47الاعجاب
| |
23-02-2016, 11:01 PM
| #1 | ||
| مراقبة العرب المسافرون   تاريخ التسجيل : Dec 2014 رقم العضوية : 73 الدولة : وطن النهار الجنس : انثى المشاركات : 17,482
|  مدينة بـــاث سبــا و Hot Airballoon
بسم الله الرحمن الرحيم العــــرب المســـــــافرون - بــريطــــــانيــــــا السلام عليكم ورحمه الله وبركاته ان شاءالله راح ابتدي معاكم بتقارير مفصله عن مدن واماكن زرتها خلال دراستي في بريطانيا وخلال فترات متفرقه من غير دراسه .. اول تقرير راح يكون عن مدينــــه بـــــاث سبــــا  واللي تبعد عن منطقتي 1 تقريبا من كارديف ومن لندن 1:30 وتكون غرب جنوب لندن .. نبذه صغيره عن بـــــاث  انعرفت بــــاث في عمرانها المميز وتراثها التاريخي اللي جذب السواح من كل مكان وتتميز بالشي الاهم وهي االينابيع الرومانية الساخنه وتساعد على علاج المرضى اللي يعانون من آلام العظام وبعد فيها نهر ايفان ..  وهي تمزج بين تاريخ انجلترا و والعصور الرومانية ، ومثل ماقلت لكم تمتاز بالينابيع الساخنه اللي اكتشفها الرومان قبل 2000 عام لتكون مقصد لمحبي السبا والراحه .. وهذيل بعض الصور للحمامات او الينابيع الساخنه ..   انخلص من الينابيع ونروح الحديقه نجهز للمنطاد شرايكم ونعرف بعض المعلومات عنها ..  وهذيل صور للحديقة وبعض شركات الهوت ايربالون  الصور اليايه لإخواني الاسبان هههههه  بالضبط نفس الاسباني لما يلعب مع عياله  مو تزعلون يالاسبان هذا الصج ..   بدوا يجهزون       وهذا منطادنا يجهزونه الكابتن والقروب الي معانا  خل اقولكم الفرق بين بريطانيا وامريكا بما اني جربت الاثنين : - تبع امريكا السلات وايد صغيره وعادي عنده يشيل حموله - السله مافيها فاصل بينه وبين الكابتن والراكبين ولافي حاجز تحت النار (امريكا ) عكس بريطانيا اللي فيه فاصل وحاجز . - والاهم امريكا ماعلمنا طريقة الامان قبل ما نطير ووقت ماننزل عكس بريطانيا اللي علمونا شلون نقعد ومتى نقوم وكل شي انجليييز يبا انجلييييز .. - ويعطونا شهاده بعد ماننزل ونحتفل .. طبعا وقت الطيران اما وقت الشروق او الغروب انا اخترت الغروب لاني بأمريكا جربة الشروق .. والحين رايحين سلتنا وفيها فتحه عشان نقدر نصعد وندخل داخلها ..  اول مانركب السله نقعد على كرسي ونكون مقسمين كل سكشن فيه 3 اشخاص والسلة تشيل 12 ومع الكابتن 13 من يتعدل المنطاد ويمشي عدل يقولنا الكابتن تقدرون تقومون وتشوفون تحتكم وهذي صوره اول ما قمت بـــــاث من فــــوق  مثل ما انتوا شايفين نهر ايفان مبين من فوق والحمامات الرومانية المتيمعين .. ولمحبي العماره الهندسيه الانجليزية القديمه فأكيد احسن شي تشوفون الهلال الملكي وهو مجموعه معمارية من الطراز الجورجي اللي تحتضنها انجلترا ومحمية من اليونسكو والحكومه ،، تشوفون شكله عباره عن 30 مزل على شكل هلال تعتمد واجهه وحدهومماثله في المقدمه بس من الخلف كل منزل مصمم بطراز مختلف. وتم بناء الهلال الملكي على يد المهندس جون وود بين عامي 1767 و 1774.  وشكلهم من بعيد واحنا في المنطاد            الطبيعــــه اتيـنن سبحان الله وهذي السله السنعه       ياحلو وقت الغــــروب   في الظلِّ عيونٌ تبكي من غيرِ دموعْ . و عيونٌ تبكي بدموعِ تماسيحْ و عيونٌ تترقبُ قمراً لا يأتي و عيونٌ تُسدلُ أهدابَ الرِّيحْ . في الظل عيونٌ و عيونْ سأظلُّ أُفَتِّشُ فيها عن عينٍ ليْ    احلى من هالطلة مافي  مشيت دروبنا خطاوي قلوبنا .. ومريت الوعد وعدنا العام     عقب مانزلنا في احتفال صغير وهذا كان من نصيبنا  بعد 45 دقيقه طيران في الاجواء الحلوه واحتفالنا بالهبوط بسلام بدينا نشيل الاغراض وننطر الجيبات تيي تاخذنا عشنا نرد الحديقه اللي طرنا منها .. وركبنا الجيبات وردينا الحديقه وننطر تاكسي ياخذنا يودينا المحطة عشان رفيجتي تروح لندن وانا ارجع كارديف .. المهم وصلنا المحطة متأخر ولا الصدمه مافي قطارات واخر واحد ماشي من نص ساعه يعني لازم نبات في باث طبعا احنا شنو وشلون وكل وحده تشوف الثانية قولوا غير هالحجي ما نقدر نبات لازم نرجع والله مافيه امل .. ونوقف عند المحطة شنسوي وموعارفين فنادقهم .. والله اذكر عايلة سعوديه شافونا لزموا الا نبات عندهم والله ماقصروا قلنا لا بنروح اقرب فندق ويزاكم الله خير واحنا بنطلع من المحطة بعد صادفنا طالب كويتي ويزاه الله خير قال انتوا روحوا الشقه وانا اخذ فندق وهم تم الرفض ورحنا على اقرب فندق مجابل المحطة .. وهذا فندقنا بتنا فيه ليله واول الصبح على اول قطار رفيجتي راحت لندن وانا خذيت لفه صغيره وبعدها على كارديف.. فندقنا رويال هوتيل 3 ستار http://www.booking.com/hotel/gb/royalhotelbath.en-gb.html?aid=304142;label=gen173nr-1FCAEoggJCAlhYSDNiBW5vcmVmaH6IAQGYAQG4AQbIAQ7YAQHo AQH4AQuoAgM;sid=8ef7ceeca1bf70d4c95782dd449b877a;d cid=12;no_rooms=1;req_adults=2;req_children=0&;che ckin=2016-02-28;checkout=2016-02-29;atlas_src=hp_iw_title والله كان حلو وكويس وموقعه ممتاز بس كنا يواعه وكل شي كان مسكر يعني نمنا واحنا ميتين من اليوع الصبح خذيت لفه على كنيسة باث والحمامات بس ما صورتهم حطيتهم لكم اول الموضوع من النت .. وهذي الكنيسة  انا ادخل الكنيسه لقافه واحب اشوف زخرفتهم من داخل ..     ولا هالجو اينن    والى هنا انتهي معاكم في بــاث ونطروني في مدن بريطـــانية يـــاية
| ||
|  |
|
24-02-2016, 12:33 AM
| #2 |
| مميز المملكة المتحدة  تاريخ التسجيل : Jan 2015 رقم العضوية : 1299 الجنس : ذكر المشاركات : 454 | 
الله يعطيكي العافيه ايه نبي تقارير عن مدن جديده  شكلها مدينه هادئه وحبيت المناطيد نفسي من زمان اركب واحد ولازم في بريطانيا المناظر جدا جميله وتصوير اجمل شكرا لك
|
| |
|
24-02-2016, 07:04 PM
| #3 | ||
| مراقبة العرب المسافرون تاريخ التسجيل : Dec 2014 رقم العضوية : 73 الدولة : وطن النهار الجنس : انثى المشاركات : 17,482
|
الله يعافيك مهند ان شاءالله يايتكم التقارير اي نعم هاديه وحلوه ومافيها زحمه ان شاءالله زيارتك اليايه خل المنطاد نصيب شكرًا من ذوقك [emoji253] العرب المسافرون
| ||
|
| |
|
24-02-2016, 04:45 AM
| #5 |
| مجلس الإدارة  تاريخ التسجيل : Dec 2014 رقم العضوية : 16 الدولة : فضاء العرب المسافرون الجنس : ذكر المشاركات : 31,651 |
|
|
| |
|
24-02-2016, 07:07 PM
| #6 | ||
| مراقبة العرب المسافرون تاريخ التسجيل : Dec 2014 رقم العضوية : 73 الدولة : وطن النهار الجنس : انثى المشاركات : 17,482
|
ههههههه بعد معروف الإسباني [emoji23][emoji23] اي والله حبيت المنطاد اكثر من تجربة امريكا المدينة صغيره وهاديه حلوه للي يبي الهدوء ان شاءالله يايتكم [emoji1305] العرب المسافرون
| ||
|
| |
|
24-02-2016, 07:06 AM
| #9 | ||
| مجلس الإدارة  تاريخ التسجيل : Dec 2014 رقم العضوية : 26 الدولة : حبي الكويت الجنس : انثى المشاركات : 25,931
|
| ||
|
| |
|
24-02-2016, 07:14 PM
| #10 | ||
| مراقبة العرب المسافرون تاريخ التسجيل : Dec 2014 رقم العضوية : 73 الدولة : وطن النهار الجنس : انثى المشاركات : 17,482
|
منور تقريري فيج ام حسين ههههه هل كيف الله يسلمج اهل الروماتيزم والخ هالماي زين لهم [emoji1305] اي عادي يصير مايوه إسلامي والله التجربه وايد حلوه ام حسين لازم اتجربونها اي يبيلها مبيت ان شاءالله [emoji253] العرب المسافرون
| ||
|
| |
 |
العرض المتطور
| |
المواضيع المتشابهه | ||||
| الموضوع | كاتب الموضوع | المنتدى | مشاركات | آخر مشاركة |
| مدينة ملبورن بالصورو المعلومات ثاني أكبر مدينة في استراليا أفضل مكان للعيش في العالم | عامر | بوابة استراليا ونيوزلندا | 15 | 19-12-2018 06:54 PM |
| أستفسار عن مدينة طابا | نبض المسافر | بوابة مصر | 3 | 03-04-2015 07:05 PM |
| مدينة يايتسه Jajce | أبوعبدالله (الاسفار ) | بوابة البوسنة | 5 | 19-03-2015 04:55 AM |
Powered by vBulletin® Copyright ©2000 - 2025, Jelsoft Enterprises Ltd.
Search Engine Friendly URLs by vBSEO
Search Engine Friendly URLs by vBSEO
