعون بباريس ...وعشان نروح قبل الويكند وقبل

اجازة بريطانيا اللي تقريبا بدأت ... وطبعا معروف قرب فرنسا من بريطانيا ووسائل النقل بينهم متوفر وسريعه.
يوم طلعنا من القارب رحنا للقطار وكان مزحوم شوي نسبة لباقي الالعاب ..

وبما ان حرب داحس والغبراء قائمه على اشدها بيننا وبين الجو المتقلب بين المطر والهواء ... قلنا ناخذ بريك ناكل شي ونجدد النشاط ... فرحنا

لاقرب مطعم (دافي)

واخذنا فيش اند شيبس ( موب شيبس اند فيش انتبهوا ) وبرقر ... وكان المطعم خفيف ولقينا جلسة على طول وكان الوقت تقريبا على الساعه

وحده الظهر تقريبا ...

يوم جينا نطلع والا الزحمه واصلة الباب والناس شايلين اكلهم ينظرون طاولات تفضى لان الجو برا مطر وبرد ..

بس اجمالا مع اللبس وجاكيتات المطر الجو كان مقبول ..

دخلنا لعبه جديده ...

وطلعنا ...

الجلسات الخارجيه وبعض الكافيهات مغلقه ..

هذا يتحرك تراه ...

كل مكان ياخذ طابعه ... زي هنا قرية علاء الدين ومشغلين اغاني عربية وطابع شرقي ..

يعني انا اشوف لو احد كبير بالسن او كبيرة بالسن وما يحبون يلعبون مثلا ( مع ان فيه بعض الاشياء احس مناسبة حتى للشياب ) ممكن يتمشى

بالمكان بدون مايلعب وانا متأكد انه بيبسط ...

العاب ... محلات ... ومطاعم .. وكافيهات ... كل الاسرة تنبسط

طبعا الاماكن المغلقة دافيه ...

هنا في داخل احد المتاجر ...

وقفنا هنا ... وصلينا الظهر والعصر ...

تحسونها حفلة تنكرية مع جاكيتات المطر ...صافين عشان يصورون مع شخصية ...

..ولدي مدرسينهم بعض اثار الرومان في المدرسة ومبلشنا عند جدارنا عندنا كل ما مريناه قعد يشرح لنا عنه ... وحاطين اثار دراقون بمدرستهم

يقولون ان الدراقون جاي للمدرسة بالليل ويلا ندور البيض حقه ... المهم يوم شاف الصورة هذي حرن عندها وجلس يبي يحلل الوضع

شخصية ثانية صافين الناس عليها سرا للتصوير ...

مدري اللعبة هذي صيانة او جديده ..

لعبة جاك سباروا رهيبه مرا ... يوم طلعنا قالوا العيال بنعيدها ... وفعلا رحنا ودخلنا ثانية ...

احيانا ظلام ماتشوف يدك ..

اخر النهار صار الوقت يمشي سريع وباقي كم مكان مادخلناهم ..

مسارات الطابور .. تخبر عن كارثة بالصيف

اعتقد على هيئة قرية كاوبوي ...

دخلنا لعبه بس ماصورت عندها ....
هنا اكون اعتقتكم من ديزني ... ديزني ما تحتاج من يمدحها بس فعلا خيار مناسب لكل افراد العائلة .. بوقت روحتنا كان الجو برد ومطر .. وكان

وقت دوامات .. استفدنا ولعبنا كثير وشفنا كثير .. والحمد لله بدون تعب او منغصات ... طبعا البرد والمطر كنا مستعدين ولابسين كويس ..العامل

في الكشك تسبب في اننا طلعنا بدري وفاتنا عرض يقولون انه الساعه 10 بالليل ... مع اني احس اني ما فرطت لاني سئلت احد يشتغل .. بس

يالله الحمد لله ...ولعله في قادم الايام نجي لها جيه اجمل ...
فيه تطبيق للجوال اسمه Disneyland Paris جميل جدا يعطيك خريطة بالمكان والالعاب ووقت الانتظار فيه واشياء اخرى .. اكتشفوه بنفسكم .. طلعنا من ديزني لاند وعلى الشقه لان يومنا انتهى هنا واحنا من اهل نم بدري واصحى بدري ... تصبحون على اجمل ماتتمنون .. كونوا بخير ... والقاكم في الجزء القادم

فيصل, توبليرون, Prince Kytu و 4 آخرون معجبون بهذا.

المواضيع المتشابهه
الموضوع	كاتب الموضوع	المنتدى	مشاركات	آخر مشاركة
انطاليا ... رحلة خمسة ايام رائعه	بن زامل	بوابة تركيا	68	03-05-2024 02:22 PM
السفر براا لمدة خمسة ايام لدبي في الفترة 14/11 - 21/11 /1436هـ	الباشا 1883	بوابة الامارات	2	15-09-2015 05:57 PM